जनकपुरमा निषेधित क्षेत्र घोषणा
जनकपुरधाम, २२ भदौ । जिल्ला प्रशासन कार्यालय धनुषाले मङ्गलबारदेखि जनकपुरका केही भागलाई निषेधित क्षेत्र घोषणा गरेको छ ।पछिल्लो २५ दिनदेखि जारी आन्दोलन भड्किन नदिन स्थानीय प्रशासनले दिउँसो १ बजेदेखि केही भागलाई निषेधित क्षेत्र घोषणा गरेको हो ।
निषेधित क्षेत्रभित्र कुनै प्रकारको नारा, जुलुस, विरोध प्रदर्शन, सभालगायतका कार्यक्रम गर्न नपाइने प्रमुख जिल्ला अधिकारी कालीप्रसाद पराजुलीले जानकारी दिनुभयो ।
स्थानीय प्रशासनले जनकपुरका केही भागमा विगत केही दिन अघिदेखि निषेधित क्षेत्र घोषणा गर्दै आएकामा कृष्णाष्टमीलाई ध्यानमा राखेर निषेधित क्षेत्र घोषणा हटाएको थियो । रासस
dainiknepal.com
0 comments
Write Down Your Responses