नयाँ संविधानको घोषणा असोज ३ गते पाँच बजे, राष्ट्रपतिलाई आजै निम्ता
काठमाडौं : नयाँ संविधानको घोषणा असोज ३ गते अपरान्ह पाँच बजे हुने भएको छ। संविधान घोषणाको दिन र समय निर्धारण गरेपछि घोषणा समारोहमा सहभागी हुनका लागि निम्ता दिन आजै बेलुका सात बजे संविधानसभा अध्यक्ष सुवास नेम्वाङ र महासचिव मनोहर भट्टराई शितलनिवास जाँदैछन् ।
संविधानसभा भवन नयाँ बानेश्वरमा विशेष राष्ट्रिय समारोह गरेर संविधान घोषणा गर्ने तयारी छ। संविधान घोषणा समारोहको व्यवस्थापनका लागि आन्तरिक गृहकार्य तथा तयारी संविधानसभा सचिवालयले सुरु गरिसकेको छ । विशिष्ट पाहुनाहरुलाई निमन्त्रणा गर्ने क्रम सुरु भइसकेको छ । त्यसदिन सार्वजनिक विदा दिएर घरघरमा दिपावली मनाउने निर्णय सरकारले गर्दैछ ।
नयाँ संविधानको विधेयकमाथिको मतदानको प्रक्रिया सकाएपछि असोज ३ गते संविधान जारी र घोषणा हुनेछ । अहिले संविधानसभामा संविधानका धाराहरुमाथि मतदान भइरहेको छ।
annapurnapost.com
0 comments
Write Down Your Responses