फेरि घट्यो डिजेल र मट्टितेलको मूल्य
काठमाडौँ : नेपाल आयल निगमले डिजेल र मट्टितेलको बिक्री मूल्य आज पुनः घटाएको छ । निगमले आइतबार राति १२ बजेदेखि लागू हुने गरी डिजेल र मट्टितेलमा एक-एक रूपैयाँ घटाएको निगमले जनाएको छ ।
निगमका प्रवक्ता दीपक बरालका अनुसार सार्वजनिक यातायातको भाडा कम गर्न सरकारलाई सहयोग होस् भन्ने उद्देश्यले डिजेल र मट्टितेलको मूल्यमा प्रति लिटर एक-एक रूपैयाँ घटाइएको हो ।
उनले अन्तर्राष्ट्रिय बजारमा मूल्य समायोजन नभए पनि सरकारको आग्रहमा बिक्री मूल्य घटाइएको र यसले सम्पूर्ण यात्रुवर्गलाई सहयोग पुग्ने बताए ।
आजदेखि डिजेल र मट्टितेलको मूल्य ८३ रूपैयाँ कायम हुने र पेट्रोल तथा खाना पकाउने ग्यासको मूल्य भने पुरानै कायम हुने जनाएको छ ।
पेट्रोल प्रतिलिटर १०४ रूपैयाँ र खाना पकाउने ग्यास प्रति सिलिण्डर १४०० रूपैयाँ बिक्री मूल्य कायम हुने पनि उनले जानकारी दिए । रासस /annapurnapost.com
0 comments
Write Down Your Responses