काठमाडौं, २९ मंसिर । दिल्लीका मुख्यमन्त्री अरविन्द केजरीवालले भारतीय प्रधानमन्त्री नरेन्द्र मोदीलाई ‘कायर’ भनेका छन् ।
मंगलबार आफ्नो सचिवालयमा सीबीआईले छापा मारेपछि प्रतिक्रिया दिँदै केजरीवालले राजनीतिक रुपमा आफूलाई पराजित गर्न नसकेपछि मोदीले सीबीआईको प्रयोग गरेको दाबी गरेका छन् ।
आम आदमी पार्टीका संयोजक समेत रहेका केजरीवालले मोदीको यो कदमलाई ‘कायर’ भनेका छन् । भारतीय न्यूज च्यानल आजतकका अनुसार आज विहानै सीबीआईले केजरीवालको सचिवालयमा छापा हानेको थियो ।
दिल्ली विधानसभा चुनावमा मोदीलाई नराम्रोसँग पराजित गरेको केजरीवालसँग बदला लिन सीबीआई प्रयोग गरेर बदनाम गर्न खोजेको आम आदमी पार्टीका नेताहरुले आरोप लगाएका छन् ।
dainiknepal

मंगलबार, २९ मंसिर

बारा । एमालेका नेता तथा भूतपूर्व प्रधानमन्त्री माधव कुमार नेपालले भारत सरकारले विहारवाट भने भारतीय सेनामा भर्ति नलिएर विभेद गर्ने भारत सरकारका नेताहरुले नेपालमा विभेद भयो भन्दै सिकाउन खोजेको आरोप लगाएका छन् ।
सोमवार वाराको सिमरामा पार्टी कार्यकर्ताहरुको भेलामा वोल्दै नेपालले उक्त कुरा वताएका हुन् ।
नेपालले भने “नेपालको संविधान भारतको भन्दा पनि समावेशी र प्रगतिशील छ । नेपालको संविधानले मधेशी, आदिवासी, महिला लगायतका समुदायलाई दिएको अधिकारहरुको अध्ययन नै नगरी भारतीय मिडिया र केही सरकारी कर्मचारी र केही नेताहरुले अफवाह फैलाइरहेका छन् ।”
उनले भने “तराई मधेशमा वसेकै आधारमा धेरै भारतीयले नेपाली नागरिकता पाएका छन् यसले गर्दा पुर्खौ देखि मधेशमा वसेकाहरुको अधिकार खोसिएको छ । त्यसैले तराई मधेशमा विगतमा भारतीयहरुलाई  दिइएको नागरिकता छानवीन हुनु पर्दछ ।”
उनले केही मधेशी नेताहरुले ५० लाखको लोभ देखाएर आन्दोलनमा मर्न उक्साएको आरोप लगाउँदै भने “५१ लाख दिन्छौं, ती नेताहरुले आफ्ना छोराछारीहरुलाई आन्दोलनमा पठाओस् ।”
तराई आन्दोलनका औचित्य नभएको र यसले तराईमा विकास भैरहेका उद्योगहरु वन्द गराई मधेश कै जनतालाई वेरोजगार वनाएको पनि आरोप लगाए ।
nepalsandesh

काठमाडौं : कांग्रेस पदाधिकारीको मंगलबार बिहान बसेको बैठकले संविधान संशोधन विधेयक र भूकम्पपछिको पुननिर्माण विधेयक एकसाथ अघि बढाउनुपर्ने अडानलाई निरन्तरता दिएको छ ।

पार्टी सभापति सुशील कोइरालाको निवासमा बसेको बैठकले दुवै विधेयकलाई एकसाथ अघि बढाउनुपन निर्णय गरेको हो । पुनर्निर्माण विधेयक मात्रै ल्याएमा कांग्रेसले आज पनि संसद्मा अवरोध गर्ने संकेत मंगलबार बिहानको बैठकले दिएको छ।annapurnapost

मंगलबार, २९ मंसिर
पर्सा । वीरगन्ज सिर्सिया सुक्खा बन्दगाहको ढुवानी अवरुद्ध गर्न धर्ना बसेका ११ जनालाई प्रहरीले नियन्त्रणमा लिएको छ ।
जिल्ला प्रहरी कार्यालय, पर्साबाट गएको टोलीले संयुक्त लोकतान्त्रिक मधेसी मोर्चा र सङ्घीय समावेशी मधेसी गठबन्धनका नेता कार्यकर्तालाई नियन्त्रणमा लिएको प्रहरी नायब उपरीक्षक होबेन्द्र बोगटीले बताए ।
ती नेता तथा कार्यकर्तालाई जिल्ला प्रहरी कार्यालय, पर्सामा राखी अनुसन्धान भइरहेको उनले बताए ।
nepalsandesh

काठमाडौं, मंसिर २९ । तराई–मधेसमा जारी आन्दोलनको राजनीतिक निकास खोज्ने क्रममा सरकारले आज संघीय समावेशी मधेसी गठबन्धनसँग वार्ता गर्ने भएको छ ।
प्रधानमन्त्री निवास बालुवाटारमा साँझ ६ बजे वार्ता हुने जनाइएको छ । प्रधानमन्त्री केपी ओलीले ट्वीटरमार्फत वार्ताको तयारीबारे जनाएका हुन् ।
यसअघि गत शुक्रबार पनि संघीय समावेशी मधेसी गठबन्धनसँग प्रधानमन्त्री कै अगुवाईमा वार्ता भएको थियो ।
वार्तामा गठबन्धनले सरकारसामू ९ बुँदे माग पेश गरेको थियो । वार्तामा सो मागका बारेमा आन्तरिक छलफल गरी २९ गते पुनः वार्तामा बस्ने सहमति भएको थियो । सोही सहमतिअनुसार आज वार्ता हुन लागेको बालुवाटार स्रोतले जनाएको छ ।
गठबन्धनमा जेपी गुप्ताको तराई–मधेस राष्ट्रिय अभियान, शरदसिंह भण्डारी नेतृत्वको राष्ट्रिय मधेस समाजवादी पार्टी, अनिल झा नेतृत्वको नेपाल सदभावना पार्टी र राजकिशोर यादव नेतृत्वको मधेसी जनअधिकार फोरम (गणतान्त्रिक) छन् ।
imagekhabar

मंगलबार, २९ मंसिर
काठमाडौं । पुर्व युवराज पारस साह र पुर्व युवराज्ञी हिमानी शाहका बीचमा देखिएको दाम्पत्य जीवनको तनावपुर्ण अवस्थाका बारेमा पतीबेला पुनः चर्चा परिचर्चा सुरु भएको छ ।
हिमानी साह थाइल्याण्डको भ्रमणमा निस्कनु ठिक २४ घण्टा पहिले पारस साह भने प्रेमकी देवी माता बंगलामुखीको दर्शन गर्न गउका थिए ।
पारसले आफ्नो रोग नियन्त्रण गर्न छाडेर गाँजा र रक्सीमै रमाउने अनि तरुनीसँग मस्ती गर्दै हिड्ने बानी नछाडेको भन्दै पुर्व राजपरिवारले उनलाई एक्लो बनाएको छ ।
त्यति मात्रै हैन बेसहारा जस्तै भएर नेपाल आएका उनी एक्लै बसिरहेका छन् भने बाबु, आमा र श्रीमती मस्ती गर्दै हिडिरहेका छन् । कुनै दिन नेपालका सुन्दर युवामध्ये पर्ने पारस अहिले सुकेको ज्यान बोकेर बाँकी जीवन बिताइरहेका छन्
। पारस दिनका दिन सुक्दै जाँदा पनि उनको परिवारले उनको हेरचाह गरेको छैन । उनकी पत्नी स्वयं समाजसेवामा लागेकी छिन्, तर, आफ्नै बिरामी श्रीमान्लाई उपचार गर्ने फुर्सद मिलेको छैन ।
हुनत आफुलाई धोका दिएर अर्कै युवती च्यापेर हिडेको झोकमा हिमानी परेको हुनुपर्छ । तर, पारस सडकमा रुमलिदै गर्दा उनका परिवारको विश्व यात्रा के मजा होला र रु हुनत पुर्व राजपरिवारमा खेल्नेहरुको कुनै कमी छैन । उनीहरुले नै पारसलाई परिवारसँग मिल्न नदिएको पक्का हो।
nepalsandesh

हेल्लो शुभ बिहानी सबैलाई आज वि.सं. २०७२ साल मंसिर २९ गते। मंगलबार। इश्वी सन् २०१५ डिसेम्बर १५ तारिख। नेपाल संवत् ११३६ थिंला थ्व। मार्गशीर्ष शुक्लपक्ष। तिथि– चतुर्थी, १४:१५ बजेउप्रान्त पञ्चमी हेर्नुहोस आजको राशिफल ।
मेष – चु, चे, चो, ला, लि, लु, ले, लो, अ (Aries)
Ariesप्रतिष्ठित काम गर्ने अवसर प्राप्त हुनेछ। साथीभाइको सहयोगले हिम्मत दिलाउनेछ। अरूलाई प्रभावित पारेर काम बनाउने समय छ। आफ्नो क्षेत्रमा प्रभुत्व जमाउन सकिनेछ। दाम, इनाम र प्रतिष्ठा कमाउने बेला छ। सामाजिक दायित्व बढ्नेछ। भूमि, वाहन र पैत्रिक सम्पत्तिबाट लाभ मिल्नेछ। व्यापारमा पनि प्रशस्त फाइदा हुनेछ। कीर्तिमानी काम गर्ने समय छ।
बृष – इ, उ, ए, ओ, बा, बि, बु, बे, बो (Taurus)
Taurusसामाजिक उत्तरदायित्व वहन गर्ने समय छ। रोकिएका काम समेत सम्पादन हुनेछन्। नयाँ काम र जिम्मेवारी हात पार्ने मौका छ। धार्मिक अनुष्ठान तथा परोपकारजन्य क्रियाकलापमा समय बित्नेछ। मंगलमय कृत्य सम्पादन गर्ने समय छ। तीर्थाटनको अवसर प्राप्त हुनेछ। धेरैले तारिफ गर्नेछन्। कीर्तिमानी काम सम्पादन हुन सक्छ। दाम तथा प्रतिष्ठा कमाउने बेला छ।
मिथुन – का, कि, कु, घ, ङ, छ, के, को, ह (Gemini)
Geminiविगतका समस्या बल्झिन सक्छन्। सानातिना काम र घरेलु समस्यामा पनि अल्झनुपर्ने देखिन्छ। मिथ्या भ्रमणमा समय बित्न सक्छ। स्वास्थ्यगत समस्याले पनि सताउने देखिन्छ। उपचारमा खर्च हुने योग छ। विद्यामा कमजोरी र लेनदेनमा विवाद होला। प्रयत्न गर्दा व्यावसायिक काम सम्पादन हुनेछन्। इष्टदेवको पूजा–उपासना गर्नाले तपाईंलाई फाइदा हुनेछ।
कर्कट – हि, हु, हे, हो, डा, डि, डु, डे, डो (Cancer)
Cancerविभिन्न सहयोग र उपहार पाइनेछ। आयआर्जन पनि राम्रै हुनेछ। सुखदुःखमा साथ दिनेहरू प्रशस्तै भेटिनेछन्। कामको चाप र थकाइबाट मुक्त रही विश्राम पाइनेछ। परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। अतिथिका रूपमा सम्मान पाइने समय छ। रमाइलो यात्राको समेत अवसर प्राप्त हुनेछ।
सिंह – मा, मि, मु, मे, मो, टा, टि, टु, टे (Leo)
Leoप्रयत्न गर्दा मौकाको फाइदा लिन सकिनेछ। यात्रामा विशेष लाभ होला। शत्रु र रोगबाट छुटकारा मिल्ने समय छ। मुद्दा–मामिलामा पनि विजयी भइनेछ। व्यापार तथा उद्योगतर्फ सामान्य फाइदाको योग छ। अधिकारका लागि केही संघर्ष पनि हुन सक्छ। प्रतिस्पर्धीहरूले अप्ठ्यारोमा पार्ने प्रयास गर्नेछन्। मेहनतले अरूको हातमा गइसकेको अवसर फिर्ता दिलाउन सक्छ।
कन्या – टो, प, पि, पु, ष, ण, ठ, पे, पो (Virgo)
Virgoसुखद समाचारले अझ उत्साह बढ्नेछ। नयाँ ज्ञान सिक्ने मौका छ। व्यापार–व्यवसायमा विशेष लाभ लिने समय छ। व्यावसायिक यात्रा सम्भावना छ। दाम्पत्य जीवन सुखद तथा समृद्ध बन्ने देखिन्छ। आम्दानी प्रशस्तै बढ्नेछ। नयाँ भौतिक साधन प्राप्तिको योग छ। आतिथ्यपूर्ण सम्मान पाइएला। बोलीकै भरमा विशेष काम सम्पादन हुन सक्छ, क्रियाशील रहनुहोला।
तुला – र, रि, रु, रे, रो, ता, ति, तु, ते (Libra)
Libraविगतका निर्णयले काम बिग्रन सक्छ। बेसुरमा वचन दिने बानीले दुःख पाइनेछ। मान्यजनको सुझावप्रति विश्वास नलाग्न सक्छ। महत्वाकांक्षी योजना गोप्य राखेर अघि बढ्दा फाइदा हुनेछ। काममा परिवारजनको सहयोग जुटाउन सक्दा लाभ मिल्न सक्छ। पशुधन र जमिनबाट पनि सामान्य लाभ नै मिल्नेछ। परिवारमा आमाको सहयोगबाट काम सम्पादन हुन सक्छ।
बृश्चिक – तो, ना, नि, नु, ने, नो, या, यि, यु (Scorpio)
Scorpioनयाँ काम सुरु गर्ने समय छ। व्यापारमा मनग्य धनलाभ हुनेछ। साथीभाइले पनि राम्रै सहयोग जुटाउनेछन्। विशेषगरी नयाँ उद्योग वा रचनात्मक काममा जुट्ने समय छ। परिश्रमअनुसार उपलब्धि पनि राम्रै पाइएला। रोकिएका काम पुनः सुरु हुन सक्छन्। कृषिक्षेत्रमा भने अलि बढी परिश्रम र लगानी गर्नुपर्ला। परिवारजनका आकांक्षा पूरा गर्न सकिनेछ।
धनु – ये, यो, भ, भि, भु, ध, फा, ढ, भे (Sagittarius)
Sagittariusविभिन्न अवसरले पछ्याउनेछन्। कार्यसम्पादन गर्ने क्षमता बढ्नेछ। बोलीको प्रभाव पनि बढ्नेछ। दीर्घकालीन रूपमा फाइदा हुने काममा हात हाल्ने समय छ। तार्किक क्षमता बढ्नेछ। विशेष सभा–समारोहमा भाग लिने मौका छ। मानसम्मान पाइनेछ। ठीक समयमा सही निर्णय लिन सकिनेछ। तापनि, होश नपुग्नाले केही अवसर फुत्कने सम्भावना छ, सचेत रहनुहोला।
मकर – भो, ज, जि, खि, खु, खे, खो, गा, गि (Capricorn)
Capricornप्रयत्न गरेको काम छोटै समयमा पूरा हुनाले समय फुर्सदिलो रहनेछ। इच्छाशक्ति बढ्नेछ भने रचनात्मक कार्य शुभारम्भ गर्न सकिनेछ। परम्परालाई समयसापेक्ष परिवर्तन गर्न सकिनेछ। साथ दिनेहरू बढ्नेछन्। प्रतिष्ठा, मान–सम्मान आदि पाइनेछ। स्वादिष्ट भोजनको आनन्द मिल्नेछ। परिवारजनसँग आत्मीयता बढ्नेछ। प्रेम र मित्रताको बन्धन कसिएर जाला।
कुम्भ – गु, गे, गो, सा, सि, सु, से, सो, द (Aquarius)
Aquariusसमयमा होश नपुग्नाले खर्च मात्र हुनेछ। प्रलोभन देखाउनेहरूले फसाउन सक्छन्। खर्च गरेर पनि त्यति फाइदा उठाउन नसकिएला। ठूलो प्रयत्न गर्दा पनि उपलब्धि उठाउन मुस्किल पर्नेछ। शुभचिन्तकहरूको सुझावलाई बेवास्ता गर्दा दुःख पाइनेछ। परिवारजनबाट टाढिनुपर्ला। आफ्नै कमजोरीले विवादमा परिनेछ भने सद्विचारले अभिप्रेरित हुनेहरूलाई फाइदा हुनेछ।
मीन – दि, दु, थ, झ, ञ, दे, दो, च, चि (Pisces)
Piscesपैत्रिक सम्पत्तिको उपयोगबाट लाभ उठाउन सकिनेछ। पढाइमा त्यति समय दिन नसकिए पनि नयाँ ज्ञान सिक्ने अवसर पाइनेछ। व्यापारमा पनि सामान्य फाइदै हुनेछ। श्रमको उचित मूल्यांकन हुनेछ। आम्दानी सामान्य भए पनि ठूलो खाँचो टर्न सक्छ। भविष्यका लागि विशेष काममा जग बसाउने मौका छ। तत्काललाई ठूलो फाइदा भने उठाउन नसकिएला

काठमाडौं, २८ मंसिर । तीन महिनादेखि आन्दोलनको रणभूमि बनेको मधेसलाई ठिक पार्न युवा संघ नेपालको नेतृत्व नै तराई झरेको छ ।
सत्तारुढ नेकपा एमालेको भातृ संगठन युवा संघ नेपालले मंगलबारदेखि मधेसमा तीन महिने मधेस सम्वाद जागरण अभियान सुरु गरेको हो । ‘हिमाल पहाड तराई, कोही छैन् पराई’ भन्ने भावनाका साथ युवा संघको सिंगै नेतृत्व मधेस झरेको अध्यक्ष राजीव पहारीले जानकारी दिनुभयो ।
भारतीय हस्तक्षेप र नाकाबन्दीको चर्काे विरोध गर्दै आएका पहारी अध्यक्ष भएको दुई महिनामै राष्ट्र र सदभाव बचाउने उद्देश्यका साथ युवा संघको नेतृत्वमा जागरण अभियान लिएर मधेस उत्रिनुभएको हो ।

उहाँका अनुसार जागरण अभियानमार्फत युवा संघले तीन महिनाको अवधिमा मधेसमा कुप्रथाहरु दाइजो, भ्रष्टाचार, अनियमितता अन्त्य गर्न पहल गर्ने, मधेसमैत्री तथा तराई मैत्री नयाँ संविधानबारे फैलाइएका गलत भ्रमहरु निवारण गर्ने, पहाडी र मधेसीबीच सम्बन्धलाई भावनात्मक रुपमा एकात्मक बनाउने, आन्दोलन गरिरहेका मधेस केन्द्रीत दलहरुको भण्डाफोर गर्नेछ ।
‘भारतको गीत गाउने, भारतको चाकडी गर्नेको एक–एकको भण्डाफोर गर्छाै’ अध्यक्ष पहारीले भन्नुभयो– ‘हाम्रो मुल उद्देश्य पछाडी परेको मधेसको विकासलाई मुलधारमा ल्याउनु नै हो ।’
उहाँले युवा संघको तीन महिने जागरण अभियानले मधेसी जनतामा रहेको संविधानप्रतिको भ्रण हट्ने विश्वास गर्नुभयो । उहाँले भन्नुभयो– ‘मधेसी जनतालाई नयाँ संविधानमा समावेश गरिएका अधिकार र मधेसी नेताको स्वार्थबारे क्लियर गराउँछौं । त्यसपछि मधेस ठिक ठाउँमा आउँछ । आन्दोलनबाट मुक्त हुन्छ ।’
जागरण अभियानमा पाँच हजार भन्दा बढी युवा शक्ति परिचालन हुने अध्यक्ष पहारीले बताउनुभयो ।
यसैबीच अभियानको सुरुवात मधेसको सर्लाही जिल्लाबाट हुँदैछ । मंगलबार नेकपा एमालेका वरिष्ठ नेता माधवकुमार नेपालले संविधान निर्माणपछि मधेसको अहिलेसम्मकै ठूलो १० औं हजार जनताको माझमा युवा संघको राष्ट्रिय भेलाबाट उदघाटन गर्नुहुने कार्यक्रम छ ।
उक्त कार्यक्रमका लागि नेता नेपालसहित एमाले महासचिव ईश्वर पोखरेल, सचिव प्रदीप ज्ञवाली, योगेश भट्टराई, नेताहरु शंकर पोखरेल, सत्यनारायण मण्डल, शत्रुधन महतो लगायत सर्लाही पुगिसकेका छन् । सर्लाहीको भेलामा मधेसका ४ सय युवा कार्यकर्तालाई नेताहरुले विशेष प्रशिक्षण दिनेछन् ।
dainiknepal भिडियो हेर्न तलको बाकस थिच्नुहोस

म नेपाली हाम्रो नेपाल’ले संयोजन गरेको कार्यक्रममा उनले भने, ‘संविधान जारी हुनुअघि र पछि मुलुकमा उत्पन्न राजनीतिक संकट, भारतको नाकाबन्दी र जनताले पाएको दु:ख हेर्दा हाम्रा नेताहरुको नेतृत्व क्षमतामाथि प्रश्न उठेको छ ।’ राजनीतिमाथि टिप्पणी गर्दै उनले भने, ‘जो नेता पदमा हुँदा आफूले सबै कुरा जानेको छु भन्ठान्छ, ऊ समस्यामा पर्छ ।’

हमालले पहिलो संविधानसभा निर्वाचनको प्रसंग कोट्याउँदै भने, ‘पहिला प्रचण्डजी, बाबुरामजी भनेर कतिजना ज्यान फालेर लागे, अब लाग्दैनन् । किनकी जनता त्यसबेला ती नेताका पछि लागेका थिएनन्, उनीहरुको आवाजको पछि लागेका थिए । जनता र उनीहरुको आवाज एउटै थियो । तर अहिले त्यो परिवर्तन भएको छ । उनीहरुले कुनै आमसभा गर्‍यो भने अब पैसा तिरेर मान्छे ल्याउनु पर्ने हुन्छ ।’

कार्यक्रममा अभिनेत्री निशा अधिकारीले हामी सबैमा जन्मदै नेतृत्व क्षमता हुने बताउँदै आपैंmले आफ्नो जीन्दगीलाई नेतृत्व गर्दै अघि बढ्दै गइने बताइन् । कार्यक्रममा कानुनविद् भिमार्जुन आचार्य, बैंकर अनिल शाहलगायतले पनि बोलेका थिए ।

kantipur.ekantipur

भैरहवा, २८ मंसिर । पूर्व प्रधानमन्त्री डा.बाबुराम भट्टराईले केही नेताहरुकै हठ र अदुरदर्शिताको कारण विगत ४ महिनादेखि मुलुकमा असहज परिस्थिति सृजना भएको बताएका छन् ।
एमाओवादी छाडी नयाँ शक्ति स्थापना गर्ने अभियानका साथ देश दौडाहामा निस्केका राजनीति अर्थशास्त्रका विज्ञ समेत मानिने भट्टराईले देशमा शासन सत्ता परिवर्तन भएता पनि सीमा क्षेत्रमा सृजीत असहज परिस्थीति र भारतले गरेको नाकाबन्दीको कारण पनि हाम्रै नेताहरु भएको बताए । उनले भने– ‘हाम्रा नेताहरुको अदुरदर्शिता र हठका कारण अहिलेको परिस्थीति आएको हो । आफूलाई अत्यन्तै जान्ने सुन्ने ठान्ने अरुलाई केही पनि नमान्ने ४ जना नेताको कारण देशले यो नियती भोग्नु परेको छ ।’
भैरहवामा भेला भएका उद्यमी व्यवसायीहरुलाई सम्बोधन गर्दै भने– यो दुर क्षितिजमा आधिवेहरी आउदै गरेको मैले मेरो आँखाले देखेको थिए तर आफूलाई अत्यन्तै जान्ने बुझ्नेहरुको हठको कारण म बाध्य भएर नयां शक्ति निर्माणमा लाग्नु पर्यो । अहिले अर्थतन्त्र थला परेको छ । अहिले जुन अवस्थामा छ त्यो माथि उठ्न दशकौं लाग्न सक्छ । हाम्रै अदुरदर्शिता र केही मान्छेका कारण अर्थतन्त्र थला थला परेको हो । नाकाबन्दीको कारण पहाड तराई आक्रान्त भएको छ । हाम्रा नेताहरुमा अदुरदर्शिता रहेछ भन्ने यो पछिल्लो प्रमाण हो । संविधान जारी गर्ने बेलामा सामन्य विषयलाई सम्बोधन नगरी हठ गर्दा यस्तो भएको हो ।’
बाबुरामको यो भनाईबाट भारतले लगाउने नाकाबन्दीबारे उनलाई पहिला नै थाहा भएको प्रष्ट हुन्छ । आफ्नो सम्बोधनमा बारम्बार चार नेताकै हठ भनेर भनिरहेका भट्टराईले एमाओवादी अध्यक्ष पुष्पकमल दाहाल प्रचण्ड, कांग्रेस सभापति सुशील कांग्रेस, एमाले अध्यक्ष केपी शर्मा ओली र फोरम लोकतान्त्रिकका अध्यक्ष विजय गच्छादारलाई संकेत गरेका थिए ।
ता भट्टराईले ३ वटा शासकहरुको स्वार्थको कारण आज मुलुकमा द्वन्द्व सृजना भएको समेत बताए । भट्टराईले दिल्ली, काठमाण्डौं र क्षेत्रीयतावादीहरुको द्वन्द्व लम्बिदै गए मुलुक प्रतिगमन तर्फ फर्किन सक्ने भन्दै चिन्ता समेत व्यक्त गरे । उनले अहिलेको समस्याको निराकरण नेताहरु सच्चिएर जायज माग पुरा गर्न लाग्नुपर्दछ । क्षेत्रियतावादी सोच भएका नेताहरु समग्र देशको नेता बन्न कोसीस गर्नुपर्दछ र दिल्लीले दुरगामी असर पार्नेगरी लहडमा लागेर समग्र नेपाललाई नै समस्या पार्नेगरी कदम चाल्नु हुदैंन ।
)नेता भट्टराईले मुलुक संघियताबाट पछाडी कदापी हट्न नसक्ने जनाउदैं आर्थिक विकास सहितको राजनितीक परिवर्तन भएमा मुलुक १५ वर्षमा गरिबी मुक्त र ४० वर्षमा समृद्ध हुने विश्वासका साथ नयां शक्तिमा लागेको जनाए । उनले नयां शक्तिमा ४० प्रतिशत पुराना पार्टिका र ६० प्रतिशत उद्यमी, व्यवसायी र स्वतन्त्र व्यक्तिहरु हुने पनि जनाए ।
भारतका नजिकका पात्र भनेर चिनीने भट्टराईले मुलुकको हितलाई ध्यानमा राख्दै छिमेकीसंग सम्बन्ध नजिक र टाढा राख्नुपर्नेमा जोड दिए । नेता भट्टराईले भारतको लगानी भित्रयाएर नेपाललाई अन्तरनिर्भरता बनाउनुपर्ने बताउदैं भने “भारत र चीन जस्ता उदयमान अर्थतन्त्र भएका मुलुकको लगानी भित्राएर अन्तरनिर्भरता बढाउनुपर्छ । त्यसो भयो भने उनीहरुकै लगानी भएको ठाउँमा उनीहरुले नाकाबन्दी नै गर्दैनन् ।
dainiknepal

सोमबार, २८ मंसिर
नेपाली कांग्रेसले विना लगन बाजा बजाउँदै संसद बैठक अबरोध गर्नुको पछाडि अर्को खास कारण रहेको पत्ता लागेको छ । नेपाली कांग्रेस खासगरि संस्थापन समुह वर्तमान सरकार जसरी पनि गिराउने प्रयत्नमा रहनुको कारण पनि यही यो ।
सायद यही भएर होला, जनताकालागि राजनीति गर्ने भन्दै सत्तामा पटक पटक पुगेको कांग्रेस भूकम्पबाट पीडित भएका जनता खुलला आकास मुनी जाडोमा कठ्यांग्रीदै बस्दा पनि संसद अबरोध गरेर पुननिर्माण प्राधिकरण रोक्दै छ ।
कांग्रेसलाई सबैभन्दा ठुलो डर भनेकै ओली नेतृत्वको सरकार अब लामो समय टिक्ने भयो । जसको प्रमाण स्वरुप आन्दोलनरत मधेसी मोर्चा सकारात्मक बन्नु ।
पुननिर्माण प्राधिकरण गठन विधेयक अघि बढ्न दिने मोर्चाको निर्णय कांग्रेसलाई मन नपर्नुको कारण दुइवटा रहेका छन् । पहिलो कारण भनेको मोर्चा र वर्तमान सत्ता गठबन्धनका बीचमा वार्ता मिलेपछिको शक्ति बाँडफाँड हो ।
भारत गएका उपप्रधानमन्त्री कमल थापाले तयार पारेको चार बुँदे रोडम्याप र मोर्चाका नेताहरुको भारत भ्रमणका बेला तय भएको सहमतिको गोप्य खाकाका बीचमा तालमेल मात्रै हैन शक्ति बाँडफाँडको कुरा पनि समेटीएको पत्ता पाएपछि कांग्रेस अत्तालिएको हो ।
भारत भ्रमणका बेला सरकार र आन्दोलनकारी पक्षसँग भारतीय विदेश मन्त्री सुष्मा स्वराज र उनी मातहतका अधिकारीहरुले एउटा गोप्य सहमति गर्न मनाएको बताइएको छ ।
उच्च स्रोतका अनुसार मधेसी मोर्चाले पुननिर्माण प्राधिकरण विधेयक पास गर्न दिने र सहमति पश्चात् ओली नेतृत्वकै सरकारमा सहभागि हुने लगभग पक्का भएको थियो ।
भारतले यो चाँजोपाँजो मिलाइदिने सहमति दुवै पक्षलाई गरेको थियो । स्रोतको दाबी छ कि मोर्चासँग चार बुँदे रोडम्यापमै आधारीत भएर सहमति बनेपछि उपेन्द्र यादवलाई उपप्रधान सहित मोर्चाका चारै दललाई सरकारमा ल्याउने र उनीहरुकै सहयोगमा संघीय प्रदेशको निर्वाचनसम्म यही सरकारले गर्ने विषयमा सबैका बीचमा सहमति जस्तै बनेको थियो ।
तर, यो कुराको भान र चाल पाएपछि कांग्रेस बिच्कीएको बताइएको छ । कांग्रेसले बरु भूकम्प पीडित जाडो सहुन्, सदन चल्न नदिने र मोर्चा र सरकारका बीचमा सहमति पनि बन्न नदिने प्रयत्नमा लागेको बताइन्छ ।
यतीसम्म की कांग्रेस सभापति सुशील कोइराला आफु बिरामी भएको भन्दै त्रिपक्षीय वार्तामा पनि नजाने र तमलोपा लगायत मधेसी मोर्चाका नेताहरुलाई घरमा बोलाएर भड्काउने सम्मका गतिविधिमा संलग्न भएका उदाहरणहरु छन् ।
कांग्रेसले जसरी भए पनि आन्दोलन अड्काउने र मोर्चालाई वर्तमान सरकारमा सहभागि हुनै नदिने रणनीति लिएको छ । यसमा भारतले विरोध पनि जनाइसकेको अवस्था छ ।
कांग्रेसका नेताहरुलाई भारतीय संस्थापन पक्षले भूकम्प पीडितको नाममा राजनीति नगर्न भनिसकेको छ । दोस्रो कारणका रुपमा प्राधिकरणमा सिइओ नपाइने भएपछि राजनीतिक भागवण्डा गरि पीडितको नाममा आएका रकम पनि समानान्तर ढंगले पाउनुपर्ने घुमाउरो दाउमा कांग्रेस रहेको बताइन्छ ।
राजनीतिक संयन्त्रमा रहने भएपनि कार्यकारी भुमिका नपाइने भएपछि कांग्रेसमा छटपटी बढेको छ । यती मात्रै हैन पीडितका नाममा पेसाको बाँडचिुँडी गरौं भन्ने घुमाउरो प्रस्ताव कांग्रेसले गरिसकेको अवस्था छ । पीडित जनता सधैं पीडित बन्नुपर्ने र राजनीतिक कायृकर्ता मोटाइरहने रबैयाका कारण समस्या भएको छ ।
यसरी एउटा पार्टीको दाउपेच र राजनीतिले सिंगो देश अनिर्णयको बन्दी बनाइनु कति जायज ? जिम्मेवार प्रतिपक्षीको भुमिका निभाउनुपर्ने कांग्रेस स्वयं सहमति बन्न पनि नदिने पीडितलाई राहत पनि दिन नहुने पक्षमा उभिदा जनताले के बुझ्ने ?
घिनलाग्दो राजनीति कसैले पनि गर्न हुन्न र कांग्रेसको यस्तो चरित्र हो भने त्यसको नेपाली जनताले एक दिन भण्डाफोर गर्नेछन् ।
nepalsandesh

काठमाडौँ, २८ मङ्सिर । गृहमन्त्री शक्तिबहादुर बस्नेतले भूकम्पपीडितको नाममा असम्बन्धित व्यक्तिलाई चीन भ्रमण गराएको विषयमा आत्मआलोचना गर्नुभएको छ ।
एकीकृत नेकपा (माओवादी)को पार्टी कार्यालय पेरिसडाँडा कोटेश्वरमा आज बसेको केन्द्रीय समितिको बैठकमा गृहमन्त्री बस्नेतले भूकम्पपीडितका नाममा असम्बन्धित व्यक्तिलाई चीन पठाएको विषयमा लिखित रुपमा आत्मआलोचना गर्दै र आगामी दिनमा त्यस्तो गल्ती नदोहो¥याउने प्रतिबद्धता व्यक्त गर्नुभयो ।
बैठक सुरु हुनेबित्तिकै अध्यक्ष पुष्पकमल दाहालले लिखित रुपमा आत्मआलोचना गर्न वा राजीनामा दिन मन्त्री बस्नेतलाई निर्देशन दिनुभएको थियो ।
गृहमन्त्री बस्नेतले आफ्नो ध्येय र जोड भूकम्प प्रभावित १४ जिल्लाका नागरिक, तल्लास्तरका पार्टी कार्यकर्ता नै चीन भ्रमणमा जाउन भन्ने रहेको उल्लेख गर्दै नहुनुपर्ने गल्ती भइसकेको बताउनुभएको थियो । भूकम्पपीडितको कोटामा एमाओवादी अध्यक्ष दाहालका नातिनी र गृहमन्त्री बस्नेतका छोरी र भतिजीलगायत नजिकका आफन्त चीन भ्रमणमा पठाइएको थियो ।
एमाओवादीको स्थायी समितिको बैठकमा समेत सरकारमा सहभागी मन्त्रीको कार्यशैली गलत र अमर्यादित रहेको भन्दै चर्को आलोचना भएको थियो । पार्टी प्रवक्ता दिनानाथ शर्माका अनुसार कार्यशैलीलगायतका विषयमा गृहमन्त्री बस्नेतले आफ्नो धारणा राख्नुभएको र आगामी दिनमा गल्ती नदोहो¥याउने प्रतिबद्धता जनाउनुभएको बताउनुभयो ।
आइतबार बसेको केन्द्रीय समितिको बैठकमा नेता हेमराज भण्डारी, गङ्गाबहादुर कार्कीलगायतले एमाओवादीका तर्फबाट सरकारमा सहभागी मन्त्रीको कार्यशैलीले पार्टीको साख गिरेको भन्दै फिर्ता बोलाउनुपर्ने माग गर्नुभएको थियो । सोही मागबमोजिम अध्यक्ष दाहालले चीन भ्रमण प्रकरण छानबिन गर्ने प्रतिबद्धता जनाउनुभएको थियो ।
सरकार सञ्चालन तथा समन्वय समितिका संयोजक एवम् उपाध्यक्ष नारायणकाजी श्रेष्ठले मन्त्रीको कार्यशैली परम्परागत भएको, आफूखुसी गरेको भन्दै सो समिति भङ्ग गर्न माग गर्नुभएको थियो । सोही मागबमोजिम सबै मन्त्रीलाई राखेर अध्यक्ष दाहालले पार्टीको निर्देशनभन्दा बाहिर गएर कुनै काम नगर्न, आफूखुसी निर्णय नगर्न तथा पार्टीको साख गिर्ने कुनै पनि गतिविधि नगर्न निर्देशन दिनुभएको हो ।
आजको बैठकमा उपाध्यक्ष श्रेष्ठ, सचिव गिरिराजमणि पोखरेल, नेता सन्तु दराईलगायतले धारणा राख्नुभएको थियो । यही मङ्सिर १५ गतेबाट सुरु भएको बैठक आगामी पुस ४ गतेसम्मका लागि स्थगित भएको छ । सो बैठकमा पार्टीका नेताले उठाएका विभिन्न प्रश्नको जवाफ दिने कार्यक्रम रहेको पार्टी कार्यालयका सचिव जोखबहादुर महराले जानकारी दिनुभयो ।
dainiknepal

सुनसरी : सुनसरीको इटहरी १५ स्थित न्यू जय नेपाल इटाभट्टामा सोमबार साँझ आगलागी भएर विस्फोट हुँदा ६ जना मजदुरको मृत्यु भएको छ।

विस्फोटमा परी ४० भन्दा बढी मजदुरहरु घाइते भएका छन् । विस्फोट भएर इटाभट्टी भत्किँदा केही मजदुरहरु हताहत भएका आशंका

गरिएको छ। इटाभट्टामा आगो बाल्ने क्रममा ग्यास थुनिएर चिम्नी विष्फोट हुँदा आगलागी भएको जिल्ला प्रहरी कार्यालय सुनसरीका प्रहरी नायव उपरीक्षक चिरञ्जीवी कोइरालाले बताएका छन् ।

घाइतेहरुको उद्धार गर्ने काम भइरहेको छ। घाइतेहरुलाई धरान, विराटनगरलगायतका स्थानीय अस्पतालमा लगिएको छ। अस्पतालमा पुर्‍याइएका केही घाइतेको अवस्था गम्भीर

रहेको छ। घटनास्थलमा सुरक्षाकर्मीसहितको टोली पुगेर छानबिन थालेको छ।

प्रहरीका अनुसार मृत्यु हुनेहरुमा भारतको विहार घर भई इटाभट्टामा काम गर्दै आएका मजदुर मिथिलेस पासवान, इटहरी १६ की भगली देवी चौधरी र इटहरी २० का शिवनारायण चौधरी रहेका छन् । आगलागिमा परी मृत्यु हुने अन्यको पहिचान हुन नसकेको प्रहरीले बताएको छ ।

घटनापछि इलाका प्रहरी कार्यालय पकलीबाट प्रहरी, इनरुवा, इटहरीबाट गएको दमकल र स्थानियवासिन्दाले आगो निभाउने प्रयास गरिरहेका छन् । आगो नियन्त्रण गर्ने क्रम जारी रहेकोले घटनाको विस्तृत विवरण आउन सकेको छैन।
 annapurnapost

नेपालगन्ज, २८ मंसिर । नेपालगन्ज नाकाबाट आज ६ बुलेट खाना पकाउने एलपी ग्यास र ५२ वटा मालबाहक नेपाल भित्रिएको छ ।
हिजो आइतबार भारतमा सार्वजनिक बिदा भएकोले इन्धन भर्ने काम नभएकोले इन्धनका गाडी नआएको इलाका प्रहरी कार्यालय जमुनहाका प्रहरी सहायक निरीक्षक हरि बहादुर गुरुङ्गले जानकारी दिनुभयो ।
नेपालगन्जमा आज पनि कुनै अवरोध नभएको उहाँले बताउनुभयो ।
ainiknepal

२८ मंसिर, पोखरा ।

सङ्घीय समाजवादी फोरम नेपालका अध्यक्ष उपेन्द्र यादवले मधेसी र आदिवासी जनजातिसँग विगतमा सरकारले गरेका सम्झौता कार्यान्वयन हुनुपर्नेमा जोड दिएका छन् ।

संयुक्त तमुवान सङ्घर्ष समिति र मगरात सङ्घर्ष समितिले आयोजना गरेको सभालाई सम्बोधन गर्दै उनले झगडा गरे पनि आफ्नै भूमिमा गर्ने र आन्तरिक मामिला आफ्नो समस्या आफै समाधान गर्ने बताए ।


आदिवासी जनजाति आन्दोलनका प्रवक्ता ओम गुरुङले नामाङ्कन र सीमाङ्कनबिनाकोसंविधानलाई आदिवासी जनजातिले स्वीकार गर्न नसक्ने बताए । nepaliheadlines

पोखरा, २८ मङ्सिर । संघीय समाजवादी फोरम नेपालका अध्यक्ष उपेन्द्र यादवले मधेसी र आदिवासी जनजातिसँग विगतमा सरकारले गरेका सम्झौता कार्यान्वयन हुनुपर्नेमा जोड दिनुभएको छ ।
संयुक्त तमुवान संघर्ष समिति र मगरात संघर्ष समितिले आज यहाँ आयोजना गरेको सभालाई सम्बोधन गर्दै उहाँले झगडा गरे पनि आफ्नै भूमिमा गर्ने र आन्तरिक मामिला आफै समाधान गर्ने बताउनुभयो । सद्भावना पार्टीका अध्यक्ष राजेन्द्र महतोको ‘मधेस टुक्रयाउने’ अभिव्यक्तिलाई काउन्टर गर्दै यादवले भारतसामू नेपालको शिर नझुकाउने धारणा राख्नुभयो ।
आदिवासी जनजाति आन्दोलनका प्रवक्ता ओम गुरुङले नामाङ्कन र सीमाङ्कनबिनाकोसंविधानलाई आदिवासी जनजातिले स्वीकार गर्न नसक्ने बताउनुभयो ।
dainiknepal

 पटकसोमबार, २८ मंसिर

पेट्रोलियम पदार्थ कारोवारमा सर्बसाधारण जनता माथि भैरहेको ठगीको परिमाण सानोतिनो नरहेको तथ्य सरकारले गठन गरेको संसदिय समितिको प्रतिवेदनले नै स्वीकार गरेको छ ।
सरकारले ०६८ सालमा गठन गरेको संसदिय समितिले दिएको प्रतिवेदन अनुसार आर्थिक वर्ष ०६७/०६८ मा मात्रै करीव ५ अर्ब ४ करोड वरावरको ठगी भएको जनाइएको छ ।
त्यो वेला आपुर्ति मन्त्री राजेन्द्र महतो थिए ।
प्रतिवेदनमा भनिएको छ–“नेपाली ग्राहकहरुले पेट्रोलियम पदार्थ १० लिटर खरिद गर्दा ९.५ लिटर मात्र उपलब्ध हुँदै आएको तथ्य उजागर भएको छ । अर्थात ५ प्रतिशत नोक्सानी बेहोर्नु परेको अवस्था छ । यसवाट बार्षिक ५अर्व ४करोड रकम उपभोक्ताले (नोक्सानी) व्यहोर्नु परेको छ ।”
प्रतिवेदनको पृष्ठ ५५ मा “यस्तो रकम राजनैतिक व्यक्ति देखि व्यवस्थापनका केही बिशिष्ट व्यक्तिमा बाँडीने” भनेर किटानीका साथ लेखिएको छ ।
त्यो बेला भन्दा अहिले पेट्रोलियम पदार्थ र ग्याँसको कारोवार करीव ५० प्रतिशत भन्दा वढीले बृद्धि भएको छ । यस अर्थमा अहिले यो रकम प्रति बर्ष ७ अर्व भन्दा वढी हुने हुन्छ । यसवाट प्रति घर १ लाख मात्र बाँडे पनि ७० हजार भूकम्प पीडित परिवारले  जस्ताले छाएको सानो छाप्रो भएपनि वनाउन पाउने हुन्छ ।
यस्तो ठुलो परिमाणमा ठगी र भ्रष्टाचार भैरहेपनि केही पेट्रोल पम्पहरु र एकाध कर्मचारीहरुलाई मात्र कारवाही गरेको जस्तो देखाएर यो महा ठगी र महा भ्रष्टाचार काण्ड ढाकछोपको प्रयास भैरहेको पर्यवेक्षकहरुको भनाई छ ।
कारवाही केहीलाई भएपनि शुरु हुनु राम्रो हो तर यो कारवाही सरकारी प्रतिवेदन अनुसार नै एक छेउ पनि भएको छैन ।
सरकारी प्रतिवेदनले नै यो ठुलो रकम राजनैतिक व्यक्ति र व्यवस्थापनका केही विशिष्ट व्यक्तिमा बाँडीने भनेर किटानी गरेकोले सम्वन्धीत निकायहरुले छानवीन गरेर जनसमक्ष यो महा ठगी र महा भ्रष्टाचार काण्डको यथार्थ वाहिर ल्याउनु पर्ने हुन्छ ।
आफुलाई क्रान्तिकारी दावी गर्ने बैद्य र विप्लव माओवादीहरुको पनि यस तर्फ ध्यान जानु पर्ने पर्यवेक्षकहरुको भनाई छ । सरकारले कारवाही नगरे जनसरकार वनाएर कारवाही गर्छाैं भन्ने दलहरुले के गर्छन् भन्ने चासो पनि रहेको छ ।
सोही प्रतिवेदनमा नेपाल आयल निगमले आफ्नो अनावश्यक प्रशासनिक खर्च कटौटी गर्ने, डिलरहरुलाई अनावश्यक रुपमा दिइएको वढी कमिशन कटौटी गर्ने र जर्ति नोक्सानी आदिका नाममा दिइने अनावश्यक खर्च कटौटी गर्दा मात्र पनि कम्तिमा पनि प्रति बर्ष २ अर्व रुपैयाँ निगमलाई फाइदा हुने भनिएको छ ।
तराईमा शीत लहर चल्ने अहिलेको समयमा मधेशका गरिव जनतालाई प्रति घर ५० हजार मात्रै न्यानो कपडा किन्न दिए पनि यो रकमवाट ४० हजार गरिव परिवारलाई जाडोवाट वचाउन सकिने हुन्छ ।
तर हाल यो रकम कर्मचारीहरु र डिलरवालाहरुले खाइरहेको उक्त प्रतिवेदनमा औंल्याइएको छ ।
प्रतिवेदनमा पेट्रोलियम पदार्थ कारोवारमा कसरी भ्रष्टाचार भैरहेको छ भन्ने केही तथ्यहरु पनि दिइएको छ ।
आवश्यकता भन्दा वढी पेट्रोल पम्प र टैंकरलाई अनुमति दिइ आर्थिक अनियमितता गर्ने गरिएको उक्त प्रतिवेदनमा भनिएको छ । कतिपय पुराना टैंकरहरुले तेल बेची तेल खाली गराएर कृत्रिम दुर्घटना गराइ विमा तथा क्षतिपूर्ति लिने गरिएको पनि उल्लेख गरिएको छ ।
ग्याँस उद्योगको स्वीकृति दिंदा मापदण्ड नपुगेकालाई पनि स्वीकृति दिइ आर्थिक अनियमितता गरिएको पनि प्रतिवेदनमा उल्लेख छ ।
ग्याँस प्लान्ट र पेट्रोल पम्पलाई ग्याँस र पेट्रोलको कोटा वितरण गर्दा पनि आर्थिक अनियमितता हुने गरेको उक्त प्रतिवेदनमा उल्लेख छ ।
अब ओली सरकारले के गर्छ, हेर्न बाँकि छ ।
nepalsandesh

सोमबार, २८ मंसिर
काठमाडौं । राष्ट्रपति विद्यादेवी भण्डारीले आन्दोलनरत मधेसी मोर्चाका शीर्ष नेता सहित प्रमुख तीन दलका सबै शीर्ष नेतालाई बोलाइकी छिन् ।
सोमबार साँझ ६ बजेपछि उनले सबै दलका शीर्ष नेताहरुलाई बोलाएकी हुन् । प्रमुख दल र मोर्चाको बैठक झनै असफल विन्दुमा प्रवेश गरेपछि उनले प्रमुख दलका शीर्ष नेतृत्वलाई बोलाएकी हुन् ।
प्रधानमन्त्री एवं एमाले अध्यक्ष केपी ओली, नेता माधव नेपाल, झलनाथ खनाल, नेपाली कांग्रेसका सभापति सुशील कोइराला, एमाओवादी अध्यक्ष पुष्पकमल दाहाल, मधेसी मोर्चाका नेताहरु महन्थ ठाकुर, उपेन्द्र यादव, उपप्रधानमन्त्री विजयकुमार गच्छदालगायतलाई शीतल निवासमा साँझ ६ बजे पछि बोलाइएको छ ।
राष्ट्रपति भण्डारीले आफु निर्वाचित भएपछि शीर्ष नेतालाई पहिलो पटक सामुहीक रुपमा आमन्त्रण गरेकी हुन् ।
nepalsandesh

काठमाडौं : राष्ट्रपति विद्यादेवी भण्डारीले मुलुकको असहज अवस्था र यसको निकासबारे छलफल गर्न प्रमुख तीन दल र मधेसी मोर्चाका नेताहरुलाई शितलनिवास बोलाएकी छिन् ।

राष्ट्रपति भण्डारीले पहिलोपटक दलका नेताहरुलाई परामर्शका लागि शितलनिवास बोलाएकी हुन् । शितलनिवासमा प्रधानमन्त्री केपी शर्मा ओली, कांग्रेस सभापति सुशील कोइराला, एमाओवादी अध्यक्ष पुष्पकमल दाहाल, उपप्रधानमन्त्री विजयकुमार गच्छदार, मोर्चाका नेताहरु उपेन्द्र यादव, महन्थ ठाकूरलगायतलाई बोलाइएको छ ।

साँझ छ बजे बोलाइएको बैठकमा मधेस आन्दोलन, नाका aअवरोधका कारण उत्पन्न असहज अवस्था, संविधान संशोधन र जारी वार्ताबारे छलफल हुने बताइएको छ। annapurnapost

नयाँदिल्ली, २८ मंसिर । नेपालमा नाकाबन्दी लगाइरहेका भारतका प्रधानमन्त्री नरेन्द्र मोदीको पुत्ला जलेको छ ।
यसअघि नेपालका विभिन्न सहरमा नाकाबन्दीको विरोधमा मोदीको पुत्ला जलेको भएपनि यसपटक भारतमै मोदीको पुत्ला जलेको हो । भारतीय च्यानल आजतकका अनुसार शिमलामा विरोध प्रदर्शन गर्दै भारतीय कांग्रेसका कार्यकर्ताहरुले मोदीको पुत्ला जलाएका हुन् ।
उनीहरुले असहिष्णूता बढेको भन्दै मोदी सरकारको आलोचना समेत गरेका छन् ।
dainiknepal

सोमबार, २८ मंसिर
वीरगन्ज । सद्भावना पार्टीका अध्यक्ष राजेन्द्र महतोले सरकार वार्ता र संवादप्रति अहिले पनि गम्भीर नभएको आरोप लगाएका छन् ।
संयुक्त लोकतान्त्रिक मधेसी मोर्चाले अघि सारेका ११ बुदे मागप्रति सरकार र प्रमुख विपक्षी दल संवेदनशील भएको देखिएका छैन भन्दै महतोले यस्तै अवस्था कायम रहे त्यसबाट उत्पन्न हुने परिस्थितिको जिम्मेवार पनि सरकार र कांग्रेस हुने बताए ।
उनले कांग्रेसका कारण आफुहरुको एजेण्डा छाँयामा परेको बताउँदै कांग्रेसले सधैं सहमतिमा भाँजो हाल्ने काम गरेको पनि बताए ।
मधेस आन्दोलनप्रति सरकारले फैलाएको अफवाह चिर्न मोर्चाका शीर्षस्थ नेताले हालै भारत भ्रमण गरेको उल्लेख गर्दै उनले आफुहरुको भारत भ्रमण फलदायी र उपलब्धिमूलक भएको उल्लेख गरे ।
अध्यक्ष महतोले राज्यबाट शोषित, पीडित र बहिष्कृत मधेसीले अधिकार प्राप्तिका लागि आन्दोलन गरिरहेकाले यसलाई अन्तर्राष्ट्रिकरण गर्नमा सहयोग र समर्थन गर्न भारतीय सरकार र त्यहाँको नागरिकलाई आग्रह गरिएको बताए ।
nepalsandesh

काठमाडौं, २८ मंसिर । आइतबार दिउँसो प्रधानमन्त्री कार्यालय सिंहदरबारमा भएको त्रिपक्षीय वार्तामा प्रमुख प्रतिपक्षी दल नेपाली कांग्रेसको कडा आलोचना भएको छ ।
सत्तारुढ दल नेकपा एमाले, एमाओवादी र आन्दोलनरत मधेसी मोर्चाले पनि कांग्रेसको आलोचना गरेको हो । वार्तामा सहभागी नेपाली कांग्रेसका उपसभापति रामचन्द्र पौडलेले पनि नेताहरुको हप्काई खानुपरेको थियो ।
वार्ता सुरु गरौं भन्दा पौडेलले पुनर्निर्माण प्राधिकरण र संविधान संशोधन प्रस्ताव सँगसँगै अगाडि बढाउनुपर्ने बताए । तर, मधेसी मोर्चाले भने प्राधिकरणका लागि मात्रै संसद बैठक अवरुद्ध नगर्ने भन्यो । उता कांग्रेस भने संशोधन प्रस्ताव अगाडि नबढाएसम्म संसद चल्न नदिने अडानमा थियो ।

त्यही बेला प्रधानमन्त्री एवं एमाले अध्यक्ष केपी शर्मा ओलीले कडा जवाफ फर्काए- कांग्रेसजस्तो पार्टीले एजेण्डा खोजेर भौंतारिनु पर्दैन । तपाईहरुको एजेण्डा संसदमै छ, कहीँ खोज्न जानुपर्दैन ।
मधेसी मोर्चालाई क्रान्तिकारीको संज्ञा दिदै ओलीले अहिले क्रान्तिकारीसमेत सहमतिमा आउन लागेका बेला कांग्रेसले एजेण्डा खोजेर भाउँतो हाल्नु ठीक नहुने बताए । उनले कांग्रेसले कुखुरे चित्त देखाउन नहुने भन्दै कांग्रेसलाई हप्काए । कांग्रेसले शब्दमा निहुँ खोजेर बस्छ भने भूकम्प पीडित जनतामाथि योभन्दा अत्याचार के हुन सक्छ ?’ ओलीले हप्काउँदै भने ।
प्रधानमन्त्री ओलीपछि एमाओवादी अध्यक्ष प्रचण्ड निकै आक्रोशमा आए । रामचन्द्रजीले पटक–पटक भन्नुभएको कांग्रेसको एजेण्डा के हो ? मधेसी मोर्चाका तर्फबाट प्रश्न आएपछि पौडेलले भने–हाम्रो पालामा दर्ता गएको संविधान संशोधन विधेयक । उनले प्राधिकरण विधेयक र संविधान संशोधन विधेयक एकैपटक पेश गर्नुपर्ने अडान राखेपछि प्रचण्ड जंगिए ।
पौडेललाई प्रचण्डले हप्काउँदै भने- केको एजेण्डा ? संविधान संशोधन विधेयक शुरुमा तपाईहरुले हामीसँग सल्लाह नगरी ल्याउनुभयो । पछि हामी सबै बसेर परिमार्जन गरेका हौं । अब, यो प्रस्ताव तपाईको मात्रै पेवा होइन, हामी सबैको हो ।
dainiknepal

२८ मंसिर, काठमाडौं ।

प्रधानमन्त्री केपी शर्मा ओलीले भारतीय नाकाबन्दीले देशको मुहार फेर्ने आफ्नो सपना चकनाचुर भएको बताएको कुराले भारतीय मिडियामा पनि चर्चा पाएको छ ।

भारतको राष्ट्रिय सञ्चार माध्यम प्रेस ट्रष्ट अफ इण्डियाले नेपालका प्रधानमन्त्रीले भूकम्प र भारतीय नाकाबन्दीका कारण नेपालको मुहार फेर्ने सपना चकनाचुर भएको बताएको भन्दै हेडलाइन समाचार बनाएको छ ।

आइतबार बालुवाटार पुगेका नेपाल प्रज्ञा प्रतिष्ठानको प्रतिनिधिमण्डलसँग प्रधानमन्त्रीले सिंहदरवारको कुर्सीमा बसेर देश बदल्ने सपना देखेपनि आफ्नो सपना भारतीय नाकाबन्दीका कारण चकनाचुर भएको भन्दै निराश कुरा गरेका थिए

पिटिआइले ओलीले यस अघि भारतीय नाकाबन्दीलाई युद्धको समयमा भन्दा पनि तल्लो स्तरको ब्यवहार देखाएको भन्दै आलोचना गरेको समेत उल्लेख गरेका छन्
। त्यसैगरी राष्ट्रसंघीय मानव अधिकार परिषदमा नेपाललाई आलोचना गर्ने भारतप्रति पनि ओलीले आक्रोश पोखेको समाचारमा उल्लेख छ ।nepaliheadlines

काठमाडौं, २८ मंसिर । राष्ट्रपति विद्यादेवी भण्डारीले कम्युनिष्ट पार्टीका संस्थापक सदस्य खगुलाल गुरुङलाई सम्मान गर्नुभएको छ ।
आइतबार साँझ राष्ट्रपति कार्यालय शीतल निवासमा आयोजित कार्यक्रममा राष्ट्रपति भण्डारीले २००७ सालको राणाविरोधी आन्दोलनका सेनानी, किसान आन्दोलनका नेता, नेपाल कम्युनिस्ट पार्टी प्यूठानका संस्थापक ९८ वर्षीय बयोबृद्ध कम्युनिस्ट नेता गुरुङलाई सम्मान गर्नुभएको हो ।
गुरुङलाई सम्मान गर्दै राष्ट्रपति भण्डारीले दिर्घायु तथा सुस्वास्थ्यको कामना गर्नुभयो । उहाँले भन्नुभयो– तपाई अग्रजहरुकै संघर्षले हामीले आज यो जिम्मेवारी पाएका छौं । सम्मान गर्न पाउँदा खुसी लागेको छ ।’
कार्यक्रममा कम्युनिष्ट नेताहरु मोहनविक्रम सिंह, मोहन वैद्य, सूर्य थापा, सभासद् दुर्गा पौडेल, कृष्णध्वज खड्का, कृष्णगोपाल श्रेष्ठ, रामप्रसाद आचार्य र राजेन्द्र सापकोटासहित गुरुङका छोरा थमन गुरुङ सहभागी हुनुभएको थियो ।
यसैबीच कम्युनिष्टका संस्थापक नेता गुरुङलाई नेकपा एमालेका महासचिव ईश्वर पोखरेलले पनि सम्मान तथा अभिनन्दन गर्नुभयो । सोमबार विहान पार्टी कार्यालय धुम्वाराहीमा आयोजित कार्यक्रममा महासचिव पोखरेलले खादा र टीका लगाइदिएर गुरुङलाई अभिनन्दन गर्नुभएको हो । त्यसक्रममा महासचिव पोखरेलले ‘कम्युनिष्ट एक ठाउँमा उभिनुपर्ने’ गुरुङको विचारको प्रशंसा गर्नुभयो ।
Bidha-khagulalगुरुङले सबै कम्युनिस्टहरु एकजुट भएर भूमिसुधार लागू गर्नुपर्ने, स्थानीय चुनाव अविलम्ब गर्नुपर्ने, नारीकोट–रामखोला–पिपलारुख स्कुलसम्मको मोटर बाटो निर्माण गर्नुपर्नेजस्ता आफूले अभिनन्दन समारोहमा सार्वजनिक गरेका मागहरु पूरा गर्न ध्यान दिनुपर्नेमा जोड दिनुभयो । कार्यक्रममा एमालेका नेता तथा कार्यकर्ताहरुको सहभागिता थियो ।
यसअघि आइतबार दिउँसो प्रधानमन्त्री केपी शर्मा ओलीसहित मुलुकका सबै कम्युनिस्ट नेताहरुले आइतबार गुरुङको सार्वजनिक अभिनन्दन गर्नुभएको थियो ।
dainiknepal

२८ मंसिर, काठमाडौं ।

राष्ट्रपति विद्यादेवी भण्डारीले संविधान जारी भएपछि उत्पन्न राजनीतिक परिस्थितिको बारेमा बुझ्नको लागि पहिलो पटक प्रमुख दलका शीर्ष नेताहरुलाई राष्ट्रपति भवन शितल निवासमा आह्वन गरेकी छिन् ।

दलहरुबीच वार्ता मार्फत समस्याको समाधान हुन नसकिरहेको बेला राष्ट्रपति भण्डारीले आज साँझ ६ बजे शिलत निवासमा शीर्ष नेताहरुसंग छलफल गर्न लागेकी हुन् ।

भण्डारी राष्ट्रपति भएपछि दलहरुसग छलफल लागेको पहिलो पटक हो । राष्ट्रपति बोलाएपछि साँझा शीर्ष नेताहरु राष्ट्रपति निवास जानेछन् ।

भारतको भन्दा धेरै अर्थमा अग्रगामी छ नेपालको संविधान

तराई मधेसको आन्दोलन भारतले गरेको नाकाबन्दी लगायतको विषयमा राष्ट्रपति भण्डारीले चासो दलका नेताहरुसंग चासो राख्न खोजेको शितल निवास स्रोतले बताएको छ ।nepaliheadlines

काठमाडौँ, २८ मङ्सिर । नेपाल लामो समयदेखि ऊर्जाको चरम सङ्कटमा छ । भारतको अघोषित नाकाबन्दीका कारण पछिल्लो समयमा जलविद्युतमा लगानी बढाउनुपर्ने आवाज पनि बढ्दै गएको छ ।
नेपालभित्र लगानीको स्रोत छैन, रकम जुटाउन सकिदैन भन्ने विषय पनि उत्तिकै उठेको छ । तर सरकारले विश्वासिलो वातावरण बनाउने हो भने कुल एक हजार मेगावाट जलविद्युत् उत्पादनका लागि तत्काल कहिँ कतै पनि लगानीको स्रोत खोज्न जान नपर्ने अवस्था मुलुकभित्रै रहेको छ ।
पछिल्लो पटक नेपाल सरकारको स्वामित्वमा रहेको जलविद्युत् लगानी तथा विकास कम्पनीले रु दुई अर्बको साधारण सेयर जारी गर्दा रु ४० अर्ब बराबरको आवेदन प¥यो । लगानीको विश्वासिलो वातावरण नबन्दा जनतासँग भएको रकम सुन तथा विलासिताका सामान खरिदमा खर्च भइरहेको छ ।
विप्रेषणबाट आएको रकम पनि घरव्यवहार चलाउने नाममा अनुत्पादक क्षेत्रमा बढी खर्च हुने गरेको छ । तर चरम ऊर्जा सङ्कट भोगीरहँदा समेत राज्यले कुनै पनि आयोजनालाई योजनावद्ध रुपमा अगाडि बढाउन सकेन ।
राज्यले नागरिकलाई विश्वास मात्रै दिलाउने हो भने एक महिनाभित्र बुढीगण्डकी जस्तो ठूलो र बहुउद्देश्यीय आयोजना बनाउन सक्ने रकम जुट्न सक्ने ऊर्जा क्षेत्रका विज्ञहरुको भनाइ छ । नेपालीसँग रकम नभएर होइन, सोच र चिन्तन नभएका कारण ऊर्जा क्षेत्रको विकास हुन नसकेको भन्दै उनीहरुले मुलुकले पछिल्लो दिनमा भोग्नुपरेको ऊर्जा सङ्कटलाई समाधान गर्न राज्यको तत्परता मात्रै जरुरी रहेको बताए ।
राज्यले विश्वास दिलाउने र कानुनको निर्माण गरेर कुनै एउटा आयोजना बनाउने भयौँ, र यति वर्षमा उक्त आयोजना सम्पन्न गर्छाँै भनेर विश्वास मात्रै दिलाउने हो भने जलविद्युत् लगानी तथा विकास कम्पनीमा परेको रु ४० अर्ब मध्ये रु ३८ अर्ब तत्काल जलविद्युत्मा लगानी गर्न सकिन्छ । तर राज्यले कुनै सोच बनाउन नसक्दा समस्या घट्नुको साटो बल्झदै गएको छ ।
स्वतन्त्र ऊर्जा उत्पादकहरुको संस्था(इपान)का उपाध्यक्ष शैलेन्द्र गुरागाईँ सरकारले विश्वास मात्रै दिलाउने हो भने जलविद्युत् कम्पनीको नाममा उठेको रकम अर्को कुनै आयोजनामा लगानी गर्न लगानीकर्ता तयार रहेको बताउनुहुन्छ । कुल ६०० मेगावाट क्षमताको माथिल्लो अरुण मात्रै सरकारले विश्वास दिलाएर सुरु गर्ने हो भने एक महिनामा मुलुकभित्रै लगानी जुट्न सक्ने उहाँको भनाइ छ । हाल जम्मा भएको रु ३८ अर्ब मात्रै लगानी गर्ने हो भने माथिल्लो तामाकोसी जस्तो महत्वपूर्ण आयोजना सुरु हुन सक्ने गुरागाईँ बताउनुहुन्छ ।
ऊर्जा क्षेत्रका जानकार एवम् हाइड्रो सोलुसनका प्रमुख ज्ञानेन्द्रलाल प्रधान नेपालमा प्रक्रियागत झन्झट बढी भएका कारण ऊर्जा क्षेत्रको विकास हुन नसकेको बताउनुुहुन्छ । नेपालभन्दा गरिब मुलुक इथियोेपियाले टेलिफोन महसुलबाट कर उठाएर सबै सरकारी स्वीकृति एउटै संयन्त्रबाट दिने प्रक्रिया सुरु गरेकै कारण केही दिन पहिले मात्रै ६०० मेगावाटको जलविद्युत् आयोजना सम्पन्न गरेको छ भने कुल ६ हजार मेगावाट निर्माणको क्रममा रहेको छ ।
राजनीतिक दल, सरकारी कर्मचारी नसुध्रदासम्म नेपालमा काम गर्न गाह्रो भएको उल्लेख गर्दै प्रधानले भन्नुभयो ‘‘इथियोेपियामा सबै काम एकद्वार प्रणालीबाट हुन्छ, हाम्रोमा अनुमतिपत्र लिनदेखि निर्माण प्रक्रिया सुरु गर्न मात्रै सात वर्ष भन्दा बढी समय लाग्छ । कर्मचारी सहयोगी छैनन् ।’’
जग्गा प्राप्ति, मुआब्जा वितरणदेखि प्रसारण लाइन निर्माणमा समेत समस्या छ । नेपाल विद्युत् प्राधिकरणको काम गर्ने शैली परम्परागत मान्यताबाट माथि उठ्न नसकेको गुनासो पनि उत्तिकै छ । नेपालको नमुना परियोजनाको रुपमा रहेको चिलिमे जलविद्युत् आयोजना निर्माणमा सक्रिय भूमिका खेल्नुभएका डम्बरबहादुर नेपाली बहुदलीय प्रणालीमा कसले बढी जस लिने भन्ने अस्वस्थ प्रतिस्पर्धाका कारण जलविद्युत् क्षेत्रको विकास हुन नसकेको बताउनुहुन्छ ।
‘‘लगानीको अभाव छैन, नेपाल भित्रै लगानी जुट्न सक्छ, नेपाली लगानी गर्न तयार छन् भन्ने जान्दा जान्दै पनि राज्यले कुनै मार्ग देखाउन सकेन, दुःखलाग्दो विषय यही नै छ’’ उहाँले भन्नुभयो ।
प्रतिवर्ष रु सात खर्ब भन्दा बढी विप्रेषण भित्रिन्छ । यूरोप, अमेरिकालगायतका मुलुकमा काम गर्ने नेपालीको सङ्ख्या उल्लेख्य छ । पछिल्लो दिनमा कोरिया जाने नेपालीको सङ्ख्या मात्रै ३५ हजार नाघेको छ । राज्यले विश्वास दिलाउने हो भने नेपाली लगानीमा तत्काल दुई हजार मेगावाट क्षमताका तीन/चार वटा आयोजना सुरु गर्न सकिन्छ ।
जलविद्युत् लगानी तथा विकास कम्पनीका प्रमुख कार्यकारी अधिकृत दीपक रौनियारकाअनुसार एक हजार ५०० मेगावाट क्षमताको जलविद्युत् आयोजना सुरु गर्न रकम खोज्न कहिँ कतै जानु पर्दैन । ‘‘हाम्रो कम्पनीप्रति देखिएको लगानीकर्ताको उत्साहले पनि सोही कुराको सङ्केत गर्छ’’ उहाँ भन्नुहुन्छ ।
ऊर्जा क्षेत्रका अर्का जानकार अमृतमान नकर्मीले त सरकारले नीति र योजना मात्रै बनाएर जनतालाई विश्वासमा लिने हो भने करिब दुई हजार मेगावाट जलविद्युत् उत्पादन गर्न कोही कसैसँग हात नै थाप्नुनपर्ने धारणा यसअघि सार्वजनिक गरिसक्नु भएको छ । रु दुई खर्ब दश अर्ब जोहो गर्ने हो भने आगामी पाँच वर्षभित्र ऊर्जा सङ्कट समाधान हुने नकर्मीको विश्वास छ ।
प्रक्रियागत झन्झट कम गर्ने, एकद्वार प्रणालीबाट सबै सरकारी काम सम्पन्न गर्ने प्रणालीको विकास र लगानीकर्तालाई विश्वासमा लिने मात्रै हो भने एकाध वर्षमा नेपालले जलविद्युत्को क्षेत्रमा फड्को मार्न सक्छ ।
dainiknepal

धनकुटा, २८ मङ्सिर । लिम्बुवानले पूर्वी नेपालका नौ जिल्लामा आह्वान गरेको अनिश्चितकालीन चक्काजाम आज बिहानदेखि फिर्ता लिएको छ ।
सरकारसँग भएको पाँचबुँदे सम्झौता कार्यान्वयनको माग गर्दै लिम्बुवान आन्दोलन उच्चस्तरीय समितिले हिजोदेखि अनिश्चितकालीन चक्काजाम आवह्वान गरेको थियो ।
नाकाबन्दी र तराई बन्दले सर्वसाधारणमा परेको मारलाई मध्यनजर गर्दै चक्काजाम फिर्ता लिई आन्दोलनलाई परिमार्जन गरिएको सङ्घीय लिम्बुवान पार्टी नेपालका केन्द्रीय सचिवालय सदस्य जेन्टल लावतीले बताउनुभयो । बन्द फिर्ता भएसँगै सवारी सञ्चालन हुन थालेको छ ।
dainiknepal

सोमबार, २८ मंसिर
काठमाडौँ । जर्मन सरकार भूकम्पपछिको पुनःनिर्माणका लागि ‘पुनःनिर्माण ऋण निगम’मार्फत रु तीन अर्ब ४६ करोड ९३ लाख अनुदान सहयोग गर्न सहमत भएको छ ।
‘नेपालको पुनःनिर्माणका लागि अन्तर्राष्ट्रिय सम्मेलन’मा जर्मन सरकारले प्रतिबद्धता गरेअनुसार उक्त सहयोग सम्झौतामा आज अर्थ मन्त्रालयमा आयोजित कार्यक्रममा अर्थ सचिव लोकदर्शन रेग्मी र नेपालका लागि जर्मनीका राजदूत माथियास मायारले हस्ताक्षर गरे । अनुदान सहयोगमध्ये रु दुई अर्ब ८९ करोड वित्तीय सहयोग र रु ५७ करोड ९३ लाख प्राविधिक सहयोग रहेको छ ।
सम्झौता हस्ताक्षरपछि सचिव रेग्मीले नेपालको आर्थिक सामाजिक विकासमा जर्मनी सरकारले गरेको सहयोगको प्रशंसा गर्दै भूकम्पपछि क्षतिग्रस्त भक्तपुरका पुरातात्विक महत्वका पूर्वाधार र विद्यालयको पुनःस्थापनाका सो रकम खर्च गरिने जानकारी गराए । सरकार भूकम्पपछिको पुनःनिर्माणका लागि ‘राष्ट्रिय पुनःनिर्माण प्राधिकरण’ गठन गर्न गम्भीर रहेको बताउँदै उनले एक साताभित्र प्राधिकरण गठन हुने विश्वास व्यक्त गरे ।
राजदूत मायारले सन् २०१६ देखि सात वर्षसम्म रहने सो योजनाअन्तर्गत भूकम्प प्रभावित गोरखा, रसुवा, दोलखा र रामेछाप जिल्लाका अस्पतालको पुनःनिर्माण र रसुवाको ग्रामीण विद्युतीकरणलगायत विभिन्न पुनःस्थापनाका कार्य गरिने बताए । पुनःनिर्माणका लागि आवश्यक संयन्त्र प्राधिकरण यथाशीघ्र गठन गर्न आवश्यक रहेकामा उनले जोड दिए ।
nepalsandesh

काठमाडाै । एमाओवादीको मुख्य कार्यालय पेरिसडाँडामा भैरहेको केन्द्रिय समितिको बैठकमा गृहमन्त्री शक्ति वहादुर वस्नेतको राजीनामाको माग भएपनि उनले राजीनामा नगर्ने भएका छन् ।
भूकम्प पीडितका नाममा चीनवाट आएको कोटामा आफ्नी छोरी र प्रचण्डकी नातिनीलाई समेत पठाएको विषयलाई लिएर गृहमन्त्री वस्नेतको कडा आलोचना पार्टी केन्द्रिय समितिको बैठकमा भएको हो ।
गृहमन्त्री निकट श्रोतका अनुसार यसवारे वस्नेतले पार्टी केन्द्रिय समितिको वैठकमा केवल प्राविधिक त्रुटि भएको भनेर आत्मालोचना मात्र गर्नेछन् ।
एक केन्द्रिय सदश्यले भने–“पार्टीलाई वदनाम गराउने ठुला भ्रष्टाचार काण्ड गर्नेहरुलाई कारवाहीको माग नगरी गृहमन्त्रीको एक त्रुटिलाई प्रमुख मुद्दा वनाएर राजीनामा माग्दै कोलाहल मच्चाउने क्रियाकलाप भित्र पद र सुविधा नपाएको ठुलो असन्तोष  पनि लुकेको छ ।”
श्रोतका अनुसार प्रचण्डको विश्वासपात्र भएकोले नै वस्नेतले गृहमन्त्री पाएको हो । अहिले पनि सबैजसो कामहरु प्रचण्डले भने अनुसार नै गृहमन्त्रीले गर्ने गरेको श्रोतको दावी छ । त्यसैले जसले राजीनामा मागे पनि वस्नेतलाई प्रचण्डले अहिले गृहमन्त्रीवाट राजीनामा गराउने छैनन् ।
nepalsandesh

काठमाडौं । दैनिक जसो विभिन्न सञ्चार माध्ययममा ग्यास बुलेट र इन्धन आएको खबर पाएपछि खुसी व्यक्त गर्ने सर्वसाधारणले चुल्हो बाल्न नसकेपछि नेपाल भित्रिएको इन्धन कहाँ जान्छ भनेर सोध्ने गरेका छन् । तर, नेपाल भित्रिएको इन्धन वास्तबमै कसले र कहाँ लैजान्छ ? आएको र भएको इन्धन सर्वसाधारणले सुहज ढंगले किन पाउन सकेका छैनन् ? नेपाल आयल निगमको तथ्यांकमा दैनिक रुपमा ग्यास र इन्धन भित्रिएको तथ्यांक समावेश गरिएको छ ।
भारतको अघोषित नाकाबन्दीपछि मात्रै १२ हजार ९ सय ३ मेट्रिक टन ग्यास नेपाल आएको तथ्यांकमा उल्लेख छ । यसरी हेर्दा भारतीय नाकाबन्दीपछि ७ सय १५ बुलेट ग्यास नेपाल भित्रिएको देखिन्छ । एउटा बुलेटमा १८ मेट्रिक टन ग्यास हुन्छ । एक बुलेट ग्यासबाट १ हजार २ सय ५० सिलिन्डर भरिन्छन् । सरकारले भनेझैं आधा सिलिन्डर मात्रै ग्यास भर्ने हो भने पनि एक बुलेटबाट २ हजार ५ सय उपभोक्तालाई पुग्छ । तर उपभोक्ताले भने जति नै ग्यास आए पनि पाएका छैनन् । नेपाल समाचारपत्र दैनिकमा खबर छ ।
dainiknepal