dainikonlinenews

महन्थ र महतोबाट अलगअलग पत्रकार सम्मेलन
जनकपुरधाम : संयुक्त लोकतान्त्रिक मधेशी मोर्चाका संलग्न दलहरुबीच मतभेद देखिएको छ। वार्तामा जाने नजाने र संविधान छोड्ने विषयमा विषयमा नेपाल सद्‌भावना पार्टी अध्यक्ष राजेन्द्र महतो र तराई मधेस लोकतान्त्रिक पार्टीका अध्यक्ष महन्थ ठाकूरबाट फरकफरक अभिव्यक्ति आएको छ। महन्थ वार्ताको पक्षमा छन् भने महतो विपक्षमा छन्।

महतो र ठाकूरले बुधबार जनकपुरमा अलगअलग पत्रकार सम्मेलनको आयोजना गरी विभिन्न मुद्दामा फरकफरक अभिव्यक्ति दिएका छन्।तमलोपाका अध्यक्ष ठाकूरले सरकारले औपचारिक रुपमा बोलाए वार्तामा सहभागी हुनसक्ने बताएका छन् भने सद्भावनाका अध्यक्ष राजेन्द्र महतोले अब वार्तामा जानुको कुनै औचित्य नरहेको बताएका छन्।

महतोले मधेशीसँग गरिएको सम्झौता र अन्तरिम संविधानको जगमा संविधान निर्माण नगरिए वर्तमानको आन्दोलन नरोकिने र सरकारसंग कुनै पनि वार्ता नगर्ने चेतावनी दिएका छन् । तमलोपा अध्यक्ष महन्थ ठाकुरले प्रधानमन्त्रील औपचारिक रुपमा पत्र पठाए आफुहरुले वार्तामा जाने विषयमा विचार गर्न सक्ने धारणा राखेका छन्।

ठाकुरले भने, सरकारले मधेशी जनतामाथि गरिराखेको दमन बन्द गरी अन्तरीम संविधानअनुरुप संविधानबनाउने प्रतिबद्धता व्यक्त गरे हामी वार्तामा जाने विषयमा विचार गर्छौ। सद्भावना पार्टीका अध्यक्ष् महतोले संविधान सभाको वर्तमान प्रक्रियाबाट मधेशको अधिकार सुनिश्चित हुने अब कुनै संम्भावना नरहेकोले त्यहाँ मधेशी सभासदहरुले विरोध गर्नुको साटो विद्रोह गर्दै राजीनामा दिनुपर्ने बताएका थिए। महतोले भने, मोर्चाका घटक सबै नेताहरुले संविधान सभाबाट राजिनामा दिए भने २४ घण्टामै आन्दोलन निर्णायक बन्छ ।’

ठाकुरले भने यो महतोको निजी विचार रहेको र संविधान सभाबाट राजिनामा दिने निर्णय समेत उनको पार्टीको मात्र रहेको बताए। ठाकुरले भनेर्, मोर्चामा यस विषयमा कुनै छलफल भएको छैन र अहिलेनै संविधान सभाबाट राजिनामा दिने बेला आएको छैन ।’ तमलोपाका सभासदहरुले संविधान सभा र सडक दुवै ठाउँमा संघर्ष गरिराखेको र राजिनामा दिने बेला आयो भने त्यो निर्णय लिन पनि पछि नहट्ने ठाकुरको भनाइ छ।

महतो र ठाकुरले वर्तमान सरकारले शान्तिपूर्ण आन्दोलनमा दमन गरिराखेको र यसले आन्दोलन अझ बढि सशक्त हुने चेतावनी दिएका छन्। सरकारले मधेशी, थारु, जनजाती सहित उपेक्षितवर्गहरुसंग भएको विगतका सम्झौताहरुलाई कार्यान्वयनमा ल्याउनुको साटो आफ्नो अधिकारका लागि शान्तिपूर्ण संघर्षमा रहेका जनताको आवाजलाई लठ्ठी र गोलीका बलमा दबाउन खोजेको महतोको भनाइ रहेको थियो।

वर्तमान सरकारका गृहमन्त्रीवामदेव गौतमले कैलाली र रौतहटमा भएको घटनाका सन्दर्भमा संसद्मा भ्रमपूर्ण र सद्भावबिग्रिने खालको अभिव्यक्ति दिएर जारी आन्दोलनलाई अझ बढि उग्र बनाउने कार्य गरेको भन्दै नेता महतोले यस्ता मन्त्रीलाई प्रधानमन्त्रीले तुरुन्तै पदच्यूतगरि कार्वाही गर्नुपर्ने बताए ।

मधेशका जिल्लाहरुमा सेना परिचालन गरी जनतालाई दमन गराउन खोज्ने प्रयास अतिनै निन्दनीय रहेको भन्दै महतोले यस्ता क्रियाकलापबाट जनताले यो देश हाम्रो हो वा होइन भन्ने कुरा सोच्न बाध्य हुने बताएका थिए। ठाकुरले पनि सेना परिचालनको निर्णय फिर्ता लिनुपर्ने मात्रै बताए ।
annapurnapost.com

काठमाडौं, ९ भदौ । ‘ए किलो फाइभ, के– रे के– रे ? एकचोटि रिपिट गर त !’ टीकापुरस्थित इलाका प्रहरी कार्यालयअघिल्तिरको गोलघरमा बसेका एसएसपी लक्ष्मण न्यौपानेले यस्तो सोधेपछि इन्स्पेक्टर बलराम विष्ट दोहो¥याएर कराए, ‘च्याप्यो हजुर च्याप्यो, भीडले च्याप्यो, थप मद्दत, थप मद्दत…!’

अस्ति सात गते सोमबार अपराह्न थरुहट संघर्ष समितिका प्रदर्शनकारी र सुरक्षाकर्मीबीच कैलालीको टीकापुरमा झडप हुँदाको वृत्तान्त हो यो । कस्तो दुःखको कुरा भने मद्दत माग्ने र मद्दत दिने दुबै हाकिम एकै ठाउँ बञ्चरो र भालाको आक्रमणबाट मारिए । विचराहरु ‘ऐय्या–आत्थु’ केही भन्नै नपाई रगत पिउने तानाशाही इदी अमिनले मान्छे सोतर पारेकै शैलीमा एकैचिहान भए ।
तीनजना इन्स्पेक्टरको कमाण्डअन्तर्गत तीन फरक फरक नाकामा ड्युटी लगाई इप्रका अगाडि कमाण्ड पोष्ट खडा गरेर बसेका थिए, लक्ष्मण न्यौपाने । प्रदर्शनकारीले निषेधित क्षेत्र नतोडुन् भन्नका लागि भएजतिका फौज ठाउँठाउँमा तैनाथ थिए ।
न्यौपानेसँग अञ्चल गुल्मका इन्स्पेक्टर केशब बोहराको कमाण्डमा थोरै फौज त थियो, तर कमाण्ड पोष्टका रुपमा बसेपछि त्यसकै सुरक्षाका लागि पनि त्यति जनशक्ति चाहिन्थ्यो । धनगढीस्थित जिप्रकाबाट टोली मगाऔं भने १ सय १४ किलोमिटरको दूरी छिचोल्नै दुई घण्टा लाग्ने ।
भीडले च्यापेर अर्को इन्स्पेक्टरलाई अप्ठेरै पारेपछि सँगै बसेका सशस्त्र एसपी लक्ष्मणबहादुर सिंहसँग उनकै गाडी चढेर टिकापुरको पश्चिमी नाकामा तैनाथ इन्स्पेक्टर बलराम भएतिर पुगे ।
उत्तरतिर तैनाथ किलो वन थ्री कलसाइन भएका इन्स्पेक्टर जगन्नाथ खनाल र उत्तर–दक्षिणतिरका किलो वन टु कलका एकीन्द्र खड्काको टोलीलाई पश्चिमतिर सामेल हुन आदेश दिए ।
अघि–अघि न्यौपाने पछि–पछि फौज दौडियो । भीडले सुरक्षाकर्मीलाई च्याप्यो भनिएको पश्चिमी नाकामा एसएसपीको टोली पुग्दा प्रदर्शनकारी पूर्व फर्किएका थिए । न्यौपाने पश्चिम फर्किएर प्रदर्शनकारी अगुवा (फोरम सभासद्) रामजनम चौधरीसँग भन्दै थिए, ‘यस्तो गरिदिन भएन हजुर !’ भन्दाभन्दै पछाडिबाट पिठ्युँमा बञ्चरो र भाला प्रहार भयो । उनी भुक्लुक्क ढले । उनलाई छोप्न खोज्दै थिए, इन्स्पेक्टर केशव बोहरा र बलराम विष्टले ।
तर, उनीहरु पनि बञ्चरोकै प्रहारमा ढालिए । प्रहरीहरु ढालिँदा सशस्त्र प्रहरीले थप मद्दत दिन्छ भन्ने न्यौपानेको आशा थियो । तर, जब भीडले प्रहरी टोलीलाई च्याप्न थाल्यो, न्यौपानेलाई त्यहाँबाट छाडेर सशस्त्र एसपी लक्ष्मण सिंह घटनास्थलबाट बाहिरिए ।
उनले थरुहट अगुवा रमेश चौधरीलाई साथमा लिएर गए । प्रहरी कमाण्डहरुहरु ढलेसँगै प्रदर्शनकारीले एसएसपीका बडीगार्डसँग रहेको अत्याधुनिक एसएलआर राइफल खोसे । एसएलआर नियन्त्रणमा लिएपछि भिड लम्कियो नजिकै साउद परिवारको घरतिर ।
सशस्त्रका जागिर खाने त्यो परिवारका वरिष्ठ हवल्दार ललित साउद प्रदर्शनकारीको पहिलो निशाना बने । उनीहरु अछामबाट बसाईं सरी त्यहाँ गएका हुन् र भीम रावलका आफन्त पनि ।
जेठा पूर्णबहादुर साउद सशस्त्रका डिएसपी हुन् भने कान्छा नेत्रबहादुर सशस्त्रकै हलव्दार र लेखा सहायक पनि । डेढ क्विन्टलका ललित सशस्त्रका घुमुवा हुन् ।
तीन दाजु भाईलाई एकैचिहान बनाउने गरी प्रदर्शनकारी त्यहाँ पुगेका थिए । तर, घरको बरण्डामा डिएसपी पूर्ण एक्लै थिए, भाइ नेत्रको छोरा खेलाउँदै । भीड देखेपछि उनी भागे, तर बालक मारिए ।
सशस्त्र-थरुहट कनेक्सन
सशस्त्र साथमा थिएन भने सायद एसएसपी न्यौपाने अर्को रणनीतिका साथ भिड नियन्त्रणमा जुट्थे वा अश्रुग्याँस र रबर बुलेटको सहाराले भीडलाई तितरबितर पार्थे ।
तर, सशस्त्रले आफ्नो गाडी चढाई–चढाई भीडको बीचमा लगेर छाड्ने र हमला भएपछि सर्लक्क पछाडि हट्ने कारण उच्च पदस्थ प्रहरी अधिकृतसहितका मारिए ।
भीडन्तमा घाइते भई हाल नेपालगञ्जमा उपचाररत एक सशस्त्र जवानले बयान दिइसकेका छन् । ‘झडप सुरु भएपछि हामीलाई विथ ड्र हौ (फर्कनु) भनेका थिए । सोहीअनुसार फर्कंदै थियौं ।’ आजको जनआस्था साप्ताहिकमा खबर छ । भिडियो हेर्न तलको बाकस थिच्नुहोस

काठमाडाैं, भदाै ९ । गत बिहीबार प्रहरीको इन्काउन्टरमा मारिएका गुन्डानाइके कुमार घैँटेको व्यावसायिक पार्टनर राजेश कार्की पक्राउ परेका छन् ।

घैँटेको सम्पत्ति अनुसन्धान गर्ने क्रममा महानगरीय अपराध महाशाखाले घैंटेका सहयोगी कार्कीलाई सोमबार पक्राउ गरेको हो । कार्कीलार्इ प्रहरीले अाजै सार्वजानिक गर्ने बताएकाे छ ।

घैँटेसँग मिलेर उनले विभिन्न व्यवसाय गर्दै आएका थिए । लाजिम्पाटको फ्राइडे रेस्टुरेन्टका सञ्चालक रहेका कार्कीले नै घैँटेको आर्थिक कारोबार मिलाउने गरेको सूचनाका आधारमा महाशाखाले उनलार्इ पक्राउ गरेको हो ।

उनकै फ्राइडे रेस्टुरेन्टमा घैँटेले ठेकदारहरूलाई बोलाएर धम्क्याउने गरेको भन्दै प्रहरीमा उजुरी परेको थियो ।

कार्कीले ट्राभल एजेन्सीका नाममा १०/१२ करोडको अस्वाभाविक कारोबार गरेको अनुसन्धानमा खुलेको प्रहरीले जनाएको छ ।

करिब १० वर्षअघि सामान्य जागिर गर्ने कार्कीको हाल करोडौँको सम्पत्ति भेटिएको छ । महाशाखाले नेपाल राष्ट्र बैंक र सम्पत्ति शुद्धीकरण अनुसन्धान विभागसँग मिलेर अनुसन्धान अघि बढाएको छ । घैँटेले चलाउँदै आएको गजुरमुखी कन्स्ट्रक्सनमा भने कार्कीको आफ्नै नाममा सेयर भेटिएको छैन ।

कांग्रेस सभासद् जगदीश्वरनरसिंह केसीकी श्रीमतीलगायत सातजनाको नाममा सो कम्पनीमा सेयर रहेको खुलेको प्रहरीले जनाएको छ । अनुसन्धानमा आबद्ध प्रहरीका अनुसार घैँटेसँग करोडौँको सम्पत्ति भए पनि आफ्नै नाममा भने कमै मात्र भेटिएको छ ।

सहयोगी र आफन्तका नाममा पनि गुन्डागर्दीबाट कमाएको रकम जम्मा गरेको आशंकामा महाशाखाले छानबिन थालेको छ ।

(उल्लेखित तस्विर इन्काउन्टरमा मारिएका गुन्डा नाइके कुमार घैंटेकाे हाे) भिडियो हेर्न तलको बाकस थिच्नुहोस

एजेन्सी : बलिउड अभिनेता अक्षय कुमार केही त्यस्ता अभिनेतामा पर्छन्, जो फिल्ममा धेरैजसो स्टन्ट आफैं गर्छन् ।

खतारनाका दृश्यमा पनि आफैंले स्टन्ट गर्दा उनी जल्न पुगे । अक्षयको आउन लागेको फिल्म सिंह इज ब्लिङ्गको सुटिङका क्रममा स्टन्ट स्टन्ट गर्दा अक्षयको शरीरमा आगो लाग्न पुग्यो । यो घटना मुम्बईमा भएको हो । आगो लागेपछि तत्कालै निभाएकाले उनी बाँच्न पुगे ।

अघिल्लो साता सिंह इज ब्लिङ्गको एउटा गीत रिलिज गरिएको थियो । यो गीतमा अक्षय धेरै स्टन्ट गरिरहेका देखिएका थिए । यही गीतमा एक सिनको सुटिङ गर्ने क्रममा उक्त दुर्घटना भएको हो ।

सुटिङका क्रममा अक्षयले बलेको आगो बीचबाट कुद्नुपर्ने थियो । यसका लाग अक्षयले पूर्वअभ्यास पनि गरेका थिए ।

तर जब सुटिङ शुरु भयो तब उनको खुट्टाको पछिल्लो भाग आगोमा ठोक्किन पुग्यो । त्यसपछि अक्षयको जिउमा आगो लाग्यो र उनी जमिनमा लड्न पुगे ।

आगोले जलेर अक्षय ढलेपछि फिल्मका सदस्यहरुले तत्कालै निभाएर ठूलो दुर्घटना टर्न पुग्यो । आगोले जलेपछि पनि अक्षयले सुटिङ जारी राखे अनि फिल्मको सुटिङ सके ।

प्रभु देवाको फिल्म सिंह इज ब्लिङ्ग २ अक्टोबरमा रिलिज हुँदैछ । यो फिल्मा अक्षयसँगै हिरोइन एमी ज्याक्सन पनि एक्सन सिनमा देखिनेछिन् ।
annapurnapost.com

Home