dainikonlinenews

एजेन्सी : लिबियामा अमेरिकाले गरेको एक हवाई हमलामा इस्लामिक स्टेटका एक शीर्ष नेता मारिएका छन् । पेन्टागनस्थित अमेरिकी रक्षामन्त्रालयले आइतबार यो कुराको पुष्टि गरेको हो ।

पेन्टागनका प्रेस सचिव पिटर कुकले बताए अनुसार १३ नोभेम्बरमा अमेरिकी सेनाले लिबियामा अबु नाबिल अर्थात विसाम नज्म अब्द जाएद अल जुबायदीलार्इ लक्षित गरी हवार्इ हमला गरेको थियो ।

हवार्इ हमलामा मारिउका यी इराकी नागरिक लामो समयसम्म अल कायदासँग आवद्ध थिए । उनी पछिल्लो समय लिबियामा आईएसआईएसका एक वरिष्ठ नेता रहेका थिए ।

कुकले जनाए अनुसार अनुसार नाबिल फेब्रुअरी २०१५ मा एक ईसाईको हत्या गरिएको भिडियोमा प्रवक्ता रहेका थिए ।

'नाबिलको मृत्युबाट लिबियामा आईएसआईएसको योजना पूरा गर्न कठिन हुनेछ', कुकले भने, 'उनीहरुको योजनामा आईएसआईएसका नयाँ सदस्यको भर्ती, लिबियामा बेसको स्थापना र अमेरिकामा हमलाको योजना पनि सामेल रहेका छन् ।'

उनले बताए अनुसार लिबियामा आतंकवादीविरुद्ध यो पहिलो अमेरिकी हमला होइन । तर लिबियामा कुनै आईएसआईएसका नेताविरुद्ध भने यो पहिलो अमेरिकी हमला हो ।

उनले यो हमलाले आईएसआईएसका नेता जहाँ लुकेपनि अमेरिकी सेना त्यहीँ पुगेर धावा बोल्ने चेतावनी दिएका छन् । कुकले बताए अनुसार यो हमला पेरिसमा आतंकवादी हमला हुनुभन्दा पहिले नै थालिएको थियो ।
nnapurnapost

आइतबार, २९ कार्तिक
एजेन्सी । छुट्टै स्लामिक राज्यको माग गर्दै सशस्त्र आन्दोलनरत अतिवादी संगठन स्लामिक स्टेट (आइएस)ले भारतलाई पनि नियन्त्रणमा लिने धम्की सहितको भिडियो सार्वजनिक गरेपछि भारतमा हंगामा मच्चीएको छ ।

फ्रान्सको राजधानी पेरिसमा सांघातीक हमला गर्न सफल भएको आइएसले फ्रान्समा आफुहरु सफल भएको र विश्वलाई नै हल्लाएको निश्कर्ष सहित अब भारतमा हमला गर्ने तयारी गरेको दाबी गरेको छ ।
आइएसले भारतमा रहेका मुस्लीमलाई वर्तमान सरकारले अधिकार दिनुको साटो थप पीडा दिएको आरोप समेत लगाएको छ ।
आइएसले भारतीय प्रधानमन्त्रीको हेपाहा नीतिका कारण भारतमा रहेका मुस्लीमहरु अन्यायमा परेको भन्दै भारतको केन्द्रीय सत्तामाथि आक्रमण गर्ने धम्की दिएको हो ।
आइएसको धम्कीपुर्ण भिडियो सन्देश आएपछि दिल्लीमा खैलाबैला मच्चीएको छ । केन्द्रीय सुरक्षा निकायहरुको निरन्तर गोप्य बैठक बसिरहेको अन्तर्राष्ट्रिय सञ्चार माध्यमहरुले जनाएका छन् ।
nepalsandesh

धुन्चे (रसुवा), २९ कात्तिक । नेपाल र चीनका अधिकारीबीच सीमा क्षेत्रका गतिविधिका बारे यथेष्ट सुरक्षा व्यवस्था मिलाउन आज उत्तरी रसुवाको स्याफ्रुबेँसीमा छलफल सम्पन्न भएको छ ।

सीमाक्षेत्रमा रहेका दुवै देशका सुरक्षा निकायले अवैध कारोबार पूर्ण रुपमा रोक्ने र नेपाल आयात हुने सामान लिन केरङ जाने कन्टेनरका चालकलाई स्थायी अनुमतिपत्र र घुमफिरका लागि केरुङ जाने नेपालीका लागि एकदिने अनुमतिपत्र दिने व्यवस्था हुन नेपाली अधिकारीले चिनियाँ पक्षसँग आग्रह गरेको बताइएको छ ।
रसुवा जिल्लाभन्दा बाहिर जिल्लाका चालकहरू रसुवागढी नाकाबाट केरुङ जान नपाई स्थानीय चालक खोजेर कन्टेनर केरुङ पठाइदिनुपर्दा सवारीधनीलाई बढी व्ययभार भएको गुनासो ध्यानमा राख्दै स्थानीय प्रशासनको पहलमा दुई देशका अधिकारीबीच आज छलफल भएको प्रजिअ शिवराम गेलालले जानकारी दिनुभयो ।
छलफलमा नेपालका तर्फबाट नेपाल प्रहरी, सशस्त्र प्रहरी बल, सीमा सुरक्षा बल र राष्ट्रिय अनुसन्धान विभागका प्रतिनिधि तथा चिनियाँ पक्षबाट सीमाक्षेत्र हेर्ने उच्च अधिकारी सहभागी रहनुभएको थियो । रासस
dainiknepal

फ्रान्सको पेरिसमा आतंकवादी हमला भएपछि भारतीय प्रधानमन्त्री नरेन्द्र मोदीको सुरक्षामा खतरा बढेको छ । उनको सुरक्षा व्यवस्थाको विषयमा व्यापक छलफल समेत भएको भारतीय मिडियाले जनाएका छन् ।

राष्ट्रिय सुरक्षा सल्लाहकार अजीत डेभाल र खुफिया प्रमुख शनिबार भारतीय प्रधानमन्त्री नरेन्द्र मोदीको सुरक्षा व्यवस्थाको समिक्षा गरेका थिए । ब्रिटेन र टर्कीको भ्रमणमा गएका मोदीको आइतबार हुने जी ट्वान्टी सम्मेलनमा हुने कुनैपनि संकट मोचनको विषयमा छलपल भएको थियो । सम्मेलेनका लागि मोदीको लागि विशेष सुरक्षा योजना लागुभएको छ ।
विदेश भ्रमणको बेला मोदीको सुरक्षा योजनामा पहिलो पटक परिवर्तन गरिएको छ । १० अक्टोबरमा टर्कीको अंकरामा भएको बम विष्पोट र शुक्रवार पेरिसमा भएको आतंककारी हमलापछि सुरक्षा अधिकारीले नयाँ योजना लागुगरेका छन् । एक स्पेशल स्क्वायड पनि गठन गरेको छ । जसमा विदेशी मुलका एजेन्ट पनि सामेल छन् । यो अनुमान गरिएको छ की , यी एजेन्ट मोसाद (इजरायल सेक्रेट सर्भिस) अथवा, एमआइ फाइभ ‘ब्रिटिश सेक्रेट सर्भिस’लाई टर्कीको राजधानी अंकरामा हुने जी ट्वान्टी सम्मेलनको लागि पठाइएको छ ।
विदेशी एजेन्टर भारतीय एजेन्ट मिलेर मोदीको सुरक्षा गर्ने बताइएको छ । टर्की र सीरियाका स्थानिय एजेन्ट पनि यो सम्मेलनमा रहनेछ ।
टर्कीमा हमलाको संभावना समेत बढेको छ । सम्मेलन स्थलमा समेत हवाई हमलाको संभावना रहेको बताइएको छ । मोदीलाई जस्तो अवस्थामा पनि बचाउनको लागि सुरक्षा योजना बनेको छ । टर्कीमा मोदीको लागि सबै सुरक्षा जडित एक एयरक्राफ्ट स्ट्यान्डबाइ रहनेछ । जी–२० सम्मेलनमा १२ हजार प्रतिनिधि आउने छन् । जसमा मोदीको लागि मात्रै १ हजार सुरक्षा कर्मिको सुरक्षा घेरा रहनेछ । भारतीय खफिया एजेन्सी ‘रअ’ र आइबीका विदेशी युनिटले मोदी जाने सम्मेलन स्थलबारे सुचना संकलन गरिसकेका छन् ।
एमआइ फाइभ र सिआइएका परामर्शदाताले टर्कीको हुनसक्ने जुनसुकै घटनाको समाधान गर्ने योजना बनाएको छ । सबै एजेन्टस् सम्मेलन स्थलमा एकअर्काप्रति सम्पर्कमा रहने जनाइएको छ ।
e-dainikkhabar भिडियो हेर्न तलको बाकस थिच्नुहोस

आइतबार, २९ कार्तिक
पेरिस । पेरिस हमलामा संलग्न सबैभन्दा ठुलो अपराधीको खुलासा भएको छ।
पहिलो पटक पेरिसमा हमलाको योजना बनाउने आतंककारीको तस्विर सार्वजनिक भएको छ।
सलिम बेन्गहैलेम नै त्यो आतंककारीको नाम हो । फ्रान्सको एक नागरिकलाई यहि आतंककारीले ट्रेनिङ दिएको बताईन्छ।

पेरिसमा भएको हमलामा यहि अभियुक्तको प्रमुख भूमिका रहेको हुन सक्ने भन्ने फ्रान्सको पुलिसलाई आशंका भएको हो ।
आतंककारी सलिम को पछिल्लो सालको शार्ली हेब्दो संचार माध्यममा भएको हमलामा पनि हात रहेको थियो ।
३५ वर्ष उमेरका सलिमको खोजीमा फ्रान्स पुलिस लागिरहेको छ | सलीम बेन्गहैलेमले सिरियाबाट आएका आतंककारिहरुलाई पनि ट्रेनिङ दिने गरेको खुलासा भएको छ ।
सलिमको बारेमा अमेरिका र फ्रान्सका सुरक्षा एजेन्सीहरुलाई पहिले देखि नै उनले आतंकारीहरु संग सम्बन्ध राख्दै आएको बारेमा जानकारी रहेको जनाएका छन् ।३५ सालका सलीम बेन्गहैलेम पेरिसमा नै हुर्केका हुन् ।
उनी पेरिसको ह बुटेस काउमोंट नेटवर्कसंग जोडिदै आएका थिए।
यो नेटवर्कले इराकमा रहेका अमेरिकी सेनाहरु संग लड्न तालिम प्राप्त आतंककारीहरु पठाउने पनि खुलासा भएको छ ।
फ्रेंच सेनाको अखडामा आतंकारिहरुले पछिल्लो महिनामा गरेको हवाई हमलामा सलिम बच्न सफल भएका थिए ।
सलीमले २००१ मा हत्याको आरोपमा फ्रान्स छोडेका थिए । त्यसपछि सलिम २००२ मा फेरी फर्केर फ्रान्स आए र त्यसपछि उनलाई हत्याको आरोपमा ११ सालको जेल सजाय भयो । तर राम्रो व्यवहारको कारण २०१० मा सलिमलाई रिहा गरिएको थियो ।
nepalsandesh

Home