मधेसी मोर्चाका कार्यकर्ताले ट्राफिक कार्यालय जलाए
राजविराज : मधेसी मोर्चा सप्तरीको आह्वानमा आन्दोलनमा उत्रिएका प्रदर्शनकारीहरुले कञ्चनरुप नपा–५ स्थित अस्थायी ट्राफिक प्रहरी पोस्टमा बुधबार अपरान्ह आगजनी गरी नष्ट गरेका छन् ।
पोर्ताहा गाविस–१ स्थित सडक खण्डमा प्रहरीको गोली लागेर बुधबार विहान सोही ठाउँका ६० वर्र्षीय रामकिसुन राउतको मृत्यु भएपछि उत्तेजित भींडले आगजनी गरेको स्थानीयले बताए ।
भींडलाई तितरवितर पार्न एक सेल अश्रु ग्यास प्रहार गरिएको इलाका प्रहरी कार्यालय कञ्चनरुपले जानकारी दिएको छ ।
मधेसी मोर्चा सम्बद्ध प्रदर्शनकारीहरुले राजमार्ग केन्द्रित भई विभिन्न स्थानमा तेस्र्याएको ढुङ्गा र रुखहरु हटाउन खोज्दा प्हरी र प्रदर्शनकारीहरुबीच बिहान नौबजे पोर्ताहा र भारदहमा झडप भएको थियो ।
सडक अवरुद्ध भएपछि पूर्वबाट प्रहरी स्कर्टिङमा आएका तीनसय सय भन्दा बढी मालबाहक ट्रक तथा यात्रुबाहक बस सुनसरीको झुम्कामा र पश्चिमबाट आएको एक सय बढी सवारीसाधन सिरहाको मिर्चैयामा अलपत्र परेका छन् ।www.annapurnapost.com
0 comments
Write Down Your Responses