dainikonlinenews

काठमाडौं । नयाँ संविधान अनुसार संसद अधिवेशन सुरु भएको एक सातामा नयाँ प्रधानमन्त्री चयन हुनुपर्छ । दलहरुबीच यसअघि नै एमाले अध्यक्ष केपी शर्मा ओलीलाई प्रधानमन्त्री बनाउने भद्र सहमति भएको खबरहरु आएका थिए ।

तर दलहरुबीच भद्र सहमति भएको भनिएपनि सत्तारुढ नेपाली काँग्रेसका सभापति समेत रहेका प्रधानमन्त्री सुशील कोइरालाले आफू फेरि प्रधानमन्त्री बन्ने चाहाना व्यक्त गरिसकेका छन् । यस अवस्थामा यसअघिको भद्र सहमति घाममा सुकाउने षढ्यन्त्रको तानाबान बुनिइसकेको खुट्याउन गाह्रो नपर्ला ।
सत्ताको नेतृत्व गरेपनि भारतले अहिले नेपालमाथि थोपरिरहेको नाकाबन्दीबारे एक शब्द पनि उच्चारण गरेको छैन । यसले शंका उब्जाइरहेको छ की कतैबाट ‘लड्डु’ को आश्वासन आइरहेको छैन ?
तीन दलबीच भएको सहमति भत्काउन र आफू अनुकुलको राष्ट्रपति र प्रधानमन्त्री बनाउँन भारत सुक्ष्म रुपमा लागि परेको स्रोत बताउँछ । यस्तो अवस्थामा भारतले आगामी प्रधानमन्त्रीमा वर्तमान प्रधानमन्त्री कोइराला र राष्ट्रपतिमा एमाओवादी अध्यक्ष पुष्पकमल दाहाल प्रचण्डलाई अघि सारेको उच्च स्रोतले जनाएको छ ।
कोइरालाको विकल्पमा काँग्रेसकै वरिष्ठ नेता शेरबहादुर देउवालाई अघि सारिरहेको छ । यदी अहिले यो समिकरण मिलाउन सकेमा एमाले अध्यक्ष केपी शर्मा ओली पार्टीमै सीमित हुनेछन् भने एमाओवादी अध्यक्ष पुष्पकमल दाहाल प्रचण्ड भूमिकाविहीन बन्नेछन् ।
यतिमात्रै होइन भारतको चाहाना अनुसार नेपालमा अस्थिरता मच्चाइरहन पनि कोइराला उपयुक्त पात्र भएको भारतको बुझाइछ । किनकी कोइरालाको पछिल्लो १८ महिने कार्यकाल विवादित नभएपनि कहिल्यै देश गतिशील बन्न सकेन ।
भारतको अहिलेको रणनीति तीन दलको सहमति भत्काएर ओलीलाई प्रधानमन्त्री बन्नुबाट रोक्नुमात्रै होइन एमाओवादीलाई अझै कमजोर बनाउनु पनि हुनेछ ।
किनकी एमाओवादीबाट वरिष्ठ नेता तथा पूर्वप्रधानमन्त्री बाबुराम भट्टराई बाहिरिइसकेको अवस्थामा प्रचण्डलाई राष्ट्रपति बनाएर भूमिकाविहीन अवस्थामा पुर्‍याउन सकियो भने एमाओवादी तत्काल नेपाली राजनीतिमा हावी हुनेछैन ।
यस्तै अहिले नेतृत्व नपाए एमाले सरकारमा जाने अवस्था रहने छैन त्यसो हुन सकेमा ओली प्रतिपक्षी दलको नेतामा सीमित हुनेछन् । नेपालमा संविधान निर्माणका लागि निर्णायक भूमिका निर्वाह गरेका प्रचण्ड र ओलीलाई फुटाउने र कमजोर बनाउने अनी भारतको दबदबा कायम राख्ने उनको पहिलो उद्देश्य हो ।
यदी अहिले तीन दललाई फुटाउन सकेमा भारत सत्ता राजनीतिमा खेल्नमात्रै पाउनेछैन भर्खरै जारी भएको संविधानको कार्यन्वयन पनि कमजोर हुनेछ । संविधान कार्यन्वयनका लागि तीन दलीय एकता आवश्यक रहेको तथ्यलाई नजरअन्दाज गरेर कुनै दलले पद लोलुपताको प्रदर्शन गरेमा देशका लागि घातक बन्ने निश्चित छ ।
www.nepalsandesh.com

इनरुवा : सुनसरीको सीमाना जोडिएको बिहारका भारतीयले तराई–मधेसमा जारी आन्दोलनमा सहभागी नभए घरैमा आएर आक्रमण गर्ने धम्की दिन थालेका छन् ।

विहार राज्यको अररिया जिल्लाका भारतीय नागरिकहरु सुनसरीको दक्षिणी क्षेत्रका गाउँमा छिरेर नेपाली नागरिकलाई धम्क्याउन थालेका हुन् ।

सुनसरीका दक्षिणी क्षेत्रका ग्रामीण बस्तीमा छिरेर भारतीयहरुले मधेस आन्दोलनमा सहभागी हुनउर्दी जारी गरेपछि सर्वसाधारण त्रसित भएको स्थानीय बासिन्दाले बताएका छन् ।

मोर्चाका कार्यकर्ताहरुले आन्दोलनमा उपस्थित नहुनेहरुका घरमा आक्राणण गर्ने र बालीनाली मासिदिने धम्की दिन थालेपछि सर्वसाधारण थप आतंकित भएको सुनसरीको राजगञ्ज सिनवरी गाविस निवासी एमाले नेता महेश्वर यादवले जानकारी दिए ।

मोर्चाकाका कार्यकर्ताहरुले आन्दोलनमा समर्थन नगर्ने र संविधानको सवागत गर्नेहरुका बालीनाली तथा रुख काटिदिन थालेपछि राजगन्ज सिनवारीका सर्वसाधारण आतंकित भएका छन् ।

संविधान बनेपछि घरमा दीपावली गरी खुसियाली मनाएको रिसमा सुनसरीको राजगन्ज सिनुवारी गाविसका एमाले नेता महेश्वरप्रसाद यादवको जग्गाका दुई सय रुख मधेसी मोर्चाका कार्यकर्ताले काटिदिएपछि यस क्षेत्रका बासिन्दा आतंकित भएका छन् । nnapurnapost.com

– दशरथ घिमिरे
देउखुरी, १८ असोज । थरुहट/थारुवान संयुक्त संघर्ष समितिले राजमार्ग केन्द्रित बन्द हड्ताल आन्दोलन फिर्ता लिएको छ ।
बन्द, हड्ताल नगरी अबदेखि कोणसभा, आमसभा, अन्तरक्रिया, छलफल लगायत जनजागरण अभियान सञ्चालन गर्ने समेत जनाएको छ । आज वेलुकी ५ बजेदेखि स्थानीय यातायात, बजार, सरकारी तथा गैर सरकारी कार्यालय सहित सबै खुला गरिएको संयुक्त संघर्ष समितिका प्रवक्ता प्रकाश कुमार चौधरीले विज्ञप्ती निकालेर जानकारी दिनुभएको हो ।

एक साता देखी थरुहटले सरकारले आफूहरुको माग नसुनेको भन्दै राजमार्ग केन्द्रित आन्दोलन गर्दै आएको थियो । विज्ञप्तीमा आन्दोलनको स्वरुप परिवर्तन गर्दै बन्द, हड्ताल नगरी कोणसभा, आमसभा, अन्तरक्रिया, छलफल लगायत जनजागरण अभियान जारी राख्ने उल्लेख गरिएको छ ।
साथै हाल सम्म जारी आन्दोलनका क्रममा भएका असहजताप्रति क्षमा याचना गर्दै सहयोग गर्नेहरु प्रति धन्यवाद ज्ञापन गरिएको छ ।
गत साउन २७ गते देखी थरुहट/थारुवान संयुक्त संघर्ष समितिले आम हड्ताल गर्दै आएको थियो ।
थारुहरुको बाहुल क्षेत्रलाई समेटेर अलग प्रदेश लगायत जातीय जनसंख्याको आधारमा हरेक निकायमा पूर्ण समानुपातिक समावेशीको सुनिश्चितताको माग गर्दै आएको छ ।

काठमाडौँ, १८ असोज । नेपाल पञ्चाङ्ग निर्णायक समितिले यस वर्षको दसैँका साइत सार्वजनिक गरेको छ ।

घटस्थापनाको साइत असोज २६ गते मङ्गलबार बिहान ११ बजेर २५ मिनेटमा रहेको छ । त्यसैगरी सरकारी कार्यालय र सेनाको झन्डा फेर्र्ने साइत असोज २७ गते बुधबार बिहान ११ बजेर ३५ मिनेटमा शुभ रहेको समितिका अध्यक्ष प्राडा रामचन्द्र गौतमले जानकारी दिनुभयो ।

यस वर्ष पश्चिम फर्केर झन्डा फेर्नु राम्रो हुने मानिएको छ । कात्तिक १ गते आइतबार पचली भैरबको यात्रा परेको छ । कात्तिक ३ गते मङ्गलबार फूलपातीका दिन बिहान १० बजेर ५५ मिनेटमा तुलजा भवानीको यात्राको साइत जुरेको छ भने तुलजा भवानीलाई स्थिरासनमा राख्ने साइत त्यसै दिन बिहान ११ बजेर ५३ मिनेटमा रहेको छ । फूलपाती भित्र्याउन भने साइतको आवश्यकता नपर्ने अध्यक्ष गौतमले बताउनुभयो ।

कात्तिक ४ गते बुधबार महाअष्टमी व्रत र त्यसै दिन राति कालरात्री पूजा गर्नुपर्ने पनि समितिले जानकारी गराएको छ । कात्तिक ५ गते बिहीबार महानवमी र विजयादशमी एकै दिन परेको छ । “त्यस दिन महानवमीको पूजापाठ आदि कार्य सकेर मात्र विजयादशमीको पूजापाठ सुरु गर्नुपर्ने शास्त्रीय विधि रहेको छ,” अध्यक्ष गौतमले भन्नुभयो ।

फाइल तस्वीर

कात्तिक ५ गते बिहीबार देवी विसर्जनको साइत बिहान १० बजेर ४५ मिनेटमा रहेको छ भने टीकाप्रसाद ग्रहणको साइत खोज्नेका लागि बिहान १० बजेर ५५ मिनेटको साइत उत्तम रहेको छ । विजयादशमीदेखि कोजाग्रत पूर्णिमाका दिनसम्म देवीको प्रसाद ग्रहण गर्न हुने भए पनि साइत नै खोज्नेका लागि मात्र १० बजेर ५५ मिनेटको साइत उत्तम भएको पनि अध्यक्ष गौतमले स्पष्ट पार्नुभएको छ । शास्त्रीय मान्यताअनुसार सामान्य मानिसलाई टीकाप्रसाद ग्रहण गर्न साइत नचाहिने पनि उहाँले जानकारी दिनुभयो ।

विजयादशमीका दिन गरिने तुलजा भवानीको यात्राका लागि कात्तिक ५ गते बिहान ११ बजेर १ मिनेटको साइत र स्थिर आसनका लागि बिहान ११ बजेर ५५ मिनेटको साइत उत्तम रहेको समितिले जनाएको छ । खड्ग यात्राको साइत कात्तिक ५ गते विजयादशमीकै दिन ११ बजेर ५५ मिनेटमा राम्रो रहेको छ ।

दुर्गा पक्षमा विधिअनुसार दिइने सम्पूर्ण बलिलाई कात्तिक ९ गते सोमबार समाप्त गर्नुपर्नेछ । त्यस दिन बेलुकी ८ बजेर १३ मिनेटदेखि पूर्णिमा तिथि लाग्ने र मध्यरातमा पनि पूर्णिमा परेकाले कोजाग्रत पूर्णिमा ९ गते नै मनाउनुपर्ने शास्त्रीय विधि रहेको समितिको ठहर छ । पूर्णिमा व्रत भने कात्तिक १० गते मङ्गलबार परेको छ । आकाशदीप दान र कात्तिक स्नान आरम्भ पनि कात्तिक १० गते मङ्गलबार नै सुरु गर्नुपर्नेछ ।

यस वर्ष आठ रात नौ दिनको नवरात्र परेको छ । नौ रात दश दिनको अवधि लगाएर शक्तिको प्रतीकका रुपमा दुर्गा देवीको पूजा पाठ गरिने भए पनि तिथिको घटबढका कारण यस वर्ष पनि गत वर्षकै जस्तोे योग परेको हो । नौ दिन दश रात लगाएर गरिने कार्य भएकैले नवरात्र भन्ने गरिएको हो ।

चैतको नवरात्रभन्दा ठूलो पर्वका रुपमा मनाइने भएकाले शरद ऋतुको आश्विन शुक्ल पक्षमा पर्ने दसैँलाई बडादसैँ पनि भन्ने गरिन्छ ।

दसैँका लागि समितिले निकालेको साइत विभिन्न व्यक्ति र संस्थाले आफूले निकाले झैँ गरी सञ्चारमाध्यममा प्रवाह गर्ने गरेकाले सरकारको आधिकारिक निकायका रुपमा रहेको समितिका माध्यमबाट भनिने साइतको मात्र जिम्मेवारी लिइने अध्यक्ष गौतमले सबैमा जानकारी गराउनुभएको छ । रासस

काठमाडौँ –प्रधानमन्त्री तथा काग्रेस सभापति सुशील कोइरालाले आफ्नो पार्टीको केन्द्रीय कार्य समितिको वैठक बसेर भावी सरकारवारे ठोस धारणा बाहिर ल्याउने बताएका छन् । आज बिहान बसेको तीन दलको वैठकमा प्रधानमन्त्री कोइरालाले यस्तो धारणा राखेका हुन् ।

सहमतियको सरकार गठनका लागि राष्ट्रपतिले आव्हान गरेको तेस्रो दिन प्रधानमन्त्री कोइरालाले सर्बदलीय छलफल गर्नुअघि तीन दलको बैठकमा बोलाएका थिए ।

१६ बुँदे सहमति हुँदा भएको भद्र सहमति अनुसार काग्रेस अगाडि बढछ कि बढदैन भन्ने एमाले र एमाअ‍ोवादीको चासो रहदा प्रधानमन्त्रीको यस्तो प्रतिक्रिया आएको हो ।

वैठकमा प्रधानमन्त्री कोइरालाले संविधान कार्यन्वयनका लागि प्रमुख दलहरुको सरकार गठन उपयुक्त हुने धारणा राख्दै यसविषयमा आफ्नो पार्टीले आन्तरिक छलफल गरेर ठोस धारणा बाहिर ल्याउने बताएको वैठकमा सहभागी एक नेताले बताए ।
वैठकमा एकीकृत माअ‍ोवादीका अध्यक्ष प्रचण्डले संविधान जारी गर्ने बेलाजस्तै कार्यन्वयनका लागि पनि दलहरुवीचको सहकार्य टुटन नहुने धारणा राखेका थिए ।

www.ratopati.com

Home