यस्तो छ प्रधानमन्त्री चयनको प्रक्रिया
काठमाडौँ— व्यवस्थापिका–संसद् सचिवालयले प्रधानमन्त्री चयनसम्बन्धी निर्वाचन तालिका प्रकाशित गरेको छ । संसद्को आजको बैठकमा सभामुख सुवास नेम्वाङले प्रधानमन्त्रीको निर्वाचन सम्बन्धी आवश्यक व्यवस्था मिलाउन दिएको निर्देशनअनुसार नै कार्यतालिका प्रकाशित गरेको हो ।
आज प्रकाशित सुचनाअनुसार भोलि शनिबार ११ बजेदेखि चारबजेसम्म प्रधानमन्त्रीका उम्मेदवारी दर्ता गराउने समयसीमा तोकिएको छ । एक जना प्रस्तावक र समर्थकले समर्थन गरेको प्रस्ताव संसद भवन नयाँ बानेश्वरमा दर्ता गर्नुपर्नेछ । आवेदन दर्ता भएपछि शनिबार ४:३० बजे सचिवालयले दर्ता भएको प्रस्तावको अन्तिम सूची प्रकाशित गर्नेछ ।आइतबार विहान ११ बजे बस्ने संसद् बैठकमा प्रधानमन्त्रीको उम्मेदवारका समर्थक र प्रस्तावकले आ–आफ्नो धारणा राखेपछि मतदान प्रक्रियामा प्रवेश गर्नेछ । राष्ट्रपति डा रामवरण यादवले सहमतिको आधारमा प्रधानमन्त्री चयन गर्न दिएको समयसीमा विहिबार सकिएपछि आजबाट बहुमतीय प्रक्रियाका आधारमा पम चयनको प्रक्रिया अगाडि बढेको हो । प्रधानमन्त्रीमा नेकपा(एमाले)का अध्यक्ष केपी शर्मा ओली मैदानमा ओर्लिइसकेका छन् । नेपाली काँग्रेसको आज बसेको केन्द्रीय कार्य समितिको बैठकले वर्तमान प्रधानमन्त्री सुशील कोइराला, वरिष्ठ नेता शेरबहादुर देउवा र उपसभापति रामचन्द्र पौडेल तीनै जानाले उम्मेदवार बन्ने इच्छा व्यक्त गरेको बताइएको छ । काँग्रेस बैठकमा चर्को विवाद भएपछि तीनै जना प्रधानमन्त्रीको उम्मेदवार बन्ने बताएका हुन् । सुशील कोइराला बोलिरहेको बेला पौडेलले माइक खोसेको बैठकमा सहभागी एक नेताले जानकारी दिए । www.ratopati.com
तपार्इंको प्रतिक्रिया तलको बक्समा लेख्नुस
0 comments
Write Down Your Responses