रामेछापका दुईजनामा स्वाइन फ्लूको संक्रमण
मन्थली: रामेछापमा एन्फ्ल्युन्जा ‘ए’ (एचवानएनवान) भाइरसबाट संक्रमित दुईजना विरामी भेटिएका छन् । स्थानीय अस्पतालहरुमा स्वास्थ्य जाँचका लागि आएकामध्ये दुर्इजना स्वाइन फ्लूबाट संक्रमित भएको पाइएको हो ।उच्च ज्वरोबाट ग्रस्त भएर उपचार गराउन जिल्ला अस्पताल मन्थली आइपुगेका विरामीमा स्वाई फ्लूको लक्षण देखापरेको हो ।
उपचारका लागि जिल्ला अस्पताल मन्थली आएकामध्ये आठजनाको रगत काठमाडौंस्थित टेकु अस्पतालमा परीक्षण गराउँदा दुईजनामा स्वाइन फ्लूको संक्रमण पोजेटिभ भएको प्रमाणित भएको हो ।
एक सातादेखि ज्वरोको महामारी भएपछि उनीहरुको रगत परीक्षण थालिएको जिल्ला अस्पताल मन्थलीले जनाएको छ ।
अस्तालमा भर्ना हुन आएका विमारीको रगत, खकार दिशा र पिसाव जाँच गर्दापनि रोगको वास्तविक लक्षण पत्ता नलागेपछि उनीहरुको रगत परीक्षणका लागि टेकु अस्पताल पठाइएको थियो ।
टेकु अस्पतालमा रगत परीक्षण गर्दा स्वाइन फ्लूको संक्रमण पोजेटिभ पाइएको मन्थली अस्पताल तथा विश्व स्वास्थ्य संगठनका डा. सुवास न्यौपानेले बताए ।
उनका अनुसार मन्थली अस्पताल तामाकोसी सहकारी अस्पताल र अन्य प्राथमिक स्वास्थ्य चौकीमा उपचार गराइरहेकामा यस्तो संक्रमण पाइएको हो ।
स्वाइन फ्लूको परीक्षण र नियन्त्रणका लागि विश्व स्वास्थ्य संगठनकै अर्का डाक्टर सुवास पाठकसहितको टोली जुटेको छ ।
चिकित्सकहरुले स्वाईन फ्लू संक्रमितहरुको कडा निगरानी गरी विशेष अनुसन्धान थालेका छन् ।
विमारीहरुमा कडा ज्वरो आउने, खोकी लाग्ने र थरथर काम्नेजस्ता लक्षणहरु देखापरेका छन् । यस्तो लक्षण देखापरेका विमारीहरुको जिल्ला अस्पलातमा विशेष निगरानीमा उपचार थालिएको छ ।
जिल्लामा अनौठो र कडा किसिमको ज्वरोसँगै एचवानएनवान एन्फुल्एन्जाको संक्रमण देखापरेपछि सर्वसाधरण त्रसित भएका छन् । उनीहरुले एचवानएनवान एन्फुल्एन्जा स्वाइनफुलु भएको आशंका गरेका छन् ।
लगातारको वर्षासँगै भुकम्प पीडितहरु दुषित पानी पिउने, चिसो ठाउँमा बस्ने र अस्वस्थ खानेकुरा खानुपर्ने बाध्यताका कारण ज्वरोको माहमारी फैलँदै गएको छ । annapurnapost.com
0 comments
Write Down Your Responses