पिङबाट लडेर बालिकाको मृत्यु
मलेखु (धादिङ) : धादिङ सदरमुकामस्थित सुगम टोलमा बुधबार पिङबाट लडेर एक बालिकाको मृत्यु भयो ।
जिल्ला प्रहरी कार्यालयका अनुसार नीलकण्ठ नगरपालिका-३ सुगमटोलमा पिङमा खेल्दै गरेकी नौ वर्षीया सरिता तामाङ लडेर घाइते भएकी थिइन् ।
उनको उपचारका लागि काठमाडौँ लैजाँदै गर्दा बीच बाटोमै मृत्यु भएको हो । सरितालार्इ उनकी आमाले पिङमा चढाइदिएकी थिइन् ।
मृतकका बुबा वैदेशिक रोजगारीमा गएका छन् । बालिकाको मृत्युपछि उनको घर शोकमा डुबेको छ । रासस
.annapurnapost.com
0 comments
Write Down Your Responses