काँग्रेसको कार्यक्रम मधेसी मोर्चाले बिथोल्यो
जनकपुरधाम, ९ माघ । नेपाली काँग्रेसको महाधिवेशनका सन्दर्भमा धनुषा जिल्ला कार्यसमितिका सभापतिको उम्मेदवारी घोषणा गरिरहेका एक उम्मेदवारको कार्यक्रममा संयुक्त लोकतान्त्रिक मधेसीका मोर्चाका कार्यकर्ताले गतिरोध उत्पन्न गरेका छन् ।
सद्भावना पार्टीका जिल्ला अध्यक्ष सञ्जय सिंह र तराई–मधेस लोकतान्त्रिक पार्टीका जिल्ला अध्यक्ष परमेश्वर साहले मधेस र मधेसी विरोधी दलको कुनै पनि कार्यक्रम धनुषा जिल्लामा हुन नदिने बताउनुभयो ।
मोर्चाका कार्यकर्ताले कार्यक्रमस्थलमा सरकार र तीन दलविरुद्ध नाराबाजी पनि गरेका थिए । काँग्रेसले यही माघ २५ गते निर्धारण गरेको जिल्ला अधिवेशन कुनै पनि अवस्थामा हुन नदिने चेतावनी मोर्चाका कार्यकर्ताले दिएका छन् ।
dainiknepal
0 comments
Write Down Your Responses