भ्रष्टाचारको आरोप लागेपछि एमाले पोलिब्यूरो सदस्य पौडेलद्धारा राजीनामा
काठमाडौं, २५ मंसिर । अख्तियार दुरुपयोग अनुसन्धान आयोगले भ्रष्टाचारको आशंकामा पत्र पठाएपछि नेकपा एमालेका पोलिटब्यूरो सदस्य डा. विजय पौडेलले राजीनामा दिएका छन् । भ्रष्टाचार जस्तो जघन्य अपराधको आशंकामा अख्तियारले पत्र काटेपछि पार्टीको जिम्मेवार पदमा रहन नैतिकताले नमिल्ने भन्दै पौडेलले राजीनामा दिएका छन् ।
एमाले महासचिव इश्वर पोखरेललाई राजीनामा पत्र बुझाउँदै पौडेलले आफुमाथी गरिएको भ्रष्टाचारको छानविनमा राज्यलाई सहयोग गर्ने समेत बताएका छन् । आफुमाथी अख्तियारले बद्नियतपूर्वक छानविन थालेको जनाउँदै आएका पौडेलले अख्तियारलाई ठाडो जवाफ दिन आफु तयार भएको बताएका छन् ।
अख्तियारले पत्र काटेका २९ जना मध्ये २८ जना उपस्थित भएका छन् । पूर्वराजदुत भोजराज घिमिरे देश बाहिर भएकाले उपस्थित हुन सकेका छैनन् ।yeskathmandu
0 comments
Write Down Your Responses