Featured, News » संविधान संशोधनपछि सोमबारदेखि रक्सौल-बीरगञ्ज नाका खोल्न भारतले गर्‍यो यस्तो तयारी

काठमाडौं, १० माघ । नेपालको संसदमा संविधान संशोधनलाई महत्वपूर्ण उपलब्धि मान्दै भारतले यो कदमको स्वागत गरेको छ ।
नयाँ दिल्लीस्थित भारतीय विदेश मन्त्रालयका प्रवक्ता विकास स्वरूपले संविधान संशोधनको कदमलाई सकारात्मक भएको टिप्पणी गरेका छन् ।
भारतीय विदेश मन्त्रालयको आधिकारिक ट्विटर ह्याण्डलमा प्रवक्ता स्वरूपले संविधान संशोधन हुनु सकारात्मक भएको र अन्य मागको बारेमा पनि यस्तै समाधान निस्कने विश्वास व्यक्त गरेका छन् ।
संविधान संशोधनलाई भारतले स्वागत गरेपछि पछिल्लो १२१ दिनदेखि अवरूद्ध रहेको बीरगञ्ज रक्सौल नाका खुल्ने भएको छ । नाका खोल्ने सम्बन्धमा रक्सौल र बीरगञ्जका भन्सार र सुरक्षा अधिकारीबीच आज बैठक बोलाईएको छ ।
मधेशी मोर्चाको अवरोधलाई ध्यानमा राख्दै सुरक्षित आवागमनका लागि बैठक बस्न लागेको बताईएको छ ।
dainiknepal

0 comments

Write Down Your Responses