आन्दोलनकारीले इलाका प्रहरी कार्यालय जलाए
वीरगन्ज : वीरगन्जको नगवामा रहेको इलाका प्रहरी कार्यालयमा शनिवार दिउँसो स्थानीयवासीको एक समुहले आगजनी गरेको छ।करिब २०/२५ जनाको संख्यामा रहेका स्थानीयवासीको समुहले इलाका प्रहरी कार्यालयमा आगजनी गरेका हुन्। आगजनीबाट प्रहरी कार्यालयमा रहेका भवन , फर्निचर , कागजपत्रका साथै कार्यालय परिसरमा रहेको प्रतिक्षलय जलेर ध्वस्त भएको छ।
वीरगन्जमा गत सोमबार र मंगलवार भएको झडपपछि असुरक्षाका कारण इलाका प्रहरी कार्यालय नगवाबाट प्रहरीहरुलाई चार दिन पहिले नै जिल्ला प्रहरी कार्यालय पर्सामा फिर्ता बोलाइएको थियो।
आगजनीका कारण प्रहरी कार्यालय जलेर ध्वस्त भएपनि पर्साका प्रहरी उपरीक्षक दिवेश लोहनीले भने प्रहरी कार्यालयमा आगजनी नभएको बताएका छन् ।
केहि व्याक्तिले आगो लगाउने प्रयास गरेपनि प्रहरीले उनीहरुलाइ धपाएको प्रहरी उपरिक्षक लोहनीले बताए ।
यस्तै वीरगन्जको पावर हाउस चोकमा रहेको नेपाल प्रहरी र ट्राफिक प्रहरीको बिट पनि शनिवार दिउँसो स्थानीय युवाहरुको समुहले तोडफोड गरेर भत्काइ दिएको छ ।
annapurnapost.com
0 comments
Write Down Your Responses