बुधबार, २९ पुष
विजय केसी । मधेशी मोर्चाले नाकावन्दी लगाएतका कार्यक्रमहरु जारी राखेकोमा वीरगंजका व्यवसायीहरु र मधेशका उखु खेती गरेका किसानहरुले सो नाकावन्दी र आम हडताल फिर्ता लिन चर्को दवाव दिन थालेका छन् ।
अहिले उखुको सिजन शुरु भैसकेको छ । आफ्नो खेतमा उखु लगाएका किसानहरुलाई उखु काट्ने र चीनी मिल तथा सख्खर मिल सम्म पुर्याउने चटारो शुरु भएको छ ।
मधेशमा मात्र किसानहरुले वर्षेनि अरबौं रुपैयाँ वरावरको उखु बेच्ने गर्दछन् । मधेशका किसानहरुको लागि उखु एक प्रमुख नगदे वाली रहँदै आएको छ ।
अहिले किसानहरुले उखुको सिजन शुरु भएकोले आमहडताल फिर्ता लिन चर्को दवाव मधेशी मोर्चाका नेताहरुलाई दिन थालेको वताइन्छ । मधेश आन्दोलनमा ज्यानको समेत वाजी राखेर आन्दोलनमा उत्रेका किसानहरु स्वयम्ले यस्तो दवाव दिन थालेकोले मधेशी मोर्चाका नेताहरुलाई ज्यादै अप्ठेरो परेको छ ।
उखु किसानहरुको यस दवावको साथै मधेशमा अन्य नगदे वाली उत्पादन गर्ने किसानहरुको पनि दवाव परिरहेको छ । उनीहरु भन्छन् समय मै आन्दोलनले उपलब्धी प्राप्त गर्न नसकेकोले केही समय भए पनि किसानहरुलाई आफ्नो हात मुख जोर्ने खेतीपातीको काममा लाग्न दिनु पर्दछ ।
यस्तो दवावको साथै नेपाल भारत विचको मुख्य व्यापारीक नाका वीरगंजका व्यवसायीहरुले पनि या त सबै नाकामा नाकावन्दी गर्न वा वीरगंज नाका पनि खोल्न मधेशी नेताहरुलाई दवाव दिन थालेको वताइन्छ ।
वीरगंजका व्यवसायीहरुले पाँच महिना देखि मधेश आन्दोलनमा सघाएको तर अहिले वीरगंजले मात्र आन्दोलन धान्न नसक्ने भन्दै आफ्नो व्यापार उद्योगहरुको स्थिति डामाडोल हुन थालेको र डुब्ने सम्भावना वढेको भन्दै मधेशी नेतृत्व माथि चर्को दवाव दिन थालेका छन् ।
ती उद्योगी तथा व्यवसायीहरुले बैकवाट लिएको ऋणको व्याज सम्म पनि तिर्न कठिन हुन थालेको भन्दै वीरगंज नाका पनि खोल्न वा सबै तिर का नाका वन्द गरेर सरकार माथि दवाव श्रृजना गरि माग पुरा गराउन मधेशी मोर्चाका नेताहरुलाई दवाव दिन थालेको एक मधेशी मोर्चाका वरिष्ठ नेताले वताए ।
समाचार श्रोतका अनुसार सरकारले फेस सेभ गर्न मिल्ने गरि सम्झौताका बुँदाहरु दिएमा केही समयका लागि नाकावन्दी र आम हडताल कार्यक्रम फिर्ता लिने सम्भावना वढेको छ । सरकारले कति कुशलता साथ मधेशी मोर्चा संग सम्झौता चाँडो गर्छ, त्यसैमा नाकावन्दी केही समयका लागि भएपनि खुल्ने मिति तय हुन्छ भन्ने समाचार श्रोतको दावी छ ।
nepalsandesh

बुधबार, २९ पुष
काठमाण्डौं । मोहन वैद्यले नेतृत्व गरेको नेकपा माओवादी र प्रचण्डले नेतृत्व गरेको एमाओवादी विच पार्टी एकताको लागि गोप्य रुपमा गृहकार्य शुरु भएको छ ।
बैद्य संगको पार्टी एकिकरणका लागि एमाओवादीमा त्यति समस्या छैन । तर बैद्य माओवादीमा भने प्रचण्डको कार्यदिशा संशोधनवादी भएको भन्दै दुई पार्टी विच एकिकरण तत्काल सम्भव छैन भन्ने मत राख्नेहरु अझै वाँकि छन् ।
तर दुबै पार्टी भित्र एकता गर्नु पर्दछ भन्ने दवाव पनि चर्को छ । वावुराम भट्टराईले पार्टी परित्यागका साथै माक्र्सवाद पनि परित्याग गरि एमाले भन्दा पनि तल गिरेर नेपाली कांग्रेस जस्तो पार्टी गठन गर्न लागे पछि एमाओवादी भित्र बैद्य संग एकता गर्न प्रचण्ड माथि चर्को दवाव परेको थियो ।
यी दुई पार्टी विच एकता गर्नु पर्दछ भन्नेहरुले रुसमा मेन्सेभिक र वोल्शेभिकहरु विच भएको पार्टी एकताको उदाहरण दिने गरेका छन् । एकले अर्कोलाई अवसरवादी, संशोधनवादी, उग्रवामपन्थी, विसर्जनवादी आदि विभिन्न आरोपहरु लगाएको भएपनि सन् १९०५को रुसी क्रान्ति असफल भएको स्थितिमा पैदा भएको निराशा चिर्न यी दुई पार्टी विच पार्टी एकता हुनु पर्दछ भन्ने लेनिनको भनाईलाई अहिले एकता पक्षधरहरुले अधि सारेका छन् ।
साथै नेपाल मै पनि ०४७ सालमा मशाल, चौम र सर्वहारा श्रमिक संगठन विच भएको पार्टी एकतालाई पनि उदाहरणको रुपमा अधि सार्न थालेका छन् । अहिलेको विशेष परिस्थितिमा माओवादी समुहहरु विच पार्टी एकता अपरिहार्य रहेको भन्दै प्रचण्ड र बैद्य विच गम्भीर कुराकानी भएको र यसका लागि बैचारिक, राजनैतिक, सैद्धान्तिक, संगठनात्मक पक्षहरुमा विचको वाटो निकालेर पार्टी एकताको आधार तयार गर्न गृहकार्य गर्ने सहमति भएको समाचार श्रोतले जनाएको छ ।
केही समय पहिले सम्म स्वयम् मोहन बैद्य नै पार्टी एकताको विषयमा हिचकिचाइरहेको, तर वावुरामको वहिर्गमन र माक्र्सवादको परित्याग पछि नयाँ परिस्थिति उत्पन्न भएको भन्दै प्रचण्ड र बैद्य विच हालैका दिनहरुमा कयौं गोप्य बैठकहरु भएपछि बैद्य पनि एकताको लागि तयार भएकोले केही महिना भित्र पार्टी एकता गर्ने गरि आधारहरु तयारी गर्ने सहमति भएको समाचार श्रोतको भनाइ छ ।
अहिले यी दुई दल विच केही आधारभुत भिन्नता रहेको छ । एमाओवादीले समाजवादी क्रान्तिको रणनीति लिएको छ भने बैद्य माओवादीले नयाँ जनवादी क्रान्तिको रणनीति छोडेको छैन । तर यी दुई दल विच समानता पनि छ, जस्तै दुबैले दीर्घकालीन जनयुद्धको कार्यदिशा परित्याग गरिसकेको छ र तत्काल शान्तिपुर्ण वाटो लिने निर्णय गरेको छ ।
०४७ सालमा पार्टी एकता हुँदा एक पक्ष सामन्तवाद र भारतीय विस्तारवाद दुबै संग नेपाली जनताको अन्तरविरोध प्रधान भन्ने मत राख्दथे भने अर्को पक्ष नेपाली जनता र सामन्तवाद विचको अन्तरविरोध प्रधान भन्ने मत राख्दथे ।
यसलाई मिलाउन बैद्य र प्रचण्डले भारतीय विस्तारवादद्वारा पालीत पोषित सामन्तवाद संग जनताको अन्तरविरोध प्रधान भनेर विचको वाटो निकालेका थिए । त्यसैगरि माओवाद भन्ने र माओवाद भन्नु हुन्न भन्दै माओ विचार मात्र भन्ने पक्ष विचको विचको वाटोको रुपमा माओवाद वा माओ विचार भन्ने दुबै पदावली राखिएको थियो ।
अहिले पनि पार्टी एकताको लागि यस्ता विचको वाटो वनाउन वैद्य र प्रचण्ड विच गोप्य सहमति भएको समाचार श्रोतको भनाइ छ । वावुरामको चर्को आक्रमण र संगठन विस्तारको विरुद्ध पार्टी एकता गरेर कार्यकर्ताहरुमा उत्साह जगाउन प्रचण्ड हतारिएको वताइन्छ ।
वैद्य संग एकता भएपछि भने एमाले संगको पार्टी एकता सेलाउने र एमाले र एमाओवादी विच चुनावी एकताको तयारी गर्ने रणनीति प्रचण्डले वनाएको श्रोतको भनाइ छ । बैद्य र प्रचण्ड विच पार्टी एकता गराउन बैद्य तर्फवाट हितमान शाक्य, पम्फा भूषाल, सोनामहरु सक्रिय रहेको तथा एमाओवादीवाट कृष्ण वहादुर महरा, लोकेन्द्र विष्टहरु सक्रिय भैरहेको वार्तामा सम्मिलित एक माओवादी नेताले बताए ।
nepalsandesh

तुलसीपुर (दाङ), २९ पुस । नेकपा (एमाले) का सचेतक गोकुल घर्तीले माघ ६ गतेभित्र संविधान संशोधन विधयक टुङ्गिएसँगै सिमानामा भइरहेको अवरोध पूर्णरुपमा हट्ने बताउनुभएको छ ।
प्रेस चौतारी दाङले आज घोराहीमा गरेको पत्रकार सम्मेलनमा उहाँले सो कुरा बताउनुभएको हो ।
मधेसी मोर्चाका मुद्दामा सरकार गम्भीर रहेको भन्दै घर्तीले संविधान संशोधन विधयकमार्फत आन्दोलन पक्षलाई सहमतिमा ल्याई नाका खोलिने उहाँको भनाई छ । उहाँले भारतसँग पटकपटक भएका कुटनीतिक छलफलबाट नै सीमाको समस्या कम हुँदै गएको बताउनुभयो ।
राजनीतिक अधिकार प्राप्तिको आन्दोलन सकिएको भन्दै उहांँले अब समृद्धिको यात्रा सुरुवात गर्नुपर्ने उहाँको भनाइ छ । पत्रकार सम्मेलन चौतारी दाङका अध्यक्ष टीका बस्नेतको अध्यक्षतामा भएको थियो ।
dainiknepal

पुस २९ जलविद्युत लगानी तथा विकास कम्पनीको सेयरमा साना लगानीकर्ताले ११ दशमलव ४ प्रतिशत र ठूला लगानीकर्ताले २ दशमलव ९ प्रतिशत सेयर पाउने भएका छन्। कम्पनीले आज औपचारिक कार्यक्रम गरी सर्वसाधारण सेयर आवेदकहरुलाई सेयर बाँडफाँड गरेको हो।

कम्पनीले आवेदन स्वीकृत भएका सबैलाई कम्तिमा १० कित्ता  सेयर दिने भएको छ। ३ लाख ४ हजार ६ सय ३४ जनाले सेयर आवेदन दिएका थिए। जसबाट ८० कित्तासम्मको आवेदन दिनेहरुलाई १० कित्ता सेयर दिइने भएको छ। ९० देखि ५ सय कित्तासम्म सेयर माग गर्नेहरुले ११ दशमलव ४ प्रतिशतका दरले सेयर पाउने भएका छन्।

सर्वसाधारणतर्फको सेयर बाँडफाँडमा कुल १ लाख ९५ हजार २ सय ३ जना साना लगानीकर्ता लाभान्वित भएका छन्। ति लगानीकर्ताले ७४ लाख ५० हजार ६ सय ३ कित्ता कित्ता सेयर पाउने छन्। ५ सयभन्दा कम कित्ताका लागि आवेदन हाल्ने लगानीकर्तालाई साना लगानीकर्ताका रुपमा लिइन्छ।

त्यस्तै ठूला लगानीकर्तातर्फ लगानीकर्ताहरुले २ दशमलव ९ प्रतिशतका दरले सेयर पाउने छन्। ५० लाख कित्ता सेयर माग गर्ने कम्पनीहरुले १ लाख ४४ हजार ८ सय १९ कित्ता सेयर पाउने छन्।

१ लाख ९ हजार ४ सय ३१ जना ठूला लगानीकर्ताले सेयर पाउने छन्। ति लगानीकर्ताका लागि कुल १ करोड ११ लाख ७५ हजार ९ सय ५ कित्ता सेयर जाने भएको छ। कम्पनीले विक्री निस्कासन बन्द भएको ६९ औं दिनमा सेयर बाँडफाँड गर्न सफल भएको छ।

यसैबीच नपरेको सेयर रकम फिर्ताका लागि कम्पनीले पहिलो पटक केही हिस्सा रकम आवेदकको बैंक खातामै जम्मा गर्ने प्रक्रिया सुरु भएको छ। कम्पनीले करिब ६० हजार आवेदकको विभिन्न ६ वटा बैंकहरुमा रहेको खातामा रकम जम्मा गरेर पहिलो पटक यस्तो व्यवस्था थालनी गर्ने भएको हो।

जनता बैंक, एनएमबी बैंक, प्रभु बैंक, सिटिजन्स बैंक, लक्ष्मी बैंक र बैंक अफ काठमाण्डूमा खाता रहेका र आवेदकले यो सुविधा पाउने भएका हुन्। कम्पनीले सो कार्यक्रममा दिएको जानकारीअनुसार यी बैंकहरुमा खाता भएका आवेदकको रकम खातामै जम्मा गर्ने सुविधा दिइने भएको हो। यदि खाता नं. र नाम सही भएमा मात्रै ति बैंकमा खाता हुने ६० हजार आवेदकले खातामा रकम पाउने बताइएको छ।

बाँडफाँडको ५ दिनभित्रमा रकम फिर्ता प्रक्रिया सुरु गर्ने प्रावधान रहे पनि आवेदकको संख्या अत्याधिक भएकाले केही दिन लम्बिन सक्ने बताइएको छ।
हालसम्म सबै आवेदकले नपरेको सेयर रकम फिर्ताका लागि एसी पे चेकमार्फत भुक्तानी लिने गरेका थिए। setopati

काठमाडौं । नयाँ शक्ति विस्तारका क्रममा बाबुरामपत्नी हिसिला यमीले दुबई भ्रमण गरेलगत्तै गृहमन्त्री शक्ति बस्नेतकी पत्नी सत्या पहाडीसमेत एक हुल पत्रकार बोकेर त्यही ठाउँ पुगेकी छन् । अचेल यी दुवैको दलीइ संबद्वता भिन्नै भएपनि यसपटकको युएई भ्रमणचाहिँ बराबरी विवादमा छ ।
अन्तर्राष्ट्रिय विभागको जिम्मेवारीप्राप्त हिसिला अंग्रेजी नयाँ वर्ष मनाई स्वदेश फर्कंदा केही वर्ष जापानमा बसेका अछामे युवा शंकर भण्डारीलाई लिएर आइन् भने लगत्तै नेपाल पत्रकार महासंघकी केन्द्रीय सदस्य संगीता खड्कालाई सत्या पहाडीले दुबई लाँदा यता स्याङजाबाट शैलेन्द्र घिमिरेले सार्वजनिक आलोचना गरेका छन् ।
टोलीमा सहिदपत्नीसँग घरजम गरी अनुकरणीय उदाहरण देखाएका अर्का पत्रकार सन्तोष पौडेल पनि छन् । संगीता शैलेन्द्रका जीवन संगिनी हुन् । शैलेन्द्रले आइतबार राती १०ः २९ बजे पोष्ट गरेको फेसबुक टिप्पणी प्रतिकात्मक छ । लेखेका छन्, ‘आफन्तजन, मौनतालाई कमजोरी नठान । तिमी उभिउको जमिन मेरो काँधमाथि छ ।’ घिमिरे दोस्रो संविधानसभा चुनावमा स्याङजाबाट एमाओवादी उम्मेद्वार थिए । उनीमाथि नचाहिँदो आरोप लगथाएर पत्नीलाई बेलाबखत पिट्ने गरेको आरोप छ । जुझारु पत्रकार संगीता, सत्या शान्तिमन्त्री हुँदाताकाकी प्रेस संयोजक हुन् । सत्या अहिले उनलाई गृहमन्त्रीको प्रेस सल्लाहकार बनाउन चाहन्छिन् ।
उता शंकर भण्डारीले दुबईमा आफूलाई नयाँ शक्तिको अन्तर्राष्ट्रिय विभागमा हिसिलापछिकोको ‘सेकेण्ड म्यान’ का रुपमा परिचय दिएपछि उनको भ्रमण आफ्नाहरुबीचमा विवादमा परेको छ । भ्रमणको चाँजो मिलाउने काम उत्तम अधिकारी र विनोद श्रेष्ठ यमीको प्रस्तुतीबाट निराश बनेको चर्चा छ । जनआस्था साप्ताहिकमा खबर छ ।
dainiknepal

काठमाडौं–नेपाली कांग्रेसको १३ औं महाधिवेशनमा सभापतिको उम्मेद्वार बन्न चाहनेहरुको संख्या दश पुगेको छ । सम्भावित उम्मेद्वारको सूचीमा सर्वाधिक थोत्रो नेता सुशील कोइरालादेखि नयाँ नेता गगन थापासम्म छन् ।

पार्टीका प्रमुख नेताहरु सुशील कोइराला, शेरबहादुर देउवा र रामचन्द्र पौडेलबीच हुने सम्भावित प्रतिस्पर्धालाई उच्च चासोका साथ हेरिएकोमा युवा नेता गगन थापालाई समेत एकथरी नेता–कार्यकर्ताले पार्टी सभापतिमा उम्मेद्वार बन्न सुझाव र दबाा दिइरहेको बुझिएको छ । गत सोमबार धुलिखेलमा सम्पन्न कांग्रेसका केही नेता तथा कार्यकर्ताहरुको प्रतिनिधिमूलक भेलाले थापालाई सभापतिको उम्मेद्वार बनाउने निष्कर्श निकालेको छ । आजको घटना र विचार साप्ताहिकमा खबर छ । ratopati

मंगलबार, २८ पुष
पोखरा । नेकपा (एमाले)का वरिष्ठ नेता तथा पूर्व प्रधानमन्त्री झलनाथ खनालले भारतको अघोषित नाकाबन्दीले नेपाली जनतालाई आत्मनिर्भर बन्ने पाठ सिकाएको बताएका छन् ।
प्रेस चौतारी नेपाल कास्कीले मंगलबार आयोजना गरेको पत्रकार भेटघाट कर्यक्रममा उहाँले सधैँ भारतमाथि निर्भर रहिरहने र बेलाबेलामा नाकाबन्दी लगाएर नेपाली जनतालाई दुःख दिने गरेकाले अब यो नाकाबन्दीलाई आर्शिवाद सम्झेर आत्मनिर्भरताको बाटोमा अघि बढ्नुपर्नेमा जोड दिए ।
एमालेका वरिष्ठ नेता खनालले तराईका जिल्लामा शान्ति सुरक्षा प्रभावकारी हुन नसकेको बताउँदै मधेसी मोर्चाले उठाउँदै आएका मधेस दुई प्रदेश सम्भव नहुने स्पष्ट पारे ।
उनले व्यवस्थापिका–संसद्को दुई तिहाईबाट मात्रै संविधान संशोधन गर्न नसकिने भएकाले यो चाहिन्छ र उ चाहिन्छ भनेर बखेडा नझिक्न सम्बन्धित पक्षसँग आग्रह गरे ।
सरकार जति गतिशील र प्रभावकारी हुनुपर्दथ्यो त्यो हुन नसकेकामा असन्तोष व्यक्त गर्दै उहाँले जटिल चुनौतीको सामना गरी काम गर्नुपर्नेमा जोड दिए ।
nepalsandesh

२९ पुस,कञ्चनपुर।
कञ्चनपुरको दक्षिणी क्षेत्र बेलौरी नगरपालिका–१० मा मंगलबार साँझ प्रहरी र भारतीय नागरिकबीच दोहोरो गोली हानाहान भएको छ । बेलौरी नगरपालिका–१० मा हतियारसहित नेपाल प्रबेश गरेका भारतीय नागरीक चार युवकलाई प्रहरीले नियन्त्रणमा लिने क्रममा दोहोरो गोली हानाहान भएको हो ।

हतियारधारी समूहले प्रहरीमाथि एक राउण्ड गोली प्रहार गरेको इलाका प्रहरी कार्यालय बेलौरीले जानकारी दिएको छ ।

यसैगरी प्रहरीले एक भारतीय युवकलाई एक थान नलकटुवा पेस्तोल त्यसमा प्रयोगहुने एक राउण्ड गोली र एक किलो चरेस सहित नियन्त्रणमा लिएको छ । अन्य फरार तीन युवकले भारतीय भूमिबाट नेपाल प्रहरीमाथि गोली प्रहार गरेका थिए । प्रहरीले पनि जवाफी गोली प्रहार गरेको प्रहरीले बताएको छ ।

प्रहरीका अनुसार उनीहरु भारतीय नम्बरको मोटरसाइकलमा नेपाल प्रवेश गरेका थिए । प्रहरीले नियन्त्रणमा लिएका युवा पेलीभिटका पालु सिंह रहेको प्रहरीले जानकारी दिएको छ ।nepaliheadlines.

काठमाडौं । सम्बन्ध र भनसुनका आधारमा चल्ने अख्तियारले केही दलका नेतालाई छानीछानी फर्म भराउन बोलाएको छ । तर, उसले छुन नमिल्ने कांग्रेस सभापति सुशील कोइराला अध्यक्ष रहेको जननायक बिपी कोइराला मेमोेरियल ट्रस्टले नेपालका भूकम्पपीडितका नाममा आएमो सवारी साधन करोडौं रुपैयाँमा बेचेको प्रमाण आफूले फेला पारेको आजको जनआस्था साप्ताहिककले दाबी गर्दै खबर छापेको छ ।

विनाकुनै दुरुपयोग भूकम्पपीति नेपालीको राहत र उद्दारमा सहयोग पुगोस् भन्ने उद्देश्यका साथ बेलायत सरकारले सातवटा गाडी जननायक बिपी कोइाला मेमोरियल ट्रस्टका नाममा दिएको थियो । बेलायत सरकारले नागरिक स्तरीय सहयोग कार्यक्रम अन्तर्गत तत्कालीन प्रधानमन्त्री नै अध्यक्ष रहेको बिपी ट्रस्टले पनि ती गाडीमा ‘पिपुल इन युके डोनेटुड टु अर्थक्वीक भिक्टिम्स इन नेपाल’ लेखिनुपर्ने शर्तसहित गाडी त दियो । तर, आएकै गाडी दर्ता गर्ने र उसैदिन अर्को व्यक्तिलाई बेचिदिने धन्दा चल्यो । ती सातमध्ये बा१३च ६४२४ नम्बरको जिप बिक्रीसम्बन्धी अभिलेख पत्रिकालाई प्राप्त भएको छ । सहयोग प्राप्त गाडीलाई भन्सार छुटको व्यवस्था छ ।

भन्सारमा एक रुपैयाँ तिर्नुनपरेको जिप आउनासाथ बेलायती सरकारद्धारा जारी सहयोगसम्बन्धी कागजी विवरणका आधारमा यातायाता व्यवस्था कार्यालय सातदोबाटोमा दर्ता भयो, जननायक बिपी कोइराला स्मृति ट्रस्टका नाममा । २०७२ भदौ २८ गते ट्रस्टले दर्ता गरेको उक्त गाडी उसैदिन अर्को व्यक्तिलाई बिक्री गरियो । किन्ने व्यक्ति हुन् विजयप्रकाश मिश्र । यातायात कार्यालयबाट जारी सवारी दर्ता किताबमा आफ्नो फोटो नराखी जिप किन्ने विजयप्रकाशले सिद्धार्थ बैंकसँग एक करोड ४२ लाख रुपैयाँ ऋण लिएका छन् । एकातिर वैदेशिक अनुदानका प्राप्त सवारी साधन भन्ने कुराको कागजी विवरणका आधारमा दर्ता गरिसकेपछि त्यसलाई बेचबिखन गर्न पाइदैन । अर्कोतिर त्यस्तो सवारीसाधन बेचबिखन गराउने कर्मचारीले आफ्नो अख्तियारी दुरुपयोग गरेको ठहर्छ ।khabardabali

काठमाडौं, २९ पुस । संघीय समाजवादी फोरम नेपालका सहअध्यक्ष राजेन्द्र श्रेष्ठ र तराई मधेस सद्भावना पार्टीका वरिष्ठ नेता रामनरेश राय यादवले कार्यदलमा भएका छलफलहरू उत्साहपूर्ण नरहेको टिप्पणी गर्नुभएको छ ।
श्रेष्ठ र रायले मधेसी मोर्चाले अगाडि सारेका ११ बुँदे मागका विषयमा सरकारी पक्ष स्पष्ट रुपमा नआएको बताउनुभयो । ‘सरकारले ११ बुँदेप्रति कुनै ठोस चासो देखाएन’, उहाँहरूले आज बिहान नेपालवाणी रेडियो नेटवर्कमा पत्रकार ऋषि धमलसाँग कुरागर्दै भन्नुभयो, ‘तपाईहरू पहिला गृहकार्य गरेर आउनुस् भनेका छौँ ।’
मंगलबारको बैठकमा एमालेका तर्फबाट कार्यदलमा प्रतिनिधित्व गर्नुहुने रक्षामन्त्री भीम रावल आउनु भएन् । उहाँ व्यस्तताका कारण बैठकमा नआउनु भएको जनाइएको छ ।
तर मधेसी मोर्चाले एमालेले एमाले र एमाओवादीले ११ बुँदे र मधेस आन्दोलनलाई यत्तिकै तहाउने खेलमा लागेको आरोप लगाएको छ ।
सहमति गर्ने भनेर बनाइएको छ सदस्यीय कार्यदलले वार्ता र सम्वाद गर्दै आएपनि ठोस निर्णय दिन सकेको छैन ।
dainiknepal

२९ पुस, काठमाडौं ।

मधेस आन्दोलन र भारतीय नाकाबन्दीले तीन खर्ब चार अर्ब रुपैयाँ बराबर क्षति र चार लाख मजदुर बेरोजगार भएको दाबी निजी क्षेत्रले गरेका छन् ।

यो अवधिमा दुई हजार दुई सय उद्योग बन्द भएको र भएका उद्योग पनि टेका लगाउन चलाउनुपरेको गुनासो व्यवसायीको रहेको छ ।
नेपाल उद्योग वाणिज्य महासंघ अन्तर्गत राजस्व समिति सभापति सौरभ ज्यातिले नाकाबन्दीकै कारण मुलुकको अर्थतन्त्र डामाडोल भएको र मुलुकभर दुई हजार दुई सय उद्योग बन्द भएको दाबी गरे ।

‘१५२ दिनदेखि बन्द हड्ताल जारी रहँदा चार लाख मजदुर बेरोजगार भएका छन्, यो अवधिमा निजी क्षेत्रलाई तीन खर्बभन्दा बढीको क्षति भएको छ,’ उनले भने ।

महासंघले बन्दबाट दैनिक दूई अर्ब बराबरको क्षति हने गरेको बताउँदै आएको छ । भूकम्पले भन्दा तराई बन्दले बढी क्षति पुर्‍याएको महासंघको दाबी छ । कारोबार दैनिकमा खबरnepaliheadlines

भीमदत्तनगर, पुस २९ । कञ्चनपुरको दक्षिणी क्षेत्र बेलौरी नगरपालिका–१० मा मंगलबार साँझ प्रहरी र भारतीय नागरिकबीच दोहोरो गोली हानाहान भएको छ ।
बेलौरी नगरपालिका–१० मा हतियारसहित आएका चार युवकलाई प्रहरी नियन्त्रणमा लिने क्रममा दोहोरो गोली हानाहान भएको हो । हतियारधारी समूहले प्रहरीमाथि एक राउण्ड गोली प्रहार गरेको इलाका प्रहरी कार्यालय बेलौरीका प्रहरी निरीक्षक भरत चौधरीले जानकारी दिए ।
यसैगरी प्रहरीले एक भारतीय युवकलाई एक थान पेस्तोलसहित नियन्त्रणमा लिएको छ । अन्य फरार तीन युवकले भारतीय भूमिबाट नेपाल प्रहरीमाथि गोली प्रहार गरेका थिए । प्रहरीले पनि जवाफी गोली प्रहार गरेको प्रहरी निरीक्षक चौधरीले बताए ।
प्रहरीका अनुसार उनीहरु भारतीय नम्बरको मोटरसाइकलमा नेपाल प्रवेश गरेका थिए । प्रहरीले नियन्त्रणमा लिएका युवाको पहिचान खुलाएको छैन । (रासस)
imagekhabar

काठमाडौं, २९ पुस । जोगबनीस्थित भारतीय भन्सारले चौबीस घन्टाका लागि भन्दै भारत प्रवेश गर्ने नेपाली सवारीसाधनसँग रकम उठाउन थालेको छ ।
नयाँ नियमअनुसार भारतीय भन्सारमा नेपाली सवारीसधानलार्इ प्रतिमोटरसाइलक ३० रुपैयाँ, सिटीरिक्सा ७० रुपैयाँ, साना चारपांग्रे साधन ८० रुपैयाँ र बसलाई १ सय ५० रुपैयाँ शुल्क लिन थालिएको समाचार अन्नपूर्ण पोष्ट दैनिकले छापेको छ ।
औद्योगिक कच्चा पदार्थ, विभिन्न तयारी बस्तु र व्यापारिक सामान बोकेर भारत प्रवेश गर्ने ढुवानीका साधनबाहेक नेपाली नम्बर प्लेटका सवारीसधानलाई जोगबनी भन्सार कार्यालयले एक दिनको मान्यता पाउने गरी अस्थायी पासको व्यवस्था गरेको छ ।
ainiknepal

बुधबार, २९ पुष
काठमाडौ । पुर्व प्रधानमन्त्री लोकेन्द्र बहादुर चन्दले आफनो घर भाँडिएको भन्दै त्यसलाई मिलाइदिन प्रधानमन्त्री केपी शर्मा ओलीसंग आग्रह गरेका छन।
पुर्व प्रम चन्दले छोरा जयन्त चन्दलाई मन्त्री नबनाएसम्म आफनो बिग्रिएको घर नसप्रने भन्दै फोन मार्फत प्रधानमन्त्री ओलीसंग याचना गरेको बुझिएको छ ।
स्रोतका अनुसार प्रधानमन्त्रीमा उमेद्धारी दिनासाथ छोरा जयन्तलाइ मन्त्री बनाउने सर्तमा चन्दले ओलीलाई समर्थन गर्ने बचन दिएका थिए।
यस अघि सुर्यबहादुर थापाले छोरा सुलिल थापालाई मन्त्री बनाएपछि चिढिएका चन्द आफनो छोरा जयन्तलाई पनि सुनिलले सम्हालेकै आपुर्ति मन्त्री बनाउन चाहन्थ्ये तर यो मन्त्रालय एमोओवादीको भागमा परिसकेको छ । तर दुबै मन्त्रालय दिपक बोहोराले ओगटेर बसेका छन् । बाँकी एक मन्त्रालय कसलाई पठाउने भन्ने निर्णय पार्टीले गर्न सकेको छैन।
पार्टीले निर्णय गर्न नसेकपछि पुर्व प्रम चन्दले ओलीलँई सिधै टोलीफोन गरी जयन्तलाई मन्त्री बनाउन अग्रह गरेको बताइएको छ ।
स्रोेतका अनुसार मन्त्री नबनाएपछि जयन्त घर छाडसमेत डिडेका थिए ।
बाबुले फोन गर्दा पनि फोन रिसिभ नगरेपछि मात्र पुर्व प्रम चन्दले प्रधानमन्धी लानई फोन गरेको बताइएको छ । जवाफमा ओलीले केही दिन पर्खन चन्दलाई आग्रह गरेको बुभिएको छ । आजको बुधबारमा समाचार छ ।
nepalsandesh

काठमाडौं, २९ पुस । नेपालमा अर्को शक्तिशाली भूकम्पको सम्भावना एक बेलायती अध्ययनले औँल्याएको छ ।
टेक्टोनिक प्लेटको घर्षणले गत वैशाखमा गोरखा, बारपाक केन्द्र बनाएर गएको शक्तिशाली भूकम्पजस्तै अर्को भूकम्प फेरि जान सक्ने सम्भावना सार्वजनिक एक अन्तर्राष्ट्रिय अध्ययनले सोमवार गरेको छ ।
भूकम्पको केन्द्र काठमाडौं आसपास हुन सक्ने अध्ययनको निचोड छ । अनुसन्धान समूहका प्रमुख समेत रहेका बेलायती अक्सफोर्ड विश्वविद्यालयका प्राध्यापक जोन एलियटको आफ्नो अनुसन्धान निचोडबारे सोमवार विज्ञप्ति जारी गर्दै टेक्टोनिक प्लेट घर्षणले गहिराइबाट चिरा परी सतहतर्फ आएको ऊर्जा राजधानी काठमाडौंको सतहबाट ११ किलोमिटर मुनि रोकिएर बसेको जनाएको समाचार नागरिक दैनिकले छापेको छ ।
वैशाखको भूकम्प अध्ययनमा संलग्न उक्त अनुसन्धाता समूहले राजधानी काठमाडौंको सतहमुनि नै टेक्टोनिक घर्षणको स्म्भावना औल्याएको हो ।
काठमाडौंको सतहमुनि ऊर्जा अड्किए पनि मास्तिरको भाग चिरा नपरेका कारण गत वर्ष सबै ऊर्जा बाहिर निस्कन नपाएको अध्ययनले देखाएको छ ।
यसको अर्थ काठमाडौंमा फेरि अर्को ठूलो भूकम्प जाने सम्भावना बाँकी नै रहेको नेचर जोयोसाइन्स जर्नलमा प्रकाशित जोनकै अनुसन्धानकर्ता समूहको लेखमा उल्लेख छ ।
अनुसन्धानकर्ताका अनुसार ऊर्जा जमिनुनि अड्किएकै कारण अर्को शक्तिशाली भूकम्प सयौँ वजर्षमा नभएर केही वर्ष वा केही दशकभित्रै जाने प्रबल सम्भावना छ ।
जमिनमुनि बैशाखको भूकम्पले पारेको चिराको माथिल्लो भागमा ऊर्जाको दबाब निरन्तर बढ्दो छ ।
dainiknepal

श्री सूर्य दक्षिणायन, हेमन्त ऋतु, कीलकनाम संवत्सर, शाके १९३७, विक्रमसम्वत २०७२ साल पुष २९ गते बुधवार नेपाल सम्बत ११३६ पोहेलाथ्व, सन् २०१६ जनवरी १३ तारिक शुक्लपक्ष चौथि तिथि राती २ वजेर १८ मिनेटसम्म, धनेष्ठा नक्षत्र विहान ९ वजेर २ मिनेटसम्म, व्याघातयोग राती ४ वजेर ५ मिनेटसम्म, वणिज करण अपरान्ह ३ वजेर १६ मिनेटसम्म, आनन्दादियोग मित्र,सूर्य धनु राशीमा, चन्द्रमा कुम्भ राशीमा ।

मेषः– आकस्मिक आम्दानीको योग देखिन्छ । बक्यौता रकम पनि उठाउन सकिने छ । घर परिवारबाट सुख शान्ति मिल्नेछ । नोकरीमा अवसर तथा राजनीतिमा विजय यात्रा शुरु हुने छ ।

वृषः– मनोवञ्छित कार्य सफलताले मनमा उमङ्ग बढ्ने छ । नाकरी तथा राजनीतिमा नयाँ अवसर प्राप्त हुन सक्छ । स्वदेश मात्र होइन वैदेशिक कामबाट पनि लाभान्वित भइने छ ।

मिथुनः– सोच विचार काम गर्नु होला । अरुले धोका दिन सक्छन् चनाखो रहनु होला । इज्जत प्रतिष्ठा गिराउन खोज्ने छन् । आफ्ना कामले भन्दा अरुका कामले प्राथमिकता पाउने छ ।

कर्कटः– समय प्रतिकुल छ । काम गरेर उपलब्धि हात लाग्यो शून्य होला । व्यापार व्यवसायमा आएको मन्दि काय रहन सक्छ । स्वास्थ्यमा असर पर्ने छ । आर्थिक संकट आर्ई लाग्न सक्छ ।

सिंहः– प्रेमम सफल हुनुहुनेछ । जीवन साथिबाट सहयोग पाईने छ । व्यापारबाट आय आर्जन राम्रो हुने छ,उपेक्षा गरेर काम नगर्नु होला । हरेक काम गर्दा संवेदनशिल हुनु आवस्यक छ ।

कन्याः– उच्च मनोबलका साथ काम गर्नु होला । स्वाथ्यमा सुधार आउने छ । प्रतिश्पर्धामा अगाडि हुनुहुने छ । इच्छाशक्ति बढ्ने छ । व्यापार व्यवसायबाट आय आर्जन बढ्ने छ ।

तुलाः– अन्योलमा नपरि काम गर्नु होला । पढाई लेखाईमा प्रगति हुने छ । समयको गति सँग हिड्न सकिएन भने पछि परिने छ,आफुले लिने ठाँउ अरुले लिने छन् । व्यापारबाट सन्तुष्टि मिल्ने छैन ।

वृश्चिकः– परिवारिक सुख मिल्ने छ । काम गर्ने जोश जागर भने घट्न सक्छ । विलासिता तिर मन आकर्षित हुने छ । नयाँ काममा हात नहाल्नु होला । व्यापार व्यवसायबाट कम लाभ होला ।

धनुः–कार्य क्षमता घट्ने छैन । आर्थिक राहतका कार्यक्रम अगाडि बढ्ने छन् । सवैलाई आफन्त र सवैलाई पराई नसंझनु होला । व्यवहार गर्दा चिनेर मात्रै काम गर्नु होला ।

मकरः– संचित धन बढ्ने छ । आफन्तबाट सहयोग सहनुभूति मिल्ने छ । वोलिका कारण टाढाका पनि नजिक हुने छन् ।आर्थिक कारोवार गर्दा बढि चनाखो रहनु आवश्यक छ ।

कुम्भः– उच्च आकांक्षाका साथ काममा लागिने छ र सफलता पनि मिल्ने देखिन्छ । काम गरे प्रशस्त पैसा कमाउन सकिने छ । लगानीका क्षेत्रमा हात नहाल्नुहोला पछि पश्चताप हुृनेछ ।

मिनः– दिन सामान्य देखिन्छ । खर्चको मात्रा बढ्न सक्छ । आफन्तसँगको भेटघाटमा समय र धन बढि खर्र्च हुने देखिन्छ । व्यापार व्यवसायबाट आशातित लाभ लिन सकिने छैन ।

एजेन्सी । जाडो मौसम सुरु भएको छ र यो मौसममा अनेकौं रोग र समस्याहरु पनि साथै आउने गर्छन् । यिनीहरुमा कफ (रुघाखोकी) पनि एउटा हो । खोकी लाग्नुको एउटा ठूलो कारण हो टाउको, खुट्टा, छाती र कानमा लाग्ने चिसो हावा ।

रुघाखोकीबाट बच्ने उपायहरु यसप्रकार छन् । जसमा खानाका परिकारमा ध्यान दिनुपर्नेमा जोड दिइएको छ :
१) जाडो मौसममा मानिसहरुलाई रुघाखोकीको समस्या हुनु सामान्य जस्तै भएको छ । जाडोमा अधिकांश मानिसहरुको डाइट(मोटोपना) बढ्छ । त्यसकारण ती परिकारको सेवन गर्नबाट बच्नुपर्छ जसले रुघाखोकी लाग्छ । रुघाखोकी पानी र चिल्लो पदार्थको प्रतीक हो । आयुर्वेदमा खोकीलाई भारी, जाडो, मृदु, चिल्लो, मीठा र स्थिर आदि गुणबाट युक्त मानिएको छ । शरीरमा सिगान बग्ने समस्या धेरै समयसम्म रहन्छ, र कैयौपटक एकदमै पीडा पनि हुन्छ ।
२) दूधबाट बनेको बस्तुहरु नखानुस् किनकि नाकबाट सिगान धेरै बग्छ । जाडोमा सिगान बग्न नदिन यो उत्तम उपाय हो । चिल्लो पदार्थ भरिएको बस्तु, जस्तै घ्यू, मक्खन तेलको प्रयोग नगर्नुस् ।

हिन्दु धर्मका ग्रन्थहरूमा कतिपय यस्ता कथाहरू उल्लेख गरिएका छन्, जुन रोचक मात्र नभएर त्यसले विशेष प्रकारका सन्देश पनि बोकेका हुन्छन्। महाभारतमा पनि यस्ता धेरै कथाप्रसङ्गहरू छन्, जसलाई खासै ख्याल नगरिए पनि शिक्षाप्रद मानिन्छन।

पवित्र महाभारत ग्रन्थका ४ रहस्यमय कथाप्रसङ्गहरू, जुन तपाईँलाई थाहा नहुन सक्छ।

१. अर्जुन बने हिजँडा

न्द्रलोकमा, अप्सरा उर्वसीले अर्जुनसँग प्रेमको प्रस्ताव राख्छिन्, तर अर्जुनले उनलाई “आमा”को संज्ञा दिएपछि, उर्वसी क्रोधित भई अर्जुनलाई श्राप दिन्छिन्। पुरुष्व गुमोस भनी उर्वसीले श्राप दिएको कुरा इन्द्रलाई थाहा हुन्छ। त्यसपछि इन्द्रदेवले अर्जुनलाई सोही श्रापले एकदिन साथ दिनेछ र पछि फेरि पुरुषत्व फिर्ता हुनेछ भनी भविष्यवाणी गर्छन्।

नभन्दै, कुरुक्षेत्रको युद्धको बेला उर्वसीको श्रापले अर्जुनलाई साथ दिन्छ। १२ वर्षको वनबासपछि, पाण्डवहरूले राजा विराटको महलमा १ वर्ष बिताउनुपर्ने थियो। अर्जुनले आफूलाई लागेको श्रापको सदुपयोग गरी ‘ब्रिहानल्ला’ नाम गरेको हिजँडा बनी बसेका थिए।

२. कृष्णले वाचा तोडे

महाभारतको युद्ध अगावै, कृष्णले कुनै पनि हतियार नउठाउने वाचा गरेका थिए। साथै, भिष्मपितामहले पनि युद्धमा सहभागी भएर अर्जुनको वध गर्ने र कृष्णलाई वाचा तोड्न बाध्य बनाउने वाचा दुर्योधनसँग गरेका थिए। अर्जुन र भिष्मपितामहको घमासान युद्ध भयो। हुन त अर्जुन पनि महावीर योद्धा थिए, तैपनि भिष्मपितामहको अगाडि उनको कुनै सीप लागेन। भिष्मपितामहले हानेको वाणले अर्जुनको कवच तोडेर धनुष पनि भाँचिदियो। भिष्मको क्रोधको अगाडि अर्जुन साहाराविहीन भैसकेका थिए।

त्यसपछि, जब भिष्मले अर्जुनलाई वध गर्नको लागि वाण उठाए, श्रीकृष्णले सहन नसकी आफ्नो रथबाट उत्रिई रथको पाङ्ग्रा उठाएर भिष्मलाई मार्ने ध्येयले प्रहार गर्न लागे। यो देखि अर्जुनले कृष्णलाई सम्हाल्न प्रयास गरे, तर कृष्णले आफ्नो चेलाको सुरक्षाको लागि जस्तोसुकै वाचा पनि तोड्ने कुरा गरेपछि अर्जुन स्तब्ध भएका थिए।

३. महाभारत युद्धमा कृष्ण कसरी पाण्डवको पक्षमा आए?

महाभारतको युद्धको लागि कृष्णको साथ माग्न दुर्योधन र अर्जुन दुवै द्वारिका पुगेका थिए। दुईमध्ये द्वारिका पहिला पुग्ने दुर्योधन थिए। तर, सत्याकीले कृष्ण सुतिरहेको बताएपछि, दुर्योधन र अर्जुन कृष्ण सुतेकै ठाउँ छिरे। कृष्ण सुतेको कोठामा पनि दुर्योधन नै अगाडि छिरे र कृष्णको टाउको भएतर्फ उभ्भिए। अर्जुन चाहिँ कृष्णको पाउतर्फ उभ्भिई दुई हात जोडी प्रणाम गरे।

त्यसपछि कृष्ण आफ्नो निन्द्राबाट उठ्दा आफ्नो अगाडि अर्जुनलाई दुई हात जोडेको देखे। दुर्योधनले आफू पहिला आएको भन्दै कृष्णलाई कौरवहरूको साथ दिनलाई आग्रह गरे। तर कृष्णले मुस्कुराउँदै, सुरुमा अर्जुनलाई देखेका हुनाले पाण्डव र कौरव दुवैको साथ दिनुपर्ने कुरा बताए। फेरि कृष्णले युद्धमा कुनै पनि हतियार नउठाउने वाचा गरेका थिए।

सुरुमा कान्छो व्यक्तिले पालो पाउने धर्मको नियम रहेको हुनाले, कृष्णले सुरुमा पाण्डवहरूको साथ दिने निर्णय गरे। यो निर्णय सुनी अर्जुनले आँखाभरी आँशु लिँदै कृष्णको पाउमा शरण लिन पुगे। यो निर्णय देखि दुर्योधन पनि खुसी थिए। पछि, महाभारत युद्धमा कृष्ण अर्जुनको सारथी बनेका थिए।

४. युधिष्ठिरको सत्य बोली

महाभारतमा युधिष्ठिरलाई कहिल्यै पनि झुट नबोल्ने योद्धाको रूपमा चिनिन्छ। तर, महाभारतको युद्धमा, द्रोणले पाण्डवका हजारौँ लडाकुहरूलाई मारेको देखेर कृष्णले एउटा जुक्ति निकाले। द्रोणलाई उसको छोरा ‘अस्वथ्थमा’को मृत्यु भएको कुरा सुनाउने निर्णय भयो, ताकी द्रोणाले आफ्नो हतियार फाल्नेछन् र सजिलै वध गर्न सकिनेछ।

यो जुक्तिलाई काममा ल्याउन भीमले अस्वथ्थमा नाम गरेको हात्तीको वध गर्छन् र द्रोणले सुन्ने गरी अस्वथ्थमा मरेको घोषणा गर्छन्। यो कुरा सुनेर द्रोणले सत्य कुरा थाहा पाउनको लागि युधिष्ठिरलाई सोध्छन्। तर युधिष्ठिरले झुट बोल्न पनि सक्दैनन् र झुट नबोले द्रोणले आफ्ना सबै योद्धाहरूलाई मारिदिन्छन् भन्ने सोँचले ‘प्रहा कुञ्जरा हाः” भन्छन् (मानिस मरेको हो कि हात्ती मरेको हो थाहा छैन)। युधिष्ठिरले झुट बोल्न सक्दैनन् भन्ने कुरा कृष्णलाई थाहा थियो त्यसैले सबै योद्धाहरूलाई चर्को आवाजमा ढोलक बजाउन आदेश दिन्छन्, ताकि युधिष्ठिरले बोलेको द्रोणले नसुनुन।

त्यसपछि, द्रोणले आफ्नो छोराको मृत्यु भएको ठानेर गरेर शोकाकुल हुन्छन् र आफ्नो हतियार फालिदिन्छन्, पछि उनलाई ‘धृष्टध्युम्न’ले वध गर्छन्।nepaliheadlines

काठमाडौँ । चिसो बढेसँगै अचानक टाउको दुख्ने र बान्ता हुने समस्या देखिएपछि जाजरकोट डल्ली कालिमाटीकी द्वारिका रावललाई उनको परिवारले हतारिँदै नेपालगन्ज अस्पताल पुर्‍याए । १८ वर्षकी द्वारिकालाई सिटिस्क्यान गर्दा टाउकोमा रगत जमेको पाइएपछि शल्यक्रिया गर्नुपरेको थियो ।

तीन वर्षअघि शल्यक्रिया गरिएको भए पनि प्रत्येक वर्ष चिसो बढ्दा उनलाई पुनः बान्ता हुने र टाउको दुख्ने समस्या भइरहेको उनका बुबा मनबहादुर रावलले बताए । यी केही उदाहरण मात्र हुन् ।
यस्तै, हेटौँडाका पुरुषोत्तम गोर्खालीको अचानक रक्तचाप बढेपछि उनको टाउकोमा रगत जम्मा भएपछि एक भाग नचल्ने (पक्षघात) भएको उनकी श्रीमती मनेश्वरी गोर्खालीले बताइन् । जाडोको समयमा अरु समयमा भन्दा रक्तचाप बढी भई अचानक बान्ता हुने टाउको दुख्ने समस्या भएका बिरामीको सङ्ख्या बढेको वरिष्ठ स्नायु शल्यचिकित्सक डा वसन्त पन्त बताउँछन् ।
उनले अहिले स्नायु अस्पतालमा पक्षघात र स्ट्रोक (नसा फुटेर रगत बग्ने वा नसामा बन्द हुने) का बिरामीले भरिएको बताए । उनले भने, “स्ट्रोक भन्नाले रगतको नसा फुटेर वा कुनै नसा बन्द भएको अवस्थालाई भनिन्छ । यस्तो भएको मानिस अचानक बेहोस हुने, बान्ता गर्ने वा पक्षघात (प्यारालाइसिस) भई शरीरको कुनै एक भाग नचल्ने पनि हुनसक्छ ।”
उनका अनुसार जाडोमा स्ट्रोकका बिरामी बढी हुन्छन् । तर नसा फुटेर रक्तस्राव भएका बिरामी अझ बढी आउने गरेका छन् । बिहानै चिसोमा काम गर्ने, मर्निङ वाकमा जाने मानिसमा रक्तचाप अनियन्त्रित भएर पक्षघात, दीर्घरोग, मुटुसम्बन्धी रोग लाग्ने सम्भावना बढी हुने चिकित्सकको भनाइ छ ।

सेक्स प्राकृतिक पक्ष हो र यो अपरिहार्य छ । एक अर्कामा समन्वय, समझदारी र सौहार्दपूर्ण वातावरणमा गरिएको सेक्सले मानिसको जीवनमा सकारात्मक असर पुर्याउँदछ । पार्टनरको भावना बुझेर र तरिका मिलाएर गरिएको सेक्सले बढि आनन्द दिने गर्दछ तर, सही समय नआई चालिएको कदमले पुरै सेक्स मुड नै बिगार्न सक्दछ । सेक्स मुड नबिग्रियोस् भन्ने चाहनुहुन्छ भने यी कुराहरु नगर्नुहोस्ः
१. किस नगर्नेः धेरै मानिसहरु प्रायः महिलाले सेक्स गरिरहेको बेला आफ्नो पार्टनरलाई किस गर्दैनन् । सेक्स गर्दा किस गर्न नमिलेर हुनसक्छ अथवा उनीहरुलाई क्लाइमेक्स पुग्न हतार भएर पनि किस नगरिरहेका हुनसक्छन् । तर, सेक्स गर्दा किस गर्नुलाई उपयुक्त मानिन्छ किनभने यसले एकअर्कामा मायाको भावना ल्याउने गर्दछ ।
२. आफ्नो पार्टनर तयार हुनुपूर्व टोक्नुः धेरै मानिसहरुले सेक्सको मामलामा आफ्नो पार्टनर वाइल्ड नै मनपराउँछन् तर, आफ्नो पार्टनर सेक्सका लागि तयार हुनुपूर्व नै शरीरको कुनै पनि भागमा टोक्नुभयो भने दुखाई र असजिलोपनले गर्दा पूरै सेक्स मुड अफ हुनसक्छ त्यसकारण आफ्नो पार्टनर पूरै उत्तेजित भएपछि मात्र उनको कान, कुम, घाँटी र शरीरको अरु भागमा टोक्ने गर्दा राम्रो हुन्छ ।
३. आनन्द दिने शरीरका भाग बिर्सनुः यौनाङ्ग चलाउँदा यौनसन्तुष्टि प्राप्त हुने कुरा सबैलाई थाहा छ तर यसको अलावा आफ्नो पार्टनरको शरीरका अरु भागलाई पनि ध्यान दिनुहोस् । घुँडा, नाडी, पिठ्युँ र पेट महिला र पुरुषहरुका लागि बढी संबेदनशील हुने भएका कारण यी भागहरुलाई सुम्सुम्याउने गरेमा बढि यौनसन्तुष्टि प्राप्त हुन्छ ।
४. आफ्नो तौल पार्टनरमा थुपर्नुः यदि तपाईं महिला हुनुहुन्छ भने पनि आफूलाई आफ्नो पार्टनरलाई सुम्पनु राम्रो कुरा हो तर यदि तपाईं आफ्नो पार्टनरको माथि बसिरहनुभएको छ भने सास फेर्न नसक्ने गरेर आफ्नो तौल उनीहरुमाथि नथुपार्नुहोस् यसले सेक्स मुड बिगार्ने सम्भावना निकै हुन्छ ।
५. चरमोत्कर्ष निकै चाँडै / ढिलोः यो बुँदा पुरुषहरुका लागि उपयुक्त हुन्छ । पुरुषहरुले सही समयमा चरमोत्कर्षमा पुग्नको लागि आफ्नो मांसपेशीलाई कन्ट्रोल गर्नसक्न पर्छ । यदि चरमोत्कर्षमा छिट्टै पुग्नुभयो भने तपाईंले आफ्नो पार्टनरलाई आनन्द दिन सक्नुहुन्न र यदि धेरै ढिला गर्नुभयो भने पनि बोर मानेर गर्नुहुनेछ । यस्तो समस्या हटाउनको लागि फोरप्लेमा धेरै समय बिताउनुहोस् ।
६. सेक्सलाई पोर्नको रुपमा हेर्नुः कोहि मानिसहरु वाइल्ड सेक्सप्रति आकर्षित हुन्छन् । यस्तो सेक्स रुचाउनुहुन्छ भने आफ्नो पार्टनरसँग कुरा गरेर मात्र वाइल्ड सेक्समा सरिक हुनुहोस् ।
७. चुपलागेर बस्ने गर्नुः यदि तपाईंको पार्टनरले राम्रो महसुस गरिरहेको छ भने तपाईंलाई थाहा हुन मनलागे जस्तै सेक्स गर्दा आफूलाई केहि कुरा मनपर्यो भने पार्टनरलाई बताउने गर्नुहोस् यसले तपाईंको पार्टनरलाई आफूले के गर्दा राम्रो हुन्छ भन्ने कुरा थाहा हुन्छ र प्रोत्साहन पनि दिन्छ ।

मंगलबार, २८ पुष
काठमाडौं । चुलाचुलामा ग्याँसको पाइप पुर्‍याउने प्रधानमन्त्रीको घोषणापछि मन्त्रीहरुका पनि यस्तै घोषणाहरु आउन थालेका छन् ।
प्रधानमन्त्रीको ग्याँस पाइपबाट पुर्‍याउने घोषणाको सामाजिक सञ्जालमा मजाक उडाइरहेका बेला उपप्रधान तथा परराष्ट्रमन्त्री कमल थापाले पनि यस्तै घोषणा गरेका छन् ।
उनले अबको दुई वर्षभित्र घरघरमा सोलार र सबै गाविसमा मोटरबाटो पुर्‍याउने घोषणा गरेका हुन् । काठमाडौं महनगरपालिको २७ औं नगरपरिषदबाट पारित बजेट तथा कार्यक्रम सार्वजनिक गर्ने कार्यक्रममा उपप्रधानमन्त्री थापाले भने दुई वर्षभित्र सबै गाविसमा मोटरबाट पुर्‍याउने गरी कार्यक्रम घोषणा हुन लागेको बताए ।
सरकारी तथ्यांकअनुसार अहिले काठमाडौं उपत्यकामा नै सडकको लम्बाई भन्दा सवारी साधनको कुल लम्बाई बढी छ भने देशभरमा ३ हजार ५ सय गाविसमध्ये अझै ५ सय गाविसममा सडक सञ्जाल पुग्न सकेको छैन ।
उनले सबैको घरमा सोलर पुर्‍याउने गरी कार्यक्रम सञ्चालन गर्न लागेको समेत बताए । यसबाट देशमा रहेको उर्जा संकटलाई कम गर्न मद्दत पुग्ने उनको विश्वास छ ।
उनले सरकारले स्थानीय निकायको निर्वाचनका लागि सरकारले तयारी थालिकसकेको पनि जानकारी दिए ।
nepalsandesh

एजेन्सी । मानव जीवनका पानीको महत्व धेरै छ । हामी पानी त खान्छौं तर, विहान खाली पेट खाँदा निकै फाइदाजनक हुन्छ । यदि तपाइले विहानै पानी पिउने बानी पार्नुभयो भने विभिन्न रोगबाट बच्न सक्नुहुनेछ ।
खाली पेट पानी पिउँदा हाम्रो शरिरमा भएको टक्सिन सफा भई रगत शुद्ध बनाउँछ । बिहानै ४ गिलास पानी पिउन सके हामीलाई तन्दुरुस्ती प्राप्त हुन्छ । तपाई बिहानै यति धेरै पानी पिउन सक्नु हुन्न भने दैनिक १ गिलासबाट शुरु गर्नुहोस् र मात्रा बढाउँदै लैजानुस् ।
बिहान उठेर पानी पिउनुका फाइदा
– बिहानै उठेर पानी पिउँदा शरिरभित्र रहेका हानीकारक तत्व सफा हुन गई रगत सफा हुने र छालासमेत स्वस्थ भई चमक आउँछ ।
– बिहानै पानी पिउने गरे शरिरलाई आवश्यक पर्ने तन्तु र कोशिका निर्माण हुँदै जान्छ भने शरिरका माँसपेशीसमेत बलियो हुन्छ ।
– खाली पेटमा पानी पिउँदा मेटाबोलिज्म सक्रिय हुन्छ । यदि तपाई आफ्नो तौल घटाउन चाहनु हुन्छ भने बिहान पानी पिउन शुरु गरिहाल्नुस् ।
– बिहानै उठेर पानी पिउनेहरुमा कब्जियतका समस्या हुँदैन । बिहान पेट सफा भएपछि खाएको खाने कुराले शरिरलाई पूर्ण पोषण र शक्ति प्रदान गर्छ । कब्जियत नभएपछि पेटमा अन्य रोग लाग्ने सम्भावना न्यून हुन्छ ।
– बिहानै उठेर पानी पिउँदा घाँटी, पिसाब र मृगौला सफा भई अन्य रोगलाई समेत पन्छाउन सकिन्छ । त्यस्तै, महिलाहरुको महिनावारी समेत समयमै हुन्छ ।
dainiknepal

काठमाडौं:  त्रिभुवन अन्तर्राष्ट्रिय विमानस्थलबाट इजरायली नागरिक नोअम इनबारलाई लागूऔषध चरेस ४८० ग्रामसहित प्रहरीले पक्राउ गरेको छ ।

राहदानी नम्बर २२३१७१५२ बाहक ५९ वर्षीय इनबारले नोटबुकको कभरभित्र राखी कम्मरमा लुकाइछिपाइ लैजान लागेको अवस्थामा सोमबार पक्राउ गरिएको प्रहरीले जनाएको छ ।


उनी कतार एअरको उडानमा काठमाडौँबाट जेनेभा हुँदै दोहा जान लागेको अनुसन्धानको क्रममा खुलेको छ ।
annapurnapost

मंगलबार, २८ पुष

एजेन्सी । संसार विचित्रको छ र विचित्रका खबरहरु सुन्ने गरिएको छ । यस्तै विचित्रको एक खबर आउको छ कि स्पेनका एक पुरुषले कम्तिमा ८ सय सन्तानका बाबु भैसकेका छन् ।
जम्मा ४१ वर्षका साइमन वाटसनले कसरी यती उमेरमै ८ सय बच्चा जन्माए त ? यो निकै रोचक विषय बनेको छ । उनले स्पेनदेखि ताइवानसम्म करिब ९ सय महिलालाई शुक्रकिट दान गरिसकेका छन् ।
उनले विश्वमा कसैले पनि रेकर्ड तोड्न नसक्नेगरि रेकर्ड बनाउने बताएका छन् । उनले यो पनि दाबी गरिरहेका छन् की हरेक हप्ता विश्वका कुनै न कुनै सहरमा उनको एक बच्चा जन्मीरहेको छ ।
उनले आफ्ना सन्तानले संसार ढाक्ने दाबी समेत गरेका छन् । उनले फेसबुक मार्फत् नै आफ्नो शुक्रकीटका ग्राहक खोज्ने गरेका छन् । शुक्रकीट चाहीने महिलाले उनलाई कुनै होटलमा भेट्न सक्नेछन् ।
nepalsandesh

सप्तरी, २८ पुस । पूर्वपश्चिम राजमार्गको भारदह, रुपनी र राजमार्ग क्षेत्रमा जिल्ला प्रशासन कार्यालयले निषेधाज्ञा जारी नै राखेको छ ।
जिल्ला प्रहरी कार्यालयका प्रहरी उपरीक्षक भीमप्रसाद ढकालका अनुसार जिल्लाको भारदह र रुपनीमा बिहान ९ देखि साँझ ६ बजेसम्मका लागि निषेधित क्षेत्र यथावत् नै छ ।
यस्तै पूर्वपश्चिम राजमार्गको कोसी ब्यारेजदेखि बलान खोला र गाईघाट कदमहा सडक खण्डको ५०० मि उत्तर र दक्षिण क्षेत्रमा राति ८ देखि बिहान ७ बजेसम्म निषेधित क्षेत्र कायमै रहेको बताइएको छ ।
गत मङ्सिर ६ गते प्रहरीको गोलीबाट तीन आन्दोलकारी र आन्दोलनका क्रममा करेन्ट लागेर एक जनाको मृत्यु भएपछि भारदह र रुपनीमा निषेधित क्षेत्र कायम गरिएको थियो ।
dainiknepal

भक्तपुर, २८ पुस । नेपाल विद्युत् प्राधिकरण भक्तपुर वितरण केन्द्रले आजदेखि विद्युत्भार कटौती गर्न एक महिने विद्युत् बचाऔं अभियान सुरु गरेको छ ।
उपभोक्तालाई जनचेतना अभिवृद्धि गर्ने र विद्युत्को कम प्रयोग गरी विद्युत् बचाउँदै विद्युत्भार कम गर्न सघाउ पुर्‍याउने उद्देश्यले एक महिने अभियान सुरु गरिएको हो । अभियानअन्तर्गत प्राधिकरणका कर्मचारीले महसुल तिर्न आउने ग्राहकलाई खपत कम गरी विद्युत् बचाउन अभिप्रेरित गर्ने र पर्चा दिने कार्य सुरु गरेको केन्द्रका प्रमुख विक्रम अमात्यले बताउनुभयो ।
लाइन आउनु अगाडि नै इन्भटर बन्द गर्ने र लाइन आएको आधा घण्टापछि मात्रै चालु गर्न सुझाउँदै कर्मचारीले लोडसेडिङपछि लाइन आउनु अगाडि नै हिटर, वाटर पम्प, राइस कुकर, फ्रिज, आइरन, एयर कन्डिसन, रुम हिटर, सोलार चार्जर जस्ता विद्युतीय सामाग्री बन्द गर्न अनुरोध गरेका छन् ।
त्यसैगरी बढी विद्युत् खपत हुने सामाग्री एकै पटक नचलाउन आग्रह गरेका छन् भने विद्युत् खपत कम गर्ने बत्तीको प्रयोग गर्न उपभोक्तालाई आग्रह गरेका छन् । उपभोक्ताले विद्युत् बचाउन सके विद्युत्भार कम हुने र अतिरिक्त समयमा ट्रान्समिटर पड्केर, फुयूज गएर हुने विद्युत् कटौती समेत कम हुने प्रमुख अमात्यले बताउनुभयो ।
dainiknepal

मंगलबार, २८ पुष
एजेन्सी । फेसबुक संसारमा धेरै जसो मानिसहरुले प्रयोग गर्ने ठुलो सामाजिक संजाल हो।मासिक रुपमा १.५ बिलियन मानिसहरुले मात्र फेसबुक प्रयोग गर्छन्।
फेसबुकलाई मानिसहरुले व्यक्तिगत रुपमा मात्रै नभई आफ्नो संस्था ,व्यापारको प्रचार प्रसार गर्नको लागि पनि प्रयोग गर्ने गरिरहेका छन्।लाखौँ व्यक्तिहरु आफ्नो प्रोडक्टहरुको मार्केटिङ गर्न समेत फेसबुकको प्रयोग गर्ने गरेका छन्।
त्यस्तो सामाजिक संजालका प्रमुख व्यक्ति मार्क जुकरबर्गलाई धेरै ठुला ठुला कम्पनीहरुले फेसबुक आफुलाई बेच्न भनेर धेरै नै आग्रह गरेका पनि हुन्।कतिपय अफरहरुले मार्क जुकरबर्गलाई समेत दिक्क लाग्ने गरेको बताएका छन्।
त्यस्ता कुन कुन कम्पनीहरु हुन् त जसले फेसबुक आफुलाई बेच्न आग्रह गरे ?
फेसबुक स्थापना भएको ४ महिनामा नै अमेरिका स्थित न्यूयोर्कका एक व्यापारीले फेसबुकलाई १० मिलियन डलरमा बेच्न मार्कलाई आग्रह गरेका थिए तर जुकरवर्गले उनको प्रस्तावलाई ठाडै इन्कार गरेका थिए
त्यस्तै फेसबुकलाई friendster.com ले पनि रुची देखाएको थियो तर फ्रेन्डस्टेरले प्रस्ताव गरे लगत्तै केहि दिनमा फेसबुकले फ्रेन्डस्टेरको लोकप्रियतालाई उछिन्यो
विश्वविख्यात सर्च इन्जिन गुगल कम्पनीले पनि २००४ मै मार्क जुकरवर्गलाई आफ्नो कम्पनीमा काम गर्न आग्रह गरेको थियो
सन् २००५ मा भियाकमले फेसबुकलाई ७५ मिलियन डलरमा किन्न खोजेको थियो तर उनको त्यो आग्रह पनि सफल भएन
२००५ मै माईस्पेसका सीईओले पनि फेसबुकलाई किन्न खोजेका थिए। उनले फेसबुकका मार्क र उनको टिमलाई भेटेर नै सो बारेमा कुरा गरेका थिए तर उनको प्रस्ताव फेसबुकलाई स्वीकार्य भएन।
फेसबुक किन्ने अर्को प्रस्ताव न्युज ग्रुपले पनि गरेको थियो।
भियाकमले पनि फेसबुक बेच्न मार्क जुकरवर्गलाई आग्रह गरेका थिए।त्यसको लागि जुकरवर्ग भियाकम कम्पनी संग कुरा गर्न पनि गए तर उनलाई त्यस कम्पनि संग सम्झौता गर्न रुची भएन र त्यो काम पनि अधुरो नै रह्यो।
एनबिसी (NBC) नामक कम्पनीले पनि फेसबुक किन्न रुची देखाएको थियो तर त्यसपछिका काम र योजनाहरु भने अगाडी बढ्न सकेनन्
nepalsandesh

मंगलबार, २८ पुष

काठमाडौं । प्रधानमन्त्री केपी शर्मा ओलीले केही पृथकतावादी शक्तिले मुलुक टुक्राउने षडयन्त्र गरेकाले सबै मिलेर तीनिहरुको षड्यन्त्र समाप्त पार्नुपर्ने बताएका छन् ।
मंगलबार नेपाल प्रज्ञा प्रतिष्ठानको ३० औं वार्षीकोत्सव समारोहमा बोल्दै प्रंधानमन्त्री ओलीले देश टुक्राउयने सपना देख्नेहरुलाई सरकारले नछाड्ने पनि बताए ।
उनले देश टुक्राउने षडयन्त्र गर्ने पृथकतावादीलाई सबै मिलेर परास्त गर्नुपर्ने भएकाले सबै नेपाली एक स्थानमा उभिनुपर्ने बेला आएको बताए ।
प्रधानमन्त्री ओलीले नेपाली जनता एक भएकाले राष्ट्रिय एकता माथि प्रश्न खडा गर्नखोज्नेहरु समाप्त हुने बताए । प्रधानमन्त्री ओलीले पछिल्लो समय आफुले बोलेका कुराहरुलाई हावादारी भन्दै उडाइएको भन्दै काम गरेर देखाइदिने बताए ।
उनले देश विकास गर्छु भन्दा टाउको दुखाउनेहरुको मानसिकता कमजोर भएको बताए । प्रधानमन्त्री ओलीले अब मधेसी मोर्चासँग सहमति गरेर अघि बढ्ने र देश विकासमा लाग्ने पनि बताए ।
nepalsandesh

काठमाडौं : प्रधानमन्त्री केपी शर्मा ओलीले आफूले आधुनिक नेपालका योजना र सपना बताउँदा पनि संचारमाध्यमले त्यसलाई गलत रुपमा तोडमोड गरेर उडाएको आक्रोश पोखेका छन्।

नेपाल प्रज्ञा प्रतिष्ठानको ३० औं प्राज्ञसभालाई मंगलवार सम्बोधन गर्दै प्रधानमन्त्री ओलीले भने, 'मैले समृद्ध नेपालको योजना बुन्न र सपना देख्‍न पनि नपाउने ? जे कुरा गरे पनि उडाउने ? तर जति उडाए पनि म काम गरेर देखाउँछु।

ओलीले जनताले भोगिरहेको सकस र पीडा आफूले अनुभव गरेक बताउँदै भने,‘जनता यतिबेला कस्तो सकसमा  बाँचेका छन् मलाई थाहा छ। त्यसबाट मुक्त बनाउन योजना बनाउँदा र त्यसबारे बताउँदा मजाक सम्झेर उडाउनु ठीक होइन।'

ओलीले आफूलाई हास्यकलाकारलाई माथ गरेको भनी आएका चर्चा र टिप्पणीप्रति संकेत गर्दै भने, 'यहाँ राम्रो कुरा गर्नै नहुने भो। जिब्रो नै थुत्लान् जस्तो गर्छन्। हुँदाहुँदा मैले हास्यकलाकारलाई पनि पराजित गरेको भनेछन्।'

ओलीले जसले जे भने पनि आफू आफ्नो योजना र सपनाप्रति इमान्दार एवं दृढ रहेको बताउँदै भने, अहिले हावादारी कुरा गर्‍यो भन्नेहरुले पछि काम देखेर थाहा पाउनेछन्। त्यो दिन आउनेछ।'
annapurnapost

काठमाडौं: एनसेलले आफ्ना प्रिपेड ग्राहकलाई लक्ष्ति गरेर ८६ पैसा प्रतिमिनेटमा कुरा गर्न सक्ने योजना ल्याएको छ। उत्त योजना एनसेलको नेटवर्क भित्र मात्र उपलब्ध रहनेछ।

भ्वाईस सेवालाई अझ सुलभ बनाउन नेपालमै पहिलो पटक 'एनसेल भ्वाइस प्याक' योजना ल्याएको एनसेलले दाबी गरेको छ। उत्त योजना अन्र्तगत ग्राहकले आफ्नो आवश्यकता अनुसार दैनिक वा साप्ताहिक भ्वाईस प्याक लिन सक्छन्।


दैनिक प्याकमा ११ मिनेट टक टाईम रहेको छ। त्यसको मूल्य कर सहित ११ रुपैयाँ रहेको छ । दैनिक प्याक लिई ग्राहकले कर सहित १ रुपैयाँ प्रति मिनेटको दरमा कुनै पनि अर्को एनसेल नम्बरमा कल गर्न सक्छन्।

साप्ताहिक भ्वाइस प्याकमा ७० मिनेट टक टाइम रहेको र यसको मूल्य कर सहित ६० रुपैयाँ रहेको छ। साप्ताहिक प्याक लिँदा ग्राहकले कर सहित ८६ पैसा प्रतिमिनेटमा एनसेलको अर्को कुनै पनि नम्बरमा कल गर्न सक्छन्। यो योजना पुस २८ गते बाट सुरु भई ३ महिना सम्म लागु हुनेछ।

दैनिक प्याकको मान्य अवधि २४ घण्टा सम्म रहेको छ। साप्ताहिक प्याकको अवधि ७ दिनसम्म रहने छ। प्याकको टक टाइम वा समयावधि सकिए पछि विद्यमान शुल्क लाग्ने छ।

विद्यमान शुल्क अनुसार एनसेलको एउटा नम्बरबाट अर्कोमा कुरा गर्दा प्रतिमिनेट कर सहित २.५० रुपैयाँ पर्दछ।

'सुलभ दरमा गुणस्तरिय सेवाउ पलब्ध गराउने प्रतिबद्धता बमोजिम आफ्ना ग्राहकका लागि यो भ्वाइस प्याक ल्याउन पाउँदा हामी हर्षित छौं। नेटवर्क आधुनिकिकरण पछि आएको यो भ्वाइस प्याकले ग्राकहलाई थप भ्याल्यु प्रदान गर्ने कुरामा हामी विश्वस्त छौ' एनसेलकाकर्पोरेट संवाद विज्ञ मिलन शर्माले भने।

एनसेलका अनुसार ग्राहकले आफ्नो आवश्यकता अनुसार जति पटक पनि यो प्याक लिन सक्नेछन्। ग्राहकले १७११८ मा डायल गरी प्राप्तजानकारी अनुसार १ थिचेर दैनिक वा २ थिचेर साप्ताहिक भ्वाइस प्याक खरिद गर्न सक्छन्। त्यसैगरी ८१७११८३ डायल गरी १थिचेर दैनिक र २ थिचेर साप्ताहिक भ्वाइस प्याक खरिद गर्न सकिन्छ।

एसएमएस मार्फत यो लिदा दैनिक प्याकका लागि ११ र साप्ताहिक प्याकका लागि ६० टाइप गरी १७११८ मा पठाउन पर्नेहुन्छ। यस बाहेकग्राहकले एनसेल मोवाइल एपबाट यी प्याकहरु सहजै लिन सक्छन्। ग्राहक आफैले पनि ८९०१३ डायल गरी आफ्नो बाँकी भ्वाइस प्याक मिनेटको बारेमा जानकारी लिन सक्नेछन्।

'हाम्रा ग्राहकका लागि भ्वाइस सेवा अझै पनि महत्वपूर्ण रहेकोले यो नयाँभ्वाइस प्याकले उत्कृष्ट ग्राहक अनुभव प्रदान गर्ने विश्वास छ' शर्माले भने। सुलभ दरमा गुणस्तरिय सेवा उपलब्ध गराउने प्रतिबद्धता बमोजिम एनसेलले केही समय अघिमात्र आफ्ना डेटा प्याकहरुमा पनि परिमार्जन गरी इन्टरनेटलाई थप सुलभ बनाएको थियो।
annapurnapost

काठमाडौं, २८ पुस । पाकिस्तानका पूर्व राष्ट्रपति परवेज मुशर्रफले सोमवार एकपटक फेरि भारतलाई निशाना बनाएका छन् ।
उनले भारतको रवैया गलत भएको बताए । दोस्तीको हात बढाएर मोदीले पाकिस्तान र मुसलमानलाई सिध्याउने षडयन्त्र गरिरहेको उनको आरोप छ ।
मुशर्रफले यो भन्दा पहिलापनि मोदीको आलोचना गर्दै आएका थिए । पाकिस्तानको एक टेलिभिजनमा अन्तर्वार्ता दिँदै उनले मोदीलाई पाकिस्तान र मुसलमान समुदायबीच दुश्मनी निकालिरहेको बताए । उनले भने- हामीले बीजेपी र कांग्रेस दुबै सरकारसँग काम गर्यौ । त्यो बेला भारतमा अहिलेको जस्तो अवस्था थिएन् अहिले जे हुँदैछ त्यो पार्टीभन्दा अलग व्यक्तिगत मुद्दा हो ।
मुशर्रफले भारत सरकारको नीतिमा प्रश्न उठाउँदै भनेका छन्– मोदीको रवैया मित्रले गर्ने जस्तो छैन् । भारतले नकारात्मक रवैया नअनाओस् ।
मुशर्रफले मोदीमाथि प्रश्न उठाउँदै भने– भारतमा एक प्रधानमन्त्री आएका छन् उनलाई थाहा छैन् की के पाकिस्तानविरुद्ध र मुसलमानविरुद्ध । यो विषय बीजेपी भन्दा पनि मोदीका कारणले भइरहेको छ किनकि मोदी पाकिस्तान र मुसलमान दुबैविरुद्ध उभिएका छन् ।
dainiknepal

पुस २८, २०७२- भूकम्प अतिप्रभावित १४ जिल्लामध्ये सिन्धुपाल्चोक पनि हो ।
गत शुक्रबार सिन्धुपाल्चोकको बराम्ची गाविस जाने मौका मिल्यो । संयोगले त्यहाँ भूकम्पपीडितलाई कम्बल बाँड्ने कार्यक्रम रहेछ ।
 कार्यक्रमका मुख्य संयोजक मोहनप्रसाद ज्ञवालीका अनुसार बराम्ची गाविसको चनौते गाउँका दलित बस्तीलाई लक्षित गरेर कम्बल वितरण गरिने बताए । सोही अनुसार कार्यक्रम अघि बढ्यो ।
\ वितरण कार्यक्रममा जम्मा ६० घरधूरीमध्ये ४८ घरधूरी दलित र अन्य समुदायका पीडित संलग्न थिए । कम्बल वितरण गर्नुअघि म बराम्चीका विशेषगरी वडा नं. ५, २ र ९ घुम्न भ्याएको थिएँ ।
 गाउँलेहरुमा प्राय: कसैको मुख ताकेको भान गर्न त सकिनँ । तर, मलाई कताकता अप्ठेरो भने महसुस भएको थियो । अपरिचित व्यक्ति भएकाले जो कसैले कुन संस्थाबाट के कति कामले पाल्नु भएको भनी सोध्नु कुनै अनौठो रहेन ।
मेरो आफ्नो वास्तविक परिचय दिलाउनु बाहेक अरु दुखम्सुखम्का कुरा गर्नु सायद अपच नै हुन सक्थ्यो । सरकारले घर पुनर्निर्माणको लागि १५ हजार रुपैयाँ राहत दिने भन्ने खबर गाउँलेले जेठ असारमै थाहा पाएका थिए ।
 बर्खाभरि उनीहरुले जोखिम मोलेरै सिर्फ बाँच्नकै लागि संघर्षका दिनहरु गुजारे । अब त हिउँद याम सुरु भएर पनि निख्रिनै आँटेको बेला राजधानी लगायतका सहरहरुमा भूकम्पपीडितका सवालमा ठूलठूला कार्यक्रम ल्याउँदा पनि तिनलाई
 कुनै प्रवाह थिएन । किनभने, सरकारले केवल आशा मात्र देखाउँछ, दिने केही हैन । बरु देशविदेशमा रहेका केही कल्याणकारी संघसंस्था उनीहरुको घरआँगन पुगेर केही राहतका पोका बाँडेको कत्ति पनि बिर्सेका छैनन् ।
 उनीहरुका निम्ति ती राहत सहयोग कार्यक्रमहरु ठूलै उपकारी गुण थिए । यस्तो बेला गाउँका सबै आपसमा मिलेर बाँडचुँड गरेको सुन्दा/देख्दा जो कोही कल्याणकारी व्यक्ति वा संस्था उत्साहित हुनु स्वाभाविक हो ।
‘खास काम हाम्रो अध्ययन अनुसन्धानको हो । तर यस्तो बेला पीडितलाई कनीकुथी सोधपुछ गर्नु, जिज्ञासा तेस्र्याउनु ज्यादा अशोभनीय हुन्छ । यसैलाई मनन गरी यता आउँदाखेरी साथमा यस्तो जाडोको बेला एकदुई
 कम्बल बाँड्नु हाम्रो लागि सानो होला । तर, भत्किएका गोठहरुमा कठ्यांग्रिएर रात कटाइरहेका भूकम्पपीडितलाई त्यो निकै ठूलो हो,’ ज्ञवालीले छोटकरीमै कुरा टुंग्याए–
‘कमसेकम हाम्रो सानो राहतले उनीहरुको जीवनमा कुनै सानै भए पनि बदलाव ल्याएमा त्यो हाम्रो लागि निकै ठूलो धर्म पनि हो ।’
 ज्ञवाली आफ्नो संस्थाका सदस्यहरुसाथ सिन्धुपाल्चोक कार्यक्षेत्र बनाएर सामाजिक अध्ययनका काममा संलग्न थिए ।
एकिकृत सामाजिक विकास एवं अनुसन्धान प्रतिष्ठानको नामले राजधानीमा दर्ता गरिएको संस्था यस्तो पवित्र काम गर्न पाएकोमा खुसी मात्र हैन
 अबका दिनहरुमा यस्ता कामहरुलाई निरन्तरता दिने सो संस्थाका सदस्यहरुले दोहोर्‍याए । कम्बल वितरणका बेला वृद्धवृद्धा, बालबालिका उपस्थित थिए ।
 कोही कसैलाई नदोहोरियोस् भनेर उनीहरु आफैं चनाखो थिए । उनीहरु आफैंले आपसमा भाग लगाए । विशेषगरी दुई जीउ भएका गर्भवती र भूकम्पमा ज्यान गुमाएका
आफन्तका परिवारलाई प्राथमिकता दिएर कम्बल वितरण गरे । असन्तुष्ट कोही थिएनन् । खुसीले तिनको मुहारमा चमक देखिन्थ्यो । उनीहरुको आस पनि ठूलो थिएन । हेर्दै कर्मठ देखिन्थे ।
 कमसेकम मनोबल बढाइदिनकै आवश्यकता देखिन्थ्यो । आफ्नै खेतबारी बाँझो भएको उनीहरु आफैंलाई मन परेको छैन । आफ्नो घरको निर्माणतर्फ विस्तारै आफैं अग्रसर बनेका छन् ।
 जनजीवन सामान्य देखिएता पनि हिउँदे कहर काट्न मामुली छैन । बरु भन्नैपर्छ– आवाज सुनाइदिने, सुनिदिनेको अभाव जो मैंले देखेँ ।

kantipur.ekantipur