Featured, News » कांग्रेस नेताले गरे प्रचण्ड सरकारको कडा आलोचना

भक्तपुर, ३२ साउन । नेपाली काँग्रेसका केन्द्रीय सदस्य डा नारायण खड्काले एकै समयमा दुई उपप्रधानमन्त्री भारत र चीनका लागि निम्तो लिएर जानु जायज नभएको बताउनुभएको छ ।
रफत सञ्चार क्लबले आज आयोजना गरेको साक्षात्कार कार्यक्रममा उहाँले यसले गलत सन्देश दिने विचार व्यक्त गर्नुभयो । परराष्ट्रमन्त्री नियुक्त गरी कूटनीतिक तवरले निमन्त्रणा गर्नुपर्नेमा हतार गरेर उपप्रधानमन्त्री पठाउनु गलत भएको बताउँदै उहाँले भन्नुभयो- “भारतका राष्ट्रपतिलाई निम्तो दिन काँग्रेसका उपप्रधानमन्त्री र चीनका राष्ट्रपतिलाई निम्तो दिन माओवादीका उपप्रधानमन्त्री जानु होडबाजी मात्रै भएन, यसले गलत सन्देश समेत दिन्छ ।”
मधेसका जायज मागको सम्बोधन गरेर मधेस समस्याको समाधान खोज्नुपर्नेमा जोड दिँदै उहाँले भूकम्पपीडितलाई छिटो राहत दिन माग गर्नुभयो । रासस
dainiknepal

0 comments

Write Down Your Responses