मोटरसाईकल लाईसेन्स फर्म नखुल्दा जनता मारमा, खोल्न सात दिने अल्टिमेटम
महेन्द्रनगर, ३२ साउन । मोटरसाईकलको चालक अनुमती पत्र (लाईसेन्स) फर्म खोल्नुपर्ने माग अघि सार्दै नेकपा माओवादी निकट अखिल क्रान्तिकारीले महाकाली अञ्चल यातायात व्यवस्था कार्यालयमा सात दिने अल्टिमेटम दिएको छ ।
अखिल क्रान्तिकारी कञ्चनपुरले दुई पाङग्रे सवारी साधन लाईसेन्स नखोलेको एक बर्षभन्दा बढी वितिसक्दा पनि यातायात कार्यालयले लाईसेन्स नखोल्दा सर्वसाधारण जनता मारमा परेकाले सम्बन्धीत निकायको ध्यानाकर्षण गराउनका लागि ज्ञापन पत्र बुझाएको अखिल क्रान्तिकारीका नेता बिरेन्द्र राज विष्टले बताए ।
लाईसेन्स नखोल्दा ट्राफिक प्रहरीले सर्वसाधारणहरुलाई अनावश्यक दुख दिनुका साथै अन्धाधुन्द रकम अशुल्ने गुनासो बढेपछि क्रान्तिकारीले लाईसेन्स खोल्नका लागि पहल कदम चालेको उनको भनाई छ ।
नेता विष्टले यातायातका कर्मचारीहरुबीच कमिसनमा विवाद भएपछि लाईसेन्स खोल्न आलटाल गरिएको आरोप लगाए ।
अखिल क्रान्तिकारीका सचिवालय सदस्य चन्द्रकान्त भट्टले सर्वसाधारणहरुको आवश्यतालाई मध्यनजर गर्दै लाईसेन्स खोल्नुपर्नेमा जोडदिएका छन् । यातायात कार्यालय घुसखेरी र तस्करीको अड्डा भएको दावि गर्दै घुस खान नपाएकै कारण लाईसेन्स नखोलिएको हो की ? भनेर प्रशन समेत गरेका छन् । नेता भट्टले बर्षदिन सम्म पनि लाईसेन्स नखोल्नु दुखत भएको बताउदै, यातायात कार्यालयको कमजोरीका कारण सर्वसाधारण ट्राफिकबाट प्रतारित भएको उनको विश्लेषण छ ।
ज्ञापन पत्र बुझाउदै अखिल क्रान्तिकारीका अर्का सचिवालय सदस्य नवराज ऐरले यातायात कार्यालयको आन्तरिक संरचना नमिलेका कारणले लाईसेन्स नखोलेको हुनसक्ने भन्दै सर्वप्रथम आन्तरिक कर्मचारी संरचना तयारी अवस्थामा राख्नुपर्नेमा जोडदिएका छन् । ‘लाईसेन्सका लागि आर्थिक बागिनिङ्ग नमिल्दा लामो समयसम्म लाइसेन्स नखोलको हो ।’ उनले भने ‘तपाईहरुका कारण आज जनता मारमा परेका छन् ।’ हरेक लाईसेन्समा घुस, कमिसन खान पल्केका कर्मचारीहरुले घुस खान नपाउने डरले लाईसेन्स नखोलेको उनको आरोप छ । अखिल क्रान्तिकारीले कार्यालय प्रमुख सित ज्ञापन पत्र बारे आफ्नो कर्मचारीहरुसित समन्वय गरेर र जनताको आवश्यकता बारे ध्यान दिन समेत आग्रह गरेको छ ।
क्रान्तिकारीले विचमा विदा घटाए सात दिने अल्टिमेटन दिएको समेत जनाएको छ । क्रान्तिकारीको माग जनताको प्रत्यक्ष सरोकारसंग जोडिएको विषय भएका कारण यसमा वेवास्ता गरेर जस्तोसुकै आन्दोलन थाल्ने चेतावनी समेत दिएका छन् । महाकाली अञ्चल यातायात व्यवस्था कार्यालय महेन्द्रनगरका प्रमुख खेम प्रशाद चौधरीले हाल हेभी र मिनीको ट्रायल भईरहेका कारण सात दिन भित्रै खोल्न नसकिने बताए । त्यसपछि तालिकमा रहेको जिपकार पछि सारेर भएपनि मोटरसाईलकको लाईसेन्स खोल्न सकिने बताएका छन् ।
मोटो रकम घुस खान नपाएका कारण मोटरसाईलको लाईसेन्स नखोलेको हो ? भन्ने प्रशनमा प्रमुख चौधरीले आफु यस कार्यालयमा आएपछि घुस, कमिसन अन्त्य गरेको प्रतिक्रिया दिए । घुस कमिसनको कुरा सत प्रतिशत झुट्टा भएको उनको दावि छ । कुनै कर्मचारी या विचौलियाले सेवाग्राहीबाट पैशा लिएर लाईसेन्स बनाउन प्रलोभनमा पारेका घटना पाए कार्बाही गरिने समेत उनले चेतावनी दिए ।
यस्तै आफु एक्कैले चाहेर पनि लाईसेन्स खोल्न नसकेको उनको भनाई छ । आन्तरिक कर्मचारी विच बोलचाल बन्द भएको बारे प्रशन गर्दा उनले भने –‘मेरो तर्फबाट सबै कर्मचारीसित राम्रै छ, अरुका तर्फबाट उनीहरु नै जानुन् ।’ गत बर्ष साउन–भदौँमा मोटरसाईकलको लाईसेन्स खोलिएको थियो । लाईसेन्स बनाईदिने भन्दै सेवाग्राहीबाट यातायातका कर्मचारीहरुले घुस लिएपछि अख्तियारले रङ्गेहात कर्मचारी पक्राउ परेपछि यातायातका कर्मचारीहरुले घुस खान अख्तियारको अंकुस लागेको भन्दै नखोलेको हुनसक्ने सेवाग्राहीको विश्लेषण छ । सर्वसाधारणहरुले समेत लाईसेन्स खोल्न चौतर्फि रुपमा माग बढाएका छन् ।
केही महिना पहिले काँग्रेस निकट नेपाल विद्यार्थी संघले पनि लाईसेन्स खोल्नुपर्ने माग अघि सारेर यातायातमा ज्ञापन पत्र बुझाएका थिए ।
dainiknepal
0 comments
Write Down Your Responses