। पछिल्लो समय विश्वभर यौन अपराध दिनानुदिन बढिरहेका छन् ।
यही क्रममा भारतको राजधानी नयाँ दिल्लीमा यस्तै एउटा यौन अपराध घटना सार्वजनिक भएको छ । घटना अनुसार प्रेमी र प्रेमिका दुबै छोराछोरी, श्रीमती श्रीमान र आ–आफ्नै घरबार भएका व्यक्ति हुन् ।
तर, प्रेमीलाई सेक्स र प्रेमिकालाई पैसा आवश्यक भएकाले यो सम्बन्ध लामो समयसम्म चल्यो । भारतीय सञ्चार माध्यमले प्रकाशित गरेको समाचार अनुसार प्रेमीको उमेर ५३ वर्ष रहेको छ भने प्रेमिकाको उमेर ३० वर्ष । उनीहरुबीच विगत १५ वर्षदेखि अवैध सम्बन्ध रहेको थियो ।
हरेक समयको शारीरिक सम्बन्धका बेला प्रेमीले प्रेमिकालाई हजारौं रुपैयाँ दिन्थे । समाचार अनुसार प्रेमी धनी धरानाका पैसावाला थिए भने प्रेमिका गरिब परिवारकी तर पैसाका लागि आफ्नो शरीर कथित प्रेमीलाई बेच्थिन् । ५३ वर्षीय प्रेमीको नाम हो गजानन्द । जसका श्रीमती र चार छोराछोरी छन् । यस्तै, प्रेमिकाको नाम हो सुनिता जसका श्रीमान र दुई छोरा छन् ।
यी दुबै जना प्रत्येक हप्ताको एक दिन होटल बुक गराएर अवैध शारीरिक सम्पर्क राख्थे । त्यो समयमा गजानन्द सुनितालाई हिसाब किताबै नगरी पैसा दिन्थे । त्यो पैसा पाएपछि सुनिता पनि गजानन्दकै प्रेमिका बनेर अवैध सम्बन्ध राख्न होटलै पुग्थिन् ।
तर, पछिल्लो समय गजानन्द र सुनिताबीच सम्बन्ध विग्रियो । र गजानन्द आफूले दिएको पैसा फिर्ता माग्न थाले । उनले यौनसम्पर्क राख्दा दिएको पैसा भने मागेका होइनन् । एकपटक उनले घर किन्ने भनेपछि सुनितालाई १० लाख रुपैयाँ दिएका थिए । त्यही पैसा माग्दा सुनिताले दिन मानिनन् ।
त्यसपछि गजानन्दले पैसा नदिए आफूहरुले अवैध सम्बन्ध बारे सुनिताका श्रीमानलाई जानकारी गराउने धम्की दिएपछि उनको हत्या भयो । अवैध सम्बन्धको पोल खुल्ने डरले सुनिताले गजानन्दलाई होटलमै बोलाएर बेहोस बनाइ आगो लगाएर हत्या गरेकी हुन् ।
आगो धुवा देखेपछि होटलका कर्मचारीले गजानन्दलाई अस्पताल पु¥याएका थिए । जहाँ उनको ९० प्रतिशत शरीर जलिसकेको थियो । तर, अन्तिम स्वास लिने बेला गजानन्दले पैसा माग्दा सुनिताले बेहोस बनाई मट्टितेल खन्याएर आगो लगाएको बताएपछि घटनाको पोल खुलेको हो ।
अन्तिम बयानपछि गजानन्दको मृत्यु भयो । गजानन्दको हत्या गरी फरार रहेकी सुनितालाई प्रहरीले सार्वजनिक बसबाटै पक्राउ गरेको थियो । अहिले प्रहरीले सुनितालाई हिरासतमा राखेर घटनाको थप अनुसन्धान गरिरहेको छ । खबर अनुसार उनले गजानन्दको हत्या गरेको स्वीकार गरेकी छिन् ।
dainiknepal.com

कास्की, १३ कात्तिक । भदौ १० गते पोखरामा आधा केजी तौलको शिशुको जन्म भएको छ ।
पोखराको महेन्द्रपुलस्थित ओम अस्पतालमा २५ हप्ता चार दिनको गर्भबाट जन्मेको शिशुको तौल आधा केजी (५०० ग्राम) मात्र थियो । पर्वत तिलाहार गाविस–७ घर भई हाल पोखरा–१४ मा बस्दै आएकी गीता लामिछानेको गर्भबाट त्यस्तो शिशु जन्मिएको हो । परिवारले भने शिशु बाँच्ने आश नै मारिसकेका बुबा रमेश लामिछानेले बताउनुभयो । शिशु बाँचेपछि अभिभावक मात्रै खुसी छैनन्, उनको उपचारमा खटिएका चिकित्सक तथा स्वास्थ्यकर्मीमा पनि खुसी छन् । पश्चिमाञ्चल क्षेत्रीय अस्पतालको शिशु सघन उपचार केन्द्रमा ६२ दिनसम्मको निरन्तर उपचार र प्रयासपछि अहिले शिशु तङ्िग्रँदै गएकी छन् । शिशुको तौल बढेर एक किलो ६०० ग्राम पुगेको छ भने शिशुले आमाको दूध आफैँ चुस्न सक्ने भएकी छिन् । शिशुले दूध चुस्न सकेका कारण अब शिशु घरमा पनि बाँच्न सक्ने भन्दै अस्पतालले आइतबार डिस्चार्ज गर्ने तयारी गरेको छ । अभिभावकले घरमा नै लगेर छोरीको न्वारन गर्ने बताए । धेरैले अभिभावकलाई शिशुको नाम खुसी राख्न सुझावसमेत दिने गरेका छन् । अस्पतालले शिशुको उपचार निःशुल्क गरिदिएको छ । यो विरलै घटना हो, कम तौलका बच्चा जन्मन सक्छन् तर बाँच्न र बचाउन सकिँदैन । बाल रोग विशेषज्ञ एवम् पश्चिमाञ्चल क्षेत्रीय अस्पतालका बालरोग विभाग प्रमुख डा रामचन्द्र बाँस्तोलाले भन्नुभयो, “यति सानो शिशु बचाउन सकिएको यो पहिलो घटना हुन सक्छ, सम्भवतः नेपालको नै पहिलो सफलता हुन सक्छ ।” उहाँले यसलाई बाल स्वास्थ्यको क्षेत्रमा नयाँ आयाम नै भएको दाबी गर्दै पोखराको समेत गौरव भएको बताउनुभयो । यसअघि कान्ति बाल अस्पतालमा जन्मेको ७५० ग्रामको बच्चालाई बचाउन सकिएको भन्ने सुनेको उहाँले बताउनुभयो । उहाँका  अनुसार अमेरिकामा २२ हप्तासम्मको बच्चालाई बचाउन सकिने भए पनि नेपालमा प्रायः असम्भव जस्तै छ । बाल रोग विशेषज्ञ डा बास्तोलाले अभिभावकले चिकित्सकप्रति गरेको विश्वास, आफूहरूको लगनशीलता र शिशु स्वयम्को भाग्यका कारण पनि सफलता मिलेको उल्लेख गर्नुभयो । अस्पतालमा रहेका साधन रेडियन्ट बारमर र इन्क्युवेटर पनि सफलताका लागि सहयोगी बने । ३७ देखि ४२ हप्ताको गर्भबाट जन्मने साढे दुईदेखि चार केजी तौलसम्मको बच्चालाई सामान्य मानिन्छ । शिशु जन्मेपछि उनलाई तत्काल पश्चिमाञ्चल क्षेत्रीय अस्पतालको शिशु सघन उपचार केन्द्रमा लगेर उपचार थालिएको थियो । सुरुको सात दिन शिशुको तौल बढाउन तथा शारीरिक वृद्धिका लागि नसाबाट प्रोटिन र कार्बोहाइड्रेट दिइयो । त्यसपछि आन्द्रा सुक्न नदिनका लागि आमाको दूध तीन÷तीन घन्टाको फरकमा दुई÷दुई एमएल खुवाउन थालियो । यस्तो अवस्थाका शिशुको श्वासप्रश्वास जुनसुकै बेला पनि रोकिने सक्ने अवस्थालाई मध्यनजर गर्दै इन्जेक्सन एमिनुफाइलिङ र रोग नलाग्ने एन्टिबाइटिक दिइयो । त्यसपछि शारीरिक र मानसिक वृद्धिका लागि भिटामिन र मिनरल्स (क्याल्सियम, आइरन, भिटामिन बी कम्ल्प्रेक्स, भिटामिन डी आदि) दिइयो । यति गर्दागर्दै पनि शिशुमा रगतको मात्रा घट्न गयो । जसका कारण शिशुलाई दुईपटकसम्म फ्रेस रगत चढाइयो । शिशुलाई यस अवस्थासम्म ल्याइपुर्याउन स–साना बालबालिका हुर्काउन प्रयोग गरिने सीप र केएमसी विधि पनि अपनाइयो ।   दुई हप्तापछि भने शिशुलाई मुखबाट पाइप लगाएर खुवाउन थालियो । पाइपबाट आमाको दूध, बच्चाको स्पेशल दूध, भिटामिन र मिनरल्स खुवाउँदै उनको उपचार र रेखदेख गरियो । यसैको परिणामस्वरूप शिशु आमाको दूध चुस्न सक्ने मात्रै भएकी छैन, स्वास्थ पनि भएकी छन् । महिलालाई मानसिक तथा शारीरिक तनाव, पौष्टिक आहारको कमी, आमा तथा शिशुको स्वास्थ्यमा समस्या हुँदा समयभन्दा पहिले नै कम तौलका शिशु जन्मने गरेको पाइन्छ ।रासस -aajakokhabar.com

काठमाडौं, १३ कात्तिक । राष्ट्रपति विद्यादेवी भण्डारीले सपथ लिएको दिन विहीबार राष्ट्रपति भवन शीतल निवासमा गज्जबको दृश्य देखियो ।
एकातिर नेपालमा अघोषित नाकाबन्दी गरी संविधान संशोधन गर्न दबाब दिएरहेको भारतले अर्काेतिर भारतीय अधिकारीहरु आफ्नो पदीय मर्यादा समेत नाघ्न थालेका छन् । हो यस्तै दृश्य देखियो शीतल निवासमा ।
नवनिर्वाचित राष्ट्रपति भण्डारीको सपथ ग्रहण सकिएपछि निर्वतमान राष्ट्रपति रामवरण यादवको विदाइ कार्यक्रम चलिरहेको थियो । त्यहाँ नेपालस्थित विभिन्न देशका राजदूत पनि उपस्थित थिए । नेपालका लागि भारतीय राजदूत रन्जित रे पनि सहभागी भएका थिए ।
सुरुमा राष्ट्रपति भण्डारीसामू परिचय गर्दा पनि मर्यादाको ख्याल नगरेका रे ले निवर्तमान राष्ट्रपति यादवको विदाईका लागि शीतल निवासको प्रभास हलमा भएको समारोहमा भित्र पस्न खोज्दा पनि सीमा नाघे ।

साँझ भएको यादवको विदाई समारोहमा जानुअघि भवनको मूल प्रवेशद्वारमा रेले नेपालका प्रधानसेनापति राजेन्द्र क्षेत्रीसँग कुराकानी गरेका थिए । त्यसपछि उनी मर्यादाका पुरै सीमा नाघेर मूल प्रवेशद्वारबाटै भित्र पस्न खोजे । तर, त्यहाँ खटिएका नेपाली सेनाका अधिकारीले नै उनलाई रोके ।
र बाहिर पठाएर अर्को प्रवेशद्धाराबाट भित्र पस्न आग्रह गरे । यसरी नेपालका राष्ट्रपतिको अपमान हुनेगरी भित्र प्रवेश गर्न खोज्ने राजदूत रे लाई नेपाली सुरक्षाकर्मीले उल्टै अपमान गरेका थिए ।
dainiknepal.com

धुन्चे (रसुवा), १३ कात्तिक । नेपाल लागि चीन सरकारले दिने अनुदान पेट्रोलियम पदार्थ लिन नेपाली ट्याङ्कर रसुवा भित्रिएका छन् ।
नेपाल आयल निगममार्फत ती पठाएका ट्याङ्कर रसुवा भित्रिने क्रममा आज साँझसम्म सबै ट्याङ्कर रसुवागढी नाका पुग्ने रसुवाका प्रजिअ शिवराम गेलालले जानकारी दिनुभयो । उहाँका अनुसार शनिबार चीन सरकारले नेपाली ट्याङ्करमा तेल भर्ने कार्यक्रम रहेको छ ।
राजधानी काठमाडाँैबाट गल्छी देवीघाट, त्रिशूली, धुन्चे, स्याफ्रुबेसी हुँदै रसुवागढी नाकासम्म १४४ किमी पर्ने र बिहान तेल भरेपछि अपराह्न केन्द्रीय भण्डारमा सहजरुपमा नै पुग्ने यातायात व्यवसायीले बताएका छन् ।
तेल हस्तान्तरण कार्यक्रममा चीनका लागि नेपालका राजदूत महेश मास्के र ल्हासाका महावाणिज्यदूत हरि बस्याल र चिनियाँ राजदूतावास काठमाडाँैका डिसिएम चेङ्जी र स्थानीय अधिकारी, तेल हस्तान्तरण कार्यक्रम नेपाल चीन सीमा क्षेत्रको रसुवागढी नाकाबाट नेपाली समयअनुसार भोलि बिहान ११ः०० बजे हुने जानकारी पाएको प्रजिअ गेलालले बताउनुभयो ।
राजदूत मास्के भोलि शनिबार नै रसुृवागढी पुग्ने र डिसिएम चेम्जीसहित टोली काठमाडौँबाट धुन्चे पुगी तेल हस्तान्तरण कार्यक्रमको जानकारी दिएर रसुवागढी प्रस्थान गर्नुभएको समेत प्रजिअ गेलाले बताउनुभयो ।
यस्तै, चीन सरकारले दिने पेट्रोलियम पदार्थ बोक्ने ट्याङ्करका लागि यथेस्ट सुरक्षा व्यवस्था मिलाइसकिएको प्रहरी नायब उपरीक्षक अवदेश विष्टले बताउनुभयो ।
यसैगरी नेपाल पेट्रोलियम डिलर एसोसिएसन र नेपाल पेट्रोलियम ढुवानी व्यवसायी महासङ्घको टोलीले सडकको अवस्था हेरी वर्तमान अवस्थामा सहज भए पनि दीर्घकालीन रुपका लागि सडक सुधार गर्नुपर्ने आवश्यक देखिएको व्यवसायी महासङ्घका महासचिव विश्वप्रसाद अर्यालले बतानुभयो । रासस
dainiknepal.com

असोज १३, काठमाडौं । ‘लक्ष्मी र सरस्वती एकै ठाउँमा बस्न सक्दैनन् ती दुवैलाई एकै स्थानमा बस्ने घर बनाउँदैछु’ भनेर नयाँ शक्तिको डंका पिटेर हिंडेका डा। बाबुराम भट्टराईका पिए भने भान्छेलाई मरणासन्न हुने गरी पिट्ने धन्दामा लागेका छन् ।

नयाँ शक्तिको नाममा एमाओवादी फुटाएर क्षेत्रीय राजनीतिको बिंडो थाम्ने योजनामा रहेका भट्टराईका पिए सनिप बुढाले सशस्त्र प्रहरीका परिचर (भान्छे)लाई मरणासन्न हुने गरी पिटेका छन् ।
भट्टराईको सुरक्षामा रहेका सशस्त्र प्रहरी बलका परिचर विष्णु श्रेष्ठलाई गत कात्तिक ६ गते शुक्रबार अपराह्न तीन बजे सानेपा निवासमा ढोका थुनेर पिटेका थिए । नयाँ शक्तिको गफ दिएर दिउँसै मापसे गरेर आएका सनिपले खाना नमीठो पकाएको भन्दै श्रेष्ठको टाउकोमा प्रेसर कुकरको बिर्कोले हिर्काएका थिए ।
सशस्त्र प्रहरीका जवानहरू सानेपा निवासमा टिटी खेलेर बसेको वेला भान्छा कोठाको ढोका थुनेर मरणासन्न हुने गरी पिटेका थिए । मादक पदार्थ सेवन गरेका सनिपले श्रेष्ठको मुख थुनेर पिटेपछि रक्तमुच्छेल भएर लडेका थिए । बाहिर हल्ला गरे मारेर फालिदिने भन्दै धम्की समेत दिएका थिए ।


सञ्चारमाध्यममा खबर सार्वजनिक भए नयाँ शक्तिको बद्नाम हुने भन्दै हुलिया र परिचय समेत ढाँटेर श्रेष्ठको स्टार अस्पताल सानेपामा उपचार भइरहेको छ । उनको टाउकोमा गम्भीर चोट लागेको छ । श्रेष्ठको सिटी स्क्यान गरिएको छ । भान्छा कोठादेखि भट्टराईको निवासको गेटसम्म रगतको धारो लागेको थियो ।
भान्छे भान्छाकोठामा ढलेपछि हल्लीखल्ली भए पनि चुपचाप स्टार हस्पिटल पु¥याइएको थियो । सनिपले आतंक मच्चाए पनि सो कुराको जानकारी नयाँ शक्तिका रणनीतिकार डा. भट्टराईलाई भने दिइएको वा नदिइएको भन्ने बारेमा जानकारी हुनसकेको छैन ।

यद्यपि विष्णु श्रेष्ठकी श्रीमती राममायाले भने आफ्ना श्रीमान्लाई हत्या गर्ने नियतले आक्रमण भएको बताइन् । श्रीमान्को उपचार गर्ने खर्च समेत नभएको भन्दै गुनासो गरेकी छिन् । सनिपको आतंक बाहिर ल्याउन नहुने भन्दै बाबुराम पत्नी हिसिला यमीले तानाबाना बुनेकी छिन् ।
बाबुरामको बेइज्जत हुन्छ भन्दै यमीले सनिपलाई कुनै पनि कुरा बाहिर नलान र सशस्त्र प्रहरीलाई समेत सो कुरा नभन्न भनेकी छिन् । भीआईपीलाई जानकारी दिइएको छ जस्तो लाग्दैन, म बडो समस्यामा परें श्रेष्ठकी श्रीमती राममायाले भनिन् ।

उनले आफ्ना श्रीमान्को जीवन रक्षा गरिदिन र उपचार खर्च मिलाइदिन सञ्चारकर्मीलाई आग्रह गरेकी छिन् । तर डा. भट्टराईले भने सनिपलाई आफूसँगै लिएर हिंड्ने गरेका छन् । उद्दण्ड स्वभावका सनिपलाई कारबाही गर्ने आँट डा. भट्टराईसँग छ कि छैन हेर्न बाँकी छ ।
जनआह्वान साप्ताहिकबाट

१३ कात्तिक, बिराटनगर ।

नेपालले चीनसँग इन्धन आपुर्ति सम्झौता गरेपछि भारतबाट आउने इन्धनको मात्रा बढेको छ ।


सुरक्षाको कारण देखाउँदै पेट्रोलियम पदार्थ रोकिरहेको भारतीय आयल निगमले चीनसँग सम्झौता भएपछि सामान्य अवस्थामा भन्दा बढी पेट्रोलियम पदार्थ दिन थालेको हो ।

शुक्रबार विहान जोगवनी नाकाबाट ५२ टंयाकर डिजेल, पेट्रोल ८ टंयाकर र ४ वटा ग्यासको बुलेट भित्रिएको विराटनगर भन्सार कार्यालयले जानकारी दिएको छ ।  nepaliheadlines.com

काठमाडौं– एमाओवादीको चेतावनीपछि नेता नन्द किशोर पुन पासाङ नै उपराष्ट्रपतिको उम्मेद्वार बनेका छन् । पूर्वसहमति अनुरुप गठबन्धबाट सहयोग नभए गठबन्ध टुट्न सक्ने एमाओवादीले चेतावनी दिएपछि

विवादका बीचनै सत्ता गठबन्धन पासाङलाई उम्मेद्वार बनाउन राजी भएको हो । एमाओवादीको आज बिहान बसेको बैठकले उपराष्ट्रपति पदमा विभिन्न चलखेल भएको निश्कर्ष निकालेको थियो । पार्टी अध्यक्ष प्रचण्ड निवास लाजिम्पाटमा बसेको बैठकले अन्तिम समयमा आएर अड्को थाप्ने प्रयास भएको ठहर गर्दै पासाङको विकल्पमा अरु कसैलाई पठाउन नसकिने र त्यसो भए गठबन्धन नै टुट्न सक्ने चेतावनी दिएको थियो । बिहिबार बसेको सत्ताधारी दल सम्मिलित उच्चस्तरीय राजनीतिक समन्वय समितिको बैठकमा उपराष्ट्रपति तराईका थारु, दलित, पिछडिएका जनजातिलाई दिने विषय उठेको थियो । तर, एमाओवादीले भने पासाङलाई नै राष्ट्रपति बनाउनुपर्ने अडान राखेको र आजको सत्ताधारीसँगको बैठकमा पनि सोहि विषयमा कडा रुपमा प्रस्तुत भएको थियो । एमाओवादीको चेतावनीपछि सत्ताधारी दलभित्रको विवादका बीचनै केहि बेरअघि सम्पन्न सत्ताधारी दलको बैठकले पासाङलाई नै उपराष्ट्रपतकिो उम्मेद्वार बनाउने निर्णय भएको छ । निर्णयसँगै एमाले बरिष्ठ नेता झलनाथ खनालको प्रस्ताव र राप्रपा नेपालका दीलनाथ गिरी र फोरम लोकतान्त्रिकका योगेन्द्र चौधरीको समर्थनमा उनले उम्मेद्वारी दर्ता गराइसकेका छन् । पासाङको उम्मेदवारी दर्ताका लागि प्रधानमन्त्री केपी शर्मा ओली, एमाओवादी अध्यक्ष प्रचण्डलगायतका नेताहरु संसद भवन नयाँ वानेश्वर पुगेका थिए । उपराष्ट्रपतिको चुनाव भोलि हुँदैछ ।ratopati भिडियो हेर्न तलको बाकस थिच्नुहोस