विमानस्थलबाहिर दोहोरो गोली हानाहान, ३७ जनाको मृत्यु
कान्दाहार (अफगानिस्तान), २३ मङ्सिर । अफगानिस्तानको दक्षिणी सहर कान्दाहारमा अवस्थित कान्दाहार विमानस्थल परिसरमा तालिवान आतङ्ककारीले गरेको आक्रमणमा परी मृत्यु हुनेको संख्या ३७ पुगेको बुधबार प्राप्त पछिल्लो समाचारमा जनाइएको छ ।
कान्दाहार प्रान्तका सैनिक कमाण्डर दउद साह वफादारले यस आक्रमणमा ३७ व्यक्तिको मृत्यु भएको जानकारी दिएका छन् ।
अकस्मात तालिवानी लडाकुले विमानस्थल परिसरमा धावा वोल्न थालेपछि यहाँको सेनाले जवाफी कारबाही चलाएको सुरक्षा स्रोतले जनाएको छ ।
बुधबार विहान भएको यस आक्रमणमा कैयौको सङ्ख्याका आतङ्ककारी मारिएको सरकारी दावी रहेको छ । आक्रमण भएको सो इलाका नेटो शिविरसँग जोडिएको बताइएको छ ।
अफगान राष्ट्रपति असरफ घानी क्षेत्रीय सम्मेलनमा भाग लिनको लागि पाकिस्तान पुग्नुभएकै दिन बुधबार यो आक्रमण भएकोे छ । रासस/सिन्ह्वा
dainiknepal
0 comments
Write Down Your Responses