मलेसियामा नेपालीहरु कम्पनीबाट छुट्टी लिएरै दसैं मनाएका हुन् । उनीहरुले प्रदेशमा भएपनि एकै ठाउँ भेला भएर दसैंमा खुसी साटासाट गरे ।
कार्यक्रममा दशैंको दिन पनि टीका लगाउन नपाएका नेपालीलाई समुहिक टीका लगाइएको थियो । नेपाली दूतावास मलेसियाका द्धितिय सचिव उत्तम शाहीले सो कार्यक्रममा उपस्थितलाई टीका लगाइदिएका थिए ।
सोही कार्यक्रममा विभिन्न वक्ताले नेपाली नेपालीवीच भाइचार बढाउन यस्तो कार्यक्रम आयोजना गरिएको बताएका थिए ।
कार्यक्रममा प्रवासमा रहेका नेपाली कलाकारले आफ्नो प्रस्तुतीसमेत दिएका थिए । गायक जनक रुचाल, रमेश बानियाँले गीत गाए भने जस्मा लिङ्गदेन, सुमित स्याङ्गतान र विशाल नेगीलगायतले नृत्य प्रस्तुत गरेका थिए ।
मलेसियाका अन्य ठाउँमा रहेका नेपालीलेसमेत सामुहिक टीका लगाएर दसैँ मनाएका छन् । कम्पनीमा रहेका श्रमिकले छुटी लिएरै दसैँ मनाएका हुन् ।
annapurnapost.com
0 comments
Write Down Your Responses