जीप दुर्घटनामा तीनको मृत्यु
वालिङ: स्याङजाको खिलुङ देउराली गाविस–६ चिउरीखर्कमा आज भएको जीप दुर्घटनामा तीनजनाको ज्यान गएको छ । खिलुङ कालिका मन्दिरको दर्शन गरेर फर्कने क्रममा ग १ ज ५९८५ नम्बरको जीप दुर्घटना भएको हो ।
वडा प्रहरी कार्यालय वालिङका प्रहरी निरीक्षक विजयराज पण्डितका अनुसार दुर्घटनामा ज्यान गुमाउनेमा खिलुङ देउराली–३ का हुमबहादुर रोका, स्वरेक–७ का मनिषा रोका र दार्सिङ दहथुम गाविस–९ का तुल्सी केसी रहेका छन् ।
जीपमा १० जना सवारमध्ये तीनजना सामान्य घाइते भएका छन् । उनीहरुलाई उपचारका लागि जिल्ला अस्पताल लगिएको छ । कच्ची सडकमा ब्रेक फेल भएर उक्त दुर्घटना भएको वडा प्रहरी कार्यालयले जनाएको छ ।
annapurnapost.com
0 comments
Write Down Your Responses