काठमाडौं, २३ पुस । चोर पक्रेर ल्याउने क्रममा ढुंगामुढा भएपछि काठमाडौंको गोंगबु क्षेत्रमा प्रहरीले गोली चलाएको छ ।
न्युरोड पसमा चोरी गर्ने २० वर्षीय दिल बहादुर पुन, २३ वर्षीय उमेश तामाङ र २२ वर्षीय सन्तोष वयलकोटीलाई पक्रेर ल्याउने क्रममा बुधबार साँझ आफ्न्तले आक्रमण गरेपछि प्रहरीले गोली चलाएको हो ।
‘१०/१२ जनाको समूहले पक्राउ परेका चोरलाई भगाउनका लागि डिउटीमा खटीएका प्रहरी कार्मचारीहरुमाथि ढुंगा मुठा तथा हातपात गर्दा महाशाखामा कार्यरत प्रहरी नायव निरीक्षक गोपाल थापा मगर समेत घाईते भएका छन्’ महानगरीय प्रहरी अपराध महाशाखा प्रमुख एसएसपी सर्वेन्द्र खनालले भने- ‘त्यसपछि प्रहरीले आत्म रक्षाको लागि १ राउण्ड गोली फायर गरेको हो ।’
उहाँका अनुसार प्रहरीको गोली लागेर २२ वर्षीय अमृत वयलकोटी घाइते भएका छन् । उनको त्रिबि शिक्षण अस्पताल महाराजगञ्ज उपचार भइरहेको र अवस्था सामान्य रहेको छ ।
पक्राउ परेका अभियुक्तहरु पेसेवर चोर भएको प्रहरी अनुसन्धानमा खुलेको छ । चोरी मुद्दामा उनीहरु २ वर्ष म्याग्दीमा पनि जेल परेका थिए ।
यस्तो छ घटना विवरण:
नेपालका मुख्य मुख्य शहरहरुमा सुन चाँदी गहना पसल र घर समेतमा राती तथा दिउसोको समयमा घरमा कोही नभएको मौका पारी पसलको सटर फोडी तथा चावी मिलाई ताला फोडी नगद तथा सुनचाँदीका गरगहना, ल्यापटप, लगाएतका सामानहरु चोरी गर्ने निम्न व्यक्तिहरुलाई चोरीकासुन चाँदीका गरगहना तथा नगद समेत लगाएतका दशीका सामानहरु सहित महानगरीय अपराध महाशाखाको टोलीले मिति २०७२।०९।१२ गते रातीको समयमाका.जि. का.म.न.पा. वडा नं. २२ न्युरोड स्थित विष्णु रिजालले संचालन गर्दै आएको लक्ष्मी सुन चाँदी गहना पसलवाट विभिन्न सुनका गरगहनाहरु गरी अन्दाजी २ किलो सुन चोरी भएको घटना संबन्धमा संलग्न रहेका अभियुक्तहरुको खोजतलास गर्दै जाने क्रममा मिति २०७२।०९।२२ गते साझँ १९स्०० वजेको समयमा का.जि. का.म.न.पा. वडा नं. २९ गोगंवु नयाँ वसपार्क स्थित रिद्धि सिद्धी मार्वल अगाडी सडक वाटोमा उक्त घटनामा संलग्न रहेका अभियुक्तहरु मध्ये जिल्ला म्याग्दी रुम गा.बि.स. वडा नं. ३ घर भई हाल का.जि. गोगंवु नयाँ वसपार्क वस्ने वर्ष २० को दिल बहादुर पुन, जिल्ला नुवाकोट महाकाली गा.बि.स. वडा नं. ३ घर भई हाल का.जि. नयाँ वसपार्क वस्ने वर्ष २३ को उमेश तामाङ, जिल्ला गोरखा धावा गा.बि.स. वडा नं. ७ घर भई हाल का.जि. गोगंवु वस्ने वर्ष २२ को सन्तोष वयलकोटी समेतलाई नियन्त्रणमा लिई कार्यालय तर्फ ल्याउने क्रममा निजहरुका अन्दाजी १०र१२ जना साथीहरुको समुहले निजहरुलाई भगाउने, उमकाउने उदेश्यले डिउटीमा खटीएका प्रहरी कार्मचारीहरु माथी ढुंगा मुठा तथा हातपात गर्दा यस महाशाखामा कार्यरत्त रहेका प्र.ना.नि. गोपाल थापा मगर समेत घाईते भएको र प्रहरीले आत्म रक्षाको लागी १ राउण्ड गोली फायर गर्दा निज दिल वहादुर पुन, उमेश तामाङ र सन्तोष वयलकोटीको साथी जिल्ला गोरखा धावा गा.वि.स. वडा नं. ६ घर भई हाल का.जि. गोंगवु वस्ने वर्ष २२ को अमृत वयलकोटीको मल द्वारको साईडमा गोली लागी सामान्य घाईते भई उपचारको लागी त्रि.बि. शिक्षण अस्पताल महाराजगंज पठाईएकोमा निजको अवस्था सामान्य रहेको, पक्राउ परेका व्यक्तिहरु मध्ये दिल वहादुर पुन मिति २०६९ सालमा जिल्ला म्याग्दी दरवाङ स्थित गोबिन्द थापाको घरमा भएको चोरी घटनामा संलग्न रही ३ वर्ष जेल भुक्तान गरी छुटेका र उमेश तामाङ मिति २०७१ सालमा म्याग्दीको वेनी महोत्सवमा भएको लुटपाट तथा झै झगडा घटनामा के.सा.अ. मुद्दा चली रु ५१,०००।( धरौटी राखी छुटेको भन्ने कुरा अनुसन्धानको क्रममा खुल्न आएको।
dainiknepal

प्रयास पराजुली । काठमाडौं ।
गाउँघरमा मुद्दामामिला भयो भने अन्तिम फैसला गर्ने मुखिया हुन्छ । मुखियाले चाहेको अवस्थामा सबैलाई समेटेर लैजान्छ । मुखिया पूर्वाग्रही भएर अगाडि बढ्दा गाउँमा विभाजन सुरु हुन्छ । विवादको किचलो बाँकी नै रहन्छ ।

अहिले तराई मधेसको समस्या पनि प्रधानमन्त्री केपी ओलीकै हातमा पुगेर अड्किएको छ । ओलीले चाहेको अवस्थामा न धेरै वार्ता गर्नुपर्छ । न सहमतिको लागि महिनौ कुर्नु पर्छ । ओलीले चाहेको अवस्थामा सहमति टाढा छैन । ओलीलाई मधेसी मोर्चाको मागका बारेमा न कमल थापाले बुझाउन सके । ओलीलाई न प्रचण्डले सम्झाउन सके । न ओलीका नजिकका सल्लाहकारले बुझाउन सके । ओलीलाई बुझाउन नसक्दा देशमा चार महिनादेखिको तराई मधेसको आन्दोलन जारी छ ।

प्रधानमन्त्री हुनुपूर्व र भइसकेपछि पनि ओलीको बुझाइ र तराई मधेसलाई हेर्ने दृष्टिकोणमा परिवर्तन आउन सकेन । ओलीको बुझाइनमा परिवर्तन नआएसम्म सहजै समस्याको समाधान खोज्नु हतारो हुनेछ । तराई मधेसमा नागरिकहरु मर्दा आन्दोलनमा दस÷आठ जना भन्दा आन्दालनकारी छैनन भनेर ओलीले मधेसमा आक्रोश बढाउने काम गरेका थिए ।

अहिले पनि ओलीको बोलीमा परिवर्तन भएको छैन । समस्याको जड ओलीमा छ । तर प्रमुख तीन र मोर्चाको कार्यदल भने ढुङगो निचारेर पानी निकाल्ने प्रयासमा लागेको छ । ओली प्रचण्ड सुशील कोइराला गर्न नसकेको सहमति कार्यदलमा जुटला भन्ने कुनै प्रष्ट आधार छैन । तर पनि कार्यदल सक्रिय भएको छ ।

ओली-प्रचण्ड र थापालाई हाइसन्चो !
शीर्ष तहमा वार्ता गर्दा पनि असफल भएपछि प्रमुख तीन दलले संयुक्त कार्यदल गठन गरेर काम अगाडि बढाएका छन् । सुरुमा मोर्चाले घुर्की लगाएपनि भारतको दबाब पछि मोर्चाले पनि कार्यदलमा सदस्य पठाएउन बाध्य भएको थियो । मोर्चामा छ सदस्य कार्यदलले ११ बुँदेमा प्रवेश गरेको छ । कार्यदल बनाएपछि प्रंधानमन्त्री केपी ओली, एमाओवादी अध्यक्ष एवं उच्चस्तरीय राजनीतिक समितिका संयोजक पुष्पकमल दाहाल ‘प्रचण्ड’ र सरकारी वार्ता टोलीका संयोजक उपप्रधानमन्त्री एवं परराष्ट्रमन्त्री कमल थापालाई हाइसञ्चो भएको छ ।


किनकी पटक–पटक वार्ता गरेर थाकेका नेताहरुले केही दिनलाई भनेपनि हाइसञ्चो भएको मशसुस गरेका छन् । घुमिफिरी रुम्जाटार भनेझै कार्यदलका विवादको समाधान नहुने र अन्ततः शीर्ष तहमै पुन वार्ता गर्नुपर्ने बाध्यता भने हटिसकेको छैन । कार्यदललाई जिम्मा लगाएर शीर्ष नेताहर भने केही दिनलाई विदा लिए र आ–आफ्नो काममा लागेका छन् ।

किस्तावन्दीको वार्ता सधै अर्थहिन
मधेसी मोर्चालाई सहमतिमा ल्याउनको लागि सरकारले एउटै वार्ता टोली गठन नगरी तीन तहमा वार्ता गर्‍यो । मोर्चालाई विश्वासमा लिएर वातावरण बनाउनु सट्टा तीन किस्तामा वार्ता गर्दा पनि सहमति जुटन नसकेको मोर्चाको निष्कर्ष छ । ओली नेतृत्वको सरकार गठन गरेको तीन दिनपछि सरकारले उपप्रधानमन्त्री थापाको संयोजकत्वमा तीन सदस्य वार्ता समिति गठन गरेको थियो ।


वार्ता समितिमा कानुन मन्त्री अग्ने खरेल र सामान्य प्रशासन मन्त्री रेखा शर्मा रहेका थिए । थापा नेतृत्वको वार्ता टोलीले तीन पटक वार्ता गरेपछि मोर्चाले वार्ताको अर्थ सकिएको बतायो । लगत्तै सरकार सञ्चालनको गठबन्धनको तर्फबाट वार्ता गर्नको लागि प्रचण्डको नेतृत्वमा उच्चस्तरीय राजनीतिक सयन्त्रको गठन गरेको थियो । प्रचण्डले पनि मोर्चाका नेताहरुसंग औपचारिक÷अनौचारिक वार्ता गर्दा पनि कुनै पार लाग्न सकेन । मोर्चाले तराई मधेसमा आन्दोलन चर्काएपछि प्रधानमन्त्री ओली नै मोर्चाका शीर्ष नेताहरुसंग वार्ता गरेका थिए । चार महिनाको बीचमा २४ पटक भन्दा बढी वार्ता गर्दा समेत सहमतिको कुनै छनक आएको छैन । तर पनि दलहरु रातदिन नभनी वार्ता र छलफलमै लागेका छन् ।

वार्ता अनेक थरी अडान एक थरी
सरकार र मधेसी मोर्चाबीच अनेक पटक फरक–फरक नेताहरुबीच वार्ता भइसकेको छ । वार्तामा नेताहरु फरक–फरक भएपनि अडान भने एउटै छ । मोर्चाले सीमाकंनमा हाताहाती सहमति हुनुपर्ने अडान राखेको छ भने प्रमुख दल अहिले नै सीमाकंनमा हेरफेर गर्न नहुने अडानमा छन् । सहमतिको निर्माणमा प्रमुख बाधकको रुपमा प्रधानमन्त्री ओली नै बाधक रहेको निष्कर्ष मोर्चाले निमाल्दै आएको छ । पटक–पटकको वार्ता असफल भएपनि सरकार र मोर्चाले नयाँ प्रस्ताव समेत अगाडि सारेका छैनन । वार्ता हुन्छ । छलफल हुन्छ । तर सहमति हुँदैन । सहमति निर्माणको लागि दुवै पक्षले आ आफ्नो अडानबाट केही चलक हुनुपर्ने हो । तर सरकार र मोर्चाले अडान छोडदा सर्वस्व गुम्ने डर र चिन्ताले अडानबाट दायाँबायाँ गर्न सकेका छैनन । यो वार्ताको श्रंङखला कति भागसम्म पुग्ने हो ? टेलिश्रंङखलाजस्तै वार्ता चलिरहेको छ । पात्रहरु अभियन गरिरहेका छन् । नाटकले समस्याको समाधान गर्ला कि नगर्ला ?nepaliheadlines

२३ पुस, काठमाडौं ।

बिराट पेट्रोलियमले ल्याएको पेट्रोल बिक्री गर्न ४ पम्पले स्वीकृति पाएका छन् । त्यसमध्ये व्यवसायी यशु प्रधानका मात्रै ३ पम्प छन् ।

स्रोतका अनुसार आपूर्ति मन्त्री गणेशमान पुनको संयोजकत्वमा भएको छलफलले ४ पम्पलाई बिराटले ल्याएको पेट्रोल बिक्रीका लागि अनुमति प्रदान गरेको हो । व्यवसायी प्रधानको स्वयम्भूमा रहेको हामा आयल, सोह्रखुट्टेमा रहेको जयकुमारी र इमाडोलमा रहेको न्यु भद्रकाली पम्प तथा वीरगन्जका व्यापारी श्याम रौनियारको काँडाघारीमा रहेको समृद्धि आयल स्टोरले बिराटले ल्याएको पेट्रोल बिक्रीको अनुमति पाएका हुन् ।


बिराटले ९ पुसमा ५ ट्यांकर (९७ हजार लिटर) पेट्रोल विराटनगर नाका हुँदै ल्याएको थियो । हल्दिया रिफाइनरी पेट्रोकेमिकल्सबाट युरो–४ मापदण्डको तेल आयात गर्ने बिराट मुलुकमा निजी क्षेत्रबाट पहिलोपटक पेट्रोल आयात गर्ने कम्पनी पनि हो ।

सरकारले २ कात्तिकमा राजपत्रमा सूचना प्रकाशित गर्दै निजी क्षेत्रलाई पनि पेट्रोलियम आयात गर्न खुला गरेको थियो । निजी क्षेत्रले आयात गरेको इन्धनको मूल्य आफैँ निर्धारण गर्नुपर्ने तर गुणस्तर सरकारी निकायमा परीक्षण गराई अनुमति प्राप्त गर्नुपर्ने सर्त थियो ।

बिराटले ल्याएको तेल युरो–४ मापदण्डको भएको गुणस्तर तथा नापतौल विभागले प्रमाणित गरेपछि उसले बिक्री गर्ने स्थानको खोजी गरेको थियो । मुलुकभरका पम्प आयल निगमका आधिकारिक बिक्रेता भएको र निगमले उपलब्ध गराएबाहेकका अन्य पेट्रोलियम बिक्री गर्न नपाउने नियम भएकाले बिराटको पेट्रोल कुनै पनि पम्पले बिक्री गर्न सकेका थिएनन् ।

निगमले पनि सरकारको निर्देशन पाए मात्रै बिराटको तेल बिक्री गर्न निजी पम्पलाई निर्देशन दिन सक्ने बताएको थियो । त्यसपछि मन्त्रीस्तरीय निर्णय गरी बिराटको तेल बिक्री गर्नका लागि पम्पहरूलाई अनुमति दिएपछि ४ पम्पले इच्छा देखाएका हुन् nepaliheadlines

२३ पुस, काठमाडौं ।
प्रमुख तीन दल कांग्रेस, एमाले एमाओवादी र संयुक्त लोकतान्त्रिक मधेसी मोर्चाबीचको संयुक्त कार्यदलको बैठक आज पनि बस्दै छ । आज बस्ने बैठकमा कार्यदलमा मोर्चाले कार्तिक १५ गते सरकारलाई पेश गरेको ११ बुँदे मागको सम्बोधन गर्नको लागि प्रयास हुनेछ ।

बुधवारको बैठकमा सामान्य कुराकानी भएपछि विषयमा प्रवेश हुन सकेको थिएन । प्रमुख तीन दलको तर्फबाट सहमतिको लागि आज प्रस्ताव पेश हुने र सोही प्रस्तावमाथि छलफल हुने संघीय समाजवादी फोरम नेपालका सह अध्यक्ष राजेन्द्र श्रेष्ठले बताए ।

शान्ति मन्त्रालयमा सुरु भएको कार्यदलको बैठकमा मुख्य गरी सीमाकंन र संविधान सशोधन प्रक्रियाका बारेमा छलफल हुनेछ । कार्यदलमा सहमति जुटेपछि शीर्ष दलको बैठक बसेर सहमति हुने सम्भावना रहेको छ ।

कार्यदलमा कांग्रेसका महेश आचार्य, एमालेका उपाध्यक्ष भीम रावल, एमाओवादी महासचिव कृष्णबहादुर महरा, मोर्चाको तर्फबाट तराई मधेस लोकतान्त्रिक पार्टीका हृदयश त्रिपाठी, तराई मधेस सदभावना पार्टीका वरिष्ठ नेता रामनरेश राय र संघीय समाजवादी फोरम नेपालका सह अध्यक्ष राजेन्द्र श्रेष्ठ सहभागी छन् ।

सरकार र मधेसी मोर्चाबीच २४ पटकसम्म भएको वार्तामा सहमति जुटन नसकेपछि तीन दलले कार्यदल गठन गरेर समस्या समाधान गर्ने दावी गरेका छन् । सरकारले तीन महिनाभित्र सीमाकंनकको टुंगो लगाउने प्रस्ताव गरेको छ ।
 तर मोर्चाले भने सीमाकंनको आन्दोलनको क्रममा चार दर्जन नागरिकको ज्यान गुमाएका हाताहाती सहमति हुनुपर्ने अडान राख्दै आएको छ ।nepaliheadlines

काठमाण्डु, २३ पुस– आयल निगमले अर्को सातादेखि उपत्यकामा दैनिक मागअनुसार पेट्रोल वितरणको तयारी गरेको छ । ‘
दैनिक बरौनीबाट साढे तीन लाख, बेतालपुरबाट चार लाख र गोन्डाबाट चार लाख लिटर पेट्रोल चार लिटर पेट्रोल ल्याउन खोजेका छौँ । त्यसअनुसार आयात भए उपत्यकामा दैनिक तीन लाख ५० हजार लिटरका दरले वितरण गर्ने योजनामा छौँ,’ निगमका प्रवक्ता मुकुन्द घिमिरेले भने, ‘तीनवटै डिपोले मागेजति तेल दिने सहमति गरेका छन् ।’
सिलगुढी – काकडभिट्टाबाट पहिले जत्तिकै इन्धन आयात हुन थालेको छ । बरौनी –विरानगर हुँदै डिजेल दोब्बर आयात भइरहेको छ । रक्सौल नाकाबाट भने इन्धन ठप्प छ । बेतालपुरबाट भैरहवा हुँदै पेट्रोल पनि दोब्बर आयात भइरहेको छ । आयल निगमले गोन्डा–नेपालगञ्जबाट पेट्रोल आयात दोब्बर बनाउने तयारी गरेको छ ।
kathmandutoday

काठमाडौं, पुस २३ । काठमाडौं उपत्यकामा सडक र सवारी सञ्चालनको अवस्था यतिबेला सामान्य छ । बिभिन्न नाका हुदै काठमाडौं उपत्यका भित्रीने र बाहिरीने सवारीहरुको आवगमन पनि सामान्य रुपले नै सञ्चालन भैरहेको छ ।
पछिल्ला दिनहरुमा सडकमा सवारीको चाप बढिरहदा नियम उल्लंघन कार्यमा पनि बृद्धी हुदै गएको छ । बुधबार उपत्यकाका बिभिन्न स्थानमा भएका सवारी चेकजाँचका क्रममा नियम मिच्ने १८ सय ३३ सवारी चालकहरुलाई कारबाही गरीएको छ ।
जसमा माधक पदार्थ सेवन गरी सवारी चलाएको कशुरमा ८० जना, लेन अनुुशासन मिच्ने ५० जना र यात्रुसँग बढि भाडा लिने ७ जना पनि कारबाहीमा परेका छन ।
imagekhabar

वीरगन्ज, २३ पुस । विगत चार महिनाभन्दा बढी समयदेखि जारी मधेस आन्दोलन र नाकाबन्दीले नेपाली नागरिकहरू मात्रै होइन भारतीय नागरिकसमेत आजित भएका छन् ।
भारतीय नागरिकहरूले नाकाबन्दी र मधेस आन्दोलनको बिरोधमा विभिन्न माध्यममार्फत असन्तुष्टि पोख्दै आएका छन् । भारतीय नागरिकहरूको आक्रोशको निशाना बनेका छन्, वीरगञ्जस्थित मितेरी पुलमा धर्नामा बसेका धर्नाकारी ।
नजिकैको भारतीय गाउँबाट आएका भारतीय नागरिकहरूले ती धर्नाकारीलाई सांघातिक आक्रमण गरेका हुन् । बुधबार भएको सो घटनाबाट आधा दर्जनभन्दा बढी धर्नाकारी घाइते भएका छन् ।
सीमावर्ती भारतीय गाउँ अहिरवा टोलका स्थानीयवासीले नाकाबन्दीले दुबै देशबीचको सम्बन्ध बिग्रिएको, जनताले दुःख पाएको भन्दै नाकामा धर्ना बसेका आन्दोलनकारीमाथि पेट्रोल बम प्रहार गरेका हुन् ।
अहिरवा टोलका स्थानीय बासिन्दाले चारवटा पेट्रोल बम प्रहार गरेको प्रत्यक्षदर्शीको भनाइ छ ।
भारततर्फका स्थानीयवासीले प्रहार गरेको ढुङ्गा लागेर आन्दोलनकारीतर्फका चुन्नु मिश्रा, रोशन कुमार, असरफ अली, विनय सर्राफ, कृष्णा पटेल र ओमप्रकाश सर्राफलगायत घाइते भएका छन् ।
मधेसी मोर्चाका कार्यकर्ता र नेताहरूले सीमावर्ती भारतीय क्षेत्रबाट आएका उनीहरू तस्कर भएको दाबी गरेका छन् । तर भारतीय नागरिकहरूले आफूहरू तस्कर नभइ मितेरी पुलमा बसेर नाका अबरोध गर्नेहरूविरुद्ध आक्रोश पोखेको जनाएका छन् ।
यो घटनाले मधेसी मोर्चा र मधेस आन्दोलनप्रति जनताको वितृष्णा बढ्दैछ भन्ने देखाउन थालेको छ । सुरुवाती दिनमा त्यहीका भारतीय नागरिकहरूले आन्दोलनकारीलाई भात खुवाउँथे । अहिले पेट्रोल बम प्रहार गर्न थालेका छन् । भारतीय नागरिकको भात खान स्वयं सद्भावना पार्टीका अध्यक्ष राजेन्द्र महतो पनि जाने गर्थे ।
कुनै पनि कार्य हदभन्दा धेरै भयो भने त्यसको जनता आफैले बिरोध गर्छन् । मुलुकभित्र त मधेस आन्दोलनको आलोचना भइरहेको छ । तर भारतीय जनताहरूले नै साथ दिँदै आएको यो आन्दोलनको पनि स्वयं विरोध हुनुलाई मधेसी मोर्चाले समयमा बुझ्नु पर्छ ।
dainiknepal

मुम्बई, पुस २३ । ‘आर्म्स एक्ट’ मा दोषी ठहर भई जेल सजाय भोगिरहेका बलिउड नायक संजय दत्त आगामी महिना रिहा हुने भएका छन् । अदालतबाट तोकिएको जेल सजाय पुरा नगर्दै उनी रिहा हुन लागेका हुन् ।
भारतीय संचारमाध्यमका अनुसार संजय दत्तलाई १०५ दिनको जेल सजाय माफ गर्दै रिहा गर्न लागिएको हो । अर्थात् उनी आफ्नो जेल सजाय पुरा हुन १०५ दिन बाँकी छँदै रिहा हुने भएका छन् ।
भारतको महाराष्ट्र सरकारले उनलाई यस्तो सहुलियत दिने निर्णय गरेको हो । जेलमा रहँदा उनको बानी–व्यहोरा राम्रो रहेकोभन्दै राज्य सरकारले १०५ दिनको सजाय माफी गर्ने निर्णय गरेको हो ।
राज्य सरकारको यस्तो निर्णयसँगै संजय दत्त आगामी फेब्रुअरी २७ मा रिहा हुने भएका छन् ।
त्यसो त, यसअघि पनि संजयले जेल जीवनमा विशेष सहुलियत पाउँदै आएका थिए । पाँच वर्षे जेल सजाय भोगिरहेका उनले हालसम्म १६२ दिन छुट्टीमा जेल बाहिर रहने सौभाग्य पाइसकेका छन् । सन् २०१३ मा उनी ११८ दिन जेल बाहिर रहे भने सन् २०१४ मा १४ दिन र २०१५ मा ३० दिन जेल बाहिर रहे ।
जेल बाहिर रहँदा निर्धारित बिदा अवधिभन्दा दुई दिन ढिलो पुगेको भन्ने आरोपमा पनि संजयले सफाइ पाएका छन् । उनी दुई दिन ढिलोगरी जेल पुग्नुमा जेल अधिकारीहरुकै दोष पाइएको राज्य सरकारको ठहर छ । उक्त आरोपबाट मुक्तिसँगै संजयले निर्धारित सजाय सकिन १०५ दिन बाँकी रहँदै रिहा हुने अवसर पाएका हुन् ।
imagekhabar

काठमाडौं, पुस २३ । सत्ताबाट बाहिरिने बेलामा तजबिजी अधिकारको प्रयोग गर्दै सुशील कोइराला नेतृत्वको सरकारले मन्त्रिपरिषद्को एउटै बैठकबाट दुई करोड रकम बाँडेको पूर्वदृष्टान्त पच्छ्याउँदै केपी शर्मा ओली नेतृत्वको सरकारले प्रारम्भिक तीन महिनामा त्यत्तिकै अपारदर्शी रूपमा पौने दुई करोड बकस दिएको छ ।
कोइराला नेतृत्वको सरकारले २०७२ असोज १४ गते यतामात्रै दुई करोड ४८ लाख रकम चन्दा बाँडेको पाइएको छ भने ओली नेतृत्वको सरकारले मंसिर र पुसमा मात्र एक करोड ७४ लाख ८ सय ८० रुपैयाँ वितरण गरेको छ ।
प्राप्त रेकर्डअनुसार बाँडिएको रकम भूकम्पपीडित र अभावग्रस्त सर्वसाधारणलाई राहत पुग्ने गरी नभई पहुँचवाला नेता र राजनीतिक दलका कार्यकर्ताको भागमा परेको छ ।
प्रधानमन्त्री तथा मन्त्रिपरिषद् कार्यालयका एक उच्च अधिकारीका अनुसार कर्मचारीतन्त्रले यसरी जथाभाबी बाँडिने रकम रोक्ने प्रयत्न गरे पनि उच्च तहबाट आउने दबाब थाम्न नसक्दा मन्त्रिपरिषद्ले त्यस्ता प्रस्तावमाथि निर्णय लिने गरेको छ । स्वास्थ्य एवं आर्थिक रूपमा सक्षम नेताकार्यकर्ताको निवेदनमा समेत सरकारले त्यस्तो रकम वितरण गरेको प्रधानमन्त्री कार्यालयको तथ्यांकले देखाएको छ ।
प्राप्त विवरणअनुसार लाखौं रकम राज्य कोषबाट पाउनेमा मन्त्री भइसकेका नेता, वर्तमान र भूतपूर्व सभासद्, दलका जिल्लास्तरका नेता बढी छन् । यो हुलमा एकाधमात्र सर्वसाधारणले उपचार खर्चका नाममा रकम पाएका छन् ।
ओली सरकारले केही दिनअघिमात्र एमाओवादी नेता एवं सभासद् भक्ति पाण्डेलाई पाँच लाख रुपैयाँ आर्थिक सहायता दिने निर्णय गरेको छ । त्यसैगरी एमालेकी सभासद् महिन लिम्बूलाई पनि पाँच लाख रकम दिइएको छ ।
सिद्धान्ततः आर्थिक रूपमा अति विपन्न भएको र असाध्य रोगको उपचारमा समस्या भोगेका नेपालीका लागि तजबिजी अधिकार प्रयोगमार्फत सहयोग रकमबारे निर्णय लिने अधिकार गृहमन्त्री र प्रधानमन्त्रीलाई दिइएको छ ।
तर नियममार्फत प्राप्त अधिकारको दुरुपयोग गर्दै पहुँचवाला र आफ्नै सम्पत्तिले उपचारखर्च जुटाउन सक्ने हैसियत भएकालाई राजनीतिक लाभका लागि रकम वितरण गरिएको देखिन्छ ।
ओली नेतृत्वको मन्त्रिपरिषद्को मंसिर १७ को निर्णयले चन्दा रकम पाउनेमा माओवादी नेत्री जयपुरी घर्ती पनि छन् । उनले तीन लाख रुपैयाँ पाएकी छन् भने एमालेका पूर्वसभासद् वीरबहादुर सिंह (प्युठान)ले तीन लाख, एमालेका दाङ जिल्ला नेता हुकुम बस्नेतले एक लाख पाएका छन् ।
देहायका व्यक्तिलाई उल्लेख भएअनुसारको आर्थिक सहायता उपलब्ध गराउने । निर्णयअनुसार अर्थ मन्त्रालयले गृह मन्त्रालयको नाममा निकासा दिनेु, व्यहोराको मन्त्रिपरिषद्को निर्णयबाट लाभान्वित हुने अन्य व्यक्तिमा शारदाकुमार शाही (एक लाख), दोलखाका होमबहादुर मोक्तान (एक लाख), धनुषाका जितेन्द्र सहनी (दुई लाख), झापाका शंकर ढुंगाना (दुई लाख), जाजरकोटका पञ्चराम रोकामगर (एक लाख) तथा प्युठानका खगुलाल गुरुङ (एक लाख) छन् ।
पुराना वामपन्थी नेता खगुलाललाई बिरामी भएर वीर अस्पतालमा उपचार गरिएको र उनका लागि तीन लाख रकम प्रस्ताव गरिएकोमा उनको रकममात्र प्रस्तावअनुसार निर्णय गरिएको छैन । त्यसैगरी पुस ९ को मन्त्रिपरिषद्ले बझाङका कांग्रेस जिल्लासचिव रमेशसिंह भण्डारीलाई एक लाख ५० हजार रुपैयाँ दिने निर्णय गरेको छ ।
पुस ६ गतेको बैठकले मोरङ कांग्रेस नेता एवं पूर्वसांसद बद्रीनारायण बस्नेतकी पत्नी पूर्णमाया बस्नेतलाई पनि दुई लाख आर्थिक सहयोग दिएको छ । दुई लाख पाउनेमा रुकुमकी सुनकुमारी विक पनि छन् ।
मन्त्रिपरिषद्मा पेस गरिएका चन्दाका प्रस्तावमा कतिपयलाई आर्थिक सहायता नै भनेर लेखिएको छ भने कतिपयलाई औषधि उपचारखर्च भनिएको छ । त्यसैगरी अति सर्वसाधारण व्यक्तिका हकमा स्थानीय निकायदेखि आएको सिफारिसका आधारमा मात्र रकम निकासा दिइएको छ ।
बाराको कलैयाकी सात वर्षीय पूजालाई अपहरणपछि बलात्कार भएको र उनको उपचारमा लागेको खर्च भन्दै एक लाख ३५ हजार ६ सय ७२ रुपैयाँ महाराजगन्ज प्रहरीलाई उपलब्ध गराउने निर्णय भएको छ। उनको उपचार त्रिवि शिक्षण अस्पतालमा भएको थियो ।
यसमा कुरुवा बसेका गरिब पीडित परिवारले आफ्नो खर्च आफैंले गर्नुपरेको थियो । २०७१ सालमा दैलेखको वनमा लागेको आगो निभाउन प्रयास गर्दा घाइते भइ मृत्यु भएका गोरे चन्दका आश्रित परिवारलाई पाँच लाख दिइएको सरकारी रेकर्डमा उल्लेख छ ।
यसबाहेक मधेस आन्दोलनमा गोली लागेर मृत्यु भएका सप्तरीका नागेश्वर यादव, वीरेन्द्र राम, दिलीप साह रूपन्देहीका सोमती मुराऊका हकदारले १०र१० लाख रकम पाउने निर्णय मंसिर १७ को मन्त्रिपरिषद् बैठकले गरेको छ।ओली सरकारबाट १० लाख रुपैयाँको उपचार सहयोग पाउनेमा पूर्वमन्त्री गोरेबहादुर खपांगी पनि छन् । उनी सडक दुर्घटनापछि लामो समयदेखि अर्धचेत अवस्थामा उपचाररत छन् ।
प्राप्त कागजातनुसार तत्कालीन प्रधानमन्त्री सुशील कोइराला र उपप्रधान तथा गृहमन्त्री वामदेव गौतमले असोज २२ गते १६ जनालाई जनही ५० हजारका रुपैयाँका दरले र गोरखाका बासु भट्टलाई तीन लाख चन्दा दिने निर्णय गरेका थिए । सुरुमा ११ जनामात्र प्रस्ताव गरिएकोमा बैठक चल्दै गर्दा अन्य पाँचजनालाई पनि चन्दासूचीमा समावेश गरिएको थियो ।
असोज १४ गतेको मन्त्रिपरिषद्ले एकजनालाई १५ लाख, तीनजनालाई पाँच लाख, ६ जनालाई तीन लाख र एकजनालाई दुई लाखसहित बाँकी एक सय ६७ जनालाई एक एक लाख रुपैयाँका दरले रकम बाँड्ने निर्णय गरेको थियो ।
बाँकेका रजितराम पाठकलाई १५ लाख, धनुषाका प्रेमकिशोप्रसाद साह, भक्तपुरका दीपेन्द्र गिरी, बाराकी ताराकुमारी रामलाई पाँच पाँच लाख, पूर्वसांसदहरू रिमा नेपाली, विश्वेश्वरा दाहाल, नारायणसिंह राजवंशी, वीरबहादुर सिंह, मोतीदेवी चौधरी र लमजुङकी अप्सरा घिमिरेलाई तीन(तीन लाख र काठमाडौंकी शान्ता पोखरेल दाहालले दुई लाख रुपैयाँ पाएका छन् । अन्नपूर्ण पोष्ट दैनिकबाट
imagekhabar

२३ पुस, एजेन्सी।

संयुक्त राष्ट्र सुरक्षा परिषदले एक पटक फेरी परमाणु परीक्षण गरेकोमा उत्तर कोरियाको निन्दा गरेको छ। उत्तर कोरियाले बुधबार परीक्षण गरेको परमाणु बम २००६ पश्चात उसको चौथो परमाणु परीक्षण हो।

सुरक्षा परिषदले परमाणु परीक्षण गरेर उत्तर कोरियाले संयुक्त राष्ट्र संघको पुरानो प्रस्तावको उल्लंघन गरेको बताएको छ।

ताजा घटनाक्रम मध्यनजर गर्दै उत्तर कोरियालाइ थप प्रतिबन्ध लगाउने सुरक्षा परिषदले बताएको समाचार छ।


‘अन्तराष्ट्रिय शान्ति र सुरक्षाको लागि एक स्पष्ट खतरा बनेको छ।’, संयुक्त राष्ट्र सुरक्षा परिषदले भनेको छ।

बुधबार हाइड्रोजन बम परीक्षण गर्दै उत्तर कोरियाले आफुसंग मौजुद परमाणु हतियार भन्दा यो निकै शक्तिशाली भएको बताएको थियो।


तर केही विशेषज्ञ भने हाइड्रोजन बम विस्फोट गर्न सक्ने उत्तर कोरियाको क्षमतामा शंका रहेको बताउँछन्।

यसै बिच यस्तै कार्य दोहोरिरहने भए उत्तर कोरिया विश्वबाट अलग्गिने बताउँदै अमेरिकाको वाशिंगटनमा व्हाइट हाउसका प्रवक्ता जोश अर्नेस्टले अमेरिकी राष्ट्रिय सुरक्षा सल्लाहकार सुसैन राइस उत्तर कोरिया विरुद्ध कारबाहीको सम्बन्धमा चिनियाँ अधिकारीसंग विचार विमर्श गरिरहेको बताएका छन्।nepaliheadlines

बिहीबार, २३ पुष
लेबनान। सिरियाको प्रमुख केन्द्रीय राज्यका प्रभावशाली नेता अबु–रातेब–अल हम्सीलाई अज्ञात बन्दुकधारीको एक समूहले गोली हानी हत्या भएको छ ।
सिरियाली अहरार अलसाम इस्लामिक विद्रोही समूहका नेता लानिब अल नहहासले पनि अलहम्सीको मृत्युको खबर पुष्टि गर्दै उनको मृत्युप्रति शोक प्रकट गरेको खबर उनको ट्वीटमार्फत् सार्वजनिक गरिएको छ ।
सिरियाली मानवअधिकारवादी संस्थाले अलहम्सी आफ्नो कारमा श्रीमतीसहित यात्रा गरिरहेको अवस्थामा सिरियाको फारहानिहाट्ट भन्ने गाउँमा मारिएको बताएको छ ।
अलहम्सीकी श्रीमती घटनामा घाइते भएको पनि उक्त संस्थाले जनाएको छ ।होम्समा विद्रोही समूहका केही अन्य स्थानीय नेताहरुकोे गएका केही सातायता विभिन्न घटनामा मृत्यु भएको छ ।
अलहम्सीको हत्याको अहिलेसम्म कसैले पनि जिम्मा नलिएको बताइएको छ ।अहरार अलसाम सिरियामा आन्दोलनरत् एक शक्तिशाली विद्रोही समूह हो । यसले विगत केही वर्षदेखि राज्यका विभिन्न स्थानमा आफ्ना आन्दोलनका गतिविधि सञ्चालन गर्दै आएको छ ।
nepalsandesh

२३ पुस, काठमाडौं।

भारतीय राजदूत रन्जित रे ले भारतले राजतन्त्र पुनस्र्थापना तथा हिन्दु राष्ट्र नचाहेको स्पष्ट पारेका छन् ।

नेपाल भारत मैत्री महिला संघले राजधानीम बुधवार आयोजना गरेको एक अन्तरसंवादमा भारतीय राजदूत रेले यस्तो अभिव्इयक्ति दिएका हुन ।

यसका साथै पुष्पकमल दाहालको अभिव्यक्तिप्रति संकेत गर्दै उनले भने,’भारतले नेपालको विखन्डन चाहेको छैन ।’ दाहालले मंगलबार भारतले नेपालका आठ जिल्ला अलग्याउन खोजेको आरोप लगाएका थिए ।

रेले भने,’एकजना नेपालका ठूला नेताले भारतले नेपाललाई विखण्डन गर्न चाहेको भन्दै अभिव्यक्ति दिनुभएछ,म त्यसको प्रतिवाद गर्दछु । यस्तो अभिव्यक्तिले भारत आश्चर्यचकित पारेकाले म यसको खण्डन गर्न चाहन्छु ।’अन्नपूर्ण पोष्टमा खबर छ ।nepaliheadlines

बिहीबार, २३ पुष
काठमाडौ । नेपाली सेनाले बेत्रावती–स्याफ्रुबेसी सडक खण्ड निर्माण गर्न संकटकाल लागू गर्न माग गरेको छ ।
संकटकाल घोषणा गरी काम गर्न दिइएमात्र लक्ष्य अनुसार आगामी दुई वर्ष्भित्र सडक निर्माण कार्य पूरा हुने सेनाका सहायक रथी उद्धव विष्टले बताए।
भारतीय नाकाबन्दीपछि उत्तरी नाकामार्फत आपूर्ति सहज बनाउन सरकारले बेत्रावतीदेखि रसुवागढीसम्मको २८ किलोमिटर सडक विस्तार गर्न सेनालाई जिम्मा दिइएको छ।
निर्धारित समयमै निर्माण गर्न तत्काल ५ करोड रुपौया दिई कानुनी अड्चन फुकाउन पनि सेनाले आग्रह गरेको छ । आजको अन्नपुर्णमा समाचार छ ।
nepalsandesh

वि.सं. २०७२ साल पुस २३ गते। बिहीबार। इश्वी सन् २०१६ जनवरी ७ तारिख। शकसंवत् १९३७। नेपाल संवत् ११३६ थिंलागा। पौष कृष्णपक्ष। तिथि– त्रयोदशी, भाेलि बिहान ७:३० बजेउप्रान्त त्रयोदशी।उपप्रा. लक्ष्मीप्रसाद बराल (फलितज्योतिषाचार्य)

मेष – चु, चे, चो, ला, लि, लु, ले, लो, अ (Aries)
Ariesआजको प्रयत्न निष्फल जस्तै होला। काम बिग्रने भयले सताउला। लगानी, दौडधुप, श्रम र प्रयत्नको उचित मूल्य नपाइने समय छ। न्यून उपलब्धिमा चित्त बुझाउनुपर्ने समय छ। नयाँ काममा हात हाल्न केही समय पर्खंदा राम्रो हुनेछ। गरी आएको कामलाई भने निरन्तरता दिन सकिनेछ। आश्वासन दिएर झुक्याउनेहरूले सताउनेछन्, सचेत रहनुहोला।

बृष – इ, उ, ए, ओ, बा, बि, बु, बे, बो (Taurus)
Taurusविभिन्न सहयोग र उपहार पाइनेछ। आयआर्जन पनि राम्रै हुनेछ। सुखदुःखमा साथ दिनेहरू प्रशस्तै भेटिनेछन्। कामको चाप र थकाइबाट मुक्त रही विश्राम पाइनेछ। परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। अतिथिका रूपमा सम्मान पाइने समय छ। रमाइलो यात्राको समेत मौका छ।

मिथुन – का, कि, कु, घ, ङ, छ, के, को, ह (Gemini)
Geminiसफलताका लागि प्रतिस्पर्धा गर्नुपर्ने समय छ। शत्रुहरूको चलखेल बढ्नाले केही चुनौती समेत सामना गर्नपर्ला। प्रयत्न गर्दा मौकाको फाइदा लिन सकिनेछ। व्यापार तथा उद्योगतर्फ फाइदाकै योग छ। यात्राको व्यवस्थापनमा खर्च हुनेछ। द्वन्द्व तथा प्रतिस्पर्धामा सावधानीसाथ जुट्नुपर्नेछ। व्यावसायिक काममा फाइदा उठे पनि तत्काल खर्च समेत गर्नुपर्ला।

कर्कट – हि, हु, हे, हो, डा, डि, डु, डे, डो (Cancer)
Cancerअप्रिय समाचारले मन खिन्न रहला। आफूलाई कमजोर भएको अनुभूति हुनेछ। खानपानको असावधानीले स्वास्थ्य समेत कमजोर बन्ने देखिन्छ। पढाइलेखाइमा समय दिन नसकिएला। व्यावसायिक काममा पनि त्यत्ति फाइदा नहोला। काममा अवरोध आउने समय छ। सन्तान वा अनुयायी र मातृशक्तिको सल्लाह, सहयोगले काममा फाइदा हुन सक्छ।

सिंह – मा, मि, मु, मे, मो, टा, टि, टु, टे (Leo)
Leoविगतका निर्णयले काम बिग्रन सक्छ। बेसुरमा वचन दिने बानीले दुःख पाइनेछ। मान्यजनको सुझावप्रति विश्वास नलाग्न सक्छ। महत्वाकांक्षी योजना गोप्य राखेर अघि बढ्दा फाइदा हुनेछ। काममा परिवारजनको सहयोग जुटाउन सक्दा फाइदा होला। पशुधन र जमिनबाट सामान्य लाभ मिल्नेछ। मातृशक्तिबाट पनि लाभ उठाउन सकिनेछ।

कन्या – टो, प, पि, पु, ष, ण, ठ, पे, पो (Virgo)
Virgoअनुकूल समय छ। सहयोगीहरूले राम्रो साथ दिनेछन्। रोकिएका काम बन्ने र नयाँ काम सुरु गर्ने समय छ। उद्योग र व्यापारमा विशेष फाइदा हुनेछ। शत्रु र प्रतिस्पर्धीलाई सजिलै हराउन सकिनेछ। गरिएका कर्मको उचित प्रतिफल पाइनेछ। कृषि–चौपायामा केही समस्या देखिए पनि प्रशस्त धन आर्जन गर्ने मौका छ। बिनाप्रतिस्पर्धा फाइदा हुने योग छ।

तुला – र, रि, रु, रे, रो, ता, ति, तु, ते (Libra)
Libraअरूले आलोचना गर्नसक्छन्। काममा रोकावट र मानसम्मानमा आघात पुग्ने समय छ। फाइदा कममात्र हुनेछ। पठन–पाठनमा त्यति समय दिन नसकिएला। तपाईंको कमजोरीमाथि टिप्पणी हुन सक्छ, सचेत रहनुहोला। बोलीको गलत अर्थ लाग्ने र लेनदेनमा विवाद बढ्ने सम्भावना छ। सहयोगीहरूले पनि त्यत्ति साथ नदेलान्। विगतको श्रमबाट भने लाभ हुनेछ।

बृश्चिक – तो, ना, नि, नु, ने, नो, या, यि, यु (Scorpio)
Scorpioप्रतिष्ठित काम गर्ने मौका छ। आत्म–विश्वास बढ्नेछ। विशिष्ट व्यक्तित्वसँग भेटघाट हुनेछ। पारिवारिक जमघटमा मन रमाउनेछ। मन पर्ने वस्त्र, अलंकार आदि उपहार पाइने योग छ। स्वादिष्ट भोजनको आनन्द समेत पाइएला। पेटको खराबीले स्वास्थ्यमा कमजोरी देखा पर्न सक्छ। सहयोगीहरूले पनि त्यत्ति साथ नदिन सक्छन्। सचेत रहनुहोला।

धनु – ये, यो, भ, भि, भु, ध, फा, ढ, भे (Sagittarius)
Sagittariusसमयमा होश नपुग्नाले खर्च मात्र हुनेछ। प्रलोभन देखाउनेहरूले फसाउन सक्छन्। खर्च गरेर पनि त्यति फाइदा उठाउन नसकिएला। ठूलो प्रयत्न गर्दा पनि उपलब्धि उठाउन मुस्किल पर्नेछ। शुभचिन्तकहरूको सुझावलाई बेवास्ता गर्दा दुःख पाइनेछ। परिवारजनबाट टाढिनुपर्ला। आफ्नै कमजोरीले विवादमा परिनेछ भने सद्विचारले अभिप्रेरित हुनेहरूलाई फाइदा हुनेछ।

मकर – भो, ज, जि, खि, खु, खे, खो, गा, गि (Capricorn)
Capricornआम्दानी बढ्ने र उठ्नुपर्ने रकम हातलागी हुने समय छ। पैत्रिक सम्पत्तिको उपयोगबाट थप लाभ हुन सक्छ। नयाँ ज्ञान सिक्ने मौका छ। कृषि तथा पशुपालनमा कम र व्यापारमा प्रशस्त फाइदा हुने देखिन्छ। श्रमको उचित मूल्यांंकन हुनेछ। पढाइमा पनि राम्रै प्रगति होला। तर, बन्दै गरेको काममा रोकावट र आकस्मिक खर्च समेत बढ्ने योग छ।

कुम्भ – गु, गे, गो, सा, सि, सु, से, सो, द (Aquarius)
Aquariusसामाजिक क्षेत्रमा नेतृत्व हातलागी हुनेछ। भूमि, वाहन र पैत्रिक सम्पत्तिको उपयोगबाट प्रशस्त लाभ उठाउन सकिनेछ। व्यापारमा पनि राम्रै फाइदा हुनेछ। काममा मातापिताको सहयोग प्राप्त होला। प्रतिष्ठित काम गर्ने मौका छ। अरूलाई प्रभावित पारेर काम लिन सकिने छ। कीर्तिमानी काम सम्पादन होला। दाम, इनाम र प्रतिष्ठा कमाउने बेला छ।

मीन – दि, दु, थ, झ, ञ, दे, दो, च, चि (Pisces)
Piscesस्वास्थ्य कमजोर रहनाले काम गर्न नसकिएला। तर, जिम्मेवारी भने बढिरहनेछन्। बाध्यतापूर्ण काममै समय बित्न सक्छ। सहयोगको आशा देखाउनेहरूबाटै धोका पाइएला। व्यावसायिक काममा खर्च बढ्नेछ। अरूका काममा महत्वपूर्ण समय बित्न सक्छ। समयमा काम पूरा नहुनाले खिन्नता बढ्ला। सेवामूलक कामबाट प्रतिष्ठा मिल्ने समय छ।

विभिन्न कारणले व्यस्त रहने व्यक्तिले हिजोआज आफू र आफूले खाने आहारामा बारेमा ध्यान दिन सकेका छैनन् । जसको नतिजा ऊ कुनै रोगको शिकार बन्ने जोखिम प्रचुरमात्रामा रहन्छ । यस्ता व्यस्त व्यक्तिको यौन क्षमतामा पनि नकारात्मक प्रभाव पार्ने गर्छ । सेक्सका लागि उचित आहाराको आवश्यक पर्छ । भिटामिन ‘इ’को कमीले सेक्स क्षमतामा ह्रास ल्याउने सम्भावना रहन्छ । सेक्स क्षमता बढाउनका लागि उचित आहाराको धेरै नै आवश्यक पर्छ । सेक्स क्षमता बढाउनका लागि चाहिने आवश्यक आहार यि हुन् ।
शरीरलाई शक्तिशाली बनाउन र सेक्स ऊर्जा प्राप्त गर्नका लागि उत्तम एंव पौष्टिक आहारा सेवन गर्नु उचित हुन्छ । सेक्स क्षमता बढाउन मह, भिजाएको बदाम र किसमिस दूधमा मिलाएर प्रत्येक दिन खाएमा लाभदायक हुन्छ । बदाम, किसमिस र अंगुर भिजाएर खाजाको रुपमा लिए पनि यौन क्षमतामा वृद्धि हुन्छ । यस्तै हरियो सागशब्जी तथा दाल प्रशस्त खानुपर्छ । खानामा सलादको भरपुर उपयोग तथा प्याज, लसुन र अदुवाको सन्तुलित सेवन गर्नुहोस् ।
यौन शक्ति बढाउन र सन्तुलिन रुपमा राख्न प्राकृतिक खानाको आवश्यक पर्छ । जस्तै अन्न, ताजा हरियो सागशब्जी, सलाद, पालिस नगरिएको चामल, ताजा फलफूल, पाकेको मेवा, चोक्कर युक्त आँटाको रोटी, टुसाएको गेडागुडी, दूध, घ्यू, अण्डा तथा समुद्रबाट पाइने भोजन आदी ।
शाहाकारी भोजन गर्नाले यौन क्षमता बढाउन मद्दत गर्छ । यसमा तपाईंले दाल, अन्न, दूध तथा दूधजन्य पदार्थ सेवन गर्न सक्नुहुन्छ । अधिकांस अनुसन्धानले यो पुष्टि गरेको छ की मांसहारीको तुलनामा शाहाकारी व्यक्तिमा धेरै नै प्रभावशाली ढंगले सेक्स गर्न सक्ने क्षमता हुन्छ । तपाईंले आफ्नो सेक्स क्षमता बढाउनका लागि मांसहारीका साथै शाहाकारी भोजन गर्न आवश्यक छ भने त्यसमा पनि नियमित रुपमा हरियो पत्तादार सागशब्जीको सेवन गर्न अति नै आवश्यक हुन्छ ।
सेक्स क्षमतामा वृद्धि गर्नका लागि प्रोटिन र भिटामिन धेरै नै आवश्यक पर्छ । यसर्थ तपाईंलाई आफ्नो भोजनमा प्रोटिनयुक्त खाद्यपदार्थ लिनु आवश्यक पर्छ जसले गर्दा तपाईंको शरीरलाई स्फूर्ती दिओस् । तपाईं प्रचुर मात्रा प्रोटिनका लागि अण्डा र माछा खान सक्नु हुन्छ ।
फास्ट फूड, चिसो पिय पदार्थ, चक्लेट, पिज्जा, बर्गर, एंव चाउमिन आदीको सेवन नियमित रुपमा लिनाले सेक्सको ऊर्जामा ह्रास आउने भएकाले यी चिजबाट टाढा रहनुहोस् ।
सेक्स क्षमता बढाउनका लागि पौष्टिक र सन्तुलित भोजनको आवश्यक पर्छ भने ओइलीएको, मसालेदार तथा बोसोयुक्त खानेकुराबाट भने ठाढै रहनु उचित हुन्छ । यसले तपाईको यौन जीवनलाई स्वच्छ र राम्रो त गर्छ नै साथै विभिन्न रोग लाग्नबाट पनि बचाउँछ ।
डायटिङ गर्ने, व्रत उपवास बस्नले तपाईंले क्यालोरी पाउन सक्नुहुन्न जसले गर्दा शरीर कमजोर हुन सक्छ । यसले गर्दा सेक्सका बेलामा तपाईंको ऊर्जामा कमी आउने मात्रै होइन बिरामी पनि पर्न सक्नु हुन्छ । यस बेला तपाईंलाई दिनभरमा दुई हजार क्यालोरी युक्त भोजन गर्नु आवश्यक पर्छ । यसबाट तपाईं स्वस्थ पनि रहन सक्नु हुन्छ ।

तपाई हाम्रो भान्छामा पाक्ने तरकारीलाई मिठो बनाउन प्रयोग गरिने लसुन कतिपय अवस्थामा हाम्रै जीवनका लागि खतरनाक हुन सक्छ । लसुन धेरै गुणकारी खाना हो, लसुनको सेवनले धेरै फाइदा पनि गर्छ । तर, त्यहि लसुन कुनै रोग विशेषका विरामीका लागि भने हानीकारक हुन्छ ।
आज कुन रोगका विरामीले लसुनको सेवन गर्नुहुदैन त छोटो चर्चा गरौं । १. कलेजोको समस्या भएको व्यक्ति ब्याक्टेरियालाई मार्ने एन्टिब्याक्टेरियल र एन्टिभाइरल खानेकुरा भएकोले, मानिसहरूले लसुन खाँदा हेपाटाइटिसलाई ठीक गर्दछ भन्ने विश्वास गर्दछन् । हेपाटाइटिस यस्तो रोग हो, जसले मानिसको कलेजोलाई असर गर्दछ । तर, हेपाटाइटिस भाइरसको उपचारको लागि लसुन खानु उचित हुँदैन। किनभने, लसुनको सेवनले पेट र आन्द्रामा प्रत्यक्ष प्रभाव पर्दछ, जसले हाम्रो आन्द्रामा पैदा हुने ग्यास्ट्रिक एसिडको मात्रालाई कम गर्दछ। जसको कारण हाम्रो पाचन प्रणालीमा नकारात्मक असर पर्दछ। यसले बान्ता हुने, रिङ्गटा लाग्ने जस्ता लक्षणहरू निम्त्याउँदछ । त्यसैले हेपाटाइटिस हुनेहरूले लसुनको सेवन नगर्नुहोस् । २. झाडापखाला लागेको व्यक्ति झाडापखालाले ग्रसित भएको

वीरगन्ज, २२ पुस । वीरगन्जको नेपाल–भारत सीमास्थित मितेरी पुलमा धर्नामा बस्दै आएका आन्दोलनकारी र सीमावर्ती भारतीय गाउँ अहिरवा टोलका स्थानीयवासी बीच आज केहीबेर झडप भएको छ । झडपमा परी आधा दर्जनभन्दा बढी आन्दोलनकारी घाइते भएका छन् ।
सीमावर्ती भारतीय गाउँ अहिरवा टोलका स्थानीय बासिन्दाले चारवटा पेट्रोल बम प्रहार गरेका थिए । भारततर्फका स्थानीयवासीले प्रहार गरेको ढुङ्गा लागेर आन्दोलनकारीतर्फका चुन्नु मिश्रा, रोशन कुमार, असरफ अली, विनय सर्राफ, कृष्णा पटेल र ओमप्रकाश सर्राफलगायत घाइते भएका छन् । सीमावर्ती भारतीय क्षेत्रबाट आएका उनीहरु तस्कर भएको आन्दोलनकारीले बताएका छन् ।
“उनीहरु तस्कर हुन्, हामीले तस्करी रोक्न खोज्दा उनीहरु धर्नामा आक्रमणको प्रयास गर्दै आएका व्यक्ति हुन्,” सङ्घीय समावेशी युवा गठबन्धनका संयोजकसमेत रहनुभएका आन्दोलनकारी ईश्वरचन्द्र यादवले भन्नुभयो – “एक घन्टाभन्दा बढी समयसम्म झडप भयो । उनीहरुलाई धपायौँ । प्रहरीकै संरक्षण भएकाले तस्करको मनोबल बढेको हो ।”
एक सयभन्दा बढीको सङ्ख्यामा आएका भारतीय तस्करसँग झडप भएको राष्ट्रिय मधेस समाजवादी पार्टी पर्साका जिल्ला अध्यक्ष प्रेमबाबु पटेलले बताउनुभयो ।
झडपपछि मितेरीपुल र आसपासको क्षेत्र केहीबेर तनावग्रस्त बनेको थियो । अहिले त्यहाँको अवस्था सामान्य छ । झडपमा परी घाइते भएकाको नारायणी उपक्षेत्रीय अस्पतालमा उपचार भइरहेको जनाइएको छ ।
dainiknepal

–    कब्जियत भएको छ भने घ्युकुमारी पानीमा मिसाएर खाने गर्नुभयो भने दिसा खलास हुन्छ ।
–    अपच हुने र ग्यास फर्मेसनका कारण पेट र छाती दुख्ने गरेको छ भने घ्युकुमारी खाँदा आराम हुन्छ ।
–    घ्युकुमारीको जुसले शरीरमा चिनीको मात्रा सन्तुलित गर्ने भएकाले मधुमेहका रोगीका लागि पनि यो लाभदायक हुन्छ ।
–    यसले समग्र शरीर र आन्द्रामा जम्मा भएका विषाक्त पदार्थलाई हटाउँछ ।
–    घ्युकुमारीको जुस खानाले रक्तसञ्चार सुचारु हुन्छ र कोलेस्टेरोलको समस्या बढ्न पाउँदैन ।
–    शरीरका कोष तथा कोषिका बिग्रिएका छन् भने घ्युकुमारीको जुस खानाले पूर्ववत अवस्थामा आउँछन् ।
–    उच्च रक्तचापका बिरामीका लागि पनि घ्युकुमारीको जुस लाभदायक हुन्छ ।
–    घ्युकुमारी खानाले क्यान्सरका ट्युमरको विकास र वृद्धिमा विराम लाग्छ ।
–    घ्युकुमारीमा शरीरको रोगप्रतिरोधी क्षमता बढाउने तŒव हुन्छ ।
–    घ्युकुमारी खाँदा शरीरमा भिटामिन र खनिजको मात्रा बढ्न पुग्छ ।
–    गिजाका रोग समाधान गर्न समेत घ्युकुमारी लाभदायक हुने भएकाले घ्युकुमारी मिसाइएको टुथपेस्ट प्रयोग गर्नु राम्रो हुन्छ ।
–    पोलेको ठाउँमा घ्युकुमारी दल्नुभयो भने सञ्चो हुन्छ । साथै, पोलेको दाग पनि गाढा गरी बस्न पाउँदैन ।
–    अनुहारलगायत शरीरको कुनै पनि भागमा गाढा दाग छ भने दिनहुँ घ्युकुमारी लगाउने गर्नाले दाग हराउँदै जान्छ ।
–    आँखावरिपरिको डार्क सर्कल पनि घ्युकुमारी नियमित लगाउनाले हराउँछ ।
–    अनुहार फुस्रो छ भने घ्युकुमारी दल्ने गर्नाले अनुहार चिल्लो हुन्छ ।

जाडो महिना शुरु भइसकेको छ ।  बिषेश गरि जाडोमा हामिले हाम्रो स्वास्थ्यमा धेरै ध्यान पुराउनु पर्दछ । जाडो महिनामा कयौ मानिसहरुलाई नाक बन्द हुने, नाकबाट पानी बग्ने आदि समस्या देखापर्दछ त कयौलाइ त ज्वरोले पनि सताउने गर्दछ । जसका कारण तपाईंले एन्टिबायोटिक नै चलाएर अस्पताल भर्ना भएर बस्नुपर्ने स्थिती आउने गर्दछ । तसर्थ जाडोको समयमा आफ्नो स्वास्थ्यको आफै हेर विचार गर्न जरुरी छ । यहाँ जाडो मौसमको समयमा सर्दीबाट बच्ने केही टिप्सहरु दिइएको छ । दिइएको टिप्समा ध्यान दिनुहोस र जाडोबाट बच्नुहोस ।
१. अदुवाको टुक्राको रस २० मि.ली देखि ३० मि.ली. सम्म दिनमा तीन पटक लिनाले र्सर्दीबाट आराम मिल्छ ।
२. दश ग्राम लसुनलाई १ कप दुधमा उमालेर साँझमा सुत्नेबेलामा वा खाजा खानुभन्दा अघी सेवन गर्नुहोस् ।
३. एक चम्चा प्याजको रस बराबर मात्रामा मह मिसाएर दिनमा तीनपटक लिनुहोस् ।
४. वेसार र सौंठको धुलोको लेप बनाएर टाउकोमा लगाउनुहोस् ।
५.कालो मरिच डढाएर धुवा सुँघनाले बन्द नाक खुल्छ ।
६. अलिकति अदुवा, अजवाइन ९ चम्चा, ल्वाङ ५ वटा, कालो मरिच ३ वटा, मेथी १ चम्चा, तुलसी र पुदिनाको पात १० वटा यी सबैलाई मिलाएर दिनमा दुइपटक सेवन गर्नाले आराम हुनेछ ।
७. एक गिलास तातो पानीमा १ चिम्टी नुन, १ चिम्टी खाने सोडा मिसाएर दिनमा दइपटक र सुत्ने समयमा कुल्ला गर्नाले घाँटीको खसखसबाट आराम मिल्छ ।

एजेन्सी । अमेरिकाकी एक युवती केटा पट्याउँदै विदेश घुमिरहेकी छिन् ।
अमेरिकाको अल्बामा बस्ने २५ वर्षकी मोनिका लिनले आफ्नो कुनै पनि पैसा खर्च नगरी अहिलेसम्म ९ देश घुमिसकेकी छिन् । मोनिकाले नचिनेका थुप्रै व्यक्तिसँग डेटिंगमा गइन् । त्यसको बदलामा उनले ति पुरुषहरुसँग भ्रमणका लागि आर्थिक सहयोग मागिन् ।
अन्तर्राष्ट्रिय समाचार संस्थामा उनको यो अनौठो यात्रा सार्वजनिक भएपछि उनी सामाजिक सञ्जालमा भाइरल बनेकी छिन् । उनले अनलाईनमा भेटिएका पुरुषसँग डेट गर्ने बताएकी छिन् । तर उनी डेट जानुअघि पुरुषको हैसियत पत्ता लगाउँछिन् । जस्तो धनि हो वा गरिब । उनी डेटिंगका दौरान पुरुषहरुले सेक्सका लागि दबाब नदिएको दाबी गर्छिन् ।
मोनिकाले गत वर्षको जनवरीदेखी डिसेम्बरको बीचमा दुबई, हंगकंग, इटली, इन्डोनेशिया लगायतका देश घुमेर सक्काएकी छिन् । कुनै समय आर्थिक सल्लाहकारको काम गर्ने मोनिकाले संसार भ्रमण गर्ने उद्देश्यका साथ यो पेशा छाडेकी थिईन् । यदी आफ्नै पैसाले यात्रा गर्ने योजना बनाएको भए उनलाई पैसा जम्मा गर्न वर्षौ लाग्ने थियो भन्छिन् मोनिका ।
उनलाई यसरी यात्रा गर्ने तरिका मिस ट्राभल नामक बेभसाइटले सिकायो । यस डेटिंग साइटमा एकल व्यक्तिहरु आफ्ना सम्भावित डेटिंग पार्टनरसँग घुम्नका लागि पैसा खर्चन तयार हुन्छन् । जनवरी २०१५ मा अमेरिका छाडेर भ्रमणमा निस्किएकी मोनिकाले एक वर्षमै केटा पट्याउँदै ९ देश घुम्न सफल भइन् ।
dainiknepal

काठमाण्डु, २२ पुस– भारतमा रहेका नेपाली कांग्रेसका उपसभापति रामचन्द्र पौडेलले भारतीय विदेश मन्त्री सुषमा स्वराजसँग भेटवार्ता गरेका छन् । बुधबार अपरान्ह भएको भएको सो भेटवार्तामा नेपालमा भारतले लगाएको अघोषित नाकाबन्दी लगायतका विषयमा छलफल भएको बताइएको छ ।
स्वराजसँगको भेटवार्ता लगत्तै भारतीय गृहन्त्रीसँग पनि पौडेलको भेटवार्ता भएको थियो । ‘नेपाल भारतबीच रहँदै आएको सहज सम्बन्धमा पछिल्लो समयमा देखिएको असहज स्थिति र सहज आपूर्ति अभावको कठिनाईबारे उहाँहरु जानकार रहेको प्रष्ट पार्नुभयो,’ भेटवार्तापछि सञ्चारकर्मीहरुसँगको जिज्ञासामा पौडेले प्रस्ट पारे । पौडेलले आफुले पनि भेटवार्तामा भारतले आपूर्ति लगायतका विषयमा सहजीकरण गर्न नाकाबन्दीको स्थिति हटाउन तदारुकता देखाइदेओस् भनेर आग्रह गरेको बताए । दशगजामा यताबाट पनि र उताबाट पनि कोही धर्नाकारी भएर बसिरहनु सुहाउने कुरा नभएको र मधेस आन्दोलनका विषयमा आफुहरु गम्भीरताका साथ लागिरहेको आफुले बताएको पौडेलले थप प्रस्ट पारे । पौडेल भारतको हरिद्वारमा आयोजित पतञ्जली योगपिठको कार्यक्रममा सहभागि भएर सिधै दिल्ली पुगेका थिए । भेटवार्तामा पौडेलका साथमा पतन्जली योगपीठ, नेपालका ट्रष्टी शालिग्राम सिंह समेत सहभागी थिए । तर, भेटमा दिल्लीस्थित दूतावासका कुटनीतिक प्रतिनिधि भने सहभागी थिएनन् । पौडेलले विदेश मन्त्री स्वराजसँग जनपथस्थित जवाहर भवन र गृहमन्त्री सिंहसँग नर्थ ब्लकस्थित मन्त्रालयमा भेटवार्ता गरेका हुन् ।kathmandutoday

काठमाडौं, पुस २२ । गृहमन्त्री शक्तिबहादुर बस्नेतले गृह मन्त्रालय मातहतका निकायमा सुधार गर्दै जनतालाई शान्ति–सुव्यवस्थाको आभास दिलाउन २९ बुँदे प्रतिबद्धता व्यक्त गरेका छन् ।

मन्त्रालय सम्हालेको झन्डै तीन महिनापछि बुधबार प्रतिबद्धतापत्र सार्वजनिक गर्दै मन्त्री बस्नेतले जनताको पहुँच सुरक्षा निकायसम्म प्रत्यक्ष स्थापित गरिने बताए ।
/>
विमानस्थलमा सुरक्षा व्यवस्था सुधारदेखि काम भए/नभएको अनुगमन गर्न समिति बनाएर आफैं खट्ने पनि उनले बताए ।

मन्त्री बस्नेतले नयाँ संविधानअनुसार बनाउनुपर्ने कानुनहरु दुई वर्षभित्रै बनाइसक्ने गरी तयारी भएको पनि जानकारी दिए ।imagekhabar

काठमाडौं, २२ पुस । संयुक्त लोकतान्त्रिक मधेसी मोर्चाले सरकारलाई थप दबाव दिन भालि बिहीबार पुनः अर्को चरणको आन्दोलन घोषणाको तयारी गरेको छ ।
बिहीबार दिउँसो दुई बजे तराई मधेस लोकतान्त्रिक पार्टीको केन्द्रीय कार्यालय बिजुलीबजारमा बस्ने मधेसी मोर्चाको बैठकले आन्दोलनका थप कार्यक्रम सार्वजनिक गर्ने सद्भावना पार्टीका महासचिव मनीष सुमनले जानकारी दिनुभयो ।
‘आन्दोलनलाई झन् शसक्त बनाउन मधेसी मोर्चाको बैठक बिहीबार बस्दैछ’, उहाँले भन्नुभयो, ‘नाकामा धर्ना बस्ने, सडक अबरोध गर्नेलगायतका कार्यक्रमहरू यथावत छन् । सद्भावना पार्टीको कार्यक्रम पनि जारी रहन्छ । मधेसी मोर्चाले थप नयाँ कार्यक्रम सार्वजनिक गर्छ ।’
विगत चार महिनाभन्दा बढी समयदेखि तराई मधेसमा आन्दोलन गर्दै आएको मधेसी मोर्चाले सरकारसँगको वार्ता र आन्दोलनलाई जारी राख्दै आएको छ ।
dainiknepal

काठमाडौं, पुस २२ । भारतसँग सीमा जोडिएका नाकाहरुबाट पछिल्ला दिनमा इन्धनसहितका मालबाहक गाडीहरु नेपाल भित्रिनेक्रम पुनः बढ्दै गएको छ ।

बुधबार दिनभरमा काँकडभिट्टा–पानीट्यांकी नाकाबाट १३ ट्यांकर डिजेल, ३ ट्यांकर पेट्रोल, १ ट्यांकर हवाई इन्धनसहित ६ सय ६९ ओटा मालबाहक गाडी नेपाल भित्रिए ।

यस्तै, विराटनगर–जोगबनी नाकाबाट बुधबार दिनभरमा २३ ट्यांकर डिजेल, ३ ट्यांकर पेट्रोल, ९ ट्रक औषधिसहित २ सय ४३ ओटा मालबाहक गाडी नेपाल प्रवेश गरेको सीमा प्रहरी कार्यालयले जनाएको छ ।

भैरहवा–सुनौली नाकाबाट बुधबार दिनभरमा २१ ट्यांकर डिजेल, ७ बुलेट ग्याससहित २ सय ६९ ओटा मालबाहक गाडी नेपाल भित्रिए ।

यस्तै, नेपालगन्ज–रुपैडिहा नाकाबाट बुधबार दिनभरमा २१ ट्यांकर डिजेल, ३ ट्यांकर पेट्रोल, ३ बुलेट ग्यास, २ ट्यांकर हवाई इन्धनसहित ८५ ओटा मालबाहक गाडी नेपाल भित्रिएका जनाइएको छ ।imagekhabar

| २०७२ पौष २२ बुधवा नेपालगन्ज : आपूर्ति मन्त्री गणेशमान पुनले  चीनसँग इन्धन आयातसम्बन्धी सम्झौता हुने बताएका छन् । क्रान्तिकारी पत्रकार संघ बाँकेले नेपालगन्जमा गरेको पत्रकार सम्मेलनमा मन्त्री पुनले चीनसँग इन्धन सम्झौता अन्तिम चरणमा रहेको बताए ।

चीनबाट इन्धन ल्याउने कुरा कुरामा मात्र सीमित भएको आरोप लागिरहेका बेला मन्त्री पुनले भने, ‘अब चीनसँग पक्का सम्झौता हुन्छ, अहिले त्यसको अन्तिम प्रक्रियामा छौँ ।’


भारतसँग सीमित ब्यापारलाई चीन र अन्य देशमा पनि विस्तार गरिने बताउँदै  आपूर्ति मन्त्री पुनले नेपालगन्ज नाकाबाट धेरैभन्दा धेरै इन्धन आपूर्ति गर्न आयल निगमलाई निर्देशन दिइसकेको बताए । उनले बगलादेशसँग पनि इन्धन सम्झौता तयारी भइरहेको बताए ।

उनले व्यापारमा विविधिकरण हुने बताउँदै एउटै मुलुक, बजार र कम्पनीमा निर्भर रहँदा देशमा यति ठुलो इन्धनको संकट भएको बताए ।

मन्त्री पुनले बैकल्पिक उर्जा सरकारको पहिलो प्राथमिकतामा रहेको जानकारी दिँदै आत्मनिर्भर बनाउने तयारी भइरहेको  बताए ।

उनले इन्धन समस्या अहिलेको कारण मात्र नभई राजनीतिक, आर्थिक अभाव र पुरानो समस्याले समस्या भएको बताए ।

वीरगन्ज नाकाबाहेक अन्य सवै नाका सहज भइसकेको बताउँदै मन्त्री पुनले सहज नाकाबाट आपूर्ति बढाउन निर्देशन दिएको बताए । उनले वर्तमान समस्या समाधान हुने प्रक्रियामा रहेकोले एक हप्ताभित्र इन्धन समस्या सुल्झिने दावी गरे ।

मन्त्री पुनले भने, ‘नेपालगन्जको ट्यांकरले पुग्दैन भने रक्सौलमा थन्किएका ट्यांकर ल्याएर इन्धन आपूर्ति बढाउन निर्देशन दिइएको छ ।’ उने रक्सौल बाहेकमा नाकाम इन्धन आपूर्ति बढाउने काम भर्खरै शुरु भएको बताए ।

उनले खाना पकाउने ग्यास बितरणमा सहजता ल्याउन ग्राहकलाई स्मार्ट कार्ड बितरण गर्ने प्रक्रिया अगाडी बढिसकेको  बताए ।

उनले अहिले अनुगमन समेत चुनौतीपूर्ण भएको बताए । उनले काठमाण्डौमा तेल वितरणको एक हप्ते योजना लागनु हुन गइरहेको बताए । उनले पार्टीकै कार्यकर्ता इन्धन तस्करीमा संलग्न भएको कुरा आधारहीन भएको दाबी गरे ।

नया संविधानबारे जनतालाई बुझाउने जनताको संविधान जनताको माझ भन्ने अभियानमा क्रममा रुकुम गएर फर्किने क्रममा मन्त्री पुनले आयल निगम, खाद्य संस्थान र ग्यास उद्योगको निरीक्षण गरेका थिए ।
annapurnapost

काठमाडौं, पुस २२ । सद्भावना पार्टीका अध्यक्ष राजेन्द्र महतो भारतको मेदान्त अस्पतालमा स्वास्थ्य उपचार गराएर बुधबार डिस्चार्ज भएका छन् ।

स्वास्थ्यमा सुधार भएको र मेदान्त अस्पतालमा गराएको स्वास्थ्य परीक्षणको रिपोर्ट सामान्य आएपछि उनी अस्पतालबाट डिस्चार्ज भएका हुन् ।

उनलाई ‘फलोअप’का चिकित्सकले एक सातापछि फेरि बोलाएको उनका भतिजा एवं सद्भावना पार्टीका केन्द्रीय सदस्य उपेन्द्र महतोले जनाएका छन् । imagekhabar

वीरगञ्ज, २२ पुस । संघीय समाजवादी फोरम नेपालका अध्यक्ष उपेन्द्र यादवले सरकारले तयार गरेको संशोधन प्रस्ताव मधेसी मोर्चालाई मान्य नभएको बताएका छन् ।
फोरम नेपाल पर्साले क्षेत्र न. २ को बगहीमा आयोजना गरेको बृहत् पार्टी प्रवेश कार्यक्रमलाई सम्बोधन गर्दै अध्यक्ष यादवले मोर्चाले उठाएको माग अनुसार संविधान संशोधन नभएसम्म आन्दोलन नरोकिने चेतावनी दिए ।
‘विरोधका बावजूद जबरजस्ती संविधान जारी गरिए जस्तै संशोधन पनि बलपूर्वक गर्न खोजिए मोर्चालाई त्यो मान्य हुँदैन’, फोरम नेपालका अध्यक्ष यादवले भने, ‘मोर्चाले स्वामित्वग्रहण गर्ने गरि सहमतिमा संशोधन गरे मात्र मुलुकले निकास पाउँछ ।’
उत्पीडनमा परेका मधेसी, आदिवासी जनजाति, मुस्लिम, थारु, महिला लगायतले उठाएको माग नयाँ संविधानमा सुनिश्चित नहुँदासम्म आन्दोलन जारी रहने यादवले बताए । ‘यो अधिकार प्राप्तिको लडाइँ हो, जनतालाई अब गुलामी स्वकार्य छैन’– उनले भने । असन्तुष्ट पक्षको माग सम्बोधन गर्न नचाहेकोले गर्दा वार्ता सफल हुन नसकेको उनले बताए । ‘सरकार आफै वार्ता सफल हुन दिने पक्षमा छैन’, मोर्चाको माग सम्बोधन गर्न सरकारले बेवास्ता गरेको आरोप लगाउँदै अध्यक्ष यादवले भने, ‘सरकारले समाधान चाहेको भए जनताले यदि हदसम्म दुःख पाउथेनन् ।’
एमाले र कांग्रेसका कार्यकर्ता फोरममा

सोही कार्यक्रममा विभिन्न पार्टीका नेता तथा कार्यकर्ताहरु संघीय समाजजादी फोरम नेपालमा प्रवेश गरेका छन् । सत्तारुढ दल नेकपा एमाले, नेपाली काग्रेस र राप्रपाबाट पार्टी परित्याग गरी पूर्व गाविस उपाध्यक्ष विशुनदेव राउत कुर्मी, जयनरायण पटेल, छोटेलाल कुर्मी लगायतको नेतृत्वमा दुई सय भन्दा बढी नेता कार्यकर्ताहरु फोरम नेपालमा प्रवेश गरेका हुन् । कार्यक्रममा फोरम नेपालका केन्द्रीय उपाध्यक्ष लालबाबु राउत, पर्सा जिल्ला अध्यक्ष प्रदीप यादव, केन्द्रीय सदस्य रामकिसोर यादव, विरेन्द्र यादव, विन्देश्वर यादव, बालकिसोर यादव लगायतका नेताहरुको उपस्थिति रहेको थियो ।
dainiknepal

काठमाडौं, पुस २२ । प्रधानमन्त्री केपी शर्मा ओलीले आफ्ना भारतीय समकक्षी नरेन्द्र मोदीलाई गत शनिबार पठानकोटस्थित वायुसेनाको आधार शिविरमा भएको आतंकवादी आक्रमणमा परी अमूल्य ज्यान गुमेकामा हार्दिक समवेदना व्यक्त गरेका छन् ।

प्रधानमन्त्री ओलीले प्रधानमन्त्री मोदीलाई बुधबार एक समवेदना सन्देश पठाउँदै ‘आतंकवादको जुनसुकै रुप र प्रकटीकरणको नेपाल सरकार निन्दा गर्छ’–भनेका छन् ।

आक्रमणमा घाइते भएकाको शीघ्र स्वास्थ्यलाभको कामना गर्दै सन्देशमा प्रधानमन्त्रीले उक्त आततायी आक्रमणका दोषीहरु चाँडोभन्दा चाँडो कानुनको कठघरामा उभ्याइने विश्वास व्यक्त गरेका छन् ।

सन्देशमा प्रधानमन्त्री ओलीले नेपाल सरकार, नेपाली जनता र आफ्नातर्फबाट प्रधानमन्त्री मोदीमार्फत आक्रमणमा ज्यान गुमाएकाका परिवारजनप्रति हार्दिक समवेदना एवं सहानुभूति व्यक्त गरेका छन् । imagekhabar

बुधबार, २२ पुष दिल्ली । भारतीय विदेश मन्त्री सुष्मा स्वराज र गृहमन्त्री राजनाथ सिंहले नेपालको पछिल्लो अवस्थाबारे आफुहरु जानकार रहेको र समस्या चाँडै समाधान हुने बताएका छन् ।
नेपाली कांग्रेसका उपसभापति रामचन्द्र पौडेलसँगको भिन्दा भिन्नै भेटवार्ताका क्रममा दुवै नेताले एउटै आवाज बोलेको पौडेलले बताए ।
उनका अनुसार विदेसमन्त्री स्वराज र गृहमन्त्री सिंहले नेपालमा जारी आन्दोलन अन्त्य गर्नकालागि संसदमा पेश भएको संविधान संशोधन विधेयक पारित भएपछि समस्या आधा बढी समाधान हुने र कमल थापाको दिल्ली भ्रमणका क्रममा पेश भएको चार बुँदे रोडम्याप अनुसार सहमति गर्न आग्रह गरेका थिए ।

उनीहरुले नेपालीको पीडा आफुहरुले पनि बुझेको र अबको केही दिन भित्रै परिणाम देखिनेगरि काम भैरहेको बताएका थिए । भेटका क्रममा उपसभापति पौडेलले जारी नाकाबन्दी तत्काल हटाउन आग्रह गरेका थिए ।
पौडेलले विदेश मन्त्री स्वराजसँग जनपथस्थित जवाहर भवन र गृहमन्त्री सिंहसँग नर्थ ब्लकस्थित मन्त्रालयमा भेटवार्ता गरेका हुन् ।
भारतको हरिद्धारमा पतन्जली योग पीठको २१ औं वार्षिकोत्सव मनाएर दिल्ली पुगेका पौडेलले विदेश र गृहमन्त्रीका अलवा भारतीय जनता पार्टी र भारतीय कांग्रेसका शीर्ष नेताहरुसँग भेट गरेका छन् ।
nepalsandesh

२२ पुस, काठमाडौं ।

एकीकृत नेकपा माओवादीका अध्यक्ष पूस्पकमल दाहाल प्रचण्ड थाइल्याण्ड पुगेका छन् । थाइल्याण्डको थाइल्याण्डको समितिभेज अस्पतालमा उपचाररत एमाओवादी नेता एंव पूर्व अर्थमन्त्री वर्षमान पूनलाई भेट्न त्यहाँ पुगेका प्रचण्डले ट्वीटरबाट आफू पुगेको जानकारी दिएका हुन् ।

प्रचण्डलाई स्वागत गर्न विमानस्थल सम्म थाइल्याण्डका लागि नेपाली राजदुत खगनाथ अधिकारी आफै आएका थिए ।



प्रचण्डको साथमा सभामुख तथा पूनकी पत्नी ओनसरी घर्ति र प्रचण्ड पत्नी सीता दाहाल पनि थाइल्याण्ड गएका छन् ।

थाइल्याण्ड पुगेपछि प्रचण्डको आधिकारिक ट्वीट ह्याण्डलबाट लगातार ट्वीट भएको देखिन्छ ।nepaliheadlines

काठमाण्डु, २२ पुस- उपप्रधानमन्त्री एवम् स्थानीय विकास मन्त्री कमल थापाले आगामी दुई वर्षभित्रमा मुलुकका सबै गाविसमा मोटरबाटो पु¥याउने सरकारले लक्ष्य राखेको बताएका छन् ।
बुधबार आयोजित साक्षात्कारमा उनले भने, ‘मुलुकका ५०० गाविसमा मोटर बाटो पुग्न बाँकी रहेकाले ती गाविसमा दुई वर्षभित्र यातायातको सञ्जाल जोड्ने लक्ष्यका साथ सरकार अघि बढेको छ ।’
मुलुकले खेप्नु परिरहेको ऊर्जा सङ्कट हटाउन सहयोग पुगोस् भनेर जनसहभागितामा आधारित वैकल्पिक ऊर्जा कार्यक्रम अघि सारिएको बताउँदै उनले सरकार, स्थानीय निकाय र जनसहभागितामा घरघरमा सौर्य ऊर्जा जडानको काम हुने जानकारी दिए ।
‘मुलुकका सबै नगरपालिका क्षेत्रलाई स्वच्छ, हराभरा र हरियाली तुल्याउने अवधारणाअनुरुप नगर क्षेत्रका प्रत्येक घरमा रुख रोप्ने कार्यलाई अनिवार्य तुल्याउने तथा सडकका दुवै किनारमा वृक्षरोपण गरिनेछ’, स्थानीय विकास मन्त्रीसमेत रहेका उपप्रधानमन्त्री थापाले भने ।
नगरपालिका क्षेत्रमा खुल्ला क्षेत्र र बगैँचा निर्माणलाई अभियानको रुपमा लैजाने जानकारी दिँदै उनले जनताको संविधान जानताको माझमा भन्ने अभियानप्रति जनताको ज्यादै उत्सुकता रहेकाले उक्त अभियानलाई एक महिना थप सञ्चालन गर्ने निर्णय भएको बताए ।
kathmandutoday

हाम्रो देशमा हरेक सानाभन्दा साना कुरामा कानुन लगाइएको छ । तर पालना गर्नेले त्यसको आदर नगर्नु देश अस्तव्यस्त हुनुको एउटा कारण हो । ट्राफिक नियम पनि यसैभित्रको एउटा पाटो हो । नाकाबन्दीपछि त यस्तो प्रवृत्तिले उग्र रूप लिएको हामीले पाएका छौँ । ठूला–ठूला बसहरूमा छतभरि यात्रु हुन्छन्, रोकेर हेर्दा बसभित्र सिटजति खाली । यस्ता घटनाबाट हाम्रो देशका जनताको वास्तविकता छर्लंगै हुन्छ नि । ट्राफिक प्रहरीप्रति उनीहरूको हेपाहा प्रवृत्ति छ । कतिले त यो संकटकाललाई कमाउने अवसरको रूपमा प्रयोग गरेका छन् निस्सासिनेगरी गाडीभित्र यात्रु बोकेर हिड्नेले यो कुरा पुष्टि गरेकै छन् । बिरामी या कुनै आकस्मिक भएको खण्डमा ठिकै हो तर रहर र हावातालमा एउटै मोटरसाइकलमा तीनजना बसेर हिँड्छन् । सम्झाउँदा कडा प्रतिवाद गर्छन् । व्यवस्थापन गर्नै गाह्रो छ ।
‘अफिस आवर’मा यस्ता घटना बढि देखिन्छन् । लुभु, गोदावरी, भक्तपुर लेलेका गाउँ–गाउँमा पुग्ने बसहरूले क्षमताभन्दा बढि यात्रु कोचेर लैजान्छन् । त्यतातर्फ हाम्रो निगरानी पनि कम हुने भएकाले नियन्त्रण हुन सकेको छैन । बाँकी चक्रपथतिर त बिस्तारै कम हुँदैछ । नियम पनि कडा पारेका छौँ । अटरी गर्नेलाइ २ सय देखि ५ सयसम्मको चिट काटेर पठाउने गरेका छौँ ।
ट्राफिक प्रहरी भई काठमाडौंमा सेवा गर्न थालेको १५ बर्ष भयो । यस बर्षजति सडक नियम उल्लंघन भएको कहिल्यै थाहा थिएन । नाकाबन्दीका कारण प्रेट्रोलियम पदार्थको अभावमा सवारीसाधन कम चल्न थाले । सुरुमा बाध्यताबस् माइक्रो र बसको छतमा बसेर यात्रुले यात्रा गरे । बाध्यता सम्झेर हामीले कारवाही गरेनौँ । बिस्तारै सवारीसाधन सहज भएपनि लापरवाही घटेन । झन्झन् बढ्दै गइरहेको छ ।
विशेषगरी मोटरसाइकल चालकले सडक धेरै नै तोड्दैै हिँडेका छन् । आकस्मिक अवस्थामा छुट्टै कुरा हो तर अनावश्यक समयमा पनि मोटरसाइकलमा तीन जना बसेर हिँड्छन् । ट्राफिक प्रहरीको आँखा छलेर मोबाइलमा गफ गर्दै मोटरसाइकल चलाउँछन् । रोकेर सम्झाउन खोज्दा झोक्किएर उल्टै गाली गर्छन्, नाकाबन्दीको बहाना बनाउँछन् । जता पायो उतैबाट बाटो काट्छन् ।
माइक्रो र ठूला बसहरूको पारा पनि उस्तै छ । क्षमताभन्दा बढि यात्रु बोकेर हिँडिरहेका छन् । कमाउने मौका यहि हो भन्ने मानसिकता मौलाएको छ । यात्रुको जिउधनको मतलब नै छैन । यात्रुहरू पनि धैर्य गरेर अर्को गाडीको प्रतिक्षा गर्दैनन्, हतारमा जतिसुकै भीड गाडीमा चढेर यात्रा गरेको देखिन्छ । आफ्नो ज्यानको सुरक्षातर्फ कसैको ध्यान नै छैन । केहि दिन यता सवारीसाधनको चाप बढेको छ । हामीले ट्राफिक नियम पनि कडा पारेका छौँ । सडक नियम मिचेर सवारी हाँक्नेलाइ नियमअनुसारको कार्वाही गर्छौैं । अटेरी गर्नेलाई अपराधअनुसारको दस्तुर पनि तिराएका छौँ ।
विगत ५ बर्षदेखि ट्राफिक प्रहरी बनेर खटिएको छु । सडकमै उभिएर जनतालाई नियमकानुनमा बाँध्न सजिलो छैन । झन् ट्राफिक प्रहरीलाई छलेर नियम तोड्दै भाग्न पाए त के के न उपलब्धी भो भन्ने मानसिकता बोकेका हाम्रा सर्वसाधारणलाई सम्झाउन बुझाउन धेरै नै गाह्रो छ । पछिल्लो समयमा त यस्तो प्रवृत्तीले तीव्र रूप लिएको छ । नाकाबन्दीको मौकामा चौका हान्नेहरू काठमाडौंको सडकमा थुप्रै भेटिएका छन् ।
नाकाबन्दीको माहोलमा सवारी साधन कम गुडेका कारण ट्राफिक प्रहरीहरू हात बाँधेर बसेका छन् भन्ने पनि हल्ला छ । तर, सडकमा सवारीको चाप उत्तिकै छ । केहि मात्रामा कम गुडेका होलान् तर हामीलाइ कामको चाप उत्तिकै छ । सवारी कम अपराध बढि छ । भनेकै मान्दैनन् चालकहरू । हेर्दै डर लाग्छ, यात्रु खचाखच कोचाकोच गरेर सवारी हाँकेका छन् । यात्रुहरु पनि उस्तै । बसको छतमा रमाई– रमाई हिँडेका छन् । कतिपटक त त्यस्ता सवारी रोकेर भित्र छान मार्दा सिट खाली पनि भेटिएका छन् । खै हाम्रा देशका नागरिक सचेत र सभ्य भएका ? नियमकानुनको वास्तै छैन अनि सरकारलाइ मात्र गिज्याएर समस्याको समाधान हुन्छ त ?
सबैले आ–आफ्नो कर्तव्य पालना गरे न देश सभ्य बन्ने हो । अधिकारका कुरा मात्र गरेर हुँदैन । अहिले कसैलाई पनि छुट छैन । नाकाबन्दीको बहानामा ट्राफिक नियम तोड्दै हिँड्नेलाई भेटेसम्म कानुनको दायरामा ल्याउने हामी सक्दो प्रयास गरिरहेका छौं ।

ratopati

२२ पुस, एजेन्सी ।

विज्ञहरुले उत्तर भारतमा ८ रेक्टर स्केलको भूकम्प आउने चेतावनी दिएको भारतीय सञ्चार मााध्यमले जनाएका छन् । हिमालयन क्षेत्रमा यस्तो भूकम्पको झट्का आउन सक्ने बैज्ञानिक भविष्यवाणी छ ।

टाइम्स अफ इण्डियाका अनुसार गत सोमबार मनिपुरमा गएको भन्दा धेरै ठूलो स्केलको भूकम्प उत्तरी भारतमा आउन सक्ने विज्ञहरुको भनाइ छ ।

मनिपुरमा गत सोमबार ६ दशमलव ७ रेक्टर स्केलको भूकम्प भएको थियो । प्लेटमा भैरहेको उतार चढावका कारण अझै ठूलो भूकम्पको खतरा कायम रहेको विज्ञहरुको भनाइ छ ।

२०० वर्ष यता हिमालयन क्षेत्रमा ७ वटा महाभूकम्प भैसकेका छन् । नेपाल सहितका हिमाली क्षेत्रमा भूकम्पको खतरा कायमै रहेको उक्त रिपोर्टमा उल्लेख छ ।

नेपाल, भुटान, म्यानमार र भारतीय प्लेटमा अझै पनि ठूलो भूकम्पीय शक्ति भित्र सञ्चित रहेको उनीहरुको भनाइ छ ।

अमेरिकाको कोलोराडो विश्व विद्यालयका प्राध्यापकहरुले यो दावीप्रति सहमति जनाएको टाइम्स अफ इण्डिया जनाएका छन् ।nepaliheadlines

बुधबार, २२ पुष
काठमाडौ । विराटनगरमा प्रहरी प्रर्दशनकारी बिच भएको दोहोरो झडपमा घाइते भएका सद्भावना पार्टीका अध्यक्ष राजेन्द्र महतोको स्वास्थ्यमा १३ दिन पछि सुधार अस्पतालले जनाएको छ ।
घाइते महतोको धरानस्थित बीपी कोइराला स्वास्थ्य विज्ञान प्रतिष्ठानबाट थप उपचारका लागि शुक्रबार भारतको मेदान्त अस्पतालमा लगिएको थियो ।
उनको मोदान्त अस्पतालमा सीटी स्क्यान र एमआरआई गरिएको रिपोर्ट अनुसार उनको स्वस्थयमा सुधार आएको अस्पतालले जनाएको छ।
अस्पतालको अनुसार घाइते भएपछि एक्कसी बढेको ब्लड प्रेसर र ब्लड सुगरमा पनि सुधार आएको छ ।
यसैगरी महतोको शरिरममा भिटामिन बी–१२’ कमीका कारण उनको शारीरिक कजोर भएको भन्दै डाक्टरहरुले केही दिनपछि डिस्चार्ज गरिने अस्पतालले जनाएको छ ।
उनलाई सम्भवत बिहीबारसम्म डिस्चार्ज गरिने अस्पताल स्रोतले जनाएको छ।
nepalsandesh

पाँचथर, पुस २२ । सिमल तरुल खाएर फुड पोइजन हुँदा पाँचथर फिदिम–४ भूजेलडाँडाका एक वालकको बुधबार विहान मृत्यु भएको छ भने ३ जना वालवालिका सिकिस्त विरामी परेका छन् ।
मृत्यु हुनेमा फिदिम ४ का ईश्वरी खवासका ७ वर्षिय छोरा सविन खवास रहेका छन् । यस्तै उनकै आफन्तहरु १४ वर्षिय सर्मिला खवास, १० वर्षिय मनोज खवास, र ९ वर्षिय सागर खवास रहेका छन् ।
उनीहरुको जिल्ला अस्पतालमा उपचार भइरहेको जिल्ला प्रहरी कार्यालय पाँचथरले जनाएको छ । आफन्तका अनुसार सोमबार विद्यालयबाट फर्केर खाँजा खाएका उनीहरु विरामी परेका थिए ।
imagekhabar

काठमाण्डु, २२ पुस– वीरगञ्ज नाकामा लामो समयदेखि रोकिएर राखिएका ग्यास बुलेटलाई रि–रुट गरेर नेपाल ल्याउन भारतले अनुमति दिएको छ ।
नेपाल आयल निगमले लामो समयदेखि थालेको प्रयासलाई भारतले सकारातमक रुपमा लिँदै सो अनुमति दिएको निगमका प्रवक्ता मुकुन्द घिमिरेले काठमाण्डु टुडेलाई जानकारी दिए ।
रक्सौलमा रोकिएका दुई सय ५० मध्ये ८५ बुलेटलाई सुनौली नाका हुँदै नेपाल भित्राउने अनुमति पाएसँगै आजैबाट सो प्रक्रिया सुरु हुने घिमिरेले बताए । उनका अनुसार ती ग्यासका बुलेट एक हप्ताभित्रै नेपाल आइपुग्ने छ ।
हाल काठमाण्डुको संकट टार्न करिब ४० बुलेट ग्यास आवश्यक छ । ८५ बुलेट ग्यास नेपाल भित्रिएमा नेपालको तत्कालिन संकट समाधान हुने छ ।
kathmandutoday

काठमाडौं, २२ पुस । नेकपा एमालेको भातृ संगठन युवा संघ नेपालले बुधबारदेखि कालोबजारी र बढ्दो महंगीविरुद्ध देशव्यापी अभियान सुरु गरेको छ ।
यसैक्रममा युवा संघले नेपाल आयल निगमको केन्द्रीय कार्यालय घेराउ गरेको छ । पेट्रोलियम पदार्थमा भैरहेको कालोबजारी नियन्त्रण गर्न माग गर्दै बुधबार युवा संघले बबरमहलस्थित केन्द्रीय कार्यालय घेराउ गरेको युवा संघका केन्द्रीय विभाग सदस्य सञ्जीव रोकाले जानकारी दिए ।
करिब ४ सय युवाको घेराउ कार्यक्रममा बोल्दै युवा संघ नेपालका अध्यक्ष राजीव पहारीले पेट्रोलियम पदार्थमा भइरहेको चरम कलोबजारी नियन्त्रण गर्न माग गरे । उनले भने- नाकाबन्दीको बहानामा उपभोक्ता ठग्ने, पेट्रोल, ग्यासको कालोबजारी गर्ने कार्य तत्काल बन्द हुनुपर्छ ।

अध्यक्ष पहारीले तत्काल कालोबजारी नियन्त्रण गर्न सरकारको समेत ध्यानाकर्षण गराए । आपूर्ति गणेशमान पुनको नाम लिँदै पहारीले भने– युवा आन्दोलनबाट स्थापित व्यक्तित्व अहिलेका आपूर्तिमन्त्री छन् । जनयुद्धकालमा जुवातास खुवाउने वाइसियलका इन्चार्ज (आपूर्तिमन्त्री पुन) अहिले यत्रो भ्रष्टाचार हुँदा केही नबोल्ने ? उहाँकै कार्यकालमा कालोबजारी भएको छ । तत्काल छानविन गरियोस् र दोषीलाई कारवाही गरियोस् । चीनसँगका नाका तत्काल खोल्नुस् ।

अध्यक्ष पहारीले आयल निगमबाटै कलोबजारी भइरहेको आरोप लगाए । ‘सरकारको निकाय आयल निगमबाटै कालोबजारी भएको प्रमाण हामीले फेला पारेका छौ । दोषीलाई तुरुन्त कारवाही होस्,’ उनले चेतावनी दिँदै भने– ‘सरकारले कारवाही नगरे हामी एक एकको पहिचान गरी कारवाही गर्छाै र कानुनको जिम्मा लगाउँछौं ।’
उनले कलोबजारी नियन्त्रण नगरे आपूर्तिमन्त्रीलाई नछाड्ने बताए । ‘कालोबजारी नियन्त्रण गर्न नसक्ने युवामन्त्रीले पदमा बस्नुहुँदैन्,’ उनले भने ।
घेराउ कार्यक्रममा उपभोक्ता हित मञ्चका अध्यक्ष ज्योती बानियाँ, युवा संघका महासचिव किरण पौडेलले मन्तव्य राखेका थिए । हिजो मात्रै प्रधानमन्त्री केपी शर्मा ओलीलाई भेटी युवा संघले तत्काल कालोबजारी र मुल्यवृद्धि नियन्त्रण गर्न सरकारको ध्यानाकर्षण गराएको थियो ।
dainiknepal

२२ पुस, काठमाडौं । भारतीय आयल कर्पोरेशन (आइओसी) ले नेपाललाई रक्सौल डिपोबाट हवाइ इन्धन दिने भएको छ । आइओसीले केही समयमपछि पेट्रोल र डिजेल पनि रक्सौलबाट दिने आश्वसन दिएको छ ।
वीरगञ्ज बाहेकको अन्य नाकाबाट लैजान सक्ने गरीसक्ने गरी हवाइ इन्धन दिन आइओसी तयार भएको हो । रक्सौल डिपोमा भरिएको तेल वीरगञ्ज नाकाबाट ल्याउन सम्भव नभएपनि सुनौलीबाट ल्याउन सकिने निश्कर्ष निकाल्दै नेपाल आयल निगमले रक्सौल डिपोबाट तेलको लोडिङ दिन आइओसीलाई अनुरोध गरेको थियो ।
त्यसको जवाफमा आइओसीले रक्सौलबाट तत्काल हवाइ इन्धन मात्र दिन सकिने बताएको आयल निगमका प्रवक्ता मुकुन्द घिमिरेले अनलाइनखबरलाई जानकारी दिए ।
अहिले नेपाललाई तेल दिइरहेका भारतको सिलगुढी, बरौनी, गोण्डा, बेतालपुर र वनथरा डिपोले ठूलो परिमाणमा तेल दिन सक्दैनन् । तिनको भण्डारण क्षमता ठूलो नभएकाले ती डिपोबाट ठूलो मात्रामा लोडिङ बढाउन नसकिएको आयल निगमको दावी छ ।
मधेसी मोर्चाको अवरोधका कारण नेपाललाई सबैभन्दा बढी तेल दिने रक्सौल डिपोबाट अहिले आइओसीले नेपाली ट्यांकरलाई लोड दिएको छैन ।
यसअघि भारतीय पक्षको अवरोधका कारण अन्य डिपोबाटै ल्याएका तेल पनि नाकामै रोकिने गरेका थिए । अहिले सबै नाकाबाट इन्धन सहज रुपमा आउन थालेपछि तेलको थप आयात बढाउन रक्सौल डिपोबाट पनि तेल ल्याउन आयल निगमले पहल गरेको हो ।
आयल निगमको पहलपछि आइओसीले हवाइ इन्धन रक्सौलबाट दिन सकिने जवाफ प्रवक्ता घिमिरेले बताए । तर, डिजेल, पेट्रोल र मटितेल रक्सौलबाट दिन भारतीय पक्ष अहिलेसम्म इच्छुक देखिएको छैन ।
आइओसीले पहिलो चरणमा दिनको ७/८ ट्याकंर हवाइ इन्धन दिएर रक्सौल डिपोबाट पनि तेलको लोडिङ सुरु गर्ने संकेत गरेको छ ।
रक्सौलमा मौज्दात रहेको ७ हजार किलोलिटर हवाइ इन्धन दिन आइओसीका अधिकारी सहमत भएका हुन् । त्यो हवाइ इन्धन सुनौली नाका हुँदै नेपाल ल्याउने निगमको योजना छ ।
रक्सौल डिपोमा भरिएका तेल सहजै सुनौली र जोगबनी नाका हुँदै नेपाल भित्रिन सक्ने प्रवक्ता घिमिरेले बताए । रक्सौल डिपोबाट डिजेल र पेट्रोलको लोडिङ भए ति पनि अन्य नाका भएर नेपाल आउन गाह्रो पर्ने छैन ।
‘रक्सौलबाट डिजेल पेट्रोल दिँदा मधेसी मोर्चको आन्दोलनको औचित्य नै सकिन्छ । त्यसैले रक्सौलबाट तेल दिने कुरा राजनीतिक तवरले महत्वपूर्ण भएकाले आइओसीले सोझै निर्णय नगरेको हो । यसमा भारत सरकारकै पनि त्यसमा इन्ट्रेष्ट नभएको बुझेका छौं’ निगमका एक अधिकारीले भने ।
निगमका प्रवक्ता घिमिरेले भने आइओसीले सुरुमा हवाइ इन्धन दिएर रक्सौलबाट पनि लोडिङ सुरु गर्न खोजेको बताए । उनले विस्तारै डिजेल र पेट्रोल पनि रक्सौलबाट दिने आश्वसन आइओसीले दिएको जानकारी दिए ।
रक्सौलबाट हवाइ इन्धन नेपाल भित्राउनेबारे आयल निगमले स्थानीय ट्रान्सर्पोटरसँग कुराकानी थालेको छ । अहिले विभिन्न नाका भएर कुल मागको ५० प्रतिशत मात्रै इन्धन भित्रिरहेको छ । अहिले भत्रिएका इन्धनबाट मौज्दात बढाएर मात्रै निजी सवारीलाई नियमित रुपमा तेल वितरण सुरु गर्ने निगमको योजना छ ।
कसरी आउन सक्छ तेल ?
वीरगञ्ज नाका सुचारु नभएसम्म देशभर इन्धनको अभाव कायमै रहने अवस्था देखिएपछि रक्सौलमा भरेर सुनौलीबाट ल्याउने विकल्प अघि सारिएको हो ।
निगमका अधिकारीहरुका अनुसार रक्सौलमा भरिएको तेल सुनौलीबाट ल्याउन सहज हुन्छ । सुनौलीबाट आएको तेल काठमाडौं ल्याउन खासै अप्ठेरो छैन ।
रक्सौलमा तेल भर्ने ट्यांकर भारतको राष्ट्रीय राजमार्ग-२८ बी भएर रक्सौलबाट सुनौली ल्याउन सकिन्छ । यो बाटोबाट दुई भन्सारको दुरी २ सय २ किलोमिटर छ । रक्सौलबाट बगाह र खड्डा हुँदै यो राजमार्ग सुनौलीसँग जोडिन्छ ।
यस्तै रक्सौलबाट सुनौली जाने अर्को राजमार्ग पनि छ । जसको नाम राष्ट्रिय राजमार्ग-२९ हो । रक्सौलबाट सुगौली पुगेर कम्पिरागञ्ज हुँदै सुनौली आउन २ सय ६० किलोमिटरको दुरी छ । यी दुई मध्ये एक राजमार्ग भएर रक्सौलबाट तेल नेपाल आउने सम्भावना रहन्छ ।
बिराटनगर पारीको भारतीय जोगबनी र रक्सौलको दुरी लामो छ । राष्ट्रिय राजमार्ग भएर रक्सौलबाट जोगबनी पुग्न ३ सय ५० किलोमिटरको दुरी तय गर्नुपर्छ भने छोटो रुटनै प्रयोग गरेमा पनि जोगबनी पुग्न ३ सय ९ किलोमिटर छ । यो बाटो भएर पनि रक्सौलको तेल नेपाल ल्याउन सकिन्छ ।
onlinekhabar

२२ पुस, काठमाडौं । भारतीय आयल कर्पोरेशन (आइओसी) ले नेपाललाई रक्सौल डिपोबाट हवाइ इन्धन दिने भएको छ । आइओसीले केही समयमपछि पेट्रोल र डिजेल पनि रक्सौलबाट दिने आश्वसन दिएको छ ।
वीरगञ्ज बाहेकको अन्य नाकाबाट लैजान सक्ने गरीसक्ने गरी हवाइ इन्धन दिन आइओसी तयार भएको हो । रक्सौल डिपोमा भरिएको तेल वीरगञ्ज नाकाबाट ल्याउन सम्भव नभएपनि सुनौलीबाट ल्याउन सकिने निश्कर्ष निकाल्दै नेपाल आयल निगमले रक्सौल डिपोबाट तेलको लोडिङ दिन आइओसीलाई अनुरोध गरेको थियो ।
त्यसको जवाफमा आइओसीले रक्सौलबाट तत्काल हवाइ इन्धन मात्र दिन सकिने बताएको आयल निगमका प्रवक्ता मुकुन्द घिमिरेले अनलाइनखबरलाई जानकारी दिए ।
अहिले नेपाललाई तेल दिइरहेका भारतको सिलगुढी, बरौनी, गोण्डा, बेतालपुर र वनथरा डिपोले ठूलो परिमाणमा तेल दिन सक्दैनन् । तिनको भण्डारण क्षमता ठूलो नभएकाले ती डिपोबाट ठूलो मात्रामा लोडिङ बढाउन नसकिएको आयल निगमको दावी छ ।
मधेसी मोर्चाको अवरोधका कारण नेपाललाई सबैभन्दा बढी तेल दिने रक्सौल डिपोबाट अहिले आइओसीले नेपाली ट्यांकरलाई लोड दिएको छैन ।
यसअघि भारतीय पक्षको अवरोधका कारण अन्य डिपोबाटै ल्याएका तेल पनि नाकामै रोकिने गरेका थिए । अहिले सबै नाकाबाट इन्धन सहज रुपमा आउन थालेपछि तेलको थप आयात बढाउन रक्सौल डिपोबाट पनि तेल ल्याउन आयल निगमले पहल गरेको हो ।
आयल निगमको पहलपछि आइओसीले हवाइ इन्धन रक्सौलबाट दिन सकिने जवाफ प्रवक्ता घिमिरेले बताए । तर, डिजेल, पेट्रोल र मटितेल रक्सौलबाट दिन भारतीय पक्ष अहिलेसम्म इच्छुक देखिएको छैन ।
आइओसीले पहिलो चरणमा दिनको ७/८ ट्याकंर हवाइ इन्धन दिएर रक्सौल डिपोबाट पनि तेलको लोडिङ सुरु गर्ने संकेत गरेको छ ।
रक्सौलमा मौज्दात रहेको ७ हजार किलोलिटर हवाइ इन्धन दिन आइओसीका अधिकारी सहमत भएका हुन् । त्यो हवाइ इन्धन सुनौली नाका हुँदै नेपाल ल्याउने निगमको योजना छ ।
रक्सौल डिपोमा भरिएका तेल सहजै सुनौली र जोगबनी नाका हुँदै नेपाल भित्रिन सक्ने प्रवक्ता घिमिरेले बताए । रक्सौल डिपोबाट डिजेल र पेट्रोलको लोडिङ भए ति पनि अन्य नाका भएर नेपाल आउन गाह्रो पर्ने छैन ।
‘रक्सौलबाट डिजेल पेट्रोल दिँदा मधेसी मोर्चको आन्दोलनको औचित्य नै सकिन्छ । त्यसैले रक्सौलबाट तेल दिने कुरा राजनीतिक तवरले महत्वपूर्ण भएकाले आइओसीले सोझै निर्णय नगरेको हो । यसमा भारत सरकारकै पनि त्यसमा इन्ट्रेष्ट नभएको बुझेका छौं’ निगमका एक अधिकारीले भने ।
निगमका प्रवक्ता घिमिरेले भने आइओसीले सुरुमा हवाइ इन्धन दिएर रक्सौलबाट पनि लोडिङ सुरु गर्न खोजेको बताए । उनले विस्तारै डिजेल र पेट्रोल पनि रक्सौलबाट दिने आश्वसन आइओसीले दिएको जानकारी दिए ।
रक्सौलबाट हवाइ इन्धन नेपाल भित्राउनेबारे आयल निगमले स्थानीय ट्रान्सर्पोटरसँग कुराकानी थालेको छ । अहिले विभिन्न नाका भएर कुल मागको ५० प्रतिशत मात्रै इन्धन भित्रिरहेको छ । अहिले भत्रिएका इन्धनबाट मौज्दात बढाएर मात्रै निजी सवारीलाई नियमित रुपमा तेल वितरण सुरु गर्ने निगमको योजना छ ।
कसरी आउन सक्छ तेल ?
वीरगञ्ज नाका सुचारु नभएसम्म देशभर इन्धनको अभाव कायमै रहने अवस्था देखिएपछि रक्सौलमा भरेर सुनौलीबाट ल्याउने विकल्प अघि सारिएको हो ।
निगमका अधिकारीहरुका अनुसार रक्सौलमा भरिएको तेल सुनौलीबाट ल्याउन सहज हुन्छ । सुनौलीबाट आएको तेल काठमाडौं ल्याउन खासै अप्ठेरो छैन ।
रक्सौलमा तेल भर्ने ट्यांकर भारतको राष्ट्रीय राजमार्ग-२८ बी भएर रक्सौलबाट सुनौली ल्याउन सकिन्छ । यो बाटोबाट दुई भन्सारको दुरी २ सय २ किलोमिटर छ । रक्सौलबाट बगाह र खड्डा हुँदै यो राजमार्ग सुनौलीसँग जोडिन्छ ।
यस्तै रक्सौलबाट सुनौली जाने अर्को राजमार्ग पनि छ । जसको नाम राष्ट्रिय राजमार्ग-२९ हो । रक्सौलबाट सुगौली पुगेर कम्पिरागञ्ज हुँदै सुनौली आउन २ सय ६० किलोमिटरको दुरी छ । यी दुई मध्ये एक राजमार्ग भएर रक्सौलबाट तेल नेपाल आउने सम्भावना रहन्छ ।
बिराटनगर पारीको भारतीय जोगबनी र रक्सौलको दुरी लामो छ । राष्ट्रिय राजमार्ग भएर रक्सौलबाट जोगबनी पुग्न ३ सय ५० किलोमिटरको दुरी तय गर्नुपर्छ भने छोटो रुटनै प्रयोग गरेमा पनि जोगबनी पुग्न ३ सय ९ किलोमिटर छ । यो बाटो भएर पनि रक्सौलको तेल नेपाल ल्याउन सकिन्छ ।
onlinekhabar