मधेसी नेताको जवाफ– ‘काठमाडौं जाँदैनौं, बरु यहीं गोली खान्छौं’
कपिलवस्तु । काठमाडौंमा प्रमुख तीन दलले संविधानसभाको जारी प्रकृया दुई दिन रोक्ने निर्णय गरेको तीन घण्टा पछि आन्दोलनरत मधेसवादी दलका नेताहरुले वार्तामा नजाने बताएका छन् ।
उनले विगतमा गरिएका ८, १६ र २२ बुँदे कार्यान्वयन नभएसम्म वार्ता नहुने बताए । उनले वार्ताकालागि भन्दै धाएर काठमाडौं जाने फुर्सद आफुहरुलाई नभएको बताउँदै बरु आन्दोलनमै गोली खान तयार रहेको बताए ।
संयुक्त मधेसी मोर्चाले आयोजना गरेको कार्यक्रममा महतोले सक्ने भए मधेसमा आएर वार्ता गर्न चुनौति समेत दिए । कार्यक्रममा संघीय समाजवादीका अध्यक्ष उपेन्द्र यादवले आफुहरुको सर्त पुरा नभएसम्म वार्तामा नजाने बताए ।
तराई मधेस लोकतान्त्रिक पार्टीका अध्यक्ष महन्थ ठाकुरले सरकारले अझै वार्ताको वातावरण नबनाएकाले काठमाडौं नजाने बताए । उनले सरकार मधेसका मुद्दामा उदासीन भएको आरोप समेत लगाए ।
त्यस्तै तराई मधेस सद्भावनाका अध्यक्ष महेन्द्र रायले तीन दलले प्रकृया रोकेको नाटक गरेर आफुहरुको आन्दोलनको अवमुल्यन गरेको बताए । मधेसवादी दलका नेताहरुले मधेसको समस्या समाधानकालागि मधेसमै वार्ता हुनुपर्ने बताएका थिए ।
www.nepalsandesh.com
0 comments
Write Down Your Responses