dainikonlinenews

२०७२ मङ्शिर ८ मंगलवार
काठमाडौं : चिनियाँ राजदूत ऊ चुन्ताईले चीनबाट पेट्रोलियम पदार्थ आपूर्तिका लागि नेपालसँग चाँडै सम्झौता हुन लागेको जानकारी दिएका छन् । सभामुख ओनसरी घर्तीसँग सोमबार भएको भेटमा चुन्ताईले त्यस्तो जानकारी गराएका हुन् ।

चीनले नेपाललाई १३ लाख लिटर पेट्रोल अनुदानस्वरूप उपलब्ध गराइसकेको छ । चीनसँग पेट्रोलियम पदार्थ र एलपी ग्यास आयातका लागि सम्झौता गर्न दुई सदस्यीय टोली बेइजिङ गएको छ । चीनका लागि नेपाली राजदूत महेश मास्केले पनि भारतीय नाकाबन्दीका कारण नेपालमा भएको इन्धन अभावलाई पूर्ति गर्न चीनसँग हुन लागेको सझौताबारेमा छलफल जारी राखेका छन् ।

सभामुख घर्तीले हालको इन्धन संकट समाधानका लागि चीनले गरेको सहयोगको प्रशंसा गर्दै पेट्रोलियम पदार्थ आयातसम्बन्धी सम्झौता हुन लागेकोमा खुसी व्यक्त गरेकी थिइन् । उनले सार्वभौम मुलुक नेपालले आफ्नो निर्णय आफै गर्न सक्ने भएकाले यसमा कुनै पनि छिमेकीको कुनै प्रकारको हस्तक्षेप ग्राह्य नहुने पनि बताएको स्रोतले बतायो ।

चुन्ताईले दुई देशबीच छिमेकी र सहकर्मीको सम्बन्ध रहेकाले चीन र नेपालबीच कुनै समस्या नरहेको बताएका थिए । सभामुखका निजी सचिव सुरजकुमार दुराले चुन्ताईलाई उद्धृत गर्दै अन्नपूर्णसँग भने, ‘चीन सरकार र जनताको नेपालको विकासमा सधंै सहयोग र सद्भाव रहनेछ ।’

नेपालमा भूकम्पको विपत्तिले जनतामा परेको दुःखप्रति सहानुभूति व्यक्त गर्दै चुन्ताईले नेपाली जनतालाई राहत प्रदान गर्न र पुनर्निर्माणमा सहयोग गर्न तयार रहेको बताएको जानकारी दुराले दिए ।

चिनियाँ जनता र संसद् तथा नेपाली जनता र संसदबीच भ्रमण आदानप्रदान गर्दै लैजानुपर्ने र दुई देशबीचको सम्बन्ध अझै प्रगाढ बनाउनुपर्नेमा पनि राजदूत चुन्ताईले जोड दिएका थिए ।
annapurnapost भिडियो हेर्न तलको बाकस थिच्नुहोस

काठमाडौं, ८ मंसिर । उपप्रधान तथा परराष्ट्रमन्त्री कमल थापा र भारतीय राजदुत रंजित रायबीच सोमबार सिंहदरवारमै भनाभन भएको छ । भारतीय राजदुत रंजित रायले बुद्धिजिवी, कुटनीतिक नियोगका प्रमुखहरुलाई छुट्टा छुट्टै दुतावास र होटलहरुमा बोलाएर सरकारबिरुद्ध मोर्चाबन्दी गरेपछि परराष्ट्रमन्त्री थापाले आक्रोस पोखेका थिए । ‘होटल र दुतावासमा बोलाएर मोर्चाबन्दी गरिदैछ भन्ने समाचारहरु आएका छन् के हो सत्य महामहिम’, सोमबार परराष्ट्रमन्त्रालयमा मन्त्री थापाले सोधे ‘तराईमा आन्दोलन, राजधानीमा मोर्चाबन्दी यसको अर्थ के लाग्छ ? महामहिम हामी पनि त्यति लाटो छैनौ ।’

कुटनीतिक भाषा समेत प्रयोग नगरी थापाले आक्रोस पोखिरहे ‘अन्य कुटनीतिक नियोगका प्रमुखहरुलाई पनि तपाईले भ्रम दिनु भएछ यो राम्रो भएन, नेपाल स्वाधिन मुलुक हो’, थापाले भने ‘आन्दोलनरत मधेसबादी दलहरुले खुलियाम हामीलाई भारतको सहयोग छ भन्दै आएका छन्, यसलाई कसरी बुझ्ने ?’
केही दिनअघि भारतीय दुतावासले होटल सांग्रिलामा केही नागरिक समाज र बुद्धिजिवीलाई बोलाएर नाकाबन्दीका बिषयमा छलफल गरेका थिए । भारतीय दुतावासको अन्तरक्रियामा सहभागि डा. भगवान कोइरालाले नाकाबन्दी गरेर भारतले मानवीय अपराध गरेको बताएका थिए भने अधिकारकर्मी पद्मरत्न तुलाधरले नाकाबन्दी लगाउनु सही भएको बताएका थिए ।
३५ मिनेटको भेटमा अधिकांस समय परराष्ट्रमन्त्री थापा आक्रोसित भइरहे । उनले नेपालको यर्थाथलाई बंग्याउने कोशिस नगर्न उनलाई चेतावनी समेत दिए । थापा आक्रोसित भएपछि असहज मान्दै भारतीय राजदुत रायले भने ‘भारतको सवैभन्दा नजिकको छिमेकी राष्ट नेपाल हो, यसको समस्याप्रति हामी पनि चिन्तित छौ तर नाकाबन्दी भारतले गरेको होइन, आन्दोलनका कारण पारवहान अवरुद्ध भएको हो ।’
भारतीय राजदुत रायको प्रतिक्रियापछि थापाले भने ‘नेपालको आन्तरिक मामिला हो यो सुल्झन्छ, पारवहान सुचारु गर्नुहोस, सरकार सुरक्षा दिन तयार छ ।’ पहिले निकै आक्रामक भएका थापा बिस्तारै शान्त हुँदै गएका थिए ।
परराष्ट्रमन्त्री थापालाई भेटर बाहिर निस्किँदा भारतीय राजदुत राय निकै तनावमा देखिन्थ्थे । उनले संचारकर्मीलाई कुनै प्रतिक्रिया दिन पनि अस्वीकार गरे । परराष्ट्रमन्त्रालयले विदेशी कुटनीतिक नियोगका प्रमुख र पूर्वपरराष्टमन्त्रीहरुसँग पनि छलफल गर्ने भएको छ yeskathmandu

आज मंसीर ८ गते जनमुक्ति सेना स्थापना दिवशको अवसर पारेर विप्लव माओवादीले काठमाण्डौंमा जनप्रदर्शन गर्दैछ । प्रदर्शन पछि हुने सभामा भारतीय नाकावन्दी विरुद्ध “नयाँ खालको जनयुद्ध” को घोषणा हुने माओवादी श्रोतले जनाएकोछ । भारतीय नाकावन्दी विरुद्धको यस “नयाँ खालको जनयुद्ध” अहिलेको विशिष्ट स्थिति अनुसारको गैरफौजी र जनकारवाही शैलीको हुने वताइएकोछ ।

भारतीय नाकावन्दी विरुद्ध हुने यस नयाँ खालको जनयुद्धमा भारतीय फिल्महरु माथि प्रतिवन्ध, भारतीय च्यानलहरु माथि प्रतिवन्ध, भारतीय गाडिहरु माथि प्रतिवन्ध, भारतीय कम्पनीका कार्यालयहरु नेपालमा वन्द गराइने लगाएतका कार्यक्रमहरु रहने श्रोतले वताएकोछ ।
भारतीय नाकावन्दी विरुद्ध अरु खालका कार्यक्रमहरु संगै मंसीर १३ गते नेपालवन्द सम्मका कार्यक्रम घोषणा हुन सक्ने श्रोतको भनाई छ ।
भारतीय नाकावन्दी विरुद्धको यस नयाँ खालको जनयुद्धमा हजारौं कार्यकर्ताहरु परिचालन गरिने र हजारौं स्वयंसेवी युवाहरुलाई भारतीय विस्तारवाद विरुद्धको अभियानमा तालिम तथा भर्ति गरिने वताइएकोछ ।
सरकारले गरेको ढिलासुस्ती, विभिन्न तरिकाहरुवाट भैरहेको कालोवजारी, भ्रष्टाचार आदि विरुद्ध तथा विगतमा नेपाली नदी नाला भारतीय सरकार र कम्पनीहरुलाई कौडिको मूल्यमा वेच्ने जिम्मेवार नेताहरुलाई पनि कारवाही थालिने सम्भावना रहेको श्रोतले वताएकोछ ।
nepalsandesh

Home