dainikonlinenews

गोपाल रेग्मी
रुकुम, साउन ३१– बाह्र लाख रुपैयासहित श्रीमती अर्कैसंग फरार भएपछि रुकुमको विजयश्वरी गाविस वडा नं ४ नाखिराका धनिराम गिरी अहिले तनावमा रहेका छन् ।

वालवच्चाको उज्वल भविष्य बनाउने सपना बोकेर वैदेशिक रोजगारीको शिलसिलामा कतार पुगेका उनी अहिले श्रीमती सम्पत्तीसमेत लिएर अर्कैसँग हिँडेपछि तनावमा परेका हुन् । दम्पत्तीबीच सहमतिमै गिरी कतार गएपनि त्यसको वर्ष दिन पुग्न नपाउदै श्रीमती चन्द्रकला ५ वर्षे छोरा र ६ वर्षकी छोरी लाई मध्यराती घरमा सुतेको अवस्थामा छाडेर अर्कैसँग भागेको छिमेकीले वताएका छन् । आमा अर्कैसंग विहे गरेर गएपछि अलपत्र परेका वालवच्चा मामली घरमा वस्दै आएका छन् । १२ वर्ष पहिले विहे गरेका धनिरामले खच्चड विक्रि गरेको नगद जिन्सी र हाल सम्म कमाएको जम्मा १२ लाख रुपैया लिएर उनी भागेको बताइएको छ । कतारमा सेक्युरीटी गार्डमा काम गर्ने गिरी घरमा आउन चाहेको भएपनि कम्पनिले २ वर्ष नपुगे सम्म जान नदिने भएपछि झन् चिन्तित वनेका छन् । चन्द्रकला भागेर गएको केटाको नाम र ठेगाना खुल्न सकेको छैन ।
www.ratopati.com

२०७२ साउन ३१ गते १३:५२

बलिउडका चर्चित नायक सैफ अली खान आज आफ्नो ४५ औं जन्मदिन मनाउँदैछन् । सैफले पत्नी करिनासँग जन्मदिन मनाउँदैछन् । सैफ अली खान आफ्नो चलचित्र करिअरसँगै विहे प्रसंगले पनि चर्चामा छन् । उनले नायिका अमृता सिंहसँग बिहे गरे ।

आफू भन्दा १२ बर्ष जेठी अमृताबाट २ सन्तान पनि भयो । तर, सैफले उनीसँग सन् २००४ मा सम्बन्ध बिच्छेद गरेका थिए । यसपछि सैफ बलिउडकी सुन्दरी करिना कपुरसँग रिलेशनमा रहे । उनीहरुले सन् २०१२ मा बिहे गरे । रमाइलो कुरा त के छ भने सैफले पहिलो बिहे आफू भन्दा १२ बर्ष जेठी नायिकासँग गरे भने दोश्रो बिहे आफू भन्दा १० बर्ष कान्छी नायिकासँग गरे ।
सैफ अली खानले सन् १९९२ मा चलचित्र ‘परम्परा’बाट बलिउडमा आफ्नो पाइला राखेका थिए । चलचित्र ‘आशिक आवार’ले उनलाई सन् १९९३ मा फिल्मफेयर अवार्डमा उत्कृष्ट नायकको अवार्ड दिलायो । निर्देशक फरहान अख्तरको चलचित्र ‘दिल चाहता हे’बाट सैफको करिअरमा नयाँ फड्को आएको थियो । ३ साथीको कथावस्तुमा बनेको यो चलचित्रले खुबै चर्चा पायो ।
उनलाई चलचित्र ‘हम तुम’ले सोलो नायकमा पनि सैफ हिट हुन सक्छन् भन्ने चर्चा दियो । यही चलचित्रबाट उनले फेरि ‘फिल्म फेयर’ अवार्ड प्राप्त गरे ।

भिडियो हेर्न तलको बाकस थिच्नुहोस

३१ साउन, काठमाडौं।
पण्डित दीनबन्धु पोखरेलको बाबुरामलाई प्रश्न, ‘आफैं पूजा गर्नेले मेरो बुबाको किन हत्या गर्नुभयो त अंकल ?
यस बारेमा थप जानकारीका लागि तलको भिडियो हेर्नुहोला !
भिडियो हेरी सकेपछि कस्तो लाग्छ अवश्य पनि तपाईको अमुल्य राय, सुझाव, प्रतिक्रिया ( कमेन्ट ) दिन नभुल्नुहोला !

‘क्रान्तिकारी कमरेड’ बाबुराम भट्टराई प्रखर विद्वान नेता हुनुहुन्छ । मेरो बुबाको साथी पनि हो । उहाँलाई म अंकल नै भनेर सम्बोधन गर्छु ।
मैले सुनें उहाँले आफ्ना बुबाको ८४ मा पूजापाठ गर्नुभयो रे । मेरो बुबा पण्डित नारायण पोखरेल उहाँहरुकै जनयुद्ध नामको हिंसात्मक आन्दोलनमा मारिनुभयो । के कारणले उहाँको अवशान गराउनुभयो त्यसको जवाफ प्रचण्ड–बाबुराम र सरकार पक्षले अझै दिएको छैन ।
हत्यामा संलग्नमाथि कारबाही वा उनीहरुले दुःख पाउन भन्ने मनसाय मेरो छैन । तर मेरो बुबाको हत्या के कारणले गरिएको थियो, त्यसको चित्तबुझ्दो जवाफ हामीलाई चाहिन्छ । शान्तिले संसार जित्छ र हिंसाले हार्छ भन्ने मान्यता मेरो हो । मेरो बुबाको सन्देश पनि त्यही थियो ।
मेरो बुबा आत्यत्मिक ज्ञानको प्रचारक मात्र होइन । सामाजिक अभियन्ता हुनुहुनथ्यो । उहाँ माओवादीविरोधी वा सरकार पक्षको मान्ने हुनुहुन्थेन । तर पनि उहाँको दुःखद अवशान गराइयो ।
मलाई के लाग्छ र सबैलाई लागेको कुरा पनि के हो भने मेरो बुबाको अवशानको एक मात्र कारण थियो, हिन्दू धर्मप्रतिको आस्था र विश्वास । त्यही आस्था र विश्वासका कारण उहाँको अन्त गरिएको हो भन्नेमा कसैको दुईमत हुँदैन होला भन्ने मेरो दृढ अडान हो । ढिलै भए पनि बाबुराम अंकलको सदबुद्धि आएछ । मैले सुनें उहाँ आफैं जग्गेमा बसेर भगवानको पूजाअर्चना गर्नुभएछ ।
तस्वीरहरुमा पनि मैले त्यो कुरा देखें । त्यसमा खुसी छु । किनकी हत्या र हिंसाको राजनीतिले संसार जित्छु भनेर हिंडेको मान्छे आज ईश्वरको शरणमा आएको छ ।
बाबुरामले यो उमेरमा आएर बुझ्नुभएछ कि संसार युद्ध र हिंसाले होइन, शान्ति र सदबुद्धिले जितिन्छ भन्ने । अरुले भन्लान उहाँ बिग्रनु भयो । आध्यात्मववादको कट्टर आलोचक र भौतिकवादका पूजारी बाबुराममा वैचारिक स्खलन आयो । तर म त्यसो कपादि भन्दिन । मत के भन्छु भने उहाँमा बल्ल वैचारिक सद्बुद्धि आएछ, बल्ल उहाँले मानव जीवनको मर्म बुझ्नु भएछ ।
मानिसले जवानीमा जे सुकै गरोस् जीवनको अन्तिम क्षणमा पुग्ने भनेको ईश्वरकै शरणमा हो । मलाई विश्वास छ अन्ततोगत्वा बाबुराम मात्र होइन, प्रचण्ड, मोहन वैद्य, बादल, विप्लव सबै इश्वरप्रति समर्पित नै हुनेछन् ।
विज्ञानका महान आविष्कारक अल्बर्ट आइन्सटाइनजस्ता व्यक्तिमा गीता पढेपछि आध्यात्मवादतर्फ आकर्षित हुनुभएको थियो । जीवनभर भगवानलाई गाली गर्दै हिंड्ने महाकवि देवकोटा जीवनको उत्तराद्र्धमा पशुपतिनाथको शरणमा गएको त सबैलाई थाहै भएको कुरा हो ।
अन्तिममा वैचारिक रुपमा फेरिएका मेरो प्रातःपुजनीय बाबुराम अंकललाई १० औंला जोडेर के बिन्ती छ भने अब त कम्तिमा मेरो बुबाको हत्याको कारण प्रष्ट पारिदिनुस् । हिजो पो तपाईँ आफूलाई नास्तिक हुनुमै गर्व गर्नुहुन्थ्यो ।
आज त तपाईं पनि हाम्रो मान्यतामा आइपुग्नुभएको छ । के नारायण पोखरेल तपाईंको साथी होइन ? पूजापाठ गरेर मात्र तपाईंले प्रायस्चित गरेको म ठान्दिन्
। यदि तपाईंले साँच्चै प्रायश्चित गर्ने हो भने तपाईंसँग क ख रा पढेको साथीको तपाईंकै अगुवाईमा भएको हिंसात्मक आन्दोलनमा अनाहकमा ज्यान गएको विषयमा सार्वजनिक रुपमा बोल्नुस् ।
तपाईं र प्रचण्डले नयाँबजारमा मलाई बोलाएर हामी सरकारमा गएपछि त्यसको सत्यतथ्य छानबिन गर्छौं भन्नु भएको थियो । त्यसपछि प्रचण्ड र तपाईं दुवैजना प्रधानमन्त्री बन्नुभयो । तर नारायण गुरुको अवशानको विषयमा किन छानबिन गर्नुभएन ? भिडियो हेर्न तलको बाकस थिच्नुहोस

नेपालगञ्ज ,साउन ३१ । तराई दोहोरो बन्दको मारमा परेको छ । पाँच दिनदेखि लगातार थारुहरुको बन्द भोग्दै आएको तराईमा आजदेखि फेरि संयुक्त लोकतान्त्रिक मधेशी मोर्चा र मोहन बैद्य नेतृत्वको नेकपा माओवादीको बन्द थपिंदा बाँकेसहित यस क्षेत्रको जनजीवन थप कष्टकर र अस्तव्यस्त बनेको छ ।

गत बुधबारदेखि थरुहट प्रदेशको माग गर्दै थारुहरुले गरेको बन्दका कारण सुचारु हुन नसकेका बाँकेका विद्यालयहरु आजदेखि सञ्चालन हुन दिने भनिएपनि बन्दकै बीच अर्को बन्द थपिंदा पठनपाठन आज पनि हुन सकेन । बिद्यार्थीको पठन पाठनलाई मध्यनजर गर्दै थरुहटले आजबाट बाँकेका सबै शिक्षण संस्था खोल्न आह्वान गरेको थियो । थरुहट संयुक्त संघर्ष समिति बाँकेका संयोजक चन्द्रबहादुर चौधरीले विज्ञप्ति मार्फत आह्वान गरेपछि आज बिहानै शिक्षण संस्था सञ्चालनमा आएका थिए । तर, खुलेको आधा घण्टामै मधेसी मोर्चाका कार्यकर्ता पुगेर शिक्षण संस्था बन्द गराए । थरुहटले गरेको निर्णय विपरीत मोर्चाले शिक्षण संस्था बन्द गराएपछि बिद्यार्थी र शिक्षकहरु निराश भएर घर फर्किए । खुलेका शिक्षण संस्था अचानक बन्द गराउँदा शिक्षक र बिद्यार्थी यतिबेला अन्योलमा परेका छन् । बन्दमा हुने सक्ने अराजक गतिविधि रोक्न बाँके प्रशासनले सुरक्षा व्यवस्था कडा पारेको जनाएको छ । बिहानैदेखि नेपालगंज र कोहलपुरका चोक चोकमा प्रहरी परिचालन गरिएको छ । यसैबीच बन्दमा पूर्व पश्चिम राजमार्गमा अलपत्र परेका सवारीका साधनलाई प्रहरीले स्कटिङ गरेर विहान नेपालगञ्ज ल्याएको छ । यस्तै अखण्ड मध्यपश्चिम, एकीकृत राप्ती र स्वायत्त कर्णाली माग्दै एक सातादेखि गरिएका बन्दले सुर्खेत, कर्णाली, जाजरकोट, दैलेख, सल्यान, रुकुम आज पनि ठप्प छन् । निरन्तरको बन्दले ती क्षेत्रमा दैनिक उपभोग्य बस्तुको हाहाकार हुन थालको छ ् । बन्दले दैनिक करोडौंको कारोबार प्रभावित भएको छ । सबैभन्दा बढी मार यातायात क्षेत्रमा परेको छ । दिनभरी काम गरेर साँझ विहानको छाक जोहो गर्ने मजदुरहरुको विचल्ली नै भएको छ www.etajakhabar.com

Home