भारतको वीरपुरबाट ५२ जना नेपालीलाई एसएसबीले पक्रियो
सुनसरी, मंसिर २२ । सुनसरीको भन्टाबारी नाका हुँदै भारतको पटना हिँडेका ५२ जना नेपालीलाई मंगलबार भारतको सुपौल जिल्लास्थित वीरपुरबाट भारतीय सीमा सुरक्षा बल (एसएसबी)ले नियन्त्रणमा लिएको छ ।
पक्राउ पर्नेमा ३३ जना पुरुष र १९ जना महिला रहेको सुनसरीका प्रहरी प्रमुख एसपी सञ्जयराज शर्माले जानकारी दिए । पक्राउ परेकाहरु उदयपुर, सप्तरी र रामेछापका रहेका छन् ।
अवैधानिकरुपमा ठूलो संख्यामा महिला र पुरुष भारत प्रवेश गरेको भन्दै उनीहरुलाई एसएसबीले नियन्त्रणमा लिएको बताइएको छ ।
एसएसबीले नेपालीलाई नियन्त्रणमा लिएपछि सुनसरीस्थित सशस्त्रको सीमा सुरक्षा कार्यालयलाई खबर गरेको हो ।
पक्राउ परेका सबैलाई नेपाल ल्याएर परिवारको जिम्मा लगाउने एसपी शर्माले बताएका छन् ।
भरतमा नेपाली पक्राउ परेको कारणबारे केही खुल्न नसकेको प्रहरीले जनाएको छ । imagekhabar
0 comments
Write Down Your Responses