चलचित्र विकास बोर्डले एकसात अगाडि वितरण गरेको ‘राष्ट्रिय चलचित्र पुरस्कार’को बिषयमा अझै पनि विभिन्न खालका चर्चा भैरहेका छन् । सामाजिक संजालमा केही ब्लगहरुमा आएका समाचारलाई लिएर विभिन्न खालका टिकाटिप्पणी पनि भैरहेका छन् ।
विशेषगरि, नायिका नम्रता श्रेष्ठ र सूचना तथा संचारमन्त्री डाक्टर मिनेन्द्र रिजालको नाम जोडेर लेखिएका ब्लगका समाचारले सामाजिक संजालमा एक किसिमको चर्चा भैरहेको छ । यही समाचारले मन्त्री रिजाललाई तनाव भएका खबर पनि सार्वजनिक नभएका होइनन् ।
पुरस्कार कार्यक्रम समाप्त भएको करिब एक सातापछि नायिका नम्रता श्रेष्ठले यस बिषयमा मुख खोलेकी छिन् । उनले आफू राष्ट्रपति निवासबाट कार्यक्रम सकिए लगतै निस्कनुको कारण म्यूजिक भिडियोको छायांकन भएको बताएकी छिन् । फेसबुकमार्फत आफ्नो भनाई सार्वजनिक गर्दै नम्रताले बिहान ८ बजेदेखि आफू छायांकनमा व्यस्त भएको र चलचित्र विकास बोर्डका सदस्यहरुले खबर गरेकाले पुरस्कार कार्यक्रममा उपस्थित भएको बताएकी छिन् ।
यस्तै, उनले पुरस्कारका बारेमा कुरा गर्न नै नचाहेको पनि लेखेकी छिन् । उनले केही ब्लगमा ट्याबलोइड शैलीका हेडलाइन्स राखेर आएका मनलाग्दी समाचारप्रति भने ध्यानाकर्षण भएको बताएकी छिन् । नम्रताले लेखेकी छिन्-‘म कलाकार भएकोमा गर्व गर्छु । तर, यस्ता किसिमका समाचारले मेरो व्यवसाय र यो क्षेत्रप्रति नै प्रश्न उठ्छ ?’ उनले चलचित्र क्षेत्रले यस्तो बिषयमा गम्भिर भएर सोच्नुपर्ने समेत लेखेकी छिन् । चलचित्र क्षेत्रले सोचेको खण्डमा फेरि यस्ता कुरा नउठ्ने नम्रताको भनाई छ ।
नम्रताले ब्लगमा आएका समाचार भनेपनि बिषयवस्तु भने समावेश के थियो भन्ने लेखेकी छैनन् । तर, नम्रताले पुरस्कार नपाएपछि विभिन्न ब्लगमा उनी र मन्त्री रिजालको नाम जोडेर हेडलाइन्स बनाइएका थिए ।
www.onlinekhabar.com

काठमाडौं, २० सउन । काठमाडौंको सिनामंगलस्थित जिरी ओभरसिजले वैदेशिक रोजगारीमा पठाउने बहानामा अहिले पनि नेपाली कामदार युवकहरूसँग रकम ठगी गरेको तथ्य बाहिर सार्वजनिक भएको छ । ओभरसिजका सञ्चालकहरूले खाडी मुलुकहरूमा कामका लागि पठाउने बहानामा रकम ठगी गरेका हुन् । जिरी

ओभरसिजबाट पीडित बनेका युवाहरूले आज (बुधबार) बिहान दैनिक नेपालको ल्याण्डलाइन फोनमा सम्पर्क गरी ओभरसिजले गरेको ठगीका विषयमा गुनासो सुनाए । उनीहरूले जिरी ओभरसिजका व्यवसायीहरूलाई कारबाहीको माग गरेका छन् । ‘हाम्रो नाम नलेखी दिनु होला । होइन भने विदेश नपठाउलान । उनीहरूको ठगीका बारेमा लेखिदिनु प¥यो’, पीडित एक युवकले भने, ‘मसहितका युवासँग जिरी ओभरसिजले खाडी मुलुकमा रोजगारीमा जानका लागि साढे तीनलासम्म रकम माग गरेको छ ।’ सरकारी दरअनुसार एक महिनाअघिको डिमान्डमा जुनसुकै कामका लागि विदेश जानुपरे न्यूनतम २० हजारदेखि ८० हजारसम्म मात्रै म्यानपावरहरूले लिन पाउने व्यवस्था छ । तर म्यानपावर व्यवसायीहरूले गाउँबाट आएका सर्वसाधारण युवासँग मनपरी रकम असुल्ने गरेका छन् । उता, सरकारले दुईसाता यता मलेसियासहित खाडी मुलुकहरूका लागि अधिकतम १८ हजारसम्म मात्रै रकम लिन पाउने निर्णय गरेको छ । व्यवसायीहरूले अब खाडी मुलुक र मलेसियका लागि बढीमा १८ हजारभन्दा धेरै रकम लिन पाउने छैनन् । भिडियो हेर्न तलको बाकस थिच्नुहोस

काठमाडौं, साउन । अन्तर्राष्ट्रिय बजारमा निरन्तर मूल्यमा गिरावट आएसँगै नेपालमा पनि सुनको भाउ घटिरहेको छ ।
नेपाल सुनचाँदी व्यवसायी महासंघका अनुसार मंगलबार नेपाली बजारमा सुनको भाउ तोलामा ३ सय रुपैयाँले घटेको छ । महासंघले मंगलबार सुनको भाउ तोलाको ४७ हजार ५ सय रुपैयाँ तोकेको छ ।
जून पाँच वर्षयताकै सस्तो हो । सोमबार २ सय रुपैयाँ घटेर ४७ हजार ८ सय रुपैयाँमा किनबेच भएको सुनको भाउ मंगलबार ३ सय रुपैयाँले घटेको नेपाल सुनचाँदी व्यवसायी महासंघका अध्यक्ष मणिरत्न शाक्यले बताए ।
उनका अनुसार सुनको भाउ अझै घट्ने सम्भावना छ । नेपालमा तोलको ६३ हजारसम्म पुगेको सुनको मुल्यमा निरन्तर ओरालो लागेको हो ।
dainiknepal.com

काठमाडौं – २३ वर्षको उमेरमा गाविस अध्यक्ष भएका महेश बस्नेत युवा उमेरमै मन्त्री समेत बनिसकेका छन् । सुरुमा गुण्डाका संरक्षकलाई मन्त्री बनाइएको भन्दै उनको निकै आलोचना भयो, तर यतिबेला क्याबिनेटका स्वच्छ छवीका थोरैमध्येमा उनको पहिचान बनेको छ ।

यूथफोर्सका इन्चार्जका रुपमा ७ वर्षअघि मात्र चर्चामा आएका बस्नेतले छोटो अवधिमै राजनीतिमा निकै छलाङ मारिसकेका छन् । मन्त्री बस्नेतले हालै ‘म महेश बस्नेत’ नामक आत्मकथा लेखेका छन् । जसमा उनले आफ्नो आरोह अवरोहको बारेमा खुलाएका छन् । साथै विभिन्न घटनाक्रमको खुलासासमेत गरेका छन् ।
आफूसँग नाम जोडिएका डनहरुको बारेमा पनि उनले पुस्तकमा खुलाएका छन् । गत वर्ष प्रहरी इन्काउन्टर मारिएका डन दिनेश अधिकारी ‘चरी’ लाई बाईसिएलको आतंकविरुद्द प्रयोग गर्न पार्टीमा भित्राएको उनले उल्लेख गरेका छन् । अखिल नेता ऐन महरले चरीलाई भित्राउने बारेमा प्रस्ताव ल्याएको उल्लेख गरेका छन् । ‘तपाईंले एउटा मौका दिनूस् दाइ, हामी सुध्रिएर देखाउँछौं’ भनेपछि आफूले युथफोर्समा प्रवेश गराएको बस्नेतले आफ्नो पुस्तकमा लेखेका छन् । बुटवल अधिवेशन चलिरहेका बेला एक व्यक्तिलाई गोली हानेर चरीले बस्नेतलाई फोन गरेका थिए । चरीसँगको सम्बन्धका बारेमा उनले आफ्नो किताबमा लामो लेख लेखेका छन्, आजको दृष्टि साप्ताहिकमा खबर छ ।

काठमाडौं, साउन २० । सीमांकनसहितको संविधान जारी गर्न एमाले बाधकजस्तो गरी प्रधानमन्त्री सुशील कोइराला र अन्य दलका केही नेताबाट अभिव्यक्ति आएपछि एमाले अध्यक्ष केपी ओली रुष्ट बनेका छन् । उनले सीमांकनको विषयमा एमाले बाधक नरहेको तर यसका नाममा संविधान जारी हुने प्रक्रिया रोक्न नमिल्ने प्रस्टयाएका छन् ।

केही दिनअघि प्रधानमन्त्रीसहित अन्य दलका नेताले आफूहरू सीमांकनसहित संविधान जारी गर्ने पक्षमा रहेको तर एमाले नेताहरूले नमानेको भनी सार्वजनिक टिप्पणी गरेका थिए ।

ओलीले मंगलबार दिउँसो सामाजिक सन्जालमार्फत संविधान बन्न नदिने खेलअन्तर्गत यस्तो अभिव्यक्ति आएको टिप्पणी गरेका छन् । उनले टविटरमा भनेका छन्, ‘संविधान बन्न नदिने खेल मात्र होइन, ओलम्पिक खेल नै भइरहेको छ, तर यसलाई एमालेले असफल पार्छ, असफल पार्न नेतृत्व गर्छ ।’

१६ बुँदे सहमतिभन्दा विपरीत गएर संविधान नै जारी हुन नदिने प्रयास भइरहेको ओलीले संकेत गरे । ‘मैले प्रधानमन्त्रीलाई हिजो (सोमबार) बिहानै भनिदिएको थिएँ, सीमांकन गर्ने कुरामा एमाले बाधक बन्दैन,’ ओलीले अर्को टविटमा भनेका छन् । कान्तिपुर दैनिकमा समाचार छ ।

आज वि.सं. २०७२ श्रावण २० गते बुधबार तदनुसार ई. सं. २०१५ अगस्ट ०५ तारिख
श्रावण कृष्ण पञ्चमी, रेवती नक्षत्र, मीन राशिको चन्द्रमा, धृति योग, वणिज करण
भोलिको मूहुर्त : अन्नप्राशन(पास्नी),

आजको राशिफल

मेष (चु, चे, चो, ला, लि, लु, ले, लो, अ) –
यात्रामा झमेला आउनसक्छ, त्यसैले सवारी साधन चलाउँदा वा बाटो काट्दा होस राख्नुहोला । स्वास्थ्य खराब हुनसक्छ, खानपानमा नियन्त्रण गर्नु बेस हुनेछ । काममा बाधा हुनाले र धनको अभावमा मनमा अशान्ति र छटपटी व्याप्त हुने छ । शरीरमा स्फूर्ति र उमंगको कमी हुनेछ । खर्च बढ्ने सम्भावना छ । आजका लागि शुभअङ्क ३ र शुभरङ्ग गुलाबी हो भने कुनै शुभकर्म गर्नु पूर्व वा यात्रामा जानु अघि आज ॐ अं अङ्गारकाय नमः यस मन्त्रको कम्तीमा १० पटक जप गरी आरम्भ गर्दा लाभ प्राप्त हुनेछ ।

बृष (इ, उ, ए, ओ, बा, बि, बु, बे, बो) –
प्रशासनिक र राज्यपक्षबाट हुनुपर्ने काममा सफलता प्राप्त हुनेछ । परोपकारी काममा रुचि बढ्ने योग छ । मिष्ठान्न भोजन प्राप्त हुनेछ । पठनपाठनमा प्रगति हुनेछ । अरुबाट तपार्इंका कामको उच्च मूल्याङ्कन हुने सङ्केत छ । बोलीको कदर हुनेछ । प्रशंसा, बढुवा वा जिम्मेवारी मिल्ने देखिन्छ । स्वास्थ्य सबल छ । आजका लागि शुभअङ्क ९ र शुभरङ्ग गाढा रातो हो भने कुनै शुभकर्म गर्नु पूर्व वा यात्रामा जानु अघि आज ॐ नमश्चण्डिकायै यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

मिथुन (का, कि, कु, घ, ङ, छ, के, को, ह) –
पितृधनबाट फाइदा उठाउन सकिनेछ । प्रशस्त आम्दानी हुने सङ्केत छ, तर आम्दानी गरिएको धन मनोरञ्जनात्मक क्षेत्रमा खर्च हुनसक्छ । हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ । विगतमा गरिएको श्रमको समुचित मूल्याङ्कन हुनेछ । प्रतिष्ठित काम गर्ने अवसर जुर्नेछ । आजका लागि शुभअङ्क ९ र शुभरङ्ग छिर्केमिर्के बुट्टे हो भने कुनै शुभकर्म गर्नु पूर्व वा यात्रामा जानु अघि आज ॐ कें केतवे नमः यस मन्त्रको कम्तीमा ७ पटक जप गरी आरम्भ गर्दा लाभ प्राप्त हुनेछ ।

कर्कट (हि, हु, हे, हो, डा, डि, डु, डे, डो) –
शीघ्र निर्णय गर्ने क्षमतामा ह्रास भएको महसुस हुनेछ, तर नवम भावमा रहेको चन्द्रमाले सरल ढंगले दैनिकी सञ्चालनमा सघाउ पुर्याउने छ । सामाजिक कामबाट धेरथोर फाइदा नै हुनेछ । अभिभावकको स्वास्थ्य र मानसिकतामा सामान्य प्रभाव पर्न सक्छ । कताकता र्वराग्यका भावना मँडारिन सक्छन् । आजका लागि शुभअङ्क ३ र शुभरङ्ग सिन्दुरे रातो हो भने कुनै शुभकर्म गर्नु पूर्व वा यात्रामा जानु अघि आज ॐ हं हनुमते नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

सिंह (मा, मि, मु, मे, मो, टा, टि, टु, टे) –
धन, धर्म र भाग्यमा हानी पुग्ने सम्भावना छ । स्वास्थ्यमा अचानक गडबडी आउने सम्भावना देखिन्छ । विभिन्न समस्याहरू झेल्ने समय छ । घरपरिवारभित्र सानातिना समस्या देखिनसक्छन् । मानसिक तनाव र चिडचिडेपन देखिन सक्छ । सामाजिक र परोपकारका मार्गमा अवरोध हुनेछ । प्रतिष्ठा प्राप्तिका लागि संघर्ष गर्नुपर्छ । आजका लागि शुभअङ्क २ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ सों सोमाय नमः यस मन्त्रको कम्तीमा ११ पटक जप गरी आरम्भ गर्दा लाभ प्राप्त हुनेछ ।

कन्या (टो, प, पि, पु, ष, ण, ठ, पे, पो) –
परिवारमा रमाइलो वातावरण सिर्जना हुनेछ, साथीभाइ र आत्मीयजनसँग भेटघाट हुनेछ । मनोरञ्जनमा रमाउन पाउनु हुनेछ । आत्मविश्वास र शीघ्र निर्णय गर्ने क्षमता अभिवृद्धि हुनेछ । साथीभाइबाट प्राप्त सल्लाहबाट गरिएको कामबाट फाइदा हुनेछ । पेसाव्यवसाय वा बन्दव्यापारबाट लाभ मिल्नेछ । आजका लागि शुभअङ्क ४ र शुभरङ्ग पहेंलो वा गुलाबी हो भने कुनै शुभकर्म गर्नु पूर्व वा यात्रामा जानु अघि आज ॐ महालक्ष्म्यै नमः यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

तुला (र, रि, रु, रे, रो, ता, ति, तु, ते) –
आज गरिएका जुनसुकै काममा सफलता प्राप्त हुनेछ । शत्रुले तपाईंको छवि बिगार्ने प्रयास गरे पनि तिनको क्रियाकलापले उल्टै उनीहरूकै हानि हुनेछ । व्यवसायिक स्थितिमा सुधार आउने छ । स्वास्थ्य सबल रहने छ । हडबड र शीघ्रताले काम गर्ने प्रवृत्तिमा नियन्त्रण गर्नु राम्रो हुन्छ । आजका लागि शुभअङ्क २ र शुभरङ्ग सेतो वा घिउरङ्ग हो भने कुनै शुभकर्म गर्नु पूर्व वा यात्रामा जानु अघि आज ॐ नमः शिवाय यस मन्त्रको कम्तीमा २१ पटक जप गरी आरम्भ गर्दा लाभ प्राप्त हुनेछ ।

बृश्चिक (तो, ना, नि, नु, ने, नो, या, यि, यु) –
शैक्षिक, प्राज्ञिक र बौद्धिक क्षेत्रका लागि समय निकाल्न सकेमा प्रगति हुनसक्छ, तर अवरोधको सम्भावना छ । गुरुजन, अभिभावक र साथीभाइले दिएको सल्लाहाबमोजिम मानप्रतिष्ठा र सामाजिक मर्यादाका लागि गरेको प्रयास सफल हुनेछ । सन्ततिको पठनपाठन र व्यक्तित्वविकासको चिन्ताले सताउन सक्छ । आजका लागि शुभअङ्क ७ र शुभरङ्ग नीलो हो भने कुनै शुभकर्म गर्नु पूर्व वा यात्रामा जानु अघि आज ॐ मृत्युञ्जयाय नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

धनु (ये, यो, भ, भि, भु, ध, फा, ढ, भे) –
चन्द्रमा अशुभ छ, तर डराई हाल्नुपर्दैन । घरायसी वातावरणमा सुधार आउने छ । मनमा उत्साह र हौसला प्राप्त हुनेछ । मानसिक रूपमा सबल भइने छ । मित्रवर्ग, साथीभाइ र सहयोगीहरूले भरपूर सहयोग गर्नेछन् । आज आफ्ना लक्ष्य र योजनाका बारेमा खुलेर छलफल गरेमा सही मार्गदर्शन हुनसक्छ । आजका लागि शुभअङ्क ६ र शुभरङ्ग सफा र चम्किलो हो भने कुनै शुभकर्म गर्नु पूर्व वा यात्रामा जानु अघि आज ॐ शुं शुक्राय नमः यस मन्त्रको कम्तीमा ११ पटक जप गरी आरम्भ गर्दा लाभ प्राप्त हुनेछ ।

मकर (भो, ज, जि, खि, खु, खे, खो, गा, गि) –
भाइबहिनीका तर्फबाट खुसीको खबर प्राप्त हुने सम्भावना छ । धार्मिक र सामाजिक काममा समय बित्नेछ । दिनदुःखीलाई दिएको सानो सहयोगले रोकिएको काम बन्न सक्छ । पशुपालक र दुग्धव्यवसायमा संलग्नहरूले मनग्ये लाभ प्राप्त गर्नेछन् । सामाजिक र पारिवारिक सम्बन्ध सुदृढ हुनेछ । आजका लागि शुभअङ्क ८ र शुभरङ्ग ध्वाँसे हो भने कुनै शुभकर्म गर्नु पूर्व वा यात्रामा जानु अघि आज ॐ रां राहवे नमः यस मन्त्रको कम्तीमा १८ पटक जप गरी आरम्भ गर्दा लाभ प्राप्त हुनेछ ।

कुम्भ (गु, गे, गो, सा, सि, सु, से, सो, द) –
कामको दायित्व क्रमशः बढ्दै जानेछ । छरछिमेकी वा इष्टमित्रको जिम्मेबारी वहन गर्नु पर्नेछ । नयाँ काममा हात हाल्नु उति राम्रो छैन, तर गरिआएका काममा फाइदा नै हुनेछ । बोलीमा प्रभाव रहने छैन, त्यसैले विवाद र झगडामा पछि हट्नु राम्रो हुनेछ । पछिसम्म काम लाग्ने वस्तुको खरिदमा फाइदा हुँदैन । आजका लागि शुभअङ्क ६ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ गुरवे नमः यस मन्त्रको कम्तीमा २४ पटक जप गरी आरम्भ गर्दा लाभ प्राप्त हुनेछ ।

मीन (दि, दु, थ, झ, ञ, दे, दो, च, चि) –
आज मन उत्ताउलो बन्नेछ, निर्णयक्षमतामा कमी आउनसक्छ । साथीभाइ र परिवारका सदस्यहरूले समेत तपाईंको भावना बुझ्न सक्दैनन् । कल्पना र भावुकतामा मन रुमल्लिने छ । घरभित्रका झिनामसिना समस्या देखिन सक्छन् । पेसा, व्यवसाय वा व्यापारबाट पयाृप्त लाभ हुनेछैन । दिक्कलाग्दो यात्रा हुनसक्छ । आजका लागि शुभअङ्क ५ र शुभरङ्ग बैजनी वा पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ नमो भगवते वासुदेवाय यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

यदि तपाई पुरै रात निदाउनु हुन्न भने यस्तो खाना खानुस जसले तपाई आनन्दको निन्द्रा लाग्दछ।

अक्सफोड यूनिभर्सिटिमा गरिएको खोजका आधारमा ओमेगा ३ फ्याटी एसिड युक्त खाना खानाले निन्द्र नलाग्ने समस्या हराउँदै जान्छ। ओमेगा ३ फ्याटि एसिड युक्त खाना जस्तै काउली,भटमास, ओखर, तोफु ,पालुङगो, ब्रोकाउली,स्ट्रबेरी आदि खानु पर्दछ ।

 खोजमा बच्चाहरुमा गरिएको परिक्षणका आधारमा  ३ फ्याटि  एसिड युक्त खाना खुँवाउदा ब च्चाहरु भुसुक्कै निदाएका थिए । यसको  आधारमा  खोजले के पत्ता लगायो

 भने ओमेगा ३ फ्याटि एसिड  युक्त खाना र निन्द्रमा गहिरो सम्बन्ध छ । खोजका अनुसार यहि फ्याटि एसिड युक्त खाना खानाले निन्द्र सम्बन्धी हुने समस्या तुरुन्तै सुल्झिने छ।

तपाई सुन्दर र चम्किलो छाला बनाई आफ्नो सौन्दर्य बढाउन चाहानुहुन्छ ? तर, तपाईको डन्डीफोरले तपाईलाई तनाव दिइरहेको छ । अनुहारमा आउने डन्डीफोरले तपाईंको सुन्दरतामा दाग लगाइदिन्छ। डन्डीफोर छिटै निको पनि हुँदैन। केही घरेलु उपाय अपनाएर डन्डीफोरबाट छुटकारा पाउन सकिन्छ।
ल्वाङ
डन्डीफोरको समस्याबाट राहत दिलाउन ल्वाङ गुणकारी छ। यसका पाउडर वा पेस्ट बनाएर अथवा यसको तेललाई डन्डीफोर भएको ठाउँमा लगाए फायदा हुन्छ। एक कप पानीमा ल्वाङ उमाल्ने। पानी चिसो भएपछि त्यसमा भएका ल्वाङलाई मुछ्ने र अनुहारमा डन्डीफोर भएको ठाउँमा लगाउने। आधी घण्टासम्म राख्ने। सुखेपछि चिसो पानीले अनुहार धुने। यसो गर्दा डन्डीफोर हटेर जान्छन्।

मह
धेरै कम मानिसलाई थाहा छ कि महले अनुहारमा भएका डन्डीफोरलाई हटाउने काम गर्छ। डन्डीफोर भएको भागमा मह दलेर केही बेर राख्ने। १५ मिनेटपछि चिसो पानीले धुने। चिसो दूधले पनि अनुहार धुन सकिन्छ। यसले डन्डीफोरको समस्याबाट छुटकारा त दिलाउँछ नै तपाईंको छाला चम्किलो पनि बनाउँछ।

केराको बोक्रा
केराको प्याकले छालालाई कोमल बनाउनका साथै छालाको भित्री भागमा पोषण पनि पुर्यािउँछ। केराको साथसाथै त्यसको बोक्रा पनि त्यति नै लाभकारी छ। यसले डन्डीफोरको समस्या हटाउन मद्दत गर्छ। केरालाई मुछेर यत्तिकै वा महसँग मिसाएर लगाउँदा अनुहारका छिद्र खुल्छन्। जसले गर्दा अनुहारलाई भरपुर अक्सिजन मिल्छ। दहीसँग केरा मिसाएर लगाउनाले पनि फायदा हुन्छ। पानीले धोएपछि अनुहारमा आइस दल्ने र मसाज गर्ने।

कागतीको रस
डन्डीफोरका लागि कागतीको रस एकदमै प्रभावकारी हो। यसले डन्डीफोरको समस्या हटाउनका साथै छालालाई चम्किलो पनि बनाउँछ। तर, कागतीको रस सीधै अनुहारमा लगाउँदा यसले पोल्छ। त्यसैले यसलाई पानी वा महसँग मिसाएर लगाउनुपर्छ।

गोलभेँडा
गोलभेँडामा पाइने तत्व छालाका लागि लाभकारी हुन्छन्। गोलभेँडामा पनि कागतीजस्तै धेरै फाइदाजनक तत्व पाइन्छन् जसले डन्डीफोर हटाउन मद्दत गर्छन् र छालालाई चम्किलो बनाउँछन्। गोलभेँडाको रस अनुहारको छालाभित्रैसम्म पुग्ने गरी लगाउनुपर्छ। आधी घण्टा अनुहारमा राखेर चिसो पानीले पखाल्दा यसले छिट्टै फाइदा दिन्छ।

काठमाडौं, ल्वाँङलाइ नेपाली खानामा बिशेष ठाउँ दिइएको छ । यसको उपयोगबाट खानामा स्वाद आउँदछ, साथसाथै यसमा केही महत्वपूर्ण गुणहरू समेत रहेका हुन्छन । यसको उपयोग तेल तथा एन्टीसेप्टिकका रुपमा गर्ने गरिन्छ । ल्वाँङमा तपाइँको स्वास्थ्यलाइ तन्दुरुस्त राख्नका लागी कयौं गुणहरू रहेका हुन्छन ।

ल्वाँङमा हुने एक बिशेष प्रकारको स्वाद यसमा हुने एक तत्व युजेनलको कारणले हुने गर्दछ, यहि तत्वका कारण यसका एक बिशेष किसिमको गन्ध उत्पन्न हुन्छ । यद्दपी, ल्वाँङ हरेक मौसममा हरेक उमेरका मानिसहरूका लागी लाभदायक छ तर सर्दीको मौसममा यसको बिशेष महत्व रहेको छ, किनभने यसमा गर्मी गर्ने तत्व धेरै हुन्छ । ल्वाँङको तेलले निकै गर्मी गराउँदछ, यसका कारण यसको निकै सावधानीसंग प्रयोग गर्नु पर्दछ । जब तपाइँ यसलाइ आफ्नो त्वचामा प्रयोग गर्नुहुन्छ, त्यतिबेला यसलाइ केही अन्य कुरामा मिलाएर लगाउनु पर्दछ ।

यहाँ ल्वाँङका १० गुणहरूका बारेमा चर्चा गरिएको छ

१. दांतहरूमा हुने पीडामा ल्वाँङको प्रयोगले राहत मिल्दछ र यही कारणले ९९ प्रतिशत टूथपेस्टमा हुने पदार्थहरूको लिस्टमा ल्वाँङको बिशेष रूपमा प्रयोग हुने गर्दछ ।

२. खोकी र गन्हाउने स्वासको उपचारका लागी ल्वाँङको प्रयोग गर्न सकिन्छ । ल्वाँङको नियमित प्रयोगले यी समस्याहरूबाट छुटकारा पाउन सकिन्छ । तपाइँ ल्वाँङलाइ आफ्नो खानामा तथा यसलाइ सुपका साथमा खान सक्नुहुन्छ ।

३. सामान्य रूपमा हुने सर्दीलाइ ल्वाँङले ठिक गर्न सक्दछ । तपाइँ ल्वाँङको तेलको दश थोपा महमा मिलाएर दिनमा दुइ देखि तीन पटक प्रयोग गर्न सक्नुहुन्छ । जसले तपाइँको सर्दीलाइ ठिक गर्न सक्दछ ।

४. ल्वाँङमा दिमागी स्ट्रेसलाइ कम गर्ने गुण पनि हुन्छ । ल्वाँङलाइ तपाइँ तुलसी, पुदीना र अलायचीका साथमा प्रयोग गरेर सुगन्धित चिया बनाउन सक्नुहुन्छ, साथै यही मिक्स तपाइँ महका साथमा प्रयोग् गरे स्ट्रेसबाट छुटकारा पाउन सक्नुहुन्छ ।

५. यदि तपाइँ त्वचा सम्बन्धी समस्याहरू जस्तै, पोतो, ब्ल्याकहेड्स,र व्हाइट हेड्सबाट चिन्तित हुनुहुन्छ भने यसको उपाय ल्वाँङको तेलमा लुकेको छ । तपाइँले यसलाइ आफ्नो फेसप्याकमा मिलाएर प्रयोग गर्न सक्नुहुन्छ किनभने यो निकै पोल्ने हुन्छ, यसको सिधै त्वचामा प्रयोग गर्न हुँदैन ।

६. ल्वाँङको तेलमा अन्य कुनैपनि तेलको तुलनामा सबैभन्दा धेरै एन्टीअक्सीडेन्ट गुणहरूले भरपूर हुन्छ । एन्टीअक्सीडेन्ट स्वस्थ त्वचा र शरीरलाइ तन्दुरुस्त राख्नमा निकै उपयोगी हुन्छ । ल्वाँङ तेलमा मिनरल्स जस्तै पोटाशियम, सोडियम, फस्फोरस, आइरन, भिटामिन A, र भिटामिन C अत्यधिक मात्रामा हुने गर्दछ ।

७. ल्वाँङको तेललाइ कुनै बिषालु किराहरूले टोकेमा घाउमा प्रयोग गर्न सकिन्छ ।

८. ल्वाँङको प्रयोग गरेर बनाइएको चियाले केशलाइ निकै फाइदा पुर्याउँछ । ल्वाँङको चियालाइ केश कलर गर्न र स्याम्पु गरेपछि लगाउन सकिन्छ । यसलाइ चिसो बनाएपछि मात्र केशमा प्रयोग गर्नु पर्दछ । तपाइँको केशलाइ सुन्दर बनाउन यो निकै उपयोगी सावित हुन्छ ।

९. ल्वाँङबाट केशका लागी कन्डीशनर पनि बनाउन सकिन्छ । यदि तपाइँको केशमा छिटै लट्टा पर्ने जस्तो समस्या रहेको छ भने, यसबाट बनाइएको कन्डीशनर निकै असरकारक हुन्छ।

१०. ल्वाँङको उपयोगबाट उलटी आउने समस्या, डराउनु र मर्निङ सिकनेसमा आराम मिल्दछ । ल्वाँङको तेलमा केही अमिलो र थोरै चिनीका साथमा पानी राखेर पिउनु पर्दछ ।

यति धेरै उपयोगी ल्वाङको तपाइँ पनि प्रयोग गर्न थाल्ने कि ? भिडियो हेर्न तलको बाकस थिच्नुहोस

-बोस कोइरालानि

श्रीलङ्काको सरकारले यो हप्ता गुगलसँग मिलेर देशभरि ईन्टरनेट सेवा प्रदान गर्ने योजनाको घोषणा गरेको छ। यसमा आश्चर्यको कुरा के हो भन्दा यो ईन्टरनेट सेवा कुनै तार वा फाइबरबाट नभएर हट एयर बलुनमार्फत प्रदान गरिने छ। हट एयर बलुन एक विशाल बलुन हो जुन मानिसहरु यात्रा अथवा मनोरञ्जनको लागि प्रयोग गर्ने गर्दछन्। यस बलुनलाई आगो बाट तातो हावा प्रदान गराएर आकाशमा उडाईन्छ।


धेरै समय अघिदेखि गुगलले यस प्रविधिको विकास गर्दै आएको छ। यस कम्पनीले बलुनद्वारा देशभरि हाई स्पिड ईन्टरनेट सेवा प्रदान गर्नको लागि बलुनको प्रोटोटाईपहरु बनाउदै आएको छ। स्रिलङ्कासँगको यो साँझेदारीले गुगललाई आफ्नो बलुन प्रोटोटाइपको परीक्षण गराउने राम्रो मौका दिएको छ।
प्रोजेक्ट लुन नाम राखिएको यस परियोजनामा प्रयोग हुने ईन्टरनेट बलुनलाई ‘नाइटहक’ नाम दिईएको छ। नाइटहकमा एल टि ई (long-term evolution ‘LTE’) एन्टिना प्रयोग हुनेछ। उडिरहेको बलुनको जमिनमा रहेको स्टेशनहरुसँग कनेक्सन रहिरहनेछ जसले यसमा भएको एल टि ई  एन्टिनाले मोबाइलहरुमा भएको 4G नेटवर्कको प्रयोग गरेर डाटाहरु आदनप्रदान गर्न सक्छ। गुगलको अनुसार यि बलुनहरु एकपल्टमा करिब १०० दिनसम्म उडिरहनेछन्।

स्रिलङ्काको जनसंख्या करिब २ करोड २० लाखको रहेको छ। तर यो देशमा ईन्टरनेट सेवा सुविधाको खासै विकास भएको छैन। यस देशमा ईन्टरनेटको सेवा प्रदान गर्न केवल ६ लाख तारसहित र २.८ लाख तारविहिन कनेक्सन जडान गरिएको छ। हालसम्म स्रिलङ्काको सरकार र गुगलले यस योजनाको प्रक्षेपण गर्ने मिति तोकेका छैनन्। तर स्रिलङकाका विदेश मन्त्री ‘मङगला समराविरा’ले यो सेवा केहि महिनाको अवधि भित्र नै सुचारु हुने बताएका छन्।nepaliheadlines.com

नयाँ दिल्ली, १९ साउन । भारतको पश्चिम बङ्गललगायतका क्षेत्रमा जारी रहेको भारी वर्षा र त्यसपछिको बाढीमा परी कम्तीमा पनि १८० जनाको ज्यान गएको छ ।

बाढी र पहिरोमा परी कम्तीमा पनि १८० व्यक्तिको मृत्यु भएको अधिकारीहरुले मङ्गलबार जानकारी दिएका छन् ।
उत्तर पश्चिमी क्षेत्र मणिपुर, गुजरात, राजस्थान, पश्चिम बङ्गलालगायत यसका छिमेकमा पर्ने राज्यहरुमा बाढीको प्रकोप देखिएको छ ।

पश्चिम बङ्गाल र ओडिसामा नदीमा पानीको मात्रा बढेको र नदीको पानीले छेछाउका बस्तीहरु बगाएको जानकारी अधिकारीहरुले दिएका छन् । पहिरोबाट ८० लाख भन्दा बढी व्यक्ति प्रभावित भएको जनाइएको छ ।

अधिकारीहरुले बाढीका कारण करिब १० लाख व्यक्ति विस्थापित नै भएका छन् । उनीहरुलाई विभिन्न अस्थायी शिविरहरुमा राखिएको छ ।

उत्तरपश्चिमी राज्य मणिपुरमा गत हप्ता भारी वर्षापछिको पहिरोमा २० भन्दा बढी व्यक्तिको मृत्यु भएको जनाइएको छ ।
सो बाढी र पहिरोमा परी अलपत्र परेका व्यक्तिहरुलाई स्थानीय सरकारले उद्वार गरी अस्थायी शिविरहरुमा राखिएको जनाइएको छ ।

बाढीबाट विस्थापितको सङ्ख्या अझै बढ्नसक्ने जनाएका छन् । अधिकारीहरुले सोमबार १०० जनाको ज्यान गएकोमा मङ्गलबार ८० बढेको जनाएका हुन् ।

कपिल 
सुसाइड नोटमा लेखिएको छ-असैह्य पीडाले आत्महत्या गरेको हो 
१९ साउन, बुटवल । रुपन्देहीमा एकै परिवारका तीन जनाले बिषसेवन गरेका छन् । बिषसेवनबाट बाबु-छोरीको ज्यान गएको छ भने आमा गम्भीर अबस्थामा छिन् ।
नामैना नगरपालिका ३ खकनपुर निवासी ४५ वर्षीय टिकाराम सुवेदी र उनकी १३ वर्षीया छोरी समिक्षा ओछ्यानमै मृत फेला परेका हुन् । टिकारामकी श्रीमती ३५ वर्षीया कमलाको लुम्बिनी अञ्चल अस्पताल बुटवलमा उपचार हुन नसकेपछि चितवनको भरतपुर रिफर गरिएको छ ।
सोमबार बेलुका खाना खाइ सुतेका उनीहरुले मंगलबार विहान अवेरसम्म पनि ढोका नखुलेपछि छिमेकीहरुले प्रहरीलाई खबर गरेका थिए । रन्यौरा प्रहरी चौकीका प्रहरी निरिक्षक ध्रुवबहादुर सिलवाल नेतृत्वको टोली घटनास्थल पुग्दा बाबु छोरी मृत फेला परेका थिए ।
प्रहरी निरिक्षक सिलवालले भने, ‘विहान करिव पौने ९ बजे त्यहाँ पुग्दा ढोका बन्द थियो, पछि ढोका खोली भित्र हेर्दा एउटै बेडमा बाबु-छोरी अंगालो मारेको अबस्थामा मृत फेला परे भने श्रीमती त्यही बेडमै छटपटाइरहेकी थिइन् ।’
प्रहरीको अनुसन्धान अनुसार उनीहरुले सोमबार साँझ खीर पकाएर खाएका थिए । श्रीमान्, श्रीमती र छोरीले मेटासिट बिष राखेको खीर खाएको हुनसक्ने अनुमान गरिएको छ । घटनास्थलमा भेटिएको भाँडामा बान्ता गरेको र बिषको बोतलसमेत भेटिएको निरिक्षक सिलवालले बताए ।
प्रहरीले बिस्तारामा सानो कागजको टुक्रामा सुसाइड नोट पनि भेटिएको बताएको छ । सो कागजमा लेखिएको छ, ‘यो हत्यामा कसैको संलग्नता छैन, आफ्नै अस्हैय पीडाले गर्दा हो । यसप्रति कसैलाई शंका र दोष नदिनु, आफ्नै स्वेच्छाको आत्महत्या हो ।’
www.onlinekhabar.com

विज्ञानले भन्छ, जति सुन्दर भयो जिन्दगी उति नै राम्रो हुन्छ । स्वस्थ तथा ससक्त मानिसलाई अरुले पनि स्मार्ट तथा विश्वासिलो ठान्छन् ।
तर विपरितलिंगीको आकर्षणको केन्द्र बन्नका लागि वंशाणुगत सुन्दरताको चिट्ठा पर्नैपर्छ भन्ने छैन । वैज्ञानिकहरुले यौन तथा आकर्षणका विषयमा एउटा रोचक अनुसन्धान गरेका छन् । त्यसक्रममा महिला तथा पुरुषहरुका लागि विपरित लिंगीप्रति आकर्षक बन्ने टिप्सहरु पत्ता लगाएका छन् । विपरित लिंगीलाई आकषिर्त गर्ने झण्डै एक दर्जन टिप्स यस्ता छन्:
१ दाँत सेतो सफा राख्नुस्: अध्ययनले के देखाएको छ भने सफा सेता तथा मिलेका दन्तलहरले मानिसलाई बढि आकर्षक देखाउँछ । बेलायतके लिड्स तथा सेन्टर ल्यांकेशायर विश्वविद्यालयका शोधकर्ताहरुका अनुसार मयुरलाई उसको रंगीन प्वाँखले सुन्दर देखाए झैँ मानिसलाई दाँतले सुन्दर देखाउँछ । सुन्दर र स्वस्थ दाँत मानिसको समग्र स्वास्थ्य तथा असल वंशाणुको सूचक भएको शोधकर्ताहरुको दाबी छ ।
२ चम्किलो छालाका लागि फलफूल् तथा सागपातको पर्याप्त सेवन गर्नुस्: अध्ययन अनुसार फलफूल् तथा सागपातको प्रसस्त सेवनले मानिसको छालालाई स्वस्थ तथा आकर्षक बनाउन सहयोग गर्छ । फलफूल तथा सागपातमा एन्टीअक्सिडेन्टका साथै छालालाई स्वस्थ र चम्किलो राख्न सहयोग पूराउन वनस्पतीजन्य पिगमेन्टहरु समेत पाइन्छ ।
३ मुस्कुराउनुहोस् :खुसी तथा मुस्कान खासगरी महिलाहरुको हकमा आकर्षणको सबैभन्दा ठूलो केन्द्र नै हो । तर पुरुषको हकमा भने मुस्कानले खासै आकर्षणको अर्थ राख्दैन । अर्थात् मन्द मुस्कान भएका महिलाहरु जसरी पुरुषको पहिलो रोजाइमा पर्छन् त्यसैगरी मुस्कान छर्ने पुरुषहरु महिलाको रोजाइमा पर्ने सम्भावना भने हुँदैन । एक अध्ययनले खासगरी युवा तथा किशोरहरु मुस्कुराएको भन्दा हल्का लजाएको कुरा युवतीहरुले मन पराउँछन् ।
४ गम्भीर मुद्रा र भद्र स्वभाव: मुस्कुराइरहने पुरुष भन्दा अलि भद्र तथा गम्भीर स्वभावका पुरुषहरु महिलाको रोजाइमा पर्छन् । युनिभर्सिटी अफ बि्रटिस कोलम्बियाका शोधकर्ताहरुका अनुसार खुसी तथा मुस्कान पुरुषहरुको सबैभन्दा कम आकर्षक गुण हो ।
५ क्षणिक सम्बन्ध चाहनुभएको हो ? त्यसोभए हल्का भइदिनुस् : यो भन्दा अप्ठेरो लाग्छ । तर यदि कुनै महिला छोटो समय वा एक रातको सम्बन्ध चाहन्छन् भने उनीहरु हल्का तथा एक प्रकारले मूर्ख बनिदिनुपर्छ, तबमात्र उनीहरुलाई पुरुषहरुले झ्वाट्टै आँखा लगाइहाल्छन् । अमेरिकाको टेक्सास विश्वविद्यालयका शोधकर्ताका अनुसार पुरुषहरु एक रातको क्षणिक सम्बन्धका अपरिपक्व, लापरवाह, हुस्सु तथा मदहोस महिला रोज्दछन् । तत्कालै प्रतिक्रिया दिइहाल्ने, बाचाल तथा प्रष्ट महिलाहरु क्षणिक सम्बन्धका लागि पुरुषहरुको रोजाइमा पर्दैनन् । तर दीर्घकालीन सम्बन्धका लागि भने प्रष्ट, बुद्धिमान तथा बाचाल महिलाहरु पुरुषको आकर्षणमा पर्दछन् ।
६ दाह्री खौरिनुहोस् : महिलाका लागि आकर्षक बन्न चाहनुहुन्छ ? यदि त्यसो हो भने दाह्री खौरिनुहोस् । अक्सफोर्ड जर्नलमा छापिएको शोध अनुसार महिलाहरु झुस्स दाह्री भएको अनुहारवाला पुरुषलाई कम आकर्षक ठान्छन् । दाह्रीवाल मानिस बढि रिसाहा हुने, सामाजिक अवस्था उच्चस्तरको भएपनि आकर्षक भने नदेखिने ठम्याइ महिलाहरुको हुन्छ ।
 रातो लिपस्टिक लगाउनुहोस्: अध्ययन अनुसार महिलाको सरीरको सबैभन्दा आकर्षक अंग उनको ओठ नै हो र ओठमा रातो रंगको लाली लगाएका महिलाहरु पुरुषलाई कामोत्तेजक लाग्छन् । अध्ययन अनुसार रातो लिपस्टिक लगाएकी महिलाको ओठमा एकजना पुरुषले एक पटकको हेराइमा पूरै ७ सेकेण्ड हेर्छ, जबकी आँखामा ०.९५ सेकेण्ड तथा कपालमा ०.८५ सेकेण्ड मात्रै आँखा डुलाउँछ ।

८ सरप्राइज दिनुहोस् :एक अध्ययन अनुसार आफुलाई कुनै पुरुषले कति धेरै मन पराउँछ वा आफुप्रति कति धेरै आशक्त छ भन्ने कुराको थाहा नहुन्जेल कुनै पनि महिलाले उक्त पुरुषलाई बढि आकर्षक ठान्छिन्, जति त्यस्तो कुरा थाहा पाएपछि ठान्नेछिन् । आफुलाई उक्त पुरुषले मन पराउने कुरामा समेत एकिन नहुँदैबाट महिलाले कुनै पुरुषको बारेमा सोँच्न थालिसकेकी हुन्छिन् । त्यसैले सुरुवातमै केही सरप्राइज मार्फत आफुले मन पराउने महिलाको भावनालाई सम्बोधन गर्न सक्ने पुरुष महिलाको आकर्षणमा पर्दछन् ।

९ टी लेखेको टिसर्ट लगाउनुहोस्: वास्तवमा यो कुनै मनगढन्ते कुरा होइन । बेलायतको नटिंघम ट्रेन्ट विश्वविद्यालयका शोधकर्ताहरुले अगाडि पट्टि ठूलो आकारको टी अक्षर पि्रन्ट भएको टिसर्ट लगाउने पुरुषहरु महिलाका लागि बढि आकर्षक बन्दछन् । यस्तो टिसर्टले महिलामा केही भ्रम सिर्जना गर्छ, जस्तै छाति चौडा देखाउँछ, कम्मर सानो देखाउँछ तथा भी सेपको सेक्सी फिगर देखाइदिन्छ । यस्तो विशेषतायुक्त पुरुष महिलाको रोजाइमा पर्छन् । उल्टो टी लेखेको टिसर्ट लगाएका पुरुषहरु त्यसको विपरित भने महिलाको आकर्षणमा नपर्ने अध्ययनले देखाएको छ ।
१० अलि तिखो बोली बोल्नुस्: यो कुरा महिलाको हकमा लागु हुन्छ । आफुले मन पराएको युवकलाई आफुतर्फ आकषिर्त गर्नका लागि महिलाहरुले आफ्नो आवाजको तिखोपना केही बढाउनुपर्ने हुन्छ । बढि तिखो बोली हुने महिलाको जिउ कम भद्दा हुने विश्वास पुरुषहरुमा हुने भएकाले महिलाहरुको आकर्षणमा वृद्धि हुने युनिभर्सिटी कलेज लण्डनका शोधकर्ताहरुले बताएका छन् ।
११ गहिरो स्वास लिनुहोस् र रिल्याक्स गर्नुहोस् : कम तनाव लिने पुरुषहरुलाई महिलाले बढि मन पराउने एक अध्ययनले देखाएको छ । तनाव कम लिने र सधै रिल्याक्समा रहने पुरुषले तनावयुक्त वातावरणको व्यवस्थापन गर्न सक्ने र उसको वंशाणुगत सक्षमण भावी बच्चामा पनि स्थानान्तरण हुने विश्वास महिलाहरुमा हुन्छन् ।
भिडियो हेर्न तलको बाकस थिच्नुहोस

बेइजिङ , श्रावण १९ - गत शनिबार नेपालचीन कुटनीतिक सम्बन्धको ६० औँ वार्षिकोत्सव धुमधामसँग मनाइँदै थियो ।
सरकारी स्तरमा यो खुसी छाइरहेको बेला एकजना नेपाली युवती भने चीनमा चरम घरायसी हिंसाका कारण घरबाट निकालिएकी छन् । गत फेब्रुअरी ३ तारिख २९ वर्षीय लिउ याङसँग बिहे गरेर चीनको हैलुङच्याङ प्रान्तमा पुगेकी धरानकी २२ वर्षीय रिना राई (नाम परिवर्तन) अगष्ट एक तारिख घरबाट निकालिएकी हुन् ।

    बेइजिङस्थित नेपाली दूताबासको उद्दारपछि नेपाल जाने तयारीमा रहेकी रिनाले शरीरभरिको निलडाम देखाउँदै भनिन् ‘सासू र लोग्ने भएर दैनिक रुपमा पिट्न थाले । स्थानीय प्रहरीलाई मैले खबर गरेँ तर उनीहरुले पनि वास्ता गरेनन् ।’ बिहे गरेर ल्याएको केही महिनासम्म उनलाई श्रीमान् लिउ र सासू ससुराले राम्रै व्यवहार गरेका थिए । उनीसँगै बिहे गरेर आएका अन्य पाँचजना नेपाली युवतीमध्ये चारजना गर्भवती भइसकेका छन् ।
एकजना युवतीको दुई हप्ता अगाडि नेपाली दूतावासले उद्दार गरेर नेपाल फर्काइसकेको छ । उनी गर्भवती नभएपछि लोग्ने र सासूबाट कुटपिट हुन थालेको उनले बताइन् । ‘तँलाई बच्चा जन्मिएपछि छोडिदिन्छौँ भन्दै पिट्थे । ससुरा अलिक समझदार थिए । मलाई कुट्दा उनी छुट्याउन आउँथे’ उनले भनिन् ‘हैलुङर्याङ अत्यन्त चिसो ठाउँ भएकाले म सधैँ बिरामी भइरहेँ । अरु साथीहरु गर्भवती हुँदा म गर्भवती हुन सकिँन । त्यही भएर ममाथि हिंसा भएको जस्तो लाग्छ । उनीहरुले मलाई बिहे गर्नका लागि ८० हजार युआन दलाललाई दिएका रहेछन् ।’ उनको पाखुरा, छाती, ढाड र तिघ्रामा निलडाम छ ।

    बारम्बारको हिंसा सहन नसकेर उनी एक हप्ता पहिले घरबाट भागेकी थिइन् । तर केही घन्टामै घर परिवारका मान्छे गाडी लिएर आएर र उनलाई बजारबाट पक्रिएर घरमा लगेर थुने । उनको पासपोर्ट पनि लुकाइदिए। पासपोर्ट लुकाएर राखेकाले भागेर जान सक्दिन भन्ने लागेकाले उनीहरु जहाँ जान्छेस् जा भनेर बारम्बार धम्क्याउँथे ।
     उनले मोबाइलको विच्याटबाट बिहे गराउने पापा भन्ने मान्छेलाई गुनासो गरिन् । पापा पनि सोही प्रान्तको भएकाले एकपटक घरमा गएर परिवारका मान्छेलाई सम्झाएको थियो । तर पछि जति गुनासो गरे पनि ऊ पनि आएन । उनले त्यहीँबाट काठमाडौँस्थित केन्द्रीय अनुसन्धान विभागमा उद्दारको अनुरोध गरिन् । तर प्रहरीले पनि आफूहरुले केही गर्न नसक्ने बताएपछि उनले नेपाली दूताबास बेइजिङको ठेगाना खोजिन् । अर्की एक नेपाली युवतीमार्फत नेपाली दूताबासको विच्याट सम्पर्क पाएपछि उनी दूताबासको सम्पर्कमा पुगेकी हुन् ।

    दूताबासले उद्दारको तयारी गर्दागर्दै उनी अगष्ट एक तारिख शनिबार हैलुङच्याङ प्रान्तको पूर्वउत्तर रुससँग सिमा जोडिएको थोङच्याङस्थित घरबाट भागिन् । उनी दिनभर मकैबारीमा लुकेर बसिन् र रातपरेपछि सडकमा निस्किएर दस किलोमिटरभन्दा बढी हिँडिन् । एउटा घर भेटेपछि उनले बास मागिन् । त्यही घरको मोबाइल मागेर नेपाली दूतबासका तृतीय सचिव उत्तम घिमिरेसँग विच्याटमा सम्पर्क गरिन् । त्यही घरमा रात बिताएकी उनलाई बिहान तीन बजे नै त्यहाँबाट पनि जान भनियो । उनी नजिकैको अर्को घरमा गइन् र शरण मागिन् । त्यहाँबाट फेरि घिमिरेसँग सम्पर्क गरिन् र आइतबार दिनभर र राति त्यही घरमा बसिन् ।

    सोमबार बिहानै त्यो घरको मान्छेले उनलाई च्यामुसीको बसमा ५० चिनियाँ युआनको टिकट काटेर चढाइ दियो र थप एक सय युआन बाटो खर्च पनि दियो । पछि दूताबासले ती सहयोगीको मोबाइल मार्फत सो रकम फिर्ता गरिसकेको घिमिरेले बताए । सोमबार बिहानै नेपाली दूताबासबाट रिनाको उद्दार गर्न हैलुङच्याङ प्रान्तको च्यामुसी पुगेका घिमिरेले च्यामुसी सार्वजनिक सुरक्षा कार्यालयमा लगेर ट्राभल्स डकुमेन्टमा भिसा हानेर बेइजिङ ल्याए । उनलाई मंगलबार राति मलेसियन एयरलाइन्सबाट काठमाडौँ लगिँदै गरेको घिमिरेले बताए ।
     व्यवस्थापन विषयमा उच्च माध्यमिक तह उत्तीर्ण गरेकी रिना सानै हुँदा उनका बुबा आमाको मृत्यु भएको हो । आफ्नी सानी आमा (छेमा)ले पालनपोषण र शिक्षा दीक्षा दिएको बताउने रिनाले स्वाभलम्बी बन्नका लागि चिनियाँ केटासँग बिहे गरेको खुलाइन् । नेपाली एजेन्ट र चिनियाँ एजेन्टले उनलाई चीनबाट हङकङ सजिलै जान सकिन्छ र महिनाको लाख रुपैयाँभन्दा बढी आम्दानी हुन्छ भनेर फकाएका थिए ।

    चीनमा नेपाली युवतीहरुमाथि चरम हिंसा हुने गरेको घटना बारम्बार आउने गरेकाले दलाल मार्फत बिहे गरेर नेपालबाट ल्याउने कुरालाई नै निरुत्साहित गर्नुपर्ने नेपाली दूताबास बेइजिङका मिनिस्टर निर्मल काफ्ले बताउँछन् । अन्य विभिन्न स्थानबाट पनि नेपाली युवतीहरुले हिंसा भोगिरहेको गुनासो आएको र स्थानीय प्रहरीको सहयोगमा केही व्यवस्थापन गरिए पनि दीर्घकालीन रुपमा समाधान गर्न गार्‍हो भएको बताउने काफ्लेले मानव तस्करीको रुपमा नेपाली युवतीलाई कथित बिहे गरी चीनमा ल्याउनलाई पूर्ण रुपमा नियन्त्रण गर्नुपर्ने बताए ।www.ekantipur.com

भक्तपुर, १९ साउन । भक्तपुरको सूर्यविनायक नगरपालिका सिपाडोलस्थित आशापुरी महादेव मन्दिरमा दर्शन गरेर फर्कने क्रममा तीर्थयात्री बोकेको माइक्रोबस आज दुर्घटना हुँदा दुई बच्चासहित १५ जना घाइते भएका छन् ।
लोकन्थलीबाट रिजर्भमा २१ जना महिला तीर्थयात्री लिएर डोलेश्वर र आशापुरी मन्दिर गएको बा १ ज ८४३९ नंको माइक्रोबस ब्रेकफेल भएर दुर्घटना भएको हो ।
डोलेश्वर महादेव मन्दिरको दर्शन गरेर आशापुरी महादेव मन्दिर गई दर्शन गरेर फर्कने क्रममा डोलेश्वरभन्दा माथि माइक्रोबस दुर्घटना भएको महानगरीय प्रहरी वृत्त जगातेका प्रहरी नायब उपरीक्षक देवेन्द्र पालले जानकारी दिनुभयो ।
घाइतेमध्ये गम्भीर रहेका दुईजनाको बिएन्डबी अस्पताल ललितपुरमा, पाँचजनाको नागरिक अस्पताल गट्ठाघरमा र आठजनाको मध्यपुर अस्पताल थिमीमा उपचार भइरहेको उहाँले जानकारी दिनुभयो । रासस
dainiknepal.com

पूर्व पोर्नस्टार सन्नी लियोन बलिउड क्षेत्रमा पनि निकै चर्चितै छिन् । विभिन्न हर्कत बाट उनि चर्चामा आइ रहेकी हुन्छिन । हालै मात्र अर्को खबर बाट उनि चर्चाको विषय बनेकी छिन् । हो, सन्नी लियोनले आफ्नो पारिश्रमीक धेरैनै बढाएकी छिन् ।

उनले एक बिज्ञापनको लागि मागेको पारिश्रमीक बलिउडका ‘ए’ लेवलमा रहेका स्टारहरुले मात्र लिने गरेका छन् । बताईए अनुसार उनले घाँटीको समस्यासँग सम्बन्धित औषधिको विज्ञापनमा अभिनय गरे बापत आठ करोड रुपैँया पारिश्रमिक लिएकी छिन् । सन्नीले एउटा बिज्ञापनको लागि आठ
करोड रुपैँयाको लिएपछि तीनछक पर्नेहरु थुप्रै छन् । उनले एक दिनको दुई करोडको हिसाबले पैसा मागेकी हुन् । उक्त विज्ञापनको उनले चार दिनमा सुटिङ सकाईन् । सन्नी लियोनले गिनी एम एम एस २, एक पहेली लिला, कुछ कुछ लोछा है जस्ता थुप्रै बलिउडका फ्लिमहरुमा अबिनाया गरिसकेकी छिन् । www.etajakhabar.com

धरानमा भूपू सिंगापुर प्रहरीको हत्या, खोलामा भेटियो शव(भिडियो हेर्नुहोस)

काठमाडौं : दुबई लैजाने क्रममा भारतको दिल्लीमा पुर्‍याइएका २७ जना युवतीलाई उद्धार गरी मंगलबार जहाजमा काठमाडौं फर्काइएको छ।

दिल्लीस्थित नेपाली दूतावास र महिला मन्त्रालयको पहलमा उनीहरुलाई स्वदेश फर्काइएको हो। उनीहरुलाई अनुसन्धानका लागि प्रहरीको केन्द्रीय अनुसन्धान ब्यूरोमा राखिएको छ। नेपाल बायु सेवा निगमको जहाजमा उनीहरुलाई अपरान्ह पौने एक बजे काठमाडौं ल्याइएको हो।


विमानस्थलबाट प्रहरीकै गाडीमा उनीहरुलाई ब्यूरोमा लगिएको छ। प्रहरी मुख्यालयका वरिष्ठ उपरीक्षक दिनेशप्रसाद गौतमले अनुसन्धान गरेर सबै कुरा बाहिर ल्याइने बताए।  एसएसपी गौतम फर्केका युवतीहरुलाई रिसिभ गर्न आफै विमानस्थल पुगेका थिए।

मानव बेचबिखनमा संलग्न गिरोहले दुबई डान्स बारमा राम्रो जागिर लगाइदिने प्रलोभन दिएर ती युवतीलाई  दिल्ली लगेको बुझिएको छ। दिल्लीस्थित प्रहरी र केही सामाजिक संस्थाको सहयोगमा उनीहरुलाई उद्धार गरिएको हो।

उद्धार गरेर फर्काइएका युवतीमा २० देखि ४० वर्षसम्मका छन्। ती युवतीहरुलाई भीभीआइपी गेट प्रयोग गरेर विमानस्थलबाट बाहिरि निकालिएको थियो।
annapurnapost.com

काठमाडौँ, १९ साउन । नवलपरासीको कुडिया–४ मर्चहवामा गत साउन ५ गते भएको बालक हत्याको घटनाको स्थलगत अनुगमन प्रतिवेदन सार्वजनिक गरिएको छ ।
बालहिंसाविरुद्ध क्रियाशील राष्ट्रिय कार्य समन्वय समूह (एनएसिजी–नेपाल) ले आज पत्रकार सम्मेलन गरी गरिबी, चेतनाको कमी र रुढीगत मान्यताका कारण घटना घटेको निष्कर्षसहित प्रतिवेदन सार्वजनिक गरेको हो ।
पत्रकार सम्मेलनमा राष्ट्रिय मानव अधिकार आयोगका सदस्य मोहना अन्सारीले धामी झाँक्री प्रथा समाजको कलङ्क भएको र यस्तो प्रथालाई अन्त्य गर्न कडा कानुनको खाँचो रहेको औँल्याउनुभयो । अनुगमन टोलीका संयोजक कृष्ण सुवेदीले पूर्ण साक्षर जिल्लाका रुपमा भर्खरै अगाडि बढ्दै गरेको सो जिल्लामा बालहत्याजस्तो क्रूर घटना घट्नु दुःखद भएको बताउनुभयो ।
यस्तो घटनाका पीडितलाई मनोपरामर्श कक्षा सञ्चालन गर्नुपर्ने, बालबालिकालाई भयरहित वातावरणमा विद्यालय जान प्रोत्साहन गर्नुपर्ने र राजनीतिक तवरले दोषीलाई उन्मुक्ति दिन नहुने उहाँको सुझाव थियो ।
महिला, बालबालिका तथा समाज कल्याण मन्त्रालयका उपसचिव डा किरण रुपाखेतीले कसैको ज्यान बचाउन कसैको हत्या गर्न पाइँदैन भन्दै पीडित परिवारलाई आवश्यक मनोपरामर्शका साथै उचित राहत दिनुपर्ने बताउनुभयो ।
घटनाको अनुगमनमा एनएसिजीका तर्फबाट बालबालिका शान्ति क्षेत्र तथा बाल संरक्षण राष्ट्रिय अभियान (सिजप) का संयोजक कृष्ण सुवेदी, जागृत बाल तथा युवा सरोकार नेपालका अध्यक्ष तिलोत्तम पौडेल, सिजपका संयोजक दीपक बस्याल साथै स्थानीयस्तरका बाल क्लबका प्रतिनिधि, सहायक प्रमुख जिल्ला अधिकारी, राष्ट्रिय मानव अधिकार आयोग उपक्षेत्रीय कार्यालय बुटवलका प्रमुख, इन्सेकका प्रतिनिधि, सञ्चारकर्मी, सुरक्षाकर्मीलगायत सम्मिलित हुनुहुन्थ्यो । रासस
dainiknepal.com

काठमाडौँ, १९ साउन । विभिन्न दलित अधिकारसँग सम्बन्धित सङ्घसंस्था तथा राजनीतिक दल आबद्ध दलित समुदायका नेता लगायतले दलितमैत्री संविधान जारी गर्न माग गर्दै आज गरेको प्रदर्शनमा प्रहरी झडप भएपछि करिब दुई दर्जन अधिकारकर्मी तथा दलित नेता घाइते हुनुभएको छ ।

दलित अधिकार सङ्घर्ष समितिले आयोजना गरेको विरोध प्रदर्शनका क्रममा बिजुलीबजारमा झडप भएको हो । सभासद्हरुमा मानबहादुर विश्वकर्मा, जितु गौतम, दलजित सुनार तथा दलित अधिकार सङ्घर्ष समितिका संयोजक तथा पूर्वसभासद् विनोद पहाडी, अधिकारकर्मी कमला हेम्चुरी, सरु सुनार, गणेश विक, पद्म सुन्दासलगायत झडपमा परी घाइते हुनुभएको छ ।

उहाँहरु अधिकांशको टाउकामा चोट लागेको र हातखुट्टा भाँचिएको छ । अहिले मीनभवनस्थित सिभिल अस्पतालमा उहाँहरुको उपचार भइरहेको छ । नेकपा (एमाले)का नेता एवम् सभासद् जितु गौतमले दोस्रो जनआन्दोलनपछि स्थापित भएका दलितका अधिकार नयाँ संविधानको प्रारम्भिक मस्यौदामा कटौती गरिएकाले त्यसलाई सच्याउन दबाब सिर्जना गर्न शान्तिपूर्ण विरोध प्रदर्शन गरिएकोमा प्रहरी ज्यादती भएकाले त्यसको छानबिन गर्न माग गर्नुभयो ।

उहाँले लोकतन्त्रमा अधिकार प्राप्तिका लागि शान्तिपूर्ण विरोध तथा सभा गर्न पाइने राजनीतिक अधिकार भएको भएपनि आफूहरुमाथि भएको प्रहरी दमनको निन्दा गर्नुभयो । अधिकारकर्मी सरु सुनारले घाइतेको स्वास्थ्य उपचार गर्न सरकारलाई आग्रह गर्दै दलितमैत्री संविधानका लागि आफूहरुले विभिन्न चरणबद्ध आन्दोलन सञ्चालन गरेको र सोही अन्तर्गत आज विरोध प्रदर्शन गरिएको बताउनुभयो ।www.etajakhabar.com

काठमाडौं, १९ साउन । ९ दिनपछि हिजो सुनको मुल्य २ सयले सस्तिएको थियो । नेपाली बजारमा निरन्तर ओरालो लागिरहेको सुनको भाउ घट्ने क्रम अझै रोकिएको छैन ।

आज सुनको भाउ तोलामा तीनसय रुपैयाँले घटेर ४७ हजार ५सय रुपैयाँमा कायम भएको नेपाल सुनचाँदी व्यवसायी महासंघले जनाएको छ।

चाँदीको मूल्यमा पनि प्रतितोला ५ रुपैयाँले घटेको छ । चाँदी प्रतितोला ६ सय ६० रुपैयाँमा झरेको महासंघले जनाएको छ। सुनचाँदीको मुल्य ओरालो लाग्दै गएपनि उपभोक्ताले भने खरिद गर्न नपाएको गुनासो गरेको छन् । सुन ब्यापारीले सुन लुकाएको उनिहरुले आरोप लगाएका छन् ।