सुशील, देउवा र रामचन्द्रको नाम अब पिटर, मिटर र टोनी !
काठमाडौ : नेपाली काग्रेसका नेता एवम सनातन हिन्दु राष्ट्र महाअभियानका संयोजक खुमबहादुर खड्काले ठूला दलका ठूला नेताहरुले विदेशीको डलर खाएर हिन्दु धर्म बेचेको आरोप लगाएका छन्।रिपोर्टस् क्लबमा बुधबार बोल्दै खड्काले धर्म निरपेक्षता कुनै पनि हालतमा मान्य नहुने र हिन्दु राज्य हुनैपर्ने बताए। उनले आफ्नै पार्टीका सभापति सुशील कोइराला, बरिष्ठ नेता शेरबहादुर देउवा र उपसभापति रामचन्द्र पौडेललाई नाम बदल्न चुनौती दिदै भने, अब किन कोइराला,देउवा र पौडेल राख्नुपर्यो। तपाईहरुले नाम फेरेर अब पिटर, मिटर र टोनी राखे हुन्छ।
उनले भने, 'तिहारमा दिदी बहिनीसँग टिका लगाउने कोइराला र पौडेल, त्यस्तै देउडा नाच्ने देउवाले त्यो काम छाड्नु पर्यो । कम्यूनिष्टहरुले त धर्म मान्दैनन। कांग्रेस पनि त्यही बाटोमा हिड्नु दुर्भाग्य हो। हिन्दु बाबु आमाको कोखबाट जन्मिएर त्यस्तो गर्दा सम्पूर्ण हिन्दुको अपमान हुन्छ ।
खड्काले नेपाल बचाउने सूत्र हिन्दु धर्ममात्रै भएको दाबी गर्दै हिन्दुवादीहरुको जित निश्चित रहेको बताए। खड्काले ९० प्रतिसत नेपाली जनताले हिन्दु राष्ट्र र प्रत्यक्ष निर्वाचित कार्यकारीको पक्षमा सुझाव दिए पनि नेताहरुले त्यसलाई वास्ता नगरेको र आफ्नो निर्णय जबरजस्ती लादेको बताए।
उनले अहिले संविधान गौण र महत्वपूर्ण कुरा राष्ट्र भएको उल्लेख गर्दै भने, भोलीको दिन अझै भयावह हुन्छ । स्वतन्त्र मधेसको आवाज प्रवल भयो भने देश विखण्डन हुन सक्छ । जवरजस्ती संविधान जारी गरेर हुँदैन ।'
खड्काले नेपाललाई एकीकृत गर्न एक महिनासम्म संविधानसभा स्थगित गरेर सबैसँग सल्लाह गरेर संविधान बनाउन सके नेपालकै संविधान हुने स्पष्ट पार्दै सभासदहरुले धमाधम संविधानसभा छाडिरहेको अवस्थामा आफ्नो दुनो सोझ्याउन मात्रै संविधान जारी गरे मुलुकमा द्धन्दमा जाने बताए।
धर्म निरपेक्षताको घोषणा काग्रेस पार्टीभित्र कुनै पनि तहमा छलफल नगरी भएको दावी गर्दै भने, 'अहिलेको केन्द्रीय समितिको बैठकमा बोल्ने सबै सदस्यहरुले हिन्दु राष्ट्रको पक्षमा छन्। अभियानका प्रवक्ता कुमार रेग्मीले नेपालका हिन्दु र बौद्ध तिर्थ स्थलको प्रवर्दन मात्र गर्न सके नेपालको विकास हुने भन्दै नेपालले अरुसँग भिख मागिरहनुको आवश्यकता नरहेको बताए ।
annapurnapost.com
0 comments
Write Down Your Responses